座銀

Open Now

Now Closed

📍中環必食🍜雞白湯拉麵🍜💰: 148😋: ⭐️⭐️⭐️⭐️一入到餐廳店員會好貼心問要熱茶同凍茶🍵雞白湯拉麵湯底起哂泡，非常綿滑，而且好濃郁而配料有雞肉片，雞胸叉燒，青蔥，洋蔥同埋炸牛蒡雞肉片非常嫩滑最有驚喜嘅係炸牛蒡脆脆地好似食緊薯片浸咗雞湯之後甜甜地呢兩個口感好特別😋雞白湯沾麵💰: 168😋: ⭐️⭐️⭐️麵條用上粗麵，可以掛到雞白湯可惜麵條涼涼地，雞白湯嘅溫度又唔夠熱，好快就凍哂🆒

鍾意食拉麵嘅人🍜聽到座銀個名都一定識我自己就因為喺灣仔返工所以放工成日過中環食一直都好欣賞佢嘅雞白湯🐔無論係拉麵定係沾麵都好好食唔係度度食到，係佢店嘅一大特色覺得沾麵最好食，好香濃，同埋夠晒掛湯之前食過其他店雞沾，完全唔夠味呢度就唔會，見到師傅會控制住啲湯嘅火喉好專業所以我一個月起碼都會食佢兩三次不過近呢一兩次食覺得冇之前咁好食個湯冇以前咁掛同埋個沾麵汁唔係好夠熱唔知關唔關我去多咗日本事？😝進一步加劇咗「有比較有傷害」嘅情況🍜座銀📍中環歌賦街7號地舖#hugogor食在香港🇭🇰

喺中環諗唔到食咩，好多時都會諗起拉麵，身體就好似隨住muscle memory 咁行咗去座銀嘅方向。之前食過佢哋嘅沾麵，印象唔深，但每次都記得雞白湯拉麵係好好味，所以之後都default 去嗌雞白湯拉麵，今次都唔例外。
今次星期日六點前嚟到，啱啱好唔洗排隊就有位坐喇。
麵一到，一定會飲啖湯先。唔會太鹹，唔會太creamy太膩，但又夠入味，味道恰到好處。慢煮雞胸同豚肉麵都夠軟腍，但我個人就麻麻呢啲慢煮肉，反而炸牛蒡有驚喜。不過唔緊要啦，對我嚟講，個湯先係主角，次次食都忍唔住飲到底。
不過座銀喺拉麵嚟講真係偏貴，一碗拉麵都已經 $148，仲再加一。每次見到張單都會覺得好貴，但都會願意再去幫襯。
好味指數：🌕🌕🌕🌕🌗

座銀@上環九如坊🌟雞白湯拉麵，拉麵我覺得非常好食，係選用細嘅拉麵，而且湯底非常濃郁，充滿濃厚雞湯嘅味道，係一個奶白色嘅狀態，我覺得非常好食，而且湯底調味都唔會太鹹，適合鍾意食拉麵嘅朋友，我差唔多飲晒成個湯，而且會配炸牛蒡，餐廳喺成個配搭上都非常精緻，非常適合鍾意影相嘅朋友，係價錢有少少貴，不過日本過江龍，我覺得都要支持吓！餐廳嘅店員非常有禮貌，希望可以維持到呢一個水準好食程度（5粒🌟）🌟🌟🌟🌟抵食程度（5粒🌟）🌟🌟🌟🌟位置 （5粒🌟）🌟🌟🌟🌟🌟服務態度 （5粒🌟）🌟🌟🌟🌟衞生程度 （5粒🌟）🌟🌟🌟🌟

