座銀

Open Now

Now Closed

經常聽朋友講呢間雞白湯拉麵好出色，但次次都排唒長龍，今天剛好提早放lunch，就去朝聖一下。原來佢未開鋪已經要排定隊，排左大概五分鐘，成功入到去第一輪。第一次黎，當場要叫碗最signature既雞白湯拉麵啦！拉麵上枱時仲係新鮮熱辣。先講個湯，十分濃郁，真係食得出果份真材實料。掛在碗邊一塊係雞肉，另一塊應該係叉燒？雞肉非常嫩滑，直頭有Ｄ似食緊慢煮雞肉咁！ 叉燒都合理發揮。而旁邊的配菜都令我幾驚訝，見到佢一堆炸物咁，諗住都冇咩特別，估唔到原來係炸牛蒡，仲要係甜甜地既！相比起出面的拉麵普通配菜，呢個真係覺得佢地好有誠意！食完之後終於明白點解佢會成日排唒長龍，無論係食物同服務都令人相當滿意！從湯頭到配菜都做到一絲不苟，白雞湯濃而不膩，絕對值得再來！

今日去歌賦街 lunch, 逐一間看，心裡想去吃那家炭鰻魚反的，但同伴一句說不如去座銀，平時好多人排隊的，我就去了。中午 12時到，門前排了8個人，但剛開門營業，大家也就魚貫進場。我点了雞湯沾面及炸雞，食物大概5分鐘內到。沾面湯份量足，麵的份量好大。湯的味道很濃，接近汁的水平，一試就知下了大量豬骨雞骨去煲，味鮮不咸，很好。麵不是圓形或扁身的麵，是一種接近四方形切面的麵身形狀，很彈牙及煙韌，長度亦夠長，構成一索入囗的拉麵感。炸雞很嫩，不乾不硬帶肉汁，炸功亦一流，調味剛好，上檯後不需任何調料就可食。唯一要更進一步是湯熱度，有点不夠熱，麵又只是微暖，兩者溫差太大，當放了2次麵入湯後，湯也變得只是微暖，對吃麵的总體感打了折扣。做人做事做食物都一樣，保持溫度，維持熱度。

平日時間around 2點半去探訪座銀，未去之前有望過openrice食評，多數係讚👍，加上本身鍾意食雞白湯底既🍜，所以期望會比較高可能已經過左食飯時間，所以根本唔需要等位，一去到好快就被安排坐吧臺，雖然一開始叫左既雞白湯拉麵🍜漏左單（好肯定一開始有點左，因為個waiter當時有問我除左拉麵重有無其他要），但當再追問下就立刻迅速整番比我，都算唔錯？！雞白湯拉麵🍜到左～擺盤係唔錯既～有一大堆炸牛蒡，兩塊雞肉吊係拉麵邊度，望得出個雞湯好濃郁一開始試左個炸牛蒡，感覺還好吧…覺得有點苦 不是自己喜歡吃的味道，所以食左幾條就放棄了跟住試雞白湯，味道係唔錯 濃郁既湯底 但可能真係期望太高 想要多少少雞湯的感覺 （純碎是個人觀感而已），拉麵底係唔錯，唔會太硬太軟，overall唔錯， 只係吹捧下expect再多少少

◆海鮮雞拉麵 ◆湯底比另一款香濃，味道豐富，有海鮮香嘅同時又有雞香。麵條彈牙，但炸牛蒡食落有少少油膩油膩。慢煮叉燒同雞胸，口感都好好，唔會乾爭爭😋美味程度： ㊣㊣㊣㊣/5◆雞白湯拉麵 ◆配料同另一碗一樣，湯底 creamy，但味道比較淡，重口味人士會有少少失望😣美味程度：㊣㊣㊣/5◆ 牛蒡雞肉飯 ◆個飯好濕，而且冇咩味🥺美味程度：㊣/5◆ 煙燻溏心蛋 ◆半熟效果做得好好，而且好入味🤩美味程度： ㊣㊣㊣㊣/5

