Yuyu Sushi

Open Now

Now Closed

估唔倒起星期六，這間yuyu 日本餐廳都有set lunch, 仲要係唔洗$100，免加一就有一個幾豐富的sushi + 烏冬的定食套餐，仲有埋湯+沙律！壽司有5件，蝦好新鮮。湯好多豆腐，幾好飲。烏冬比較細碗，可能我們哎壽司+烏冬餐才是細碗，鄰台的剩烏冬餐會大碗D， 豚肉烏冬ok。不過覺得朋友哎的天婦羅烏冬比較出色！天婦羅的炸皮做得幾好，咬落脆而不厚，蕃薯天婦羅好甜！總括來講唔錯，好似哎壽司紙4碟會有8折，下次再來試。

今日有人接放工，去左公司附近食日本野！蜜桃梳打巨峰梳打飲品要影相！ 蜜桃梳打有蜜桃可以食比巨峰梳打甜，兩者都好似係啲果jam 既野溝梳打而成...叫左幾款壽司，都幾新鮮既，特別喜歡凡立貝雞軟骨明太子燒雞翼薄燒鰻魚雞軟骨正常、雞翼偏咸、鰻魚幾厚身，燒得都幾juicy牛肉喬麥麵先飲啖湯先，熱辣辣好清甜，牛肉都幾薄，喬麥麵爽口滑漏，就算好飽都想繼續食！燒牛舌最有驚喜既燒物，火力岩岩好，厚身既牛舌食起上黎易入口，有咬口得黎好juicy! 配埋芥末醬，一流店鋪裝修簡約，坐得好舒服！

返工喺附近，經過見到就諗住試吓佢，食個lunch魚生飯魚生好少，配白飯，返好多，最後食唔晒，不過喺香港地都係正常嘅，朋友嗰碟壽司好似好味好多，價錢來講算貴，一個咁嘅飯要$100 ，不了⋯

因為唔多人，所以侍應安排4坐位俾我同孖吉爸入座，好寬敞。然後侍應就sell 下今期當造嘅魚，可兩食。但係我地都冇乜興趣所以唔揀。侍應之後都交代串燒同壽司order各4件以上都有8折，所以我地見都幾抵就落單串燒同壽司。黑豚腩肉串($36 有8折, 折左$29)燒晒D肥肉，所以一點都唔肥膩，好味牛肋串($28有8折, 折左$22)雖然依個平平地，但係有驚喜，好林，配合埋佢俾我地自己落嘅燒烤粉就更有BBQ風味。牛舌串($45有8折, 折左$36)唔嚡又有咬口，好食。明太子釀雞翼($24有8折, 折左$19)依個相比就比較普通，雞翼比較細隻壽司左邊：芥辣八爪魚沙律軍艦($24有8折, 折左$19)左三邊：鰻魚壽司($36有8折, 折左$29)另外個２邊我都唔知邊舊係真鯛($36有8折, 折左$29)邊舊係深海池魚壽司($44有8折, 折左$35)芥辣八爪魚沙律軍艦：冇芥辣味，麻麻鰻魚壽司：好厚，但有細骨真鯛/深海池魚壽司 ：正常另外，我地叫左一客特上刺身六點盛($368)有三文魚腩牡丹蝦赤貝油甘魚腩海膽中吞拿魚腩其實款款都好肥美同新鮮，唯獨中吞拿魚腩未解凍好（雖然侍應都一早溫馨提示左）但我地隔

喺長沙灣搵野食，見到呢間好似唔錯，即刻試下😋▪️三文魚腩壽司 $26 腩位比魚身的油份高，質地亦較軟。▪️甜蝦壽司 $38 比一般的甜蝦粗身，蝦味濃，滿足度高。▪️油甘魚腩壽司 $38 魚肉新鮮肥美，味道甘香▪️炙鰈魚邊壽司 $36 鰈魚即右口魚，質感其實和左口魚(比目魚)類近，油脂香味濃郁。可惜壽司飯煮得太濕，成為了最大敗筆🙈 。Yuyu什錦魚生丼定食 $118份量不算少，刺身種類多亦鮮甜美味。壽司飯含少量飯素，增加味道，可惜同樣是煮得太濕。略嫌魚生中混合大量酸蘿蔔及青瓜😅蒲燒鰻魚玉子丼定食 $118賣相不俗，鰻魚份量不算少。玉子不是一般所認為那硬身且帶甜的日式玉子，而是滑蛋，雖然個人較喜歡日式玉子，但滑蛋配鰻魚頗合適。隨定食附有前菜(茄子) 味噌湯及茶碗蒸/雪糕。廚師在茄子皮上劃了刀痕，令茄子皮不會過韌及入味👍🏼可惜茶碗蒸欠缺了鰹魚汁令味道較單調。

