Video
Exit D1, Lai Chi Kok MTR Station, Exit D2, Lai Chi Kok MTR Station
continue reading
Telephone
57347800
Introduction
It specializes in tempura and sukiyaki. It uses sesame oil and special batter to cook tempura with seasonal seafood and vegetables. Besides, the sukiyaki is mixed with Kanto and Kansai flavours with fusion sauces to bring you a new dining experience.
continue reading
Opening Hours
Today
12:00 - 15:00
18:00 - 23:00
Mon - Sun
12:00 - 15:00
18:00 - 23:00
Above information is for reference only. Please check details with the restaurant.
About Reward Scheme
Offers
呢間位於荔枝角D2 Place二期嘅夜明け，主打席前壽喜燒同天婦羅，餐廳環境簡約舒適，有師傅席前為烹調天婦羅同壽喜燒！💙前菜🦀北海道松葉蟹肉生湯葉賣相精緻，北海道松葉蟹肉好鮮甜，下面放上傳統的京都食品「生湯葉」，即係豆漿煮沸時形成嘅薄膜舀起製成的，類似腐皮咁，豆味濃厚, 口感獨特又柔滑！💛天婦羅🦐花竹蝦分開咗蝦頭同蝦身去炸，蝦頭讚得香脆，可以配上岩鹽去食，而花竹蝦身好彈牙，可配咖喱鹽去食，別有一番風味！💚北海道白蘆筍 口感鮮嫩，食落好清甜爽脆！🐟北海道公魚北海道公魚肉質細膩，好啱用嚟整天婦羅，炸得外脆內嫩，鮮甜又酥脆😍！🍆熊本縣赤茄子熊本縣赤茄子係日本第二多水的茄子，茄子炸到外皮酥脆，內裡綿密多汁☺️！🧡北海道馬糞海膽 紫菜天婦羅配淡雪鹽北海道馬糞海膽非常鮮甜，加上酥脆嘅紫菜天婦羅味道超夾！師傅喺海膽面頭再灑上以米與鹽結合而成嘅淡雪鹽，更提升了整體味道層次😆！🍄山形縣舞茸菇山形縣舞茸菇天婦羅外皮酥脆，內裏鮮嫩，獨特的舞茸菇香氣彌漫！🍠鹿兒島安納芋配威士忌同糖鹿兒島安納芋外酥內軟，安納芋甜味濃郁，可以先點少許威士忌 再點糖，糖用嚟中和威士忌嘅味道，增添了獨特的風味，香甜中帶點微微酒香，好有創意嘅組合👍🏻！🧡醋橘啫喱 食完天婦羅，來一件醋橘啫喱來refresh口腔，酸酸甜甜好開胃！💚鵝肝茶碗蒸茶碗蒸上面放上大大件香煎咗嘅鵝肝，鵝肝細膩滑順，同茶碗蒸嘅蛋香好配合！🐮和牛壽喜燒壽喜燒用上宮崎A4和牛嘅肉眼位同西冷位，頭兩片肉眼和牛肉先以關西風去烹調， 先以牛肪起鑊再落糖整至焦糖化，令和牛煎香後帶點焦糖嘅甜味，之後西冷和牛會則用上關東風去烹調，即加入壽喜燒湯汁後再加入和牛去煮，食嘅時候可以沾上夢王蛋黃，令和牛口感更提升，亦可以點上wasabi/ 柚子皮法式芥末，更增添風味！🥣麵豉湯麵豉湯湯底鮮香，淡淡的鹹香🍳日式炸蛋飯先將蛋黃炸成天婦羅，放上白飯上，再淋上秘製醬汁，看似簡單，但味道一流！蛋味超香濃的甜品🍈靜岡蜜瓜甜度高，多汁又爽口
continue reading
