Video
1-min walk from Exit A1, Sheung Wan MTR Station
continue reading
Opening Hours
Mon - Sat
08:00 - 21:00
Sun
Closed
Above information is for reference only. Please check details with the restaurant.
今日難得在上環，跟飯腳又出去覓食。今晚係為左主角蝦多士而來，睇下佢係咪傳聞中咁嘩嘩聲。點心舖竟然出名蝦多士？店舖入面有圓枱、有方枱、也有單邊位，一個人都唔會覺得自己係搭枱的！點心紙寫了即叫即做，製作需時，所有菜式不添加味精。 心諗：好肚餓呀，唔通要等好耐？ 所以好快手就交點心紙。 希望快人一步，點心快到！老闆特別先照顧我們飲品，竟然好人地讓飯腳點了熱兒童鴛鴦阿華田溝好立克。而我就試了好立克紅豆冰。熱兒童鴛鴦有雙重口感，飯腳話ok！而我的好立克紅豆冰，就調較得剛剛好，不會全杯過甜，而且仍可食到紅豆的原味道。最快到的是老干媽醬炒腸粉。這個很好食，辣辣地，肉碎很多，跟腸粉同食好惹味。最後連個”碗”都吸了一些辣油味，係食得的”碗”！點心上枱，蝦餃晶瑩剔透的，見到餡中的蝦肉色。一粒有一両，食落爽口彈牙，有蝦味。鵪鶉蛋燒賣上枱，這個真係鵪鶉蛋燒賣？ 隻蛋呢？ 原來是內有乾坤，蛋在內，肉在外。第一次這樣食，有趣。這個上湯花膠魚肚，個花膠好滑，魚肚係爽的，砂爆魚肚果然有咬口，這個好清的上湯，因為知道無味精，我同飯腳飲到清底，因為好好飲，有雞鮑翅湯的上菜感覺，這個下次要帶亞媽來試試。和風脆皮海鮮腸，這個好脆，不是春卷皮，而係好鬆脆的網型皮，好好食，蝦肉好爽。加木魚絲及紫菜絲有使味道提升最後主角出場，在Openrice 睇相睇得多，第一次親身見到好吸引。 第一上枱時好香，特別是芝麻香。第二見到兩手指厚的蝦膠肉也太誇張吧！第三食落口，本來已經好飽的，但好食到忍唔住食哂2件才停口，好脆、好香、爽口彈牙，真係好有趣的蝦多士體驗。有層次，估你唔到。最後動用第二個胃，食埋餐廳話特制香滑的芒果布甸作結。 這餐估唔到非常滿足。飽到要行落中環先敢坐車，但好值得試。
continue reading
在 2018年 6月尾，經過上環德輔道中，見到開業約一年半的點心店 <想點就點> 結業！另一間點心店 <香港仔周記點心茶餐廳> 7月份進駐！最近經過才得知要轉名！店子以落地玻璃，光線充足又開揚！木餐桌椅，簡單舒適！桌上備有餐具及熱水壺，相當周到！供應：點心、蒸飯、飲品、特色紅豆冰...等！價錢合理！沒有加一服務！堂食及外賣均可！有紋身的老闆好細心，當我埋單時問我，係咪炒銀針粉好辣？他發現我一邊食，一邊撥走辣椒籽！這裡第一次幫襯，比較前者感覺更良好！早餐：菜乾排骨粥 +點心1款+飲品1杯 $40，相對抵食！ (可惜，現時暫停供應) 早餐可以選擇白粥或菜乾排骨粥 菜乾排骨粥的菜乾是白菜乾，屬寒性！ 勝在富有纖維！加入已醃鹹的新鮮排骨，有菜有肉營養均衡！ 大大碗份量十足的粥底熱辣辣不在話下，質感軟綿討好，鹹度剛好！鮑汁叉燒包早餐一客有2個，包身比預期細個， 勝在餡料多夠足料！ 皮薄餡多，叉燒切粒保持應有的質感及口感，而且相當入味，雪白色的包身很鬆軟！早餐：自選兩款點心+1 杯飲品 $40松子仁上素餃餃子皮晶瑩剔透，口感煙韌！餡料飽滿！松子、甘筍、西芹、冬菇...等！口味調教啱胃口！早餐：鯪魚球米線 $35 (其他時段+$5)有 3粒鯪魚球，臨走向老闆大讚鯪魚球結實又真材實料，他稱每天到附近街市新鮮買回來，還加入蝦米，爽口彈牙之餘，添了鮮美；米線口感煙韌又滑溜！湯底清得來夠味，不知道是否心理作用，加入鯪魚球，連湯底也帶有魚鮮味！ 