Video
5-min walk from Exit B2, Tsim Sha Tsui / East Tsim Sha Tsui MTR Station
continue reading
Telephone
28188835
Introduction
It is designed with vintage style and is decorated with Hong Kong street view themed paintings. It uses fresh ingredients to serve a lot of authentic Teochew cuisine, such as slow-cooked brine dishes, daa laang items, etc.
continue reading
Opening Hours
Today
11:30 - 02:00
Mon - Wed
11:30 - 23:00
Thu - Sat
11:30 - 02:00
Sun
11:30 - 23:00
Public Holiday
11:30 - 23:00
Public Holiday Eve
11:30 - 23:00
Above information is for reference only. Please check details with the restaurant.
About Reward Scheme
喜歡吃海鮮的朋友，約齊朋友一起去金凡潮汕菜就對了，潮汕人喜歡吃海鮮，更以烹調海鮮見長，海螺、生醃蟹、魚標魚雲魚扣等等，就等我帶大家用五感體驗一下潮汕菜啦﹗先來個大受歡迎的滷水錦繡盒，滷水味鮮香醇厚，滷得入味；鵝肝每件都好完整，口感細嫩油潤、鵝腸爽脆、鵝片肉嫩有油香、爽滑墨魚片及嫩滑的滷水豆腐，瞬間已被清碟。涼伴魚皮，微麻辣加上爽彈口感，就連平日不吃魚皮的我也吃不停。韮菜鵝紅，帶點微辣，加上爽彈又香口的椒鹽鮮魷，佐酒一流。朋友們更特意點了S-Class Original Beer原漿啤酒，加上用靴型啤酒杯來飲用，特別開心﹗重頭戲一定是生醃有羔蟹，每隻都有大量橙黃色的蟹膏，入口嫩滑回甘，肉質則如啫喱般，吸滿醬汁，鹹鮮有序，記得必須要預訂啊﹗火焰鹽燒海螺(8位)，上桌後澆上酒點火，既可帶出海螺自身的鮮甜味道，同時又帶有酒香，美味﹗再來一道令鄰桌都忍不住偷望的菜式，除了鐵板的吱吱喳喳，還有其撲鼻的香氣，鐵板XO醬魚標魚扣，爽滑惹味。最挑起我好奇心的，是這碟玻璃乳鴿2隻，我以為乳豬才有玻璃皮，想不到乳鴿也能做到呢﹗皮脆肉嫩又有肉汁，美味﹗一輪熱氣美食後，來杯金凡自家製的檸檬特飲，清甜帶微酸，好解膩呢﹗
continue reading
餐廳裝潢帶點懷舊風味，貼上不同年代電影海報，食物方面，餐廳主打新派潮州菜，同時有多款精美小菜。頭盤點咗5款涼拌小食，分別有涼拌魚皮、普寧炸豆腐、韮菜鵝紅、炸大腸及生醃螄蚶 。涼拌魚皮好爽口，醬汁帶點辣好惹味。而普寧豆腐炸得外脆內軟，沾埋醬汁更好食。滷水錦繡盒呢個滷水拼盤有鵝片、鵝肝、鵝腸及墨魚，整體滷水汁幾入味，鵝片啖啖肉，帶點鵝油香，墨魚幾彈牙。九肚魚煎蠔餅蠔餅用上九肚魚及蠔仔，口感更豐富，而蠔餅用咗鴨蛋，所以炸得好鬆脆，配啤酒一流。