Yuyu Sushi

Open Now

Now Closed

價錢親民CP值又高的魚魚壽司店工作的原因經過長沙灣區,發現此區新開了一個新型小商場,入面的餐廳和健身室又好新淨,價錢親民環境又幾好,就決定入去食午餐~在等待壽司的時候,其實會見到壽司師傅即場手握壽司,而入面還有比較大型的綠化空間可供包場使用,都幾好~另外最近都仲有做特別優惠,所以吸引到不少年輕人及家庭消費~特上壽司定食 (味增湯及沙律)吞拿魚中腩/海膽/鰻魚/鯛魚/帆立貝/油甘魚/三文魚/甘蝦/魷魚/青瓜卷壽司壽司5件配天婦羅烏冬 (味增湯及沙律)帆立貝/油甘魚/三文魚/白魚/魷魚壽司串燒:美國牛肋串及廣島炸蠔最後叫了兩樣小食,店主介紹美國牛肋串,即叫即燒,等了15分鐘,但確實好有牛味又大串,而廣島炸蠔沒有腥味好鬆脆!Yuyu Sushi 長沙灣青山道399號喜薈商場1樓2號舖#Yuyusushi #長沙灣 #喜薈 #串燒 #sushi #價錢親民 #CP值 #牛肋串 #廣島炸蠔 #定食 #吞拿魚 #海膽 #鰻魚 #鯛魚 #帆立貝 #味增湯 #天婦羅 #烏冬 #魷魚 #三文魚 #手握壽司 #綠化 #sunday #日本菜 #japanesefood 

長沙灣開咗啲新嘅壽司店，所以就去試吓，一入座覺得係坐得好舒服，就算唔係卡位，普通座位嘅都係寬敞，燈光好柔和，店員話嗌四客壽司有八折，所以就試吓壽司。壽司分別叫咗松葉蟹腳壽司，帆立貝壽司，岩蠔壽司， 大蔥吞拿魚軍艦。壽司每客有兩件，兩個人食亦足夠，壽司飯大小適中，而且即叫即握，上枱後依然結實，夾起亦不易散。松葉蟹腳大大條上，而且已經剝好殼，咬落淡淡肉，蟹肉軟諗有鮮味，而且飽滿水份。佢已經幫我剪好剩餘嘅殼，食咗大部份嘅肉之後可以自己滅返出嚟食。帆立貝大大件，非常飽滿有光澤，肉質鮮甜爽口，整粒放入口更有滿定感。岩蠔體形巨大，濃厚肥美，美道鮮甜，咬開更發現水份充足，好水潤。大蔥吞拿魚軍艦上面放有大量吞拿魚蓉，咬開有大蔥的香味，隨之而來就係吞拿魚中富天然魚油脂的甘香，入口即溶，味道濃郁，建議最後才享用。芝士鰻魚卷一客有四件，大小適中，鰻魚十分香口，味道啱啱好，魚味濃郁，芝士亦唔會太咸太膩，芝士與鰻魚的配合下亦令人滿足，除咗爽脆嘅青瓜絲之外，仲有卜卜脆，一口咬下去可以品嚐到豐富的口感。炸軟殼蟹沙律，表面有脆漿口感，炸得十分香脆，同時不油不膩，咬開亦有啖啖蟹肉，金金黃黃脆卜卜，而且炸漿非常薄，非常惹

商場人流不多，但想不到有着一間有性價比的高質素日本菜餐廳呢！餐廳門口放着大大的餐牌，選擇不少，特價推廣包含有主食、前菜、味噌湯和檸檬紅茶。手握壽司每四客有八折優惠，加上午市免加一，價錢親民，性價比很高呢～餐廳空間感十足，有卡位座位，坐位舒適，而吧檯位置的牆身設計很美呢！可以看到師傅在製作食物。入座後，職員先奉上熱茶，職員有禮貌，十分友善啊！看到職員會和客人交流食物質素和味道，感覺很有心經營呢～我好奇走進了餐廳前方的位置，看見有較為隱蔽的坐位，坐位後是落地玻璃窗，外面有個小花園。職員介紹原來是提供給較多人數的客人訂座，這裏感覺開揚，但又帶點私隱度，有興趣可以向餐廳查詢啊！我們二人各點了一個定食，兩款都附送前菜及味噌湯前菜是沙律🥗，有青瓜、粟米和車厘茄，配上日式麻醬，味道清新。而味噌湯充滿香濃的麵豉味，內裡有豆腐和海帶。♡海膽炙三文魚親子丼$175 🥢必點🥢附送前菜及味噌湯賣相十分吸引啊！😍整個丼飯都放滿經炙過的三文魚，炙三文魚很大塊，是厚切的，而且紋理明顯，口感味道一流呢👍而海膽鮮甜又creamy😋好吃啊！內裡還有些大大粒的三文魚籽，咬下去有濃郁的咸香味。♡特上壽司定食$195 🥢必點🥢

