Zeng

Open Now

Now Closed

位於30樓嘅餐廳，加上一望無際嘅風景，依間就係期待已久嘅餐廳ZENG。淨係睇個Menu $200樓下嘅brunch又有埋靚景真係少之又少。首先appetizers揀左蟹肉沙律，蟹肉好多，上面亦都放滿蟹子，好滿足。然後就到Soup of the day, 今日係蕃茄湯，好濃郁嘅蕃茄味，配上一小片餅乾。跟住下一道菜就到舞茸黑松露意粉。上面真係放咗一片片黑松露，另外個醬汁都有黑松露醬，好滿足。最後就到主菜Pork rack, 估唔到肉質可以咁鮮嫩，真係一讚。

銅鑼灣💜Zeng位於V Point 30樓高層有海景的西餐廳，期待值很高。環境：高層有海景，每桌都有一支消毒液，聞落有香水味，洗手間有漱口水，牙線，棉花棒。 店員態度有禮貌，會肯幫手拍照，上菜收碟都好快手，吾會令人覺得太急或太慢。座椅分梳化同單人座椅，高度不一。 梳化矮過單人座椅，坐得耐好攰。午餐，一入座店員即時話沒有生蠔供應，超失望，本身小編就係為左生蠔優惠吸引。 竟然甘岩無得食。算，餐牌上有是日供應及每樣再加價，加加埋埋埋單都幾食水深。 午餐有海鮮拼盤，賣相還可以，食完發現只有鮑魚整得最好食，夠彈牙。 其他都無咩鮮味。另有是日蟹肉沙律，蟹肉味道好淡，沙律真係得菜同蟹籽。是日餐湯係蕃茄湯，望落以為同我係其他西餐廳飲既差唔多好飲，點知好酸。 反而加錢的廣島蠔湯比較好飲順口。是日意粉出奇地上面鋪上黑松露片，但味道一般。 加錢的和牛他他面頰意大利飯，和牛勁細粒，口感牛舌，細到食吾出好吾好味。是日鱸魚，旁邊菜有一半煮到變黃，無咩味。 鱸魚皮無煎到脆口，軟到好似軟蛇皮，魚肉易咬但不夠滑溜，醬汁食落好heavy。加配布朗尼，依款厚度偏薄，沒有軟心，不太合小編口味。 加配雪糕，屋企人覺得一般。加配

和朋友慶祝聖誕節🎄搵咗間環境不錯的餐廳晚餐叫咗3個set share😊加拿大珍寶蟹蟹肉沙律配自家製柚子醬汁一上枱見到非常靚的賣相，隻碟好靚好特別😍頭盤食這個清鮮柚子蟹肉，開個靚頭😄波士頓龍蝦湯勁香龍蝦味，飲到好濃郁的龍蝦味道，真材實料👍🏻好耐無飲過咁正的龍蝦湯😋意大利香蒜橄欖油天使麵伴鮑魚及櫻花蝦這個配搭好特別，用鮑魚片配天使麵真係第一次食，講真鮑魚本身是無乜味的，加了香蒜，意外地夾，切左片的鮑魚口感唔錯，這碟天使麵有驚喜😊澳洲和牛西冷牛扒牛味不是太重，薯蓉普通，我覺得配菜的調味比較重手，食落好咸🥲海帶和鰹魚湯煮野生鱸魚魚的熟成度剛好，但味道覺得無乜特別😬主菜還點了一款👇🏽慢煮醃製濃郁香草風味西班牙豬鞍架這個慢煮豬，是點了3款主菜覺得最好食的，首先慢煮的肉質好琳，亦食到有豬味，豬真係比牛難煮得好食，所以幾喜歡這個主菜👍🏻👍🏻日本芝士蛋糕伴新鮮甜果醬配精選雪糕整個set最後有甜品，真係會開心好多😆芝士蛋糕甜度適中，最特別是個豆腐雪糕，這個味道通常要單點先有，今次跟餐都食到，正！好濃豆腐味，食一口甜的芝士蛋糕，再食一口清淡的豆腐雪糕🤭絕配☺️