落雨排隊都值得！星期六1點到去到見到條人龍，不過等咗一陣就入得。雞白湯濃郁但唔咸，好少飲湯嘅我都飲咗好多，食完之後個口唔會覺得好口渴。個炸雞好「林」、又滑，點埋啲鹽同蔥食好好味。

知道呢間拉麵店好出名，知道平日時間都要排隊，所以特地傍晚早少少去到，大概20分鐘左右就入到~✨雞拉麵雞湯底十分濃厚香滑，就咁飲都好好飲架面底份量多絕對夠食，非常彈牙令人上癮果然係招牌菜，非常好食

雞白湯拉麵，傳說源於九州博多水炊鳥鍋演變而成。香港雞白湯文化尚淺，能找一間好吃的比較有難度。今次終於的起心肝，排近年出名的座銀，當天排了約45分鐘。 坐定定在吧台後，看著師傅用打泡機儀器在雞白湯上打泡，感覺上有點新鮮，又有點西式湯般。上桌時，看著華麗的炸牛蒡絲作擺設，談談的香味，奶白式的湯汁，再配上一塊雞肉及一塊豬肉的叉燒，整體感覺上唔錯。但到真正入口時，又有少少失望，湯汁雞味不算濃厚，比較像豬骨湯，豬骨雞骨混集真的好嗎？🤔湯算係滑口，炸牛蒡絲被湯汁浸過後有點難咬，麵質及叉燒算合格味道沒有太突出，以價錢來說比一般拉麵貴少少，還要排長龍才能吃到，與期待有點差異，性價比略為不足。如果不用排隊情況，可以一試。

座銀要加一~星期五晚要排約20分鐘隊👀味道評分:☄️(highest_surprise)/☀️/🌤(pass)/⛅️/💨(lowest)☄️雞沾麵 $168一開頭有d好奇&擔心點解個麵底係凍嘅(我中意食熱食多d)，再摸下隔離碗湯係熱辣辣，我放心曬~冷麵撈落個熱湯到食口感冇得彈😗麵既軟硬適中，好彈牙(唔會淋/鴕😳)我一飲第一啖湯，我對眼發曬光(絕對冇誇張🤗)佢嘅湯底勁濃郁，如果同平時煮飯落嘅濃湯寶相比，應該相差左個銀河系😂😂😎 雞嘅鮮味係每一啖都感受到，同埋湯入面真係有雞肉食既，足料！加分！☀️海鮮。雞 拉麵 $148湯底都係超濃郁！超強既海鮮、蝦味☺️有一片叉燒&一塊雞胸不過呢😂其實佢都幾鹹下😳👀❤️‍🔥如果兩碗比較，雞沾麵係必食❗️海鮮果碗會相對冇咁驚喜😆☀️座銀炸雞 $58首先單論外貌係唔算靚仔😅但好在佢係岩岩炸起食落夠熱夠脆 肉質嫩滑👍🏻如果配埋碟邊嘅鹽 個味道會再昇華😙☀️煙燻糖心蛋(1隻) $18個人習慣，鍾意拉麵配糖心蛋☺️❤️‍🔥❤️‍🔥❤️‍🔥既然你睇到尼度，不妨比個like & comment & follow me~話比我知你有睇，比啲動力我丫❤️‍🔥最後既最後，口味尼家野因人而異啦~

今日一班人約咗去中環食日本菜，揀咗座銀呢間店。到咗之後先係大堂等位，不過服務員好快就帶我哋去咗座位。點餐果陣，我哋決定試吓佢哋嘅招牌拉麵同炸雞雞沾麵。拉麵又濃郁又香口，特別係雞白湯拉麵，真係啱啱啱好味，勁啖嘅麵條夠彈牙，湯底就又唔會太鹹。至於炸雞雞沾麵，雞肉炸得好香脆，加埋啲沾麵醬，真係一絕。整個用餐體驗都好舒服，職員態度好好，令人覺得好滿足

