Video
Introduction
An egg-themed toast specialty shop, the most popular box toast will be pan-fried with butter and filled with different fillings, satisfying the vision and taste at the same time.
continue reading
Opening Hours
Today
12:00 - 20:30
Mon - Sun
12:00 - 20:30
Public Holiday
12:00 - 20:30
Public Holiday Eve
12:00 - 20:30
Above information is for reference only. Please check details with the restaurant.
About Reward Scheme
RELATED ARTICLES
今日晏晝又係放假嘅日子，同朋友去咗大圍覓食。本身諗住去貓貓店度買嘢，兜咗個圈見到呢一間Cafe，佢個門面令人感覺好舒服，而且見到佢而家有下午茶餐。店員安排咗我哋坐樓上榻榻米嘅位置，空間好簡潔，而又令人感覺好舒服。🪟羽衣甘藍三文魚子三文魚沙律配意大利黑醋 $78佢嘅沙律有好多種唔同嘅沙律菜，面頭灑上咗芝士粉同意大利黑醋，酸酸地咁樣非常之開胃。而且加上三文魚同三文魚子，令到成個沙律更加有層次。🐟三重熔岩芝士煙肉吐司 $88見到呢一個吐司新出，感覺好似好吸引，而想到碟個樣同我哋想像中一樣，本身都擔心個吐司會唔會好遠好冇口感，但吐司有少少酥皮嘅感覺，配埋煙肉同炒蛋，味道好濃厚之餘，口感亦都好豐富。🥪冬蟹三重奏茶漬丼 $168就嚟冬天係盛產蟹肉嘅季節，而佢呢一個茶漬飯有齊蟹膏、蟹籽、同埋長腳蟹肉，本身呢個配搭已經好吸引，加埋佢好香嘅玄米茶，成個飯好暖胃之餘完全令人食到停唔到。🦀黑松露薯條 $58薯條方面味道就不過不失，加上黑松露醬嘅薯條都頗為香口，作為一個餐前小食，呢個選擇相當唔錯。🍟開心果特調（ice) $56本身已經好鍾意食開心果嘅產品，見到佢呢個開心果特調梗係要試吓。佢呢個特條唔係平時普通咁樣淨係開心果加奶，佢加咗啲好似豆腐咁樣嘅東西喺入邊，而且仲每一啖都飲到佢嘅開心果碎，仲要杯邊都有，用料非常豐富啊。🍵泡沫咖啡 （hot) $38咖啡方面佢嘅拉花都好出色，令到成個飲品變到好打卡able!💙☕️冧酒提子巴斯克軟心芝士蛋糕 $58最後梗係要食一個蛋糕做結尾，佢呢個巴斯克蛋糕好香冧酒味，加埋濃郁嘅芝士，簡直係完美嘅句號。🩵
continue reading