上星期五第一次到這餐廳食set meal，食物色香味俱全，服務態度非常好！回家話比老公知這間餐廳環境氣氛十分好，又有靚景食物又美味！老公話咁我哋下星期二就去食飯慶祝週年紀念😍今晚沒有食set,點餐牌上的各款美食，一樣沒有領人失望，相當美味😋值得推薦比朋友！Happy hour的好地方！朋友飯聚環境相當好！

看着維港夜景吃高級日本fusion菜⸜(* ´▿�`* )⸝只係個夜景就已經贏咗✨味道質素都非常好👍🏼特別向大家推薦以下值得一試的主食 1. Sliced M5 Wagyu Sirloin SteakM5和牛切片，5成熟剛好🤤十分嫩滑，非常撘那個味道酸甜的特製紅酒汁2. 蟹肉三重奏包括蟹腳天婦羅、焗蟹餅、牛油果醬蟹肉莎莎，三款在水準之上，絕對新鮮的蟹肉🤤很適合怕麻煩又喜歡食蟹肉的朋友3. A5和牛米餅香脆米餅配入口即溶A5和牛牛肉味超香🥲大讚𝕃𝕖𝕥𝕤 𝕥𝕣𝕪‎･ ͜ʖ ･ ✿

用了OpenRice book位同OpenRice的海鮮併盤優惠，book了室外環境不錯，無敵大海景，食方面，叫了加188元的蠔，十分超值，也得新鮮，惟指定要在室內吃🤣，叫了兩個set dinner ，一個魚一個牛，主菜普通左d，其他自己叫的反而有驚喜，個湯竟然附有一粒帶子係碟邊，自已叫了串燒併盤，這個入味不會乾柴，還有個四川三文魚，這個很特別，不辣而有花椒味，很匹配，但帶子夾海膽就不行了，原來是分開的，要自己夾，還有紫菜放底，濕哂，痴住一舊舊包不到，這個很麻煩。飲品是正常酒吧水平，主要是吃環境，服務也不錯。正評冇伏

呢間位於30樓，個夜景好靚😍坐出面食野就唔太方便，但飲野shisha就好chill啦😚慶祝餐廳之選👍法國生蠔🦪：好耐冇食生蠔，見到網上話哩間餐廳既生蠔新鮮，所以叫來左試下。啲蠔好大隻，又好新鮮，有淡淡既海水味又唔會好鯹🤤👍🏻慢煮西班牙豬扒🐖：慢煮既豬扒特別腍，質感有啲似豬頸肉，味道唔會好咸😎藍蟹肉扁意粉伴海膽牛油汁🦀：其中一個熱門既主菜，蟹肉撈埋個汁好似食緊啲海膽味既蟹膏🤣仲有牛油既香味👍🏻又特別又好食👏🏻👏🏻

️呢間起銅鑼灣嘅高層餐廳如果想chill下就好岩去😛對住個景食飯特別有feel😹不過真係食景 性價比就唔算高啦🙊今次先講左食物先 下篇介紹埋shisha同飲品🍹-🍴和牛他他 HKD198一個細細嘅正方形和牛刺身配上4件多士 賣相好精緻😛整爛個蛋黃可以更突出和牛嘅鮮味 個我認為個多士有啲乾同硬 就咁食和牛仲好😚🍴和牛西冷牛扒配秘制香醋和新鮮山葵 HKD268呢個份量就真係偏少啦 相信要超細食嘅朋友先會覺得飽👅 好貼心咁切開5件食 🧜🏻‍♀️果日4個人一人一件好快無曬 好似小食咁😹入口牛香味十足而且肉質鮮嫩🥩一定要講嘅係佢個薯蓉 超香牛油芝士味 好驚喜🧀🍴明太子卡邦尼意粉 HKD128見網上好多人推薦就叫左 極多汁極creamy🍝明太子超多 入口鮮得黎帶有微辣感覺 意粉煙韌度適中😚🍴松露薯條 HKD78一致認為最好食🤣幼身薯條炸得好脆好香口 有少少黑松露起面再點埋松露沙律醬 松露香滿滿 推薦❗️🍴日式芝士蛋糕 HKD68果日朋友生日 以為係會寫朱古力字 點知係print張紙出黎用透明碟夾住😹件蛋糕好細件 不過芝士味好香醇 質地都smooth 但就有少少似蛋糕店買到嘅cheesecake😹-✾味