今日去咗荔枝角D2 Place一間叫「夜明け」食席前壽喜燒做晚餐，餐廳嘅環境闊落清靜，私隱度幾高，師傅會喺席前為食客煮壽喜燒，一邊烹煮一邊介紹食材同煮法，非常有親切感。我哋嗌咗兩個「A4和牛壽喜燒一人前」套餐加炸天婦羅三品。🍊 前菜非常精緻嘅一道前菜，上面係味道鮮甜嘅北海道松葉蟹肉，口感細膩；下面係大豆味道濃郁嘅京都腐皮，入口即化，口感柔滑；配上味道清新嘅柚子醋，非常開胃🍊 茶碗蒸師傅用85度嘅熱水隔水蒸出嚟嘅茶碗蒸，蒸蛋口感非常嫩滑，入口即溶，上面採用兵庫縣達到刺身級別嘅武士蠔，輕輕煎香後嘅蠔充滿鮮味，配合濃郁嘅蛋汁、鰹魚湯汁同蟹柳絲，係一道好出色嘅茶碗蒸🍊 炸天婦羅三品炸天婦羅配有咖喱鹽、岩鹽、抹茶鹽同蘿蔔蓉天婦羅醬汁，為天婦羅帶來唔同嘅口味；炸花竹蝦嘅蝦身爽口彈牙，蝦腳拆咗出嚟再炸非常脆口；九州沙鮻魚嘅炸粉好薄，食落無魚骨而且魚肉唔鬆散：山口縣嘅野生舞茸炸完之後好香口🍊 宮崎A4和牛餐廳採用宮崎A4和牛，和牛係由師傅即場用機器切割，控制好每一片和牛嘅厚薄同大小。和牛壽喜燒一人前嘅份量有兩片西冷和牛同四片肉眼和牛，肉眼和牛會採用關西壽喜燒嘅做法，先用和牛嘅脂肪起鑊，再加砂糖喺鍋入面造成焦糖化，令和牛煎香後帶有焦糖嘅甜味同脆口；西冷和牛會採用關東壽喜燒嘅做法，加入壽喜燒湯汁將和牛煮到五成熟，再沾上夢王蛋黃，令和牛味道更加濃郁，而且口感溫和，唔要蛋白可以令蛋黃更容易掛汁🍊 日本野菜七品師傅會將每片宮崎和牛都配上新鮮嘅日本野菜，例如大蔥、溫室大啡菇、娃娃菜、秋葵、芋絲等，全部都吸收晒鮮甜嘅壽喜燒醬汁，其中最特別嘅係京都半熟豆腐，擁有布甸嘅質感，非常軟🍊 炒飯/烏冬加入滑蛋、洋蔥、金針菇等材料炒飯同烏冬，中和咗口腔中和牛記油脂感，食完有飽肚感🍊 生果/甜品套餐可以選擇日本生果或甜品，日本靜岡蜜瓜清甜爽口，柚子雪葩味道清新解膩📍荔枝角長順街15號D2 Place TWO 3樓311號舖位置就腳：🍊🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊
continue reading
📍夜明け 隱藏喺荔枝角工業區入面嘅天婦羅同壽喜燒omakase，真係一個驚喜！😍 佢哋用嘅食材全部都係日本直送，質素超高，仲有靚和牛，即叫即刨，真係睇到都流口水🤤 ✨ 前菜- 北海道松葉蟹肉yuba：蟹肉鮮甜，yuba（腐皮）滑溜，開胃一流！ - 兵庫縣牡蠣茶碗蒸：蒸蛋滑到不得了，牡蠣鮮味爆棚，正！ 🍤 天婦羅- 花竹蝦：外脆內嫩，蝦肉彈牙，完全唔油膩！ - 九州沙追魚：魚肉鮮甜，炸得剛剛好，脆皮超薄！ - 山形縣野生舞茸：香氣十足，咬落去仲有juicy感覺，好特別！ 🥩 壽喜燒- 關西風壽喜燒肉眼：關西風味偏甜，肉眼油脂分布均勻，入口即化！ - 關東風壽喜燒西冷：關東風味較濃郁，西冷肉質軟嫩，配埋日本直送蔬菜，完美！ 🍨 甜品- 日本紅豆雪糕：紅豆香甜，雪糕滑順，完美收尾！ - 日本蜜瓜：超甜多汁，食完覺得成個人fresh晒！ 總括嚟講，呢間隱世omakase真係值得一試，食材高質，師傅手勢一流，環境仲好有feel，絕對係荔枝角嘅隱藏寶藏！💯 📌 夜明け 地址：荔枝角長順街15號D2 Place TWO 3樓311號舖 推薦指數：⭐️⭐️⭐️⭐️⭐️ #荔枝角美食 #omakase #壽喜燒 #天婦羅 #和牛 #日本直送 #隱世餐廳 #食評 #夜明け
continue reading