物有所值！熱奶茶 (原價 $15)水溫熱辣辣，沖調出來的茶發揮茶香更好！如果，加多一點淡奶會更香滑！午餐：金網老干媽醬炒銀針粉 $52由於即叫即製的關係，等上大約10分鐘，期間，老闆走過來！告訴我，廚房炒緊，請稍等！以金網盛載，銀針粉散發香氣，炒得乾身，味帶微辣呀！配料有清爽的芽菜，整體不錯！熱檸檬茶 $15有4片檸檬，並附上兩包糖；茶膽頗濃，入口酸而苦！加入一包糖，才容易入口！金網老干媽醬炒 蘿蔔糕 $52炒蘿蔔糕香口惹味 質感太軟淋， 跟前者銀針粉同樣帶出微辣！和風脆皮海鮮腸 $44這款點心跟炸兩有異曲同工之妙，外面以腸粉包住，內裡是香脆口感，再加入蝦膠，豐富口感及口味呢！蟹籽燒賣皇 $38蝦及豬肉的配合，更鮮味！ 份量十足！煎蛋牛肉蒸飯 $40相對其他點心這個蒸飯顯得遜色！牛肉混合香蔥及芫茜，入口軟淋，飯粒卻是乾了一點，而且豉油汁不夠！芬達 $18汽水來說不平宜！奶茶紅豆冰 $26加入奶茶後的紅豆冰，顯得不太甜，亦有助減低甜度 ，略嫌太多冰！兩款港式特飲的配搭，出奇地夾！比起紅豆冰更啱我口味！香芋流心包 $29包身呈粉紫色，包質鬆軟微甜，紫色的香芋餡流心而甜美！內外兼備！香茜叉燒腸 $30聽見老闆跟食客講，叉燒自家製，不容錯過！沒有叉燒的焦香，相對健康！喜歡什麼口感，見仁見智！蟹籽花枝燒賣皇 $38 加入花枝，多一份爽口彈牙口感呢！
continue reading
爸媽兩老最鍾意食點心，今日就帶咗佢地黎上環呢間點心店吃晚餐。店內嘅裝修同器皿都以懷舊風格為主～點心紙圖文並茂，選擇豐富，定價適中，也有不少創新點心。所有點心都係餐廳自家製，即叫即蒸招牌蝦餃皇足三兩的招牌蝦餃合共有三隻，晶瑩剔透的蝦餃皮，包住大量鮮蝦肉，口感好爽口彈牙蟹籽燒賣皇同樣係足三兩的燒賣皇，份量十足！半肥瘦豬肉同蟹籽製成嘅燒賣，無添加味精，入口富有豬肉鮮香鮮蝦菜苗餃老闆誠意拳拳推薦呢個鮮蝦菜苗餃，果然冇介紹錯！鮮蝦肉同菜苗餡料比例均一，新鮮菜苗吸收左蝦肉嘅香味，口味清新，好味道上湯魚肚雲吞雲吞好似乒乓波咁大粒，外皮滑溜，包着滿滿的鮮蝦豬肉餡料，啖啖肉，調味適中，好好食呢！裏面仲有兩大舊魚肚呢濃湯浸時蔬時蔬可以選擇椰菜或娃娃菜，個人認為上湯娃娃菜係最好嘅選擇～娃娃菜吸收晒濃湯嘅精華，好入味，而且唔油膩，感覺健康韮黃鮮蝦腸腸粉皮同樣係晶瑩通透，厚薄適中，帶有米香，入口Q彈軟糯，頗有嚼勁！包著大大隻鮮蝦，大滿足呀花菇滑雞飯傳統中式盅頭飯別具風味，餐廳都有幾款蒸飯選擇。呢個蒸雞飯有五至六舊滑雞，肥美雞件好嫩滑，雞味香濃，花菇同白飯都吸收左蒸雞嘅精華，好味到食唔停哦黃金流沙包裏面係濃郁嘅流沙鹹蛋黃同奶黃餡，既有蛋黃嘅鹹香味，又有奶黃的甜香，兩者二合為一，邪惡又美味原味馬拉糕食點心又點少得傳統懷舊馬拉糕，而家好多地方都買少見少。原味馬拉糕帶有黃糖嘅甘甜，口感好鬆軟，充滿傳統味道木瓜南北杏糖水有冷或熱可選，天氣咁凍梗係揀熱的。呢碗糖水非常足料，好多木瓜粒、雪耳同南北杏，清甜滋潤，冬日糖水首選
continue reading
良久沒有孖飯腳外出 難得今晚飯腳在上環附近 又是時候四出搵食 經過呢間香港仔周記點心 見到有不少特色點心 正合心意 裝潢富有中式但亦混合港式茶餐廳感覺 既是茶記亦似是酒樓佈置簡單舒適 坐位間空間感足夠 平日來一盅兩件 令人有家既感覺望望餐單 有點心之餘 亦有特色必食茶記食品 果然有驚喜好立克紅豆冰 呢度既紅豆冰有5種口味可選 大大杯 紅豆量不少紅豆煮得夠腍身 味道不會太甜 飯腳選了好立克 味道是意想不到的夾 既有好立克既杰身口感 毫無違和感之餘亦將本來偏甜既紅豆冰甜度降低了阿華田混好立克 小朋友式既鴛鴦 還是頭一次飲=P阿華田色澤 但好立克味道 