週年紀念當然要物色一下有情調的餐廳共渡時光，所以我預訂左係銅鑼灣V Point 30樓的ZENG。可惜今次到達餐廳先發現最靚的景係要坐出露台的Shisha位置，可以望到一大片維港的海景及對岸的燈飾，大家記得要預訂露台的靚位喇。頭盤我地跟套餐加點左6隻生蠔，待應先生好禮貌咁介紹呢款生豪的特色，食落真係比較大隻，富海水味及礦物質風味，口感較為爽口，建議大家都用$188呢個優惠價享用一份高CP值的生蠔。 另一份Dinner set的前菜係和牛同吞拿魚腩蓉Taco, 和牛同Taco味道一般，唯獨吞拿魚腩蓉比較出色新鮮，如果Taco可以脆D，就值得俾90分喇!白腰豆忌廉湯配上伴碟帶子，香濃得來又夾到帶子的鮮甜。黑松露薯條唔算炸得好香口，有少少乾身，但黑松露醬十分出色，上台無耐就俾我地掃晒! 櫻花蝦鮑魚天使麵，鮑魚切成薄片，醬汁唔係濃稠個種，但食落唔會太淡味。主菜我地就揀左澳洲M5和牛西冷扒，煎到五成熟岩岩好，表層佈滿油脂香，內層肉質有彈性，牛味夠濃厚。

一入到餐廳... 感覺呢度格局幾grand... 坐位寬敞舒適!👍👍👍 行出去露台... 居高臨下... 感覺好舒服! 成間餐廳真係唔少打卡位... 未開餐已經同朋友影唔少相!😍😍😍呢度Lunch set menu選擇唔算多... 不過都好啱食... 而且以佢嘅質素... 價錢一d都唔貴!前菜我地分別要【香脆炸蠔】、【巴馬火腿野菌雞卷】、【火腿沙律】... 樣樣都好食!😋😋😋而主菜我地全部都order咗【冷食虎蝦日式蕎麥麵配自家制松露忌廉汁】... 虎蝦彈牙... 麵質爽滑... 好正!👏👏👏因為朋友生日... 餐廳特別預備咗一個大鐵板寫上祝福語同放咗件cheesecake... 勁呃like!

上網睇過... 呢間餐廳有個空中花園... 好啱打卡... 所以就趁朋友生日... 一齊過嚟食個lunch... 影靚相!一入到餐廳... 感覺呢度格局幾grand... 坐位寬敞舒適!👍👍👍 行出去露台... 居高臨下... 感覺好舒服! 成間餐廳真係唔少打卡位... 未開餐已經同朋友影唔少相!😍😍😍呢度Lunch set menu選擇唔算多... 不過都好啱食... 而且以佢嘅質素... 價錢一d都唔貴!前菜我地分別要【香脆炸蠔】、【巴馬火腿野菌雞卷】、【火腿沙律】... 樣樣都好食!😋😋😋而主菜我地全部都order咗【冷食虎蝦日式蕎麥麵配自家制松露忌廉汁】... 虎蝦彈牙... 麵質爽滑... 好正!👏👏👏因為朋友生日... 餐廳特別預備咗一個大鐵板寫上祝福語同放咗件cheesecake... 勁呃like!🤭🤭🤭整體感覺好好... 好relax!👍👍👍

