Video
6-min walk from Exit B2, Kwun Tong MTR Station
continue reading
Telephone
59670201
Introduction
This restaurant serves Asian fusion dishes and desserts which are IG-able. The shop design is simple and casual. Besides, it provides an outdoor seating area with resort style to bring you a relaxing vibe.
continue reading
Opening Hours
Today
00:00 - 23:45
Mon - Sat
12:00 - 22:00
Sun
Closed
Public Holiday
00:00 - 23:45
Above information is for reference only. Please check details with the restaurant.
About Reward Scheme
周五晚上來到位於觀塘工廈內的「本」和親戚食生日飯，幸好有提前預訂座位，當晚入座時都已滿座。夜市粟米棒，略略塗抹燒烤醬汁，烤得微焦，又香又惹味。檸檬清酒煮藍青口，藍青口肉質飽滿，吸收了清酒香。可按個人口味將檸檬汁加入到清酒湯中，清酒湯也滲了青口鮮味，幾好飲。鰹魚熟成封門牛柳，牛柳採用熟成方式製作，利用鰹魚乾包裹在外而成，封門柳色澤粉嫩，肉質軟嫩，富牛味。配菜的雜菌及蔬菜都很香。醉烤三黃雞 (半隻)，店員端上桌時，已聞到撲鼻酒香！烤雞烤得皮脆肉嫩，充滿肉汁，入口仍帶有淡淡酒香。若嫌酒香不夠，還可再澆上附贈的醬汁。這道菜式是我們encore的唯一一道菜，因為這麼好吃的半隻雞不夠8人分來吃啊！酥炸魷魚的份量不多，炸得焦了一點之餘，酥脆度一般。明太子醬薯條，薯條粗身，熱焫焫的夠香脆，配上明太子醬，鹹香味增，夠惹味！米蘭式西班牙豬扒配沙律，豬扒炸至金黃色，好大塊！炸漿夠脆，不會太厚粉，豬扒肉質鬆軟不乾身，惟味道並不覺得特別惹味。沙律菜份量多！大頭蝦干燒忌廉醬意大利麵，大頭蝦好大隻，肉質爽口彈牙。除了大頭蝦外，還有幾粒蝦仁。扁意粉的麵質爽滑，每條麵條都均勻的沾滿醬汁，夠滋味。蟹皇蟹肉意大利麵，試了大頭蝦干燒忌廉醬意大利麵先的話，就會覺得蟹皇蟹肉意大利麵較為乾身及淡口，實際上都有帶淡淡的蟹味鮮香。開心果奶昔，有淡淡開心果香，奶的比例剛好，不會過重。泰式奶茶，漏單而催單的飲品，漏單以外，水吧那邊還漏了加入糖漿。第一次飲完全沒有甜味的泰奶茶，要問店員取凍飲糖漿自行加上才勉強有點甜味。Croffle - 檸檬忌廉，Croffle的酥脆度一般，檸檬醬與忌廉有點兒獨立，普普通通。法式多士香甜又夠脆口，是這頓飯最好吃的甜品。黑金芝士迷你卷蛋，雖然外層灑上金粉，但賣相一般。略嫌卷蛋過於濕潤而影響了鬆軟感。主菜及小食的味道大都不錯，惟飲品及甜品一般，尤其覺得飲品的價錢完全不值！幸好有美味的醉烤三黃雞拉了不少分！
continue reading
🐥 醉烤三黃雞 ($178)好驚艷好好味!! 一切開勁爆汁 熱辣辣 出晒煙肉質鮮嫩滑溜 大大份酒香味好吸引 每一啖都驚艷到我三十分鐘等待絕對值得🍤大蝦海膽醬意粉 ($148)份量幾大 海膽醬好香味道出色 汁醬質地係偏流質個種蝦有6粒 3個人share都人人有兩粒好滿足🍟明太子醬薯條 ($58)薯條好大份 食呢啲最怕唔夠醬汁點呢份明太子醬基本上鋪滿每條薯條 抵讚!!!🌽 夜市粟米棒 ($38 四件)汁醬好香口 價錢抵食 粟米粒粒爽口🦑 酥炸魷魚 ($58)炸得好酥脆 味道出色🤰🏻 #大肚腩小分享難得出觀塘食飯 上網搵美食先赫然發現好多小店已經結業好耐冇周圍覓食光顧小店🥹 希望好嘅小店餐廳頂得住🫶🏻已經好耐冇分享美食 為咗呢間偶然搵到嘅 #觀塘美食 好值得💖******************************😋 Honbu 本📍 觀塘開源道52-54號豐利中心5樓509號舖#honbu #本 #foodietummy_kt #foodietummy_cafe
