Video
6-min walk from Exit A2, Sham Shui Po MTR Station
continue reading
Telephone
67007754
Opening Hours
Today
11:00 - 21:00
Mon
11:00 - 21:00
Tue
Closed
Wed - Sun
11:00 - 21:00
Above information is for reference only. Please check details with the restaurant.
今次去深水埗，一間家庭式經營嘅餃子名店， 總店6年前開業，一直都好好生意，依家去呢間分店都超多人食，等位都要時間，入到去都好多人。除左出名餃子之外，老闆娘自製嘅巴斯克芝士蛋糕，都好出名，但傾得太開心，想叫嘅時候人地已經賣曬，叫唔切。順帶一提，#家後 閩南話嘅意思係賢內助、老婆嘅意思。睇完食咩就可以用QR CODE落單，不過芝士蛋糕，就要人手落。手工餃子套餐 （煎）（$44，雙併+$2）×2=92各種餃子皮薄餡靚，大小一樣，但收口有少少分別，係手包嘅感覺。雲耳椰菜豬肉餃 除左豬肉，因為椰菜佔多，所以主要係椰菜嘅爽脆配雲耳嘅爽口。芹菜豬肉餃 本身鍾意西芹，但唔太鍾意味道太濃烈嘅唐芹。呢度芹菜變成餃子餡，只有淡淡清香，加埋煎香嘅餃子皮，所以好易入口。 小籠包豬肉餃呢款餃子必須叫煎餃，有啲好奇餃子同小籠包有咩相同。原來咬落去好多汁，煎餃有小籠包爆汁嘅感覺，同埋調味有薑汁，所以味道都同小籠包一樣，形狀唔同，但口感層次更多，唔怪得係舖頭推介。菠菜豬肉餃 菠菜平時煮得腍，所以變成餡料，好容易融入餃子裡面，同埋可以減少豬肉油膩感，原來又唔錯。（日式） 是日住家麵類 + 冷盤小食 + 烏龍茶 +$30冷盤今次冷盤係菠菜，日式醬油味淋呢啲調味撈菠菜，非常開胃。今次麵類係爽口嘅烏冬，豬骨湯底配裙帶菜，用料好過好多小店。烏冬再同香脆嘅煎餃一齊食，食嘢嘅滿足感可以大大提升。烏龍茶熱飲攤凍都無問題，主要係清香，而無苦澀味，感覺舒服。凍豆漿 （杯裝）$6少少甜，豆味濃。日本不二家30％白水蜜桃汁 $12總數：$140
continue reading
吃過深水埗「家後」的餃子和日式手作巴斯克芝士蛋糕，尤其對後者一直會有念念不忘的感覺，這店一直都人氣高企，每次都要排隊進去，遲咗去芝士蛋糕就會賣晒，最近又去咗佢哋新開嘅分店「家後2.0」，每次去都會食同一樣口味嘅餃子同埋日式住家飯團，不能錯過當然係芝士蛋糕，今日我超級早就去，芝士蛋糕仲有四款可以揀，開心🫶▪️手工餃子套餐（煎）芫茜豬肉餃｜芹菜豬肉餃每次去都會見到姐姐在枱面包餃子，就知道有多新鮮，我比較喜歡吃香口嘢，所以每次都會食煎餃，芫荽同芹菜都是我的心頭好，每隻餃子又肥又大，包滿餡料，底部煎得非常香口，一口咬下去餡料Juicy，點上自家製的香醋，真係超級好食🥟▪️開心果芝士蛋糕除了餃子，最期待就是老闆日本藉太太手作的巴斯克芝士蛋糕，眾多口味當中我最愛原味，但今次去見到有開心果，梗係唔可以錯過，保持一貫水準，入口綿密Creamy，而且開心果味超級香濃，重點不太甜，每次就是特別為🍰而來💚▪️日式住家飯團一樣是日藉太太的傑作，飯團用自家製醬油醃過，配合簡單的腌菜，熱辣辣入口米飯煙靭又鬆軟，就是日本家庭的味道🏠▪️沙薑雞中亦小食都有好多款，自家製沙薑雞中翼，雞翼每隻大大隻，而且超級入味，肉質鮮嫩，充滿的沙薑鹽香，但不會過鹹，好食好食▪️美式咖啡新店仲有各式各樣的咖啡，但我只鐘情的美式咖啡，味道香醇又能解膩
continue reading