長沙灣覓食🤓今次試試細商場入面既日本餐廳🍴·🐖日本黑豚肉生薑燒丼（$105）跟餐包前菜、味噌湯及茶碗蒸.價錢合理，係我見過最多蔬菜既豚肉丼飯😆不過味道就麻麻地，好多醬汁..鍾意汁撈飯既人應該會岩食d~·🐂牛肉壽喜鍋（$148）久唔久都會好想食壽喜燒.呢度既原來係唔跟飯😂不過牛肉量幾多，食完夠哂飽！味道中規中矩，唔會過咸/過甜· 📍Yuyu sushi長沙灣青山道399號喜薈商場1樓2號鋪

餐廳環境都ok幾寬敞，我哋一班人去食飯都有足夠空間。不過食物質素就覺得有待改善。午市定食🐂 網燒安格斯肉眼扒➰ $135本人嗰份肉眼扒全份都係肥膏，一啲肉都冇，所以食完好油好滯。而朋友嗰份就有肉，不過就好靭。唯一欣賞嘅位係肉眼扒嘅汁，好夠味，送飯一流。🐟味噌燒三文魚扒➰ $95燒得唔夠香口🥚茶碗蒸➰ $10雖然我自己好鍾意食茶碗蒸，但係今次呢間嘅茶碗蒸冇咩味，入面嘅材料亦唔鮮甜，連菇都冇菇味。總結，價錢同質素唔成正比，所以有啲失望。

Lunch 同同事走遠少少食飯，黎到唔洗等位就入得。入到去發覺間餐廳都幾大，空間感夠，枱同枱都有足夠距離，感覺舒服。我地一人叫一個定食，我就叫左yuyu 雜錦魚生丼，跟餐有沙律同味噌湯，同事叫左魚生壽司5 件+ 牛肉蕎麥麵。上菜速度都快，5分鐘多啲就上前菜。Yuyu 什錦魚生丼先講我嘅魚生丼，都幾足料，乜都有，帶子、三文魚、吞拿魚、油甘魚、甜蝦、三文魚籽，仲有啲青瓜粒。刺身新鮮，值得一提，三文魚、吞拿魚、油甘魚都食唔到筋，有時出面食刺身食到有筋會幾尼hea，一係咬唔到要吐番出黎，一係就照吞落肚…壽司+蕎麥麵至於同事叫嘅魚生壽司配蕎麥麵，睇落去啲壽司細件… 目測只係比爭鮮果啲大小小，賣相唔吸引，蕎麥麵不過不失，一樣跟沙律同味噌湯。整體黎講，呢間日本餐廳食物不過不失，價錢稍貴，冇咩驚喜，食過翻尋味指數2 粒星

今日嚟開呢邊返工，同事話想食日本嘢，帶咗我嚟呢度食～見lunch set唔洗加一，都好似幾抵～餐廳空間幾大，枱同枱中間唔會好迫👍🏻我叫咗個YuYu什錦魚生丼 ($98)呢個餐包咗麵豉湯同埋沙律～個魚生飯都算幾豐富，有三文魚、油甘魚、八爪魚、帶子、甜蝦同埋三文魚籽😻我覺得八爪魚幾好食，唔韌仲幾有鮮味😚其他魚生就正正常常🤔個飯仲有青瓜，都幾fresh～不過我覺得個醋飯有啲太酸，有少少搶咗啲魚生鮮味🙈我覺得喺呢個地區，呢個價位可能相對貴咗少少～或者好似我其他同事叫5件壽司加烏冬好似抵食啲😆