👍芝麻雞賣相好有氣勢，芝麻雞好香，雞皮炸得好脆身，而且肉質嫰滑，好吃。😊紅米牛肋骨牛肋骨份量幾多，牛肉味好濃郁，肉質有咬口。鐵板XO醬魚標魚扣上枱時已經聞到好香，XO醬味道幾強烈，魚標好爽口，配菜有三色椒、紫洋蔥等令小菜更惹味。火焰鹽燒海螺店員上菜後會倒入酒，然後點火做成火焰效果，海螺肉肉厚，而且鮮嫰，醬汁甜甜帶微辣，唔錯喎。魚翅撈飯店主話依加有超抵價魚翅撈飯，而且好足料，配搭埋爽脆芽菜好有口感呀!避風塘炒蟹肉蟹好大隻，肉質好鮮甜，避風塘炒蒜好脆好香口，店主話有隱藏食法，用炒蒜送白粥一流。最後仲點咗潮州粿做甜品，外層好煙韌，綠豆餡料甜度剛好。整體食物質素唔錯，菜式選擇幾多，而且菜式賣相幾有心思，同時餐廳氣氛好熱鬧，好適合一班人聚會時去。
continue reading
由細到大都好鍾意食潮州菜，當年蝸居屯門時，接太太放學都差不多10點打後，好多時都會去打冷，兩個人不外乎一碗韭菜豬紅，一條大眼雞，一碟蜆肉，兩碗白粥，在路邊的寒風中，說說笑笑閒話家常，溫馨滿滿的。家陣坊間已很小見路邊店，但潮州菜早已登堂入室，百花齊放。今次同幾位朋友在尖沙咀飯聚，店內燈火通明，衛生情況不錯，而且有廂房，如果怕給別人打擾，都是一個好選擇。前菜普寧炸豆腐（$88）潮州菜中好少機會失手菜色，雖然未至於外脆內軟，但記得蘸點一下豆醬，鮮味會更加提升。韭菜鵝紅（$98）鵝紅好入味，軟彈的質感好好，韭菜份量可以多些少更好，因為個人喜好沾滿了汁液的韭菜。炸大腸（$128）當然無順德菜館做得好，但已經不錯，夠香口同脆。生醃螄蚶（$138）老老實實，真係好多人未必夠膽食生醃菜色，尤其是係螄蚶，不過偶爾食一兩隻都無妨，味道又幾鮮。鹵水錦繡盒（鵝片、鵝肝、鵝腸、墨魚）（$518）可以一口氣食均鵝片、鵝肝、鵝腸、墨魚、豆腐及紅腸，不想每樣點一整碟的朋友，拼盤未嘗不是一個好選擇，滷得啱啱好，而鵝肝同鵝腸更是個人愛好，肥美軟滑，正。龍頭魚煎蠔仔餅（$ 188）龍頭魚其實係白飯魚，炸得又的確夠鑊氣，外脆內軟，澆點魚露，更加是佐酒良伴。芝麻雞一隻（預訂$398）雞皮的確勁脆，灑上芝麻更香口，雞肉亦不覺老，有水準。紅米牛肋骨（$488）炆煮得夠稔，肉味濃郁，尤其是筋膜位油香滿滿，佐酒一流。鐵板XO醬魚標魚扣（$188）真係要儲好多條魚先可以炒到一碟，夠鑊氣，魚標有嚼口，有XO醬加持好惹味。火焰鹽燒海螺（$402/ 9位)絕對是抵食及必食出品，螺肉勁大隻，柔韌有嚼勁，每口都有酒香，就連尾位都好入味。避風塘炒蟹($680/約1斤)賣相好澎湃，蟹肉亦帶有陣陣辛辣味道，炸蒜勁香口，真係好想拌白粥食。
continue reading
這夜得好友相邀，來到這間實而不華的潮州館子吃了一頓高質中菜，大夥兒吃得盡興，飲得盡情，一起度過了一個愉快的晚上。先來幾道小吃，微辣爽彈的「涼泮魚皮」（$78）和香口惹味的「椒鹽撥水魚鰭」（$98）都是我的最愛。軟滑好味的「韭菜鵝紅」（$98）和炸得香脆的「椒鹽鮮魷」（$148）也很不錯。至於只在夏天才有，較少吃到的「炒薄殼蜆肉」（$88），因為薄殼的肉實在細小，我就不是特別喜歡。集鹵水鵝肝、鹵水鵝片、鹵水鵝腸、鹵水墨魚和鹵水豆腐於一身的「鹵水拼盤」（$518），鹵水汁相當入味，五款鹵水中，我最喜歡的除了粉嫩的鹵水鵝肝外，還有仍保留原汁原味肥膏的鹵水鵝腸。