Yuyu sushi算係長沙灣比較高級嘅日本餐廳。刺身併盤尚算新鮮，有帶子、油甘魚、甘蝦等，整體都爽口，$250幾蚊。小朋友想食烏冬，叫左一個$48既牛肉烏冬，烏冬係稻庭烏冬，但份量偏少，只夠小童一人食，牛肉一般，係街市凍肉舖果種。壽司同串燒4件以上8折，依個就比較扺，千島醬炙三文魚壽司味道幾好，加左少少蕃茄幾開胃。鵝肝壽司一般，用炸粉包住鵝肝醬，質感有d奇怪。吞拿魚軍艦就正正常常，冇咩特別。玉子壽司都唔算太乾嘅，小朋友都有食晒。順帶一提，餐廳嘅服務幾好，小朋友你都有即刻比兒童餐具，侍應好似街坊咁關心小朋友。

服務員態度差 食物質素與價格成反比 特別是咖喱 一食就知道有大量味精 沒有咖哩味 明明有枱都吾汁比客人坐 可見員工人手完全不足 出餐時間長 而且上菜次序出錯 明明係前菜但最後先出 差

今日行完荔枝角D2，之後要去深水埗買嘢，所以慢慢行去經過長沙灣嘅時候，留意到呢度多咗幾間食肆，鍾意食日本嘢嘅我，就諗住坐低食完先去深水埗喇！睇餐牌都幾多選擇，但我同朋友都唔係話好肚餓所以我哋就帶叫咗兩份食物share先來一個鯛魚湯烏冬，鯛魚湯底好鮮甜，除咗烏冬之外去了亦都好簡單有冬菇同椰菜，烏冬入口好滑，口感非常好！另外我哋在叫咗一個壽喜燒，牛肉嘅份量都有幾多，而且亦都好有牛肉味，去買雞蛋入口真係好滑，煲入面仲有金菇椰菜紅蘿蔔，份量都足夠兩個女仔食嘅！我哋決定下次再嚟試佢啲壽司！

.間唔中素食下 但又唔多素食餐廳 但原來好多餐廳都有素食menu 呢間係其中一間.1. 野菌雜菜湯蕎麥麵 $58係個午市套餐 包麵豉湯同沙律勁多菜同野菌: 有冬菇 荀 紅蘿蔔 粟米仔 娃娃菜等 而且份量都多 食落去已經好飽而且蕎麥麵卡路里比較低 成個餐都好健康 2. 五目腐皮壽司 $17入面唔係淨係得白飯 仲會有啲蔬菜粒 食落好有口感 腐皮甜甜地3. 柚子乳酸梳打夏日炎炎 飲番杯梳打 透心涼 佢嗰個乳酸唔係益力多 冇咁甜 加埋柚子 好refresh 值得加錢一試

今晚約左朋友交收，本來打算一齊食埋晚飯，點知佢臨時有事，咁我唯有自己食啦！喺佢屋企附近有個商場，裡面都有幾間食巿，我首選係日本料理，於是就揀左呢間入去試試！環境都幾大幾闊，加上我又比較早去到，所以餐廳暫時冇乜人，但差不多到晚上七點嘅時候，客人就慢慢多喇！因為得我一個人食嘅關係，所以我叫左一個晚巿定食三文魚海膽親子丼，定食裏面包左一個茶蒸碗同埋麵豉湯，茶蒸碗整得好滑好好味，親子丼上枱嘅時候都幾夠份量，海膽好鮮甜，三文魚同魚子都好新鮮，值得推介！另外我再叫多一碟支豆，補返一餐嘅菜，味道都係正常嘅唔會太咸！ 下次要再捉埋個朋友一齊嚟再試，咁就可以再試多啲款式喇！

同夫君在深水埗購物後不想在附近食飯，一來怕多人，二來想試試新野😉 ！Search 到長沙灣這家日式料理，看來頗乾淨企理，便決定去check check佢🧐！位置不算難找，位於屋苑商場內，內𥚃環境非常寬敞，燈光柔和，裝修甚有日式風味。而且設有開放式廚房可觀嘗師傅新鮮製作壽司🍣！看到外面的banner 原來在做promotion，只要惠顧4客壽司/串燒🍢就有8折優惠！因怕串燒太熱氣，所以我們專攻壽司再另加烏冬🍲及卷物！有大量壽司提供，花多眼亂，我們點了以下壽司🍣- 三文魚腩、珍寶帆立貝、赤蝦、吞拿魚大楠、芥辣八爪魚沙律軍艦、三文魚籽軍艦及海膽軍艦！全部壽司都真材實料，好新鮮，非常鮮甜！但略嫌飯裡醋的比例較多。包子最推介吞拿魚大楠壽司，比起外面一般收$70-80一件，這𥚃只需要$48/1件，質素不錯，入口即溶，值得一試👍🏻！牛油果炸軟殼蟹卷 - 有4大件，軟殼蟹🦀炸得香脆！冷稻庭烏冬 - 烏冬🍲非常爽口彈牙，而且份量足夠，足足有2個麵餅！沾進加入蔥花及薑蓉的冰冷的醬汁內享用，正！⁉️原來promotion 是需要惠顧壽司及串燒各4串才能有8折，留意番😅！雖然沒有優惠，埋單也是$200左右一人，

