座銀

Open Now

Now Closed

best best ramen in town. I love their chicken ramen the most as the soup is very rich and creamy. The noodles are also bouncy, making the soup adhere to them very well. The best has to be the burdock, which complements the soup so nicely. Charsiu and chicken breast is slow cooked and are very tender.

我一直喺社交平台嗰啲拉麵group度都見到好多人推介呢一間拉麵，但無奈地因為好少去港島，所以一直都冇機會試。終於有日要去港島搞啲嘢，所以就去咗試呢一間拉麵。------------------------------呢一間嘅拉麵暫時係我食過咁多間嘅拉麵價位最高嘅一間，所以我對佢嘅期望都幾高。我嗌咗碗雞白湯拉麵。我因為冇留意原來佢唔包糖心蛋，所以冇加到，真係失策。一嚟到碗拉麵好似好細碗咁樣，但係其實隻碗都幾深，所以都唔少。而湯底方面我自己覺得幾濃郁嘅，同埋因為佢湯底杰嘅關係，所以啲面都掛到湯。而佢啲餸，我自己覺得係整得幾好，特別雞肉係軟淋淋，完全唔會鞋。但我食到最後覺得有啲膩，所以我覺得未算係我食過最好食嘅拉麵。------------------------------除非我真係突然間好想食雞白湯拉麵，如果唔係我應該未必會再嚟食。

母親節帶媽咪去試吓我認為全港最好食嘅拉麵☺️今次係第三次黎，每次都同樣叫一個「雞白湯拉麵」同一個「雞沾麵」。座銀嘅服務講真麻麻哋，第一次黎直頭係嬲，個女人服務員對客人呼呼喝喝，叫人等一等嘅聲氣係衰過9成茶餐廳。而家好咗啲，唔知係咪已經炒咗嗰個女人。餐廳裝修一流，洗手間連便攜裝漱口水都有提供👍「雞白湯拉麵」（$138）雞白湯湯底用泡沫咖啡打發打到口感非常綿滑厚身，每次我都一定飲晒。最特別係炸到金黃嘅牛蒡條，食炸物食到好似好有益咁🤣「雞沾麵」（$148）雞沾麵跟嘅湯比起拉麵更濃更厚身絕對係我最鍾意食嘅拉麵店

據說跑馬地的座銀比中環的好吃，但理應水準差不多的，試後覺得不會相差太遠雞白湯拉麵，湯頭應是全港最好，濃而不膩，略嫌少咸，沾麵湯味更濃更咸，重口味者應更喜歡，但我比較注重整體的層次感雞肉沒有雞胸的粗糙感，但也只屬水準之中配料水準之上，不失風味麵質軟硬適中，放耐了也不會淋，但太重鹼水味，影響整碗湯麵味道，算是瑕疵小食配了煙燻溏心蛋和炸雞，前者煙燻味濃郁，特別但不是我鍾愛的味道、後者水準之上但略嫌沒有特色整體來說，7:30左右入座，不用排隊，坐得舒服，以拉麵店來說算是上承，但未到最好

係拉麵群組🍜好多人都話「座銀」去跑馬地分店先係最好食, 黎左2次試唔同湯底🥣呢到個menu我6樣野揀, 每款🍜都用托盤上, 有圍裙筷子🥢匙羮🥄, 湯濃麵靚👍🏻呢個啡紅色湯底係海鮮雞拉麵, 個湯加左🦐乾和🐟乾去淆, 成個湯底既鮮味都提升，有好濃既海鮮味而且蝦味濃郁, 湯底夠熱但就有D杰同埋有D少😓 上面放左佢地招牌既炸牛蒡, 浸埋落個湯到就吸晒D湯好似食緊撈麵咁😓 D湯多番少少就好喇, 唔知係咪太重回味太杰, 食完仲有D口渴😅每碗🍜都跟兩大塊既叉燒, 一雞一豬, 一樣都係低溫慢煮出黎既, 所以好嫩滑, 而且兩塊都係懸掛左係碗邊, 咁就唔會比d熱湯浸到鞋口哂 💯而個炸牛蒡炸牛蒡唔單至裝飾靚. 仲好脆口🥠呢到所有🍜都無跟蛋🥚 另外叫左隻棵木煙熏糖芯🥚, 但只食到淡淡既煙薰味, 其他調味就好似唔夠入味咁有D淡, 個糖芯就做得唔錯, 有少少流心效果👍🏻第2次黎就叫番佢個招牌既雞沾麵, 呢到聲稱係用日本雞去煮既, 大部分食材仲係由日本進口,白雞湯用類似沖咖啡☕既造法去打起D泡沫⚗️, 奶白色既湯底口感綿密,味道鮮濃😍, 好似濃縮左左成隻雞既精華咁😋每夾起一次拉麵就掛住D泡泡, 啖啖都食到陣雞鮮味🤤而