附近有好幾間拉麵店，今次就決定食\ 雞白湯 / 餐牌只有三款拉麵揀：雞白湯、海鮮雞湯、雞沾麵。【雞白湯拉麵】$148拉麵有一片薄叉燒、一塊雞胸肉、炸牛蒡絲、筍乾及其他洋蔥！湯底唔會過分咸，雞味都幾出，好飲！【雞沾麵】$168雞白湯湯底真係好濃郁creamy，另外附上香蔥、洋蔥，成個湯口感都好有咬口！而沾麵就用上粗麵，彈牙之餘又可以掛到個湯～雞肉片好嫩滑，炸牛蒡都好好食！不過最可惜係沾麵湯翻叮關係好快凍哂⋯⋯【座銀炸雞】$58炸雞雖然得3件，但新鮮熱辣出爐真係好juicy!肉質嫩滑多汁！

食咗一個雞白湯拉麵簡單短評湯底：4/5好飲，忍唔住一口接一口咁飲，只係飲到最後你先會覺得膩炸牛蒡：5/5好食，脆有脆嘅好食，食食下浸湯再食又得，好鍾意佢個炸牛蒡嘅味拉麵：3/5個人覺得正常，不過可能唔係我杯茶，所以畀低分咗蛋：2.5/5正常合格，冇特別好食，個人覺得唔夠入味添叉燒：4/5係好食嘅叉燒，但冇乜特點慢煮雞胸：5/5呢個係成碗麵最驚喜嘅位置，我個塊雞胸，好食之餘咬落去係「脆」㗎！其實係嫩得嚟個外表又有啲咬口，所以咬落個外層會彈，入面就柔軟。我唔知係咪碗碗都係咁，我亦唔知佢係點整，當下就覺得好鬼好食服務：4/5好禮貌性價比：3.5/5好食還好食，一碗雞白湯拉麵$148，加隻唔特別好食嘅$16蛋，加埋一都已經$183係咪其實可獎再相宜一啲呢？

黎到歌賦街，你會見到附近有同一個集團，唔同種類嘅拉麵，今次我地就嚟咗食雞白湯拉麵我同我個朋友一個叫雞白湯拉麵，一個叫沾麵，碗麵嘅肉係一舊慢煮叉燒同一舊雞胸，個雞湯就係好似泡沫咖啡咁起晒泡，食落去個口感都幾豐富同埋綿滑，配埋碗邊嘅咋牛蒡，食落去唔會咁單調，可惜就係個份量細咗啲，男仔唔係好夠食而另外一個沾麵，食落去就冇拉麵個口感咁好，個沾麵湯用普通嘅碗裝住，令到佢好快就會凍哂，雖然麵條係好掛湯，但係食落去就冇拉麵個湯底咁creamy，相反仲比較咸，所以整體而言我都係比較推薦拉麵多啲

之前見社交平台有人推薦依間雞白湯麵，禮拜日路經中環終於去一試。1:30pm去到唔洗等位，menu選擇有三款拉麵，第一次去食當然揀最classic嗰款雞白湯拉麵，而同行友人揀左沾麵。有少少肚餓，所以加左溏心蛋。等左一陣，麵好快上左。雞白湯拉麵：試下啖湯，唔算超級濃味嘅雞白湯，大量炸牛蒡，炸得好脆，兩片雞肉，相信係慢煮過？都好嫩。拉麵份量都好多，食到最後湯底居然都係熱嘅。同行友人沾麵：湯底就咁飲偏鹹，相比湯麵，沾麵湯亦都凍得較快。但附送炸牛蒡只有一兩條。溏心蛋：還好，其中半隻已經流左d 蛋黃出黎，比較可惜。總結黎講，未試過可以一試。性價比未算太高。

為於中環歌賦街有一間過江龍拉麵界嘅寵兒，每次經過都見到大排長龍，餐廳源自大阪嘅座銀Zagin Soba，主打雞白湯拉麵同雞白湯沾麵，今日決定要試下!! 雞白湯拉麵 $138食過就知呢個招牌湯底真係「不是蓋的」，職員將碗熱辣辣嘅拉麵放上枱嗰陣已經聞列濃濃嘅湯味，仔細一望，整碗湯都係起哂泡㗎！真係要夠濃厚嘅湯底先做到Cappuccino起泡效果! 另外湯面嘅炸牛蒡都好給力，炸得好脆口，而浸湯配埋拉麵都有甜甜地嘅味道