位於大圍的人氣咖啡店E FOR EGG早在我心目中收藏已久，不但食物賣相打卡一流，店內更設有塌塌米座位。食物與環境面面俱到，怪不得開業以來捧場客源源不絕，據知最近更再下一坊在西營盤開設分店。香脆魷魚鬚 ($68)魷魚鬚炸漿厚薄適中，蘸上蛋黃醬鬆脆惹味。E For Egg大拼盤 ($98) 拼盤包括炸雞粒、薯條、台式黑椒腸、酥炸雞軟骨等，驚喜不大但勝在豐富香口。香蒜雜菌黑松露拉絲芝士盒子吐司 ($65)招牌盒子吐司不負所望外酥內軟並充滿牛油香，黑松露炒蛋水漾嫩滑，當中更混有雜菌增加口感，伴碟更有炸芝士年糕煙韌軟心。黃金鳳梨吉列大蝦滑蛋盒子吐司 ($98)作為其中一款期間限定口味當然不容錯過，吉列大蝦雖然炸衣稍厚但肉質彈牙，加上千島醬、沙律醬及芝士醇厚濃郁，配以香甜多汁的鳳梨更加清爽。黑魚子煙鴨胸定食 ($82)煙鴨胸味道屬預期之內但油香與煙燻香俱全，加上黑魚子更添一份鹹香和口感，珍珠米飯粒粒分明，另加$15配上溏心蛋軟滑入味。蒲燒星鰻定食 ($98)蒲燒鰻魚於坊間較為常見，難得一見體形相對短小的蒲燒星鰻，肉身雖薄但不帶細骨，油脂較少而肉質更加細嫩緊緻，配菜則有日式蛋絲「錦系玉子」及韓式泡菜。E FOR EGG芝士奶蓋招牌窩夫 ($88)招牌窩夫上放有一隻以鮮忌廉製成的「太陽蛋」令人愛不釋手，兩件窩夫略帶餘溫而質感偏向乾脆，但加上如瀑布般的芝士奶蓋則恰到好處，細滑稠密而鹹香醇厚，中間更有雪糕糯米糍煙韌軟糯。竹炭黑芝麻鮮奶 ($42)黑芝麻醬融合鮮奶味道溫香平衡。西柚百香果氣泡水 ($42)西柚與百香果酸甜清爽，加上百香果肉真材實料。
continue reading
大圍滑蛋吐司專門店E FOR EGG以爆餡韓式吐司打響名堂後，一直是區內人氣cafe。樓高兩層，下層裝潢走白色木系簡約風，設有少量戶外座位，這裡亦是Pet-Friendly餐廳。沿著樓梯拾級而上來到閣樓，榻榻米可以席地而坐，木系茶室風格體現侘寂美學。餐牌除了主打招牌盒子吐司之外，還有多款主食、飲品及甜品供應。黃金鳳梨吉列大蝦滑蛋盒子吐司 $98盒子吐司即叫即製，附上炸年糕和沙律菜作配菜，以兩大隻巨型炸蝦舖面，超足料爆餡份量，光看賣相已經覺得非常澎湃。外層麵衣炸得金黃酥脆，內裡包裹著新鮮爽彈的蝦肉，佐以酸甜果香的菠蘿亦可中和炸物的油膩感。金沙軟殼蟹三文魚籽海鮮沙律盒子吐司 $108原隻軟殼蟹真材實料，一上枱就已是霸氣盡現，連殼都不用剝就可一口咬下，夾雜蜜糖芥末醬和鹹蛋黃的鹹香味。麵包烘至外脆內軟，三文魚籽的粒粒脆感瞬間在嘴裡爆開鹹鮮滋味，炒蛋入口滑溜有蛋香，吃得飽足之餘，構建多重層次的味蕾體驗。黑椒十勝牛肉定食配糖心蛋 $82每客定食附上蛋絲、泡菜和沙律菜，熱騰騰的米飯拌以醬汁和飯素，相當好下飯。薄切牛肉肉量驚人，肉質細嫩不過韌，吸滿甘甜和風醬汁。炭烤雞粒糖心蛋茶漬丼 $68炭烤雞粒散發焦香，半熟溏心蛋軟嫩蛋白包裹著晶瑩的流心蛋黃。緩緩倒下綠茶就變成傳統茶漬飯，頓時感到暖胃又充實。E FOR EGG芝士奶蓋招牌窩夫 $88疊成小屋形狀的窩夫以一隻太陽蛋作點綴，造型可愛趣緻，單看已令人賞心悅目。剛出爐的窩夫淋滿綿密順滑的芝士奶蓋，結合成甜中帶鹹的微妙配搭，中心位混合了軟糯麻糬粒，層次感豐富。栗子蒙布朗窩夫 $88一絲絲香醇綿密的栗子蓉疊得高高的，並撒上白雪般的糖粉，瀰漫著濃厚甘甜栗香。裡面藏有栗子、忌廉、窩夫和煙韌冰涼的雪米糍，迸發多重口感。招牌奶蓋咖啡 （凍$48）表面放上一隻用奶蓋製成的迷你雞蛋，讓本來濃醇的咖啡多了一份奶香。開心果特調（開心果+鮮奶+豆腐）（凍$56）近期大熱的開心果，入口綿柔，加入嫩滑豆腐，散發濃郁堅果香氣。