特登同女朋友去港島，仲要入到跑馬地去食呢間座銀。因為好晏先入到去，所以一入去就有位坐。———————————咁因為佢係專食拉麵，餐牌上面呢其實好少選擇。咁我就揀咗最正常嘅雞白湯拉麵，咁等咗冇耐就到啦。首先要讚嘅係佢個雞湯真係濃郁，而牛蒡都炸得好趣。麵條嘅韌度適中，唔會太晏或者太冧。除此之外，其實碗麵冇乜特別，餐牌就話係用整cappuccino嘅方法整個湯底。但其實見到個廚師，即係用手打機，打起啲泡。而且有雞肉同埋叉燒，就咁掛起碗邊，賣相唔討好之餘，仲要好似喺雪櫃攞出嚟，凍凍地。依個湯又唔夠熱去整熱返啲肉。所以總結來講，碗麵係賣得太貴，而且仲要入到跑馬地食。

湯夠熱，夠濃味。麵硬度適中。Lunch time 入座送餐也很快，中途不斷加水，好服務有禮親切。一定會再去。👍🏻👍🏻👍🏻👍🏻👍🏻👍🏻👍🏻

店小小，好滿座因為見朋友極力推介，忍唔住都試下又真係幾好味，雞白湯拉麵無得彈湯底濃郁，我見師傅用機高速打到有泡，口感好好雞非常滑，唔肥，我仲加左叉燒流心蛋好味，脆脆炸牛蒡都食唔停口環境舒適，洗手間好乾淨企理加分會間唔時就想再食

好耐之前 去左大坑一間拉麵店果時嘅限定白雞湯拉麵 湯底香濃令我超回味 不過呢間店已經執咗啦 好想再食返呢個味道聽聞話《座銀》雞湯拉麵算唔錯 🐥所以去試吓 叫左雞白湯拉麵（$138）麵質 叉燒 同炸到金黃色嘅牛蒡都可以至於雞肉同最重要嘅湯底就普通啦個人覺得湯底雞香味唔夠重 唔突出 唔夠香濃雞沾麵（$148）沾麵汁一樣 都係雞香味唔突出 唔夠香價錢屬於中上 性價比唔高 係有少少失望吖 😮‍💨唔知邊度仲有好食嘅白雞湯拉麵呢？🍜

最近鍾意左食雞白湯拉麵，同朋友講起之前灣仔食過好食既，於是佢話帶我食佢食過追好食既。跑馬地座銀，門口已經好有地道日本拉麵店既感覺。叫左個海鮮雞白湯拉麵，等左10分鐘左右就有得食。造型超級有型，係拉麵上面有個旋風型既炸牛蒡條。湯頭都好出色，雖然叫左海鮮雞白，但都飲到雞湯濃濃既香味，配以海鮮湯既鮮味，好好飲。麵底都唔錯，有咬口之餘亦掛到湯。唯一可惜既就係份量稍顯細份左d，女士食就可能夠，我另外配個炸雞小食先勉強食飽。但味道係出色好食既。

昨日才發現年終無休今日去食lunch2點都要等位等了15分鐘，終於有位。雖然坐吧枱，不過ok舒服只有三款拉麵我叫了雞白湯湯底ok雞無咁咩特別想食平可去金鶴，平啲份量又大啲

📍 座銀 Zagin Soba📍 跑馬地 𝗛𝗮𝗽𝗽𝘆 𝗩𝗮𝗹𝗹𝗲𝘆 • 景光街13號地下A舖\    & central    /-Finally tried this < Zagin Soba > that has been widely appreciated by Hongkongers. Did not disappoint but did not especially surprise given the price point.-The joint serves three options of ramen - chicken broth, seafood chicken broth and tsukemen.Tried the first two ($138). Both had a rich, thick broth that had a foam on top as the broth is whipped with what's similar to the method of whipping coffee.Both were flavorful