餐牌介紹，必食推介之一的「鐵板XO醬魚標魚扣」（$188）鑊氣十足，趁熱吃，魚標和魚扣的獨特口感與濃郁的調料味道，讓它成為一道我很喜歡的菜式。「脆皮BB乳鴿」（$88/隻）看賣相好像沒有甚麼特別，原來十分出色，鴿皮既薄且脆，有如炸子雞皮一般，肉質也軟嫩宜人，令人喜出望外。經典粵菜之一的「菠蘿咕嚕肉」（$148）這裡也做得好，不但擺盤漂亮，咕嚕肉無論味道還是口感都有水準，配以新鮮菠蘿，開胃又好味。一人一隻的「火焰鹽燒海螺」（$358）由侍應在席前點火後才再奉客，讓客人在享受口腹之欲前先享受視聽之娛。厚肉的海螺肉極富彈力，味道也不錯。這餐晚飯最令人期待的「生醃膏蟹」（時價）一出場，我們的目光便無一例外地被吸引過去，只見足有三隻蟹份量的 「生醃膏蟹」，誘人地躺在大碟上，那些靜卧在蟹蓋和蟹身上的橙橙綠綠的蟹膏，令人垂涎欲滴。那三個超級邪惡，滿是蟹膏的蟹蓋我雖沒吃，但同樣滿是蟹膏，只不過相對地邪惡度較輕的蟹身，我就吃了幾件，那軟滑的生蟹肉和蟹膏的鮮味，著實令人回味無窮。至於那些蟹鉗，我就因為懶於剝殼而沒有試了。「乳香爆鱔球」（$268）是吸引的，口感也好，不過南乳下得重手了點，讓這鱔球的味道變得偏鹹，不過以之下酒，就不算十分鹹。「欖菜豆醬炒菜心」（$118）用的是靚菜心，配以重味的欖菜和豆醬快炒上桌，鑊氣十足，又夠味道。有佳餚豈能無美酒，這晚我們不但喝了店家自製，解渴生津的「柑橘冰茶」，也品嚐了特別的「原漿啤酒」，以啤酒伴以多道適宜下酒的大小美食，更是相得益彰。這夜的我，與好友們共嚐佳餚美酒，開懷大嚼，也開懷暢飲，快哉！快哉！
continue reading
我哋呢班為食友，周不時會約埋飯聚，菜式與價錢不拘，Fine Dine或地道皆可。是次有人吹雞，話想食潮汕菜，群組帖子一出，大家一呼百應，五分鐘不到便成局。來的是尖咀的金凡潮汕菜，氣氛似大牌檔，但坐得舒服好多，甚至乎有VIP房，但我哋覺得坐大廳吃得更加盡興。發起人做事一向穩妥，早已與店家夾好菜單，大家安頓好後，小食隨即送來。先是韭菜鵝紅，鵝紅無疑會比豬紅更加嫩滑，夾埋漓甜無渣的韭菜，難理什麼膽固醇超標，大家今晚已經豁出去。薄穀唔係成日有得食，趁岩時候就不能錯過，粒粒飽滿鮮美。平時食潮州菜，可能會食凍蟹，亦有機會會叫生醃螄蚶，但生醃羔蟹真係唔多食，或者心目中會覺得這是寧波菜色吧！當然，家陣食嘢都唔應該有呢種食古不化既思想。再者，呢三蟹爆羔既出品上桌時，足以令眾人起哄。蟹既手手腳腳都好多羔且鮮甜，蟹蓋先至誇張得要命，輕輕用匙刮一刮已是超澎湃的蟹羔，一發不可收拾，筆者若非有番咁上下年紀，必定同佢死過。家陣只能三個人分一隻蟹蓋既蟹羔，都已好過份了。吃潮州嘢要食海螺！鐵板上，店員席前點火，岩晒相機食先既呢個時代。海螺肉厚，卻完全不韌，味道鮮甜，掂！當然仲會有鹵水嘢，貪心既我哋要拼盤就最好。鵝片肉嫩，墨魚爽而不韌，鵝腸亦然，我還是最愛絲滑的鵝肝，懶理有多邪惡。蠔餅必定要趁熱食，酥脆口感，蠔肉夠多，仲混入埋九肚魚，多一重口感，我對於呢啲香口嘢是無法抗拒的。估唔到係呢度食到鱔球，質感彈牙，滿滿南乳香，送啤酒一流。芝麻雞既肉質又係嫩滑，好有水準，就算已飽到上心口既我，都要連夾幾件才收手。最後以傳統的潮州粿和奇趣丸子作結，我仲追加埋芋泥，甜胃表示大滿足。
continue reading