次次路過都見到勁多人排隊搞到勁想試😂今次終於約埋朋友嚟食末開門已經有人排緊隊 好彩有早少少到一入到去空間有小小迫不過Staff服務都唔錯好快手幫我哋落單我哋就嗌咗佢哋最岀名嘅雞白湯沾麵同埋 Seasonal嘅海膽拉麵上菜都算快首先嚟嘅係雞白湯沾麵真心不得了 食到第一啖即刻明白點解咁多人排隊超級濃郁麵好彈牙 而且好掛汁好食反而另外季節限定嘅海膽拉麵就有啲失望一上枱好靚 聞落去好香但食第一啖已經覺得鮮味不足同埋食到後面有少少苦總括嚟講可以嗌翻佢正常餐牌上面嘅拉麵🤣

雞白湯拉麵8.5/10🈵🏷️$148另加一/我諗叫佢做全港第一拉麵應該冇人反對💯雖然比起以前食個陣好似退步左🥲但喺香港仍然冇對手/湯底濃厚 都唔會凍得好快湯嚟講，拉麵個湯做得比沾麵好，濃而不膩拉麵選用左粗身麵，掛汁力強 炸牛篣唔會好油膩，亦幫成碗拉麵錦上添花慢煮雞肉煮得比豚肉更出色🐔排過日本百名店本店，都唔會比本店差太多喺香港食到咁既質素算係咁😋店員服務態度都好好，令你感覺置身日本咁👍🏿唯一缺點真係太貴，仲要依個價錢冇溏心蛋間唔中食一次好了💸😭

✅雞湯拉麵好好食 冇得輸✅環境裝修好舒服（樓上係舒服過下層好多）✴️真係好多人 平日lunch去排咗近半個鐘✴️份量偏細⭕️雞白湯拉麵 ⭐️⭐️⭐️⭐️⭐️湯底冇得輸 好濃郁 有陣油脂嘅香 但又唔係中式個種雞湯味 （可能有用豬骨？）真心好飲到可以飲晒麵底都唔錯 軟硬適中 但唔係好彈牙個種 要快手食 唔係好快腍炸牛蒡好脆好好食 就咁食定浸湯都好食 份量又夠多⭕️海鮮。雞拉麵 ⭐️⭐️⭐️呢個湯底我麻麻地 因為海鮮太搶味 食唔到雞嘅香味 同埋有點太鹹

○ 雞 白 湯 底 拉 麵 // $138○ 雞 沾 麵 // $148○ 座 銀 炸 雞 // $148.下午4點黎到要排隊，店內有 bar 枱 + 矮枱，客人通常食完就走，所以都唔算要等好耐。湯底用日本香草雞殼、雞骨熬製8小時，再用攪拌機打至起泡沫，味道超濃郁，加埋慢煮雞胸肉 + 溏心蛋真係好正 ( ≖ᴗ≖) 係令人會想再食既味道，下次再來排過 .ᐟ.ᐟꕀFOLLOW IG @ FISWEET FOR MORE.

市面上有好多的豬骨湯，但最近也出現了好多好味的雞白湯拉麵。拉麵來了，有很多炸牛蒡，除了平時食開的紫菜，今次主要有炸牛蒡，好有口感，脆卜卜。雞肉很嫩口，一點也不鞋，食開叉燒可以轉轉口味。飲了了幾啖雞湯底，好濃厚，會食到一顆顆白粒，真材實料。拉麵有點貴，過百元一碗，仲要加一，應該是香港食過最貴的拉麵了。有一點要留意這裡拉麵沒有半熟蛋，有點可惜。

歌賦街其中一間非常出名嘅拉麵店，中午飯市永遠都有一條長長嘅人龍，今日大概排了20分鐘才能入座。我和朋友都點了雞白湯拉麵(HKD 148)🐔🍜拉麵上菜時店員提醒要趁熱食，我們都二話不說立刻開動。先嘗了一口雞白湯，非常香濃，充滿膠質，湯底亦夠濃厚，爽口的拉麵沾滿雞湯，每一口都十分滋味。不過一如店員所言，真的要趁！熱！食！因為溫度稍為一降，我就覺得有啲膩口，大家要留意呀。配菜有炸牛蒡絲，荀，雞胸肉和豬肉。炸牛蒡絲香脆，配搭拉麵一起吃很新鮮，雞胸肉和豬肉經過慢煮，嫩滑有肉汁，十分好食！