continue reading
今日朋友帶左我去大圍一間人氣cafe, 晚上七點去到全場爆滿，好彩仲有二樓，係tatami 和式設計，超有氣氛！🥗羽衣甘籃三文魚子煙三文魚沙律賣相好靚，沙律菜新鮮，仲有蕃茄仔，玉米，三文魚子，煙三文魚，淋上意大利黑醋，酸甜開胃🤤🧆E for egg 大拚盤一次滿足五個願望😍有薯條，台式黑椒腸，酥炸雞軟骨，炸雞，炸蠔，超大份！炸蠔好鮮味，好juicy😋特別鐘意黑椒腸，黑椒味濃，脆卜卜👍🏻🐟蒲燒星鰻定食重本之作😍有三大條原條星鰻，魚肉肉質細緻，軟嫩可口，仲配左泡菜，蛋絲，沙律菜同白飯，十分豐富。另外加左隻糖心蛋，蛋味香濃，配飯一流。🦐黃金鳳梨吉列大蝦滑蛋盒子吐司鎮店之寶！🤤盒子吐司用牛油煎到香脆，再加入滿滿的嫩滑炒蛋，上面有一片鮮菠蘿，再係上面放上兩隻吉列大蝦，最上層放左一片香濃芝士，視覺效果好震撼🤩吐司真係好香好脆👍🏻吉列大蝦好似手掌咁大隻✋🏻超香口！🍩赤之E for egg 窩夫都係招牌菜之一的可愛窩夫☺️草莓係期間限定口味，窩夫好鬆脆，cream香滑不會膩，中間仲收埋左兩粒雪米糍😍冰冰涼涼，整體好夾👍🏻☕️Espresso Tonic最愛的咖啡飲品👍🏻咖啡幾香，加上tonic 好fresh。🍵抹茶鮮奶顏色好靚好有層次，抹茶味吾算好濃，整體幾香滑。🥛開心果特調有驚喜，係開心果加鮮奶加豆腐！開心果味幾濃，仲飲到粒粒豆腐，幾獨特😋🌟超級舒服寫意的一間和風cafe,所有食物都整得好有誠意，攞盤靚，賣相精美，味道一流，店員仲超級親切有熱誠👍🏻
continue reading
餐廳位於大圍城河道地舖, 是大圍人氣小店ᴄᴀғᴇ, 環境帶日系簡約風, 安排坐上傳統榻榻米位置, 需要注意的是必須脱掉鞋子上座, 清幽雅致小清新風格, 打卡一流✨我們點了冬蟹三重奏茶漬丼🦀 期間限定, 茶漬是日本常見的家庭菜式, 蟹肉蟹膏非常鮮美, 滿滿蟹籽混入飯內口感豐富, 配上長腳蟹, 米飯吸收湯汁的精華, 非常清爽, 必點推介👍🏻和風烤雞扒定食🐔 炭燒和風烤雞, 雞肉份量都多, 雞肉夠嫩夠滑, 配菜有蛋絲, 泡菜及沙律, 飯帶芝麻柴魚, 很香口又開胃日式章魚小丸子 脆漿厚薄適中, 內裡有彈牙的章魚粒, 再配上特製的醬汁及香口木魚, 非常滋味三重熔岩芝士煙肉滑蛋盒子吐司🍞 期間限定鹹點吐司, 外層酥脆, 滿瀉的芝士加上芝士煙肉滑蛋更添香氣, 味道很平衡, 有驚喜😍甜品ᴇғᴏʀ ᴇɢɢ 芝士奶蓋招牌窩夫🧇 即叫即製作, 是店內人氣招牌菜甜品, 賣相非常可愛, 窩夫外脆內軟, 內有雲尼拿雪米糍, 奶蓋味特別濃香幼滑飲品開心果特調 建議飲用前先拌勻, 開心果味道十分濃郁, 杯邊加了開心果碎, 鮮奶豆腐令口感更有層次竹炭黑芝麻鮮奶黑白色非常吸精, 陣陣黑芝麻香味, 冰涼口感, 味道不錯這問餐廳是寵物友善餐廳, 特設室外位置, 可以帶毛小孩一同用膳, 食物賣相很吸引、高質素性價比高, 店員由帶位至用餐完都招呼周到, 值得再回顧💕
continue reading