長沙灣開得愈來愈多日本餐廳，今日就試下呢間Yuyu sushi，午市都幾多人，等左五分鐘就有位啦。入到去環境幾大錯，燈光設計令人舒服，坐得幾舒服。午市有頗多定食嘅選擇，今日選擇左天婦羅湯蕎麥麵午市定食。前菜有沙律同味噌湯包埋落定食度。沙律落嘅係胡麻醬，雜菜亦好新鮮，不錯。味噌湯正常，無咩特別。主菜有天婦羅蕎麥麵嘅湯底愈清淡，有絲絲鰹魚香味蕎麥麵亦不錯。天婦羅方面食得岀係即炸，熱辣辣！材料包括蝦，茄子🍆，南瓜🎃同蕃薯🍠，蝦有兩隻，點埋附上嘅汁，味道清淡而特別。另外，店員都好有禮貌，提提大家呢度仲要唔收加一，抵食！

今日去咗呢間日式小店食午餐。一入到去感覺好舒服，座位之間好寛倘，空間很足夠，燈光柔和，而且佈置得很日式，彷彿身在日本。食物方面，欣賞呢間餐廳嘅原因，係星期六日都有午餐，很多餐廳為咗賺多啲，原來星期一至五都有嘅午餐，星期六日就變左無。要求你正價食。所以我幾鍾意呢度都有套餐選擇，而且款式又多。我哋叫咗一個日式咖喱唐揚炸雞，一個壽司餐配黑豚肉湯蕎麥面，兩個餐都跟沙律，味增湯。唐揚咖喱炸雞飯，炸雞很香脆，惹味，非常好吃！而且咖喱汁亦很醒神，雞塊很多！另外壽司餐方面，壽司非常出色，魚生很新鮮，壽司飯係溫暖的，份量不少剛剛好，黑豚肉湯蕎麥面，豚肉亦非常嫩滑。服務方面，很欣賞侍應嬸嬸很熱情，而且細心，當見到我哋開唔到味增湯嘅蓋都過嚟幫我地開，實在好細心！價錢方面，兩個人埋單大概100多元，很抵食！平均50至60有一個set lunch，係星期六日來講算好抵！

位於長沙灣喜薈商場既日式餐廳，餐廳環境優美，仲會不停播放柔和既音樂。我地點左三文魚，三文魚腩，鰻魚同魷魚壽司。全部都好新鮮靚仔，鰻魚好厚好大塊。串燒等左好耐下，但好值得，燒得好有質素。蒲燒鰻魚: 鰻魚好厚,燒得外脆內滑。安格斯牛肉串: 入口鮮嫩,少少鹹鹹地既口感,重牛肉味。雞腎串: 不過不失。雞中翼串: 外皮燒得香脆可口。牛肉壽喜鍋:銅入面有雜菜,香菇,豆腐,粉絲和半生熟牛肉片。再附上一個生雞蛋。配上搞亂既蛋漿吃用，蛋漿令牛肉口感更香滑。

真係估唔到長沙灣都有1間隱世小店d日式料理咁好食!今次真係好有飽福!每次見到壽司我都忍唔住流哂口水,今次亦唔例外!聽個朋友講呢到d料理好好名而且買夠4件壽司或者串燒就8折優惠!我當然唔會放過呢個機會啦!我分別嗌左唔同壽司包括三文魚,油甘魚,珍寶帆立貝,活赤貝,火炙鰈魚邊呢d都係我全部既最愛!色澤分明,飯粒軟熟,非常新鮮,串燒就嗌左牛舌串,安格斯牛肉串,黑豚腩肉串,活鰻白燒,牛舌同安格斯牛肉亦都食落有咬口,牛味好濃!燒得幾香,黑豚有少少咸,但都ok 主要真係燒得外皮好香脆!好食!鰻魚係最有驚喜!有少少酸既調味料!好特別!呢個一定要試!最後加左個yuyu黃金卷(芝士炸蝦) 好抵食!份量多芝士味都好食!呢間一定要會返黎!!!