在長沙灣工作的朋友都知道，在長沙灣有好多日本餐廳，其中一間有質素的，這一間值得推介。叫我喜歡的魚生飯，看上去好像很少魚生，食吓食吓，覺飽但仍未吃完。魚生新鮮，厚身，沒有一點魚腥味。朋友叫的五成熟牛扒剛好。鰻魚有點脆口，但看上去厚實。整個用餐時間滿意，如果有時間給我盛盛水就滿分💯了。

想食壽司刺身日本菜，點知金鮨星期日無開。諗左好耐邊度有得食。最後上OpenRice 睇下就試左呢間！壽司：三文魚- 正常炙燒帶子-中下，乾左啲。難食過元x赤貝-一般軟殼蟹手卷-正常甜蝦-最正常海膽- 👎馬糞海膽？定真係💩。食完個口成陣味仲要百幾蚊2件。。。鵝肝- 用左沙黎整？鞋口😵刺身:魷魚-正常蝦-一般串燒: 1個字，咸。比多個字佢，乾個wasabi 無wasabi味。。。我諗唔會再食呢間第二次啦😑

每次經過見到這間日本餐廳裝潢很有格調，總會忍不住想去吃，加上經常有優惠，這天去朋友家玩順便去試菜。餐牌有頗多選擇，由於太肚餓所以集中叫壽司，基本上壽司外型很精美，刺身部分都夠新鮮，而且飯粒用上珍珠米，所以每口都有飯的甜香，就算最平的壽司款色都很好吃！！燒物方面我就覺得比壽司遜色，不算特別好吃，但普普通通，而且偏油，雞軟骨不夠咬口，但牛舌是可以encore的。整體而言我覺得這裡坐得舒適的，食物也ok，如果你像我一樣特別喜歡吃壽司的話，絕對可以來～

夜晚嚟到長沙灣食好西，喺商場2樓搵咗一間外表相當唔錯嘅日本餐廳，而家仲做緊點四碟壽司以上8折，於是入去一試究極環境非常乾淨，燈光偏暗，類似居酒居嘅裝修，幾有日本特色，令人坐得舒服。壽司方面：帶子壽司- 帶子略嫌唔夠鮮味，而且個size偏細赤蝦壽司- 赤蝦唔錯，好新鮮味，都算大隻，蝦頭仲有蝦膏，非常好味牛油果玉子壽司- 玉子幾厚身，牛油果新鮮，係一個非常好嘅配搭卷物：牛油果軟殻蟹卷軟殼蟹炸得香脆，而且都有蟹味；表面用牛油果包住，食落非常match ，想一食再食定食：三色魚生丼有帶子、三文魚、拖羅、甜蝦，帶子略嫌唔夠新鮮，三文魚唔錯，幾夠新鮮，只係略嫌唔算大塊，食得唔夠過癮。拖羅就不過不失，但食落無了那份吞那魚嘅回香。另外飯係用日本米，口感非常好，但份量係偏少，所以一個人食就啱啱好

勁勁勁耐冇出街食見疫情冇咁嚴峻就出去食晚飯本身諗住去大丈夫未夠7點去再都要等位就轉場同事lunch成日都係呢間食大力推介我黎咁就黎試下喇～唔駛等位兼兩個人俾大卡位我地坐～正壽司同串燒都做梗優惠～4客8折我地壽司同串燒各叫左4客再加個set dinner叫左個魚生飯Set dinner有前菜同甜品送甜品仲有幾款你揀～我地揀左雪糕～雪糕都有幾隻味揀～我地揀左珍珠奶茶味個沙律前菜酸酸地幾開胃手握壽司ok但珍寶帆立貝勁細～明顯係一開四～好失望鵝肝唔好食～勁奇怪～有陣軟殼蟹味～唔知係咪因為炸過舊鵝肝黎而之前炸過軟殼蟹串燒都幾出色～略嫌偏咸Set dinner個魚生飯就普普通通野食份量比較細食完唔夠飽後加左個牛肉烏冬埋單$446我地唔記得左有甜品～侍應又冇提我地～埋左單臨走先記得最尾食埋個珍珠奶茶雪糕先走球雪糕仲細過乒乓波～我唔記得左影相但味道真係好珍珠奶茶～仲有珍珠係入面～都幾得意😎

