Video
Telephone
27801110
Opening Hours
Today
08:00 - 22:00
Mon - Fri
08:00 - 22:00
Sat - Sun
09:00 - 22:00
Public Holiday
09:00 - 22:00
Above information is for reference only. Please check details with the restaurant.
Recommended Dishes
終於食到似樣好味嘅pizza🥹🥹上次喺蘇豪區嗰間麻麻哋。前排試咗跑馬地拿坡里pizza，又話好出名。點知仲差，啲醬重手到浸到個pizza中間溶哂，件pizza一拎起就爛哂。哩間餐廳位於商場4樓，如果坐地鐵，一上到商場可以由B1直接坐𨋢上去。但係會去咗餐廳嘅另一邊，要兜少少路。上到4樓係辦公室大堂，無指示牌，唔熟路的話會覺得有少少難搵。如果行上一層，去Lane Crawford嗰邊坐𨋢上去，𨋢口一出就到，比較近餐廳。Fantinel Borgo Tesis, Pinot Grigio, Grave DOC, Italy 2022 ($48)Happy Hour 由4點到8點，收工即刻過嚟食飯，趕得切Happy Hour尾班車，飲返杯🍷白酒唔算好dry，唔會好濃，順口，易入口。Salmon Salad ($119)煙三文魚沙律個沙律醋好食，廚房預先混合醬汁，所以每片沙律菜都沾到醬。不過我唔食生洋蔥，唔小心食到一條，好辣🙈除咗生洋蔥之外，都無嘢要挑剔。Salmon Pizza ($182)煙三文魚薄餅嚟到主角pizza🍕🍕其實有啲似頭先個煙三文魚沙律嘅熱版，將沙律醋換成忌廉芝士醬🤣一樣有三文魚、紅洋蔥😆不過今次啲洋蔥熟透，可以食到洋蔥嘅甜味。而且個忌廉芝士醬好好食，味道唔錯。麵包邊都做得好好，軟熟煙韌。餐廳有薄餅沾醬order，一共四款。香蒜乳酪醬、火箭菜青醬、是拉差蛋黃醬、番茄橄欖醬。價錢唔貴，一款係$12、兩款係$18，貪心啲試哂四款都只係$24。我哋揀咗其中兩款，香蒜乳酪醬、火箭菜青醬。香蒜乳酪好辣🙈，係生蒜嘅辣；而火箭菜青醬又草青味太重。我心目中係以為似doughbros 嘅沾醬，但實際食落又唔係太夾。如果對醬唔係有特別大喜好，我覺得可以唔洗加。Brussels Sprouts Pizza ($178)意式煙肉小椰菜薄餅第一次見到pizza會用小椰菜，好特別。哩個pizza相對比較濃味，有煙肉、辣椒片，食落好咸，送酒食會岩啲。雖然味道好濃，但係辣辣哋，好惹味。個調味輕手少少會更好。Mac & Cheese ($85)芝士通心粉作為芝士超級粉絲，一直都想試下餐廳整嘅Mac & Cheese🧀但怕好膩好滯，而且身邊唔係咁多芝士狂人，無人有興趣同我share🙄如果份量大的話，食唔哂之餘，仲會食飽哂，滯到食唔落其他嘢。今日終於有機會😎，今日人夠多，一齊share就唔會滯😌通心粉好creamy，但食落唔會好膩，滿滿嘅芝士醬都唔會好咸。建議加啲黑椒一齊食，會仲好味。平時食完正餐都會去下一個地方飲杯嘢，或者食個甜品傾計。不過太古廣場選擇唔多，啲咖啡店都偏早閂門。於是，我哋直接喺餐廳叫埋甜品，繼續坐🍰🍰Warm Skillet Chocolate Cake ($69)暖朱古力蛋糕個蛋糕好好食🥹🥹🥹🥹🥹蛋糕面有一層朱古力醬，配雲尼拿醬，加上微暖嘅溫度，好好食🥹🥹🥹旁邊仲有啲新鮮藍莓、士多啤梨。