新的一年，想好好開個年，於是選擇了日本料理的天婦羅Omakase！🍤✨作為熟客，餐廳特別為我安排了天婦羅和壽喜燒的組合，這次用餐真是一次難忘的美食之旅。首先，我們品嚐了北海道海膽紫菜。薄脆的紫菜炸得金黃酥脆，配上新鮮的海膽，入口時那Creamy的口感瞬間在舌尖綻放，仿佛置身於海洋中，海水的鮮味與紫菜的香氣交織在一起，每一口都讓人感到無比幸福。🌊💛接下來是天婦羅的主角：炸蝦頭和墨魚。炸蝦頭外皮酥脆，裹著一層輕盈的麵衣，撒上岩鹽後更顯香氣四溢，咬下去時那種鮮美的海味讓人陶醉。而蝦身則是用特製的天婦羅醬輕輕裹住，外脆內嫩，搭配咖喱鹽，更是提升了整體風味。墨魚則是另一道驚喜，它厚實如麻雀般的肉質，經過精緻炸製後，外層微微焦香，內裡卻保持著柔嫩的口感，每一口都令人回味無窮。最後，我們還品嚐到北海道帆立貝，炸至半熟後呈現溏心狀態，那鮮甜滋味簡直令人心醉。接著轉口味到壽喜燒，我選擇了肩肉和肉眼。肩肉煮得恰到好處，壽喜汁在肉片上形成焦糖化的花瓜，每一口都帶著濃郁的牛尾香氣，令人垂涎。而肉眼則保持粉嫩狀態，入口如棉花糖般柔軟，讓人忍不住想要再來一片。套餐中還包括茶碗蒸、湯、關東煮和蜜瓜，每一道都展現了廚師對食材的用心。特別是茶碗蒸，上面還有新鮮的大生蠔，鮮美無比；關東煮則是自家調製的獨特風味，其中特製蒟蒻切成細緻網紋，更添口感與層次感。整體而言，每一道菜品都精緻無比，各種海鮮和食材所搭配的鹽和調味都經過巧妙設計，以提升其獨特風味。這次用餐不僅是一場味覺盛宴，更是一段難忘的美食體驗。🥢🍱
continue reading
今日喺荔枝角D2 place二期試咗一間環境好又有特色嘅餐廳🥰 餐廳主打兩個主要嘅日系菜式，天婦羅同壽喜燒，今日試過，兩樣都做得好好🥰未介紹我食乜嘢之前，大家真係可以放心收藏咗呢一間＜Yoake 夜明け＞餐廳有不同款式嘅一人套餐或者二人套餐選擇，宮崎和牛、活龍蝦、活海老、日本海鮮同蔬菜應有盡有，我未喺日本食過天婦羅名店，但如果比較同喺日本食壽喜燒，我真心覺得＜Yoake 夜明け＞ 做得更好😎🌟前菜： 日本湯葉（腐皮）日本湯葉即係日本嘅腐竹，配咗蟹肉，紫菜同埋柚子汁，好清新嘅前菜，開胃又好味呀😍🌟茶碗蒸：師傅同我哋講，用恆溫85度蒸，非常滑，喺茶碗蒸上面配咗一隻香煎刺身級兵庫縣武士蠔，隻蠔煎完仲仲脹卜卜，好好味🤤🌟天婦羅： 我哋試咗花竹蝦天婦羅，活海佬真係好好味，天婦羅炸粉好薄身，完全感覺到海老係蒸到半熟並非炸到半熟，好正呀！ 另外蝦頭都炸得好香脆，直情喺酥脆，海老點少少咖哩鹽，好襯👍😍🌟北海道宮魚我真係冇食過，但我喺電視見過呢款魚炸完可以好靚咁放喺碟上，已經係一種視覺嘅享受，配天婦羅汁食幾正喎！唔怪天婦羅菜式多數都見到佢啦！🌟京都白蘆筍好嫰好多汁，師傅嘅功力真係唔錯，蔬菜感覺似蒸熟，外脆內嫩，非常好！🌟小洋蔥 日本小洋蔥好甜，一啲辣味都冇，真係幾好食👍🌟壽喜燒：和牛肉眼4 片+8 片和牛西冷一開始每人嚟兩片關西風嘅壽喜燒，關西風係我最喜歡嘅壽喜燒煮法，因為比較香，Ben 師傅處理得好好，配少少焦香嘅冬菇同埋大蔥，點埋靈魂醬汁夢王蛋黃汁一齊食，好幸福呀🤤其餘和牛會用關東風嘅煮法，今次食完真係令我改觀😆 師傅控制啱啱好，大約五成熟，入口即溶，非常後幸福感， 配少少柚子皮或者少少芥末一齊食，真係日日食都冇問題🤣 日本嚟嘅蔬菜質素真係有保證，尤其是個蕃茄同粟米仔真係極新鮮又帶甜味，京都半熟豆腐都好正，口感似布甸😍師傅主理嘅主食用咗壽喜燒嘅精華煮咗個蛋汁嘅飯同烏冬俾我哋，每一啖都好滿足，蛋汁有壽喜燒同和牛油脂嘅香味，一試難忘😎之後再上個湯，個湯非常之清澈但係有淡淡嘅日本嘅高湯味道，最緊要係夠熱，飲完好舒服！最後我哋揀咗柚子雪葩同日本蜜瓜，兩樣都好好味，完成咗今晚完美嘅一餐🥰＜Yoake 夜明け＞ 質素真係令我非常有印象，喺度食晚飯可以滿足幾個願望，連壽喜燒都有關西同關東風嘅選擇，食材新鮮，連蔬菜全部都係日本進口 ，想試好味嘅天婦羅或者壽喜燒，呢度絕對滿足到你，而且服務態度都一流，座位舒適，一定唔會介紹錯，真心推介👍
continue reading