Video
Read full review
2022-03-27
687 views
話咁快疫情過左兩年啦🥲仲未有得去旅行，小編好掛住日本牙！❤️🔥為左懷念下日本美食，就帶大家去呢一間位於銅鑼灣，比較隱世既日本餐廳啦！地方唔算好大，不過勝在師傅悉心解釋每一樣食材既產地及配搭，發揮出食材本身既鮮味仲可以乘機係師傅身上學到好多「日本小知識」添!🍽寿々乃 Suzuno 🇯🇵🎌廚師發辦Omakase ($1800/person)🍽明太子鯛魚，糖漬粟子及鰻魚牛蒡卷頭盤配搭上各樣都做得唔錯，各有特色。🎏以真羽太(七带石斑鱼)白身魚打頭陣作開首，配料有醋橘、