午膳同同事一齊發掘到好餐廳！雞白湯沾麵係必叫，唔可以錯過！ 湯底好濃味，原汁原味的雞都出晒黎，麵入面仲有好多料，炸牛蒡都好好食！不過都多人排隊，有機會無咩人會再encore！

工作完經過中環搵嘢食，上網搵到呢間叫座銀餐餐廳，內裡環境整潔乾淨，只不過枱面唔算太大。要去嘅話，可以由地鐵上環站E出口行約6分鐘就到。呢間餐廳都幾特別，選擇唔係好多，我就試咗佢哋嘅招牌菜雞白湯拉麵。湯底超級濃郁，好有雞味。上面嘅炸牛蒡非常脆口，不論係直接食定係浸湯食，都好好味。雞肉非常嫩滑。整體黎講，呢碗雞白湯拉麵真係好好食。服務方面，餐廳嘅服務算係正常，冇特別出眾嘅地方，但都冇令人失望嘅地方。呢碗雞白湯拉麵盛為148元，再加10%嘅服務費，我覺得有啲偏高。不過，考慮到食物嘅味道同質素，都可以接受。

呢度係出名食雞，白湯拉麵味道的確比附近幾間都好好，不過價錢都幾貴+1之後都160幾蚊一個麵，但係雞白湯食完之後有啲口渴，味道係夠濃，但係嘅份量又唔算多都有啲唔係好飽

中上環有好幾間拉麵店，朋友介紹呢間雞白湯拉麵，所以就過咗嚟食晚餐。平日晚上唔算好多人，我們Walk in都有位。菜單選擇唔多，我們二人都選了最多人推介的雞白湯拉麵（$148）。首先，拉麵賣相吸引，肉片掛在碗邊再加炸牛蒡，打卡一流。先飲一啖湯，湯底濃郁，好creamy。炸牛蒡亦炸得剛剛好，乾身又脆。豚肉片和雞肉片都煮得好軟腍，不過味道就淡啲。整體嚟講，價錢略略偏貴，本身不算是拉麵愛好者，試過一次就夠。

成日食座銀嘅雞白湯沾麵，真係倒轉都記得陣味，不過美食嘅缺點就係永遠都要等，去嘅話都要預返至少半個鐘排隊呀。雞白湯沾麵 $168 + 溏心蛋 $17麵底屬於粗麵，經過冰鎮之後咬口好彈牙～ 湯底用咗鹿兒島嘅櫻島雞去燉，然後利用發泡機打起到𝗰𝗿𝗲𝗮𝗺狀再沾，味道香濃得嚟又唔會鹹膩，超正！另外配搭嘅雞肉、豬肉都係低調烹煮，所以肉質水嫩細緻，特別係雞肉，每次都會放到最後先捨得食，成個套餐真係好完美。不過香港店貴過日本超多，建議最理想都係留返去日本食，又平又好食。

拉麵店源自日本大阪 嚴選新鮮食材 保證由日本直送香港 🇭🇰 拉麵店提供共三款拉麵 今次嚟試佢地既雞白湯拉麵😚 賣相的確特別過其他拉麵店 雞白湯底飲落係奶香味 有啲creamy既感覺 飲落唔會太油膩😋😋留意既係拉麵份量比較少 😌 每碗麵都配上雞肉同叉燒 🥩 質素來講就正正常常 最特別係掛上炸牛蒡 ✨ 老實講 真係第一次食 炸牛蒡 脆脆地 食落似薯片 幾得意😚香港亦唔止一間分店 太古 跑馬地都有 另外仲有雞白沾麵同海鮮拉麵選擇 👍🏻