原本同哥哥諗住去試跑馬地新開間意式薄餅屋，點知餐廳午市冇開，結果就走咗過對面馬路間「座銀」食日式雞麵。店子木造嘅門面、燈箱招牌、紅色布簾及零星嘅擺設都散發著和風氣息。當中最可愛嘅小肥雞足以代表麵店嘅命脈食材。襯托埋天花嘅波波吊飾仲好有時代感。中午時份，中央圍繞著開放式廚房嘅高櫈吧位早已坐滿食客。日中對照嘅彩圖餐牌共有八頁，清楚道出品牌嘅根源及主打雞麵嘅精髓，可選嘅項目卻只有六款，而且冇列出飲品。哥哥點咗碗海鮮雞拉麵（$138）。另配一隻棵木煙熏糖芯蛋（$15）。最終因覺一碗拉麵唔係幾夠飽，所以就加多碗牛蒡雞肉飯（$48）。雞白湯拉麵（$138）：每客拉麵均連筷子、匙羮、圍裙以托盤呈上。拉麵麵條軟韌適中，炸至金黃且捲成花藝般嘅牛蒡條條則清新香脆。起哂泡泡嘅湯底色澤猶如餸名般白雪雪，飲落真係好似咖啡咁柔滑，不過小肥只係略嫌其味道唔係幾夠香甜兼溜滯咗少少。最失敗就係兩片乾乾嚡嚡嘅雞胸肉同叉燒，掛喺碗邊嘅形態不禁令細佬諗起黑白無常嗰條脷，外觀絕對有影響到食慾囉！座銀炸雞（$48）：炸雞上枱時，服務生體貼地提點雞件剛剛炸出，要小心睇熱。熱辣辣嘅炸雞皮層香脆，肉質厚潤，乾巧唔油膩，比拉麵嗰片慢煮雞

成日聽人講，又睇人喺社交平台 post 呢間拉麵啲相，好似好正，過好一段時間後終於嚟親身試吓，星期六排隊排咗10分鐘算好快。餐牌有三款拉麵、一個飯、炸雞及糖心雞蛋。叫一個白湯即雞湯及一個雞及海鮮湯，再加炸雞。我哋坐bar 台，一坐低已有樣嘢覺得唔太舒服，就係廚師冇戴帽，佢哋頭髮算長，有gel頭，好在天氣凍佢哋唔會太大汗，但佢哋個頭睇得出有啲油，我其實睇到呢個情況，已覺得呢間拉麵唔太專業。再加上個廚師不停傾計，好在而家人人都戴口罩，否則佢哋啲DNA都會落埋啲拉麵度。希望呢間餐廳嘅老闆會注意一下，因為呢個集團旗下嘅中環店(賣魚湯)係高質嘅，嚟到跑馬地呢間就冇理由會咁嘅質素。煮麵地方算okay但廚師冇戴帽就有啲唔乾淨講到拉麵質素都值80分，啲湯算熱，但少咗啲，可以多番少少🤏，而家個個湯係太濃及杰，食完比較口渴。海鮮雞拉麵 雞白湯拉麵炸雞塊旗下集團嘅拉麵及日本餐廳價錢okay

最後去左座銀好耐之前就去過中環果間唔記得果次係有無得揀沾麵淨係記得環境唔錯冷氣好足今次就去左跑馬地對上一次黎到跑馬地已經係去養和做手術果時搭電車到總站再過兩條街既景光街就係呢間座銀中午都無落場時間我地星期日既四點鐘黎到成間舖係一個客都無餐廳有bar位而家任坐就坐左餐廳最入既二人檯冷氣真係好足算係比較少有有裝修既拉麵店一坐底就問要凍定熱茶可能因為係其他拉麵店就屬於落場時間不斷聽到廚房既切野聲因為坐得太遠就睇唔到有幾多位廚師侍應就見到都有兩三個呢個集團三間日式餐廳全部都開係元創坊果頭之前食過既圓圈三角都係屬於同一個集團我都係見到佢地個口罩套先知都有去左炭家試埋個鰻魚飯呢兩年無得去日本唯一可以係香港食到炭燒鰻魚就應該得呢一間座銀係日本有五間店主要開係大阪同神戶係tabelog最高分既本店都有3.74分既咁座銀就主打雞白湯聲稱用日本雞一共只得三款麵雞白湯拉麵雞沾麵同海鮮雞拉麵小食得炸雞仲有雞肉飯全部都係雞所有麵都無跟蛋同圓圈三角一樣要另買十五蚊兩件半隻幾乎係同圓圈三角一模一樣倒模咁雖然都算靚仔但真係好唔鍾意呢種銷售手法海鮮雞湯拉麵上面放左佢地招牌既炸牛蒡裝飾係真係幾美觀而且浸淋左口感都唔錯呢個