2019年10月18日下午2:55見Openrice評分都唔低，第一次去呢間鋪頭試下，見佢寫住營業至下午3:30，咪入去問重有無得食，佢地都提我地3:30前要離開，我同朋友表示無問題！ 但有一個年輕少少既女店員即表示不滿眼神及態度。咁算啦，叫野食，叫左個咖喱吉列豬扒飯，同埋牛肉湯烏冬，套餐配麵豉湯同沙律，整體嘢食唔差嘅，跟住我朋友同一個年長既女店員拎一杯冰，但隔一段時間都仲未到，所以同年輕女店員問一聲，點知女店員以極惡劣態度配上黑口黑面大聲回應：「我同事攞緊俾你囉，等陣啦」，只係輕輕問一聲，唔知係咪我地太遲入黎，阻到佢收工，所以對我地發脾氣，整餐飯即刻冇咗心情，俾錢買難受，以後都唔會再幫襯！ 如果你3:30準時要走，你鋪頭寫 12:00-3:00啦，你地又要寫12:00-3:30，我2:55入嚟，3:20已經食完走左，你都仲有10分鐘做清潔啦，再唔係咁巴閉只做12pm-1pm，咁就包保無人阻你收工咖喱吉列豬扒飯，賣相唔錯，飯軟林，豬扒炸得幾脆。牛肉湯烏冬份量都唔少，湯鮮甜

早排有兩位30來歲的客戶代表，他們都是男士，其中一位曾經留學日本，說得一口流利的日文和識寫日文，佢公司喺附近租左一間舖位，因為工作關係發現了這一間有日本人開的日本餐廳，佢話個老闆對裝修認真到可以花了五個月去裝修，出品仲好得，所以我今晚終於約到一位女朋友仔同我來食晚飯試一試，我們點了：1. 網池魚一條（可以選擇三個食法其中之一個、魚生、汁煮、鹽燒），$180，我地點左魚生，侍應生話唔使用青芥辣點的，只給我們日本豉油、蔥花和薑蓉點，果然食落非常之鮮美！2. 串燒牛舌 - $45，雖然切出來的形狀沒有日本人俱樂部的做得那麼完美，但是味道也做得好。3. 串燒牛肋 - $28，勁好味！新鮮牛肉味濃 4. 串燒活鰻 - $48，白鱔本身生買都很昂貴，白線的肉很新鮮，味道好正！5. 串燒雞中翼 - $28，好食，好香！原來叫串燒四款可以有八折6. 鯛魚湯 - $76（兩碗）呢個反而一般，不夠鮮美！7. 牛肉壽喜燒 sukiyaki - $138，好多料，好多牛肉，啲牛肉好味得來係瘦嘅！唔會太咸，食落唔似係用超市樽裝的那種汁來煮的。8. 三文魚頭味增煮 - $88，雖然有味增，幸好好味得來不會太鹹，三

今日途徑長沙灣，心血來潮想吃日本菜，馬上打開OpenRice 搜尋一下，撇除連鎖店後 選擇不多，看見這間食評不錯 ，確定去這裡踩下場(≧▽≦)當天大概晚上六時多，場內客人不多 不用排隊，門前有個紙牌 寫著8折優惠，我們兩大一小 被安排坐到卡位，場內裝修 簡潔 帶點高尚日本風格，坐位舒適 枱面亦很闊落 ，店員有禮遞上餐牌 ，並且介紹是日推廣 池魚刺身，最後我們點了 串燒 壽司 及 天婦羅，天婦羅同串燒可以不用多點，壽司 幾好，8折後 埋單 八百幾，另送一張$50現金卷，性格比不足 不過在區內算是不錯之選，應該⋯會再光顧 下次試下其他 再報告 謝謝～個人建議可改善地方1.串燒唔夠熱2.珍寶凡立貝過份取巧3.兒童餐具 膠叉損毀嚴重4.流程不暢順，可考慮加入一些智能科技幫手，避面過程中落錯單出錯菜。