天氣好總係喜歡搵啲戶外或者室內開陽嘅餐廳食飯，今次同太太去銅鑼灣行街食飯，又去番之前去過嘅銅鑼灣V Point 大廈搵食，今次揀咗30樓嘅 Zeng，佢係一間 fusion 日本餐廳，因樓層高所以環境開揚舒服，另外仲有戶外座位選擇，相信夜晚嚟飲嘢食飯，環境氣氛都應該相當唔錯👍呢度中午有套餐選擇，分別係三道菜$148同六道菜$198兩款，見到裏面嘅選擇都相當豐富，我哋分別每款揀一個試吓，因為我哋係喺OpenRice訂位，所以三道菜嘅午餐餐廳會唔自動送一份湯俾我哋，咁即係變咗四道菜，相當有驚喜🥰三道菜套餐除咗有送嘅蘑菇湯外，我哋選擇左「泰式虎蝦沙律、海膽忌廉餅及海膽汁藍蟹肉炒飯」😍而六道菜嘅套餐裡面五個前菜係指定好，只需揀一個主菜就得，裏面包括有「時令刺身配芒果莎莎、蝸牛他他、日式清酒煮蜆、香炸廣島號、紅酒燴和牛面頰及西京燒銀雪魚配珍珠白飯」😍三道菜套餐嘅蘑菇湯好香濃，另兩個前菜我刻意選擇用一個味道清新嘅虎蝦沙律配炸海膽忌廉餅真係恰到好處，虎蝦好爽口，海膽忌廉餅都不過不失，不過我最喜歡嘅都係個海膽汁藍蟹肉肉炒飯，海膽飯炒得好香，將上面嘅蟹肉撈埋黎食，味道提升不少😋而六道菜套餐我個人最愛嘅係

喺網上訂咗位話明係我另一半的生日明白到不可以安排一張更好的枱不過至少比我哋嗰張可唔可以有齊曬嘢冇枱墊冇小燈, 在漆黑裏閱讀menu要問佢攞個drink list先過嚟服務態度令我好沮喪不能夠製造一個美好的回應畀我的另一半非常憤怒

3 course meal $148 + 10% 一共有五個前菜 可以揀兩個 而主菜就有四款 可以揀一個 今次我係經OpenRice訂位 午市嘅優惠就係3 course meal可以免費upgrade 前菜就可以揀三款 而餐廳係指定左嗰款前菜為是日餐湯精選火腿沙律 🥗 (7/10)加咗巴拿馬火腿配沙律菜同埋啲沙律醬 係一個中規中矩嘅沙律 冇乜特別和牛他他 🐄 (8/10)一開始對個他他冇乜期望 因為見到牛肉嘅顏色比較偏深紅 好似唔係好新鮮咁 但食落味道都幾好 另外配左塊小多士 配埋一齊食幾夾下 但如果可以比多兩塊多士就更好啦南瓜忌廉湯 🎃 (7/10)呢個係餐廳送嘅是日餐湯 個忌廉湯幾creamy 但係南瓜味反而唔係太突出香脆炸蠔 🌊 (8/10)呢個炸蠔幾有驚喜 食落完全唔會腥 而且唔會厚粉 食得出蠔嘅鮮味 一份有三隻炸蠔 份量都幾慷慨香烤巴馬火腿野菌雞卷 🐓 (8.5/10)呢個亦都幾有驚喜 個底配左薯蓉 雖然未做到好軟綿順滑嘅口感 但係味道都唔錯 個野菌雞卷入邊好似包左啲芝士 令到成個口感更加豐富主菜韓式和牛麵脥泡菜飯 🇰🇷 (5/10)泡菜飯真係有啲失望 因為牛肉唔係好新鮮 而

位於銅鑼灣登龍街18號V Point 30樓的Zeng 有夜景  有生蠔 有日式或西式的食物 有SHISHA 集我最喜愛於一身的餐廳，而且非常igable，係呢到嘆盡靚景同美食！是個和朋友小聚或慶祝節日的好餐廳 ZUNG ZENG