口感帶點杰身 味道不會死甜 還是蠻有驚喜的周記蝦餃皇 蝦餃相比一般酒樓的大 飽滿企身 賣相非常討好點心紙上標明 3隻3兩 所以每隻都足1兩 吃起來著實有不少足料蝦仁 蝦仁有咬口 爽脆之中帶嫩滑 餃皮薄身但煙韌 唔會一夾就爛 果然功架十足鵪鶉蛋燒賣 港式的懷舊點心之一 有別於一般酒樓 呢度既燒賣隻鵪鶉蛋包係裡面 設計夠特別創新 不過有點小遺憾是 隻鵪鶉蛋有點過火 以致皮太韌 口感不太柔軟和風脆皮海鮮腸 賣相同原理都好似春風得意腸 不過略有不同是 呢度用米紙包著蝦仁 質感相比春卷餡皮就更軟綿好吃 而且唔會硬身腸粉外皮整得晶瑩剔透 亦唔會一夾就爛 同樣地蝦仁大隻爽口彈牙 上枱時配合木魚絲紫菜更添香氣美味 是靈魂所在老干媽醬炒腸粉 以春卷皮脆炸成既碗裝著上枱 賣相甚有創意 用上老干媽辣醬炒成 濃厚味道帶點香辣 香口惹味 食落唔算太油膩腸粉口感順滑堅挺甚有咬口 配合炒至乾身既肉碎以及爽脆既芽菜 令人一試不能自拔黑白芝麻蝦多士 一邊是金黃色外表 脆卜卜 另一邊是滿滿黑白芝麻 香氣四溢兩片薄吐司夾著約兩隻手指厚度由蝦仁打成既蝦膠 大塊足料 蝦餡柔軟爽口彈牙 吐司咬落香酥鬆脆唔油膩 軟硬兼吃 口感豐富沾著沙拉醬食出奇地夾 絕對是必食推介上湯花膠魚肚 花膠口感Q軟彈牙帶黏性 膠質感豐厚 魚肚是用上沙爆等級 入口軟腍不過帶點爽口煙韌 食落唔會油膩感重 配合零味精上湯 飲落清新鮮味 簡單而好味 香濃芒果布甸 芒果餡料頗重手 不用加花奶都可以做到入口香甜柔滑 師傅應記一功整體來說 份量同品質都對得住價錢 小店還是值得多點人去捧一下場才是
continue reading
餐廳以舊式茶樓為設計，但不會像舊式茶樓般逼夾，一張小圓枱坐滿7個人亦不會太逼，店內環境舒適，有洗手間供應👍🏻老闆見我地猶豫嗌咩食既時候又主動過黎推薦野食，好Nice好有趣，亦唔會吝嗇將製作方法教比我地😁周記蝦餃皇$40蝦餃3粒足3兩，！！咬入口係滿滿的蝦餡，外皮唔會好厚同唔會易爛，正👍🏻👍🏻蟹籽燒賣皇$38飲茶當然要有燒賣啦！！😎燒賣皇大大粒包你食過返尋味。和風脆皮海鮮腸$44好似炸兩😂將蝦炸到脆一脆，再用腸粉做核心的外圍包住🤤點醬唔點醬都有兩種風味，唔太好蝦既我都覺得幾好味🤩🤩 麻辣燒賣皇$40平時食燒賣一定要加辣椒油，但呢個只要蘸少少豉油或就已經有濃濃既麻辣火鍋既味道🤤京式灌湯小籠包$40小籠包皮亦算薄，一不小心就夾穿了，店舖亦貼心的為每隻小籠包加上錫紙兜再放入籠蒸，這讓我這些粗心的食客能將湯飲得一滴不漏😋鮮蝦菜苗餃$40呢個點心一放底左已經冇曬，所以我無緣嘗試，但就這樣觀看亦能看到內𥚃的餡料十足🤭黑白芝麻蝦多士$44呢一個係必試的食品，多士十分鬆脆金黃，蝦的份量十足，後來詢問老闆後，原來他們有一個標準，就是要有大約兩隻手指的厚度，一口咬下去保證了每一口都有滿滿的蝦，愛食蝦的你一定要嘗試一下！！🥰老干媽醬炒腸粉$49老干媽醬炒銀針粉$52呢2個老干媽炒腸粉/銀針粉係用炸好嘅春卷皮做碗，係一隻可以食既碗，雖則兩者略為相似，但個人比較偏好炒腸粉🥳黃金流心西多士$44黃金流心西多士一定要試🔥🔥我係超鍾意食西多士，由其係落好多糖漿，但呢個並唔需要落任何的額外醬料，剛放下的時候中間漲卜卜的，一刀切落去好似火山爆發咁🌋爆曬啲奶黃出黎，係必試系列之一！！😍原味馬拉糕$28朋友一口氣食左兩嚿，一啖都唔留反比我🥺特色紅豆冰（奶茶味）$26奶茶味飲落去紅豆同奶茶亦算夾，奶茶味十分濃郁，容易訓唔着既就唔好夜晚飲啦😂👍🏻枱面有3種唔同味道同辣道既辣粉，說明上建議左可以落喺唔同的主食或甜品上🧐另外老闆亦將一樽秘製辣椒醬比我地試，佢辣的程度比以上三隻辣粉辣多數十倍🥵喜歡食辣的可以挑戰下👊🏻👊🏻
continue reading