哩個蛋糕有200分💯💯👍🏻👍🏻👍🏻Tiramisu ($72)提拉米蘇個暖朱古力蛋糕太搶鏡，相比個Tiramisu就比下去。雪得唔夠凍，唔夠挺身，個蛋糕有啲溶。味道都可以，唔會太甜，但咖啡味唔夠濃。試過一次就算。整體食物都做得好好，pizza底做得唔錯。職員好有禮貌。只係餐廳環境比較嘈，尤其happy hour 時段，好熱鬧，加上大家飲咗酒，講嘢又大聲啲。除咗主食，餐廳放咗少量cookie dpt 曲奇寄賣。下午茶嘅時候，可以過嚟買杯咖啡，食片曲奇🍪☕哩間餐廳將會成為我最愛嘅pizza店之一😝Pizza project都好鍾意，不過佢調味比較重手，食物偏咸。哩間直頭係商場入面，地點方便啲就腳啲，唔洗踏出室外，落雨都唔怕，調味又比較岩我口味😋推薦哩間餐廳俾大家❤️
continue reading
餐廳就在太古廣場的4樓平台，有室內和室外座位，晚上餐廳坐滿人，很熱鬧。Pizza Margherita新鮮出爐，餅底薄也很脆身，高質Lasagna新鮮出爐，Potion 不大，整體濃郁卻不膩。服務卜Causal Style 郤不失基本的service，收碟時，服務員會問食客食物是否ok。
continue reading
酒店附近的餐廳， 入邊十分熱鬧， 店員也十分熱情， 也為我們送上驚喜， 食物方便也十分好吃， 沙律青新，pizza 惹味，甜品也十分好吃，適合一家大細， 慶祝聚餐， 在金鐘來說是CP高的餐廳
continue reading
估唔到係太古廣場入面都搵到性價比如此高的西餐廳位於L4 果層 有室外 都有室內真心要讚一讚 服務員入到去坐低即刻有人Serve仲細心到我哋比較多嘢令原先座位有點逼主動幫我哋調到較大的卡位令我驚喜嘅首先係價錢一望埋去 真心性價比高星期六、日、公眾假期有特別餐牌真心要點呢個 Smashed Avocado 直頭係用心之作食到佢既牛油果配上檸檬皮+檸檬汁果種Creamy + Full 果肉係真心覺得好好食同埋食到七味粉既少少spicy唯一係吐司對我黎講條邊燶左少少但完全 無傷呢個吐司的分數因為 個主菜 真係好好食😋大推 一定要試 格魯吉亞早啲薄餅🍕恰道好處 個餅皮煙韌係再多少少配料會更加好辣椒粉可以再加多點不過兩款芝士配雞蛋🍳都係已經唔錯介紹返呢杯 Negroni味道很ok , Orange Peel 夠香📍EMMER Pizza 金鐘太古廣場L4 407號
continue reading
餐廳主打係佢哋嘅dough, 用咗emmer, 從他們的網站節錄：「我們由Emmer這二粒小麥出發，將這種源於古代的有機穀麥與黑麥及上乘的意大利麵粉混合。這些用人手篩選的穀物，麩質成分較低，而且蘊含更多營養，如抗氧化物、維他命及礦物質。」所以我這餐主力點他們用dough 造嘅食物。Pizza 好味👍🏻，我哋叫咗Margherita pizza，加咗anchovies, 變成Neapolitan 😄Garlic Truffle Dough Stick 嘅蒜蓉味蓋過晒啲truffle 味，同埋好多油。Mac & Cheese 用咗三種芝士：parmesan, fontina and pecorino。其中pecorino 羅馬羊奶芝士嘅味道最出，鍾意羊奶芝士嘅朋友就最啱。Salmon salad 好味，capers 帶出了鮮味。
continue reading