continue reading
🌽芝士粟米棒 $38 (5/10)粟米米唔似有燒過，似烚咗加芝士粉，普普通通，唔太建議，唔明點解咁多人食！🍴蒜容牛油雞翼 $48 (7/10)炸得香脆，食落去有少少鹹香嘅蝦醬味？應該係蒜蓉太鹹，所以感覺似蝦醬，都OK嘅。🍴醉烤三黃雞 $178 (8/10)呢個係半隻雞，食落去好香濃嘅酒味，幾香，雞肉雞髀嫩滑有肉汁，雞胸就嚡少少，味道都唔錯！入面有啲菇菌蟲草花吸晒雞味都幾香嘅！🍴海鮮金華火腿燴飯 $208 (6/10)唔係好食得出金華火腿，味道係有少少鹹，海鮮青口有沙，蝦係爽口，大頭蝦都有膏，普通！🍓士多啤梨乳酪沙冰 $58 (8/10)沙冰係用新鮮生果打嘅，飲得出好重乳酪味，酸酸甜甜！推薦指數: 7/10夜晚唔算好多人好安靜好啱慢慢傾偈食嘢，嘢食就正正常常，有啲似台式港式嘅味道！
continue reading
走causal dining路線，氣氛輕鬆🤗找來出身法國菜的大廚班底助陣👩🍳🧑🍳不走傳統路線走fusion風，味道水準高，配搭特別之餘，擺盤亦十分精美，打卡一流📸足兩斤的三黃雞，半隻上枱🍗以花雕酒調成的醉雞浸足兩日🍾再半烤半焗，雞皮雞肉吸盡酒香，醉味十足😍大size的越南大頭蝦好搶鏡🦐另加三隻蝦球，蝦肉鮮甜彈牙🍤醬汁使用蝦膏烹製🔥意粉十分掛汁，充滿蝦香😋更有小食粟米棒，原條開邊烤香🌽灑上大量辣粉及芝士粉，非常惹味香口😙士多啤梨乳酪沙冰，以新鮮水果即叫即打🍹沙冰不會太重冰感，士多啤梨味夠濃🍓吃到中間是滑溜乳酪，消暑好飲😎藍柑清爽甘香，帶點酸甜味，飲完感覺同樣好Fresh😃甜品多士充滿蛋及奶油香味🍞食落軟嫩，配上雪糕🍦一冷一熱，口感豐富🤩
continue reading
復活節假期決定留港消費，下午去完觀塘APM購物後，就嚟到巧明街一帶的工廠大廈裡覓食，揀來這間Honbu休閑cafe。🐣🐰🏬🍽️👫餐廳有分室內及戶外的位置，同時亦是一間狗狗友善餐廳，可讓狗狗到戶外的位置四圍走動。🐶⛱️✨ 粉紅西柚梳打($68)，西柚梳打配柚子味雪葩卻是幾夾。每一口飲落有種冰涼爽快的感覺。🍹🍧🧊✨ 朱古力奶泡($48)，朱古力的上半部是打了厚厚的香滑的奶泡，下半部是用上來自法國的可可粉沖出來，朱古力的部分較為甘香醇滑。飲晒成杯朱古力後，燒焦的棉花糖留待最後食用。🍫🥛✨ 夜市粟米棒（$38），粟米本身帶有甜味又多汁，再塗上一層秘製的BBQ風味醬汁，加上少少燒焦的表面，入口帶點惹味。🌽🔥✨ 大蝦海膽醬意粉（$148），意粉送上枱上已有濃濃的海膽醬香味，扁意粉煮到有掛湯的效果，口感順滑，濃香滑溜。虎蝦仁大大隻，幾爽口，也有海水的咸香味。🍝🦐✨ 醉烤三黃雞（$178），三黃雞的處理功夫都不少，先將三黃雞配上花雕酒調製的醃汁，醃了至少兩日。因烤焗時間需時，所以點餐後需等候約30-40分鐘。三黃雞的肉質超嫩滑，而且皮脆肉嫩，當撕開雞肉時，黃油不停地流出，肉質多汁又鬆軟。雞肉帶有微微的酒香，很入味，烤焗的火喉恰到好處，難怪是餐廳的招牌菜，真是睇得又食得。🍗🔥🐥✨ 焦糖燉蛋（$58），燉蛋加入了忌廉和奶的材料，薄薄的焦糖下就是濃厚的忌廉味，口感細滑，由第一口食到最後一口都會感到滿滿的幸福滋味，非常回味。☺️🍮🥛
continue reading
You may be interested in