同朋友喺深水埗行完街，想找個地方吃頓晚飯。朋友想食餃子，醒起汝州街這間人氣餃子店「家後 2.0」。餐廳主打手工水餃和家常飯餐，店面明亮，裝潢簡潔，座位闊落，驟眼看還以為是間文青咖啡室。點咗灼餃同煎餃各一份，芫茜豬肉餃 ($40) 好新鮮，入口沒有雪味，菜同肉嘅比例啱啱好。湯底以西洋菜自家熬製，真材實料，入口極之鮮甜，飲得出完全無落味精。至於煎餃就揀咗小籠包豬肉 ($44)，廚師以生煎方式將餃皮煎至金黃香脆，肉餡內藏雞湯及洋蔥蓉，一咬爆汁，香味四溢。+$20 可以配中式套餐，包是日鹹飯、冷盤小食及烏龍茶。菠菜爽口嫩綠，鹹飯配料有薯仔同香菇，非常足料，充滿住家風味。+$30 可以配日式套餐，包是日麵類、冷盤小食及烏龍茶。烏冬彈牙滑溜，無論係淨食或拌餃子吃都咁好味。另外仲點咗客沙薑雞中翼 ($30)，雞翼大大隻，好有肉地，入口鹹鹹香香，充滿濃郁沙薑味，送飯一流！一場嚟到梗係要食埋餐廳嘅招牌甜品，點咗客開心果巴斯克芝士蛋糕 ($35)，糕身輕盈濕潤，表面帶微焦，開心果同芝士味相互平衡，香醇不膩。
continue reading
自從佢開咗新鋪之後，都冇去過，今日早咗放工就要小朋友過嚟。Menu其實都係咁上下都係揀餃子之後睇吓煎定係灼，有幾樣小食，同埋當然會叫佢哋出名嘅巴斯克蛋糕。手工餃子套餐(菠菜豬肉餃，韭菜豬肉餃)(雙拼加$2) $48: 先教就相對等得耐，因為都係即叫即蒸嘅大概等咗25分鐘左右。但係當然上菜嘅時候都冇令我哋失望，真係皮薄餡靚，自己就覺得韭菜香過菠菜嘅，不過都同樣好味，一咬落去肉汁就標出嚟。手工餃子套餐(雲耳椰菜豬肉餃，麻辣白菜餃) (雙拼加$2) $44: 因為其實佢個餐單上面都係乜嘢菜加豬肉嘅combination，但係見到今日嘅新款餃子有麻辣白菜，所以就試吓，反而覺得麻辣白菜幾有驚喜，佢唔算太辣，但係都有麻辣嘅香味，食落去幾過癮。湯底就係菜湯，清清甜甜，食得出係自家製嘅。沙薑雞中翼($30):本身以為會係凍上，點知係熱辣辣嘅，沙薑汁味道還可以，雞翼都幾大隻，自己覺得我想試吓嘅可以一試，但係自己比較懷念舊舖嘅南乳雞翼。是日油菜($20): 豉油生菜，分量都還可以，味道就正常。凍豆漿($12@): 唔係自家製嘅豆漿，未道稍甜。抹茶味巴斯克蛋糕($35): 自己本身試過原味同埋佢嘅開心果味，所以今次嘅抹茶，茶味都好濃，亦都夠滑。自己覺得呢個價錢完全係抵食。總結：自己呢一間係少數真係返轉頭食嘅，價錢親民之餘亦都食得好飽，份量都好唔錯，真係值得一試㗎。
continue reading
從來都是 總店 1.0 的捧場客 fans， 知道這一家 『家後 2.0』， 當然也捧著 好奇兼新嘗試 拜道一下。地點同 1.0 真係好近 ，感覺上 有集合了 café 的風格 ，見飲品 list 亦多咗 多類咖啡的選擇, flat white 都有。 叫咗一個 煎餃餐， 鴛鴦雙拼 有 小籠包 餃子和芫茜餃子； 感覺上煎功真的不及 1.0， 沒有了 那種 脆脆地 的咬口， 真的有個兒可惜因為好多人朝聖而來也是為了這種味道；我們食完 贰點零 再去 1.0 同朋友叫多一客 煎餃子(今次 叫咗 芫茜餃同埋洋蔥餃子)， 的確呀，證實咗我哋嘅睇法， 2.0的烹調手法的確冇得同 1.0 相比。這間分店有一個特色叫蝦醬蒸腩肉飯，跟湯，白飯，烏龍茶。 白飯嘅質素普通超級普通，湯唔算好有味， 蝦醬惹味呀 ，好可惜烏龍茶真係好淡。 下次一定唔會再叫( 除非嗰啲白飯改有質素嘅日本米啦)招呼就一個個啦，有個男仔高高地 有不純正香港粵語但係都客客氣氣， 另外見到有個大媽就霸咗成張枱喺度包餃子( 其實係中午旺區時間)， 見佢對客都指指知點點 好有權力慾咁( 好似史丹福大學做好個實驗 人類 受到權力 之後 嘅氣驗....)， 諗住同老闆講一聲但係都係算啦廢鬼事阻人搵食。不過想同顧客有良好嘅關係就真係要好似老闆咁親力親為， 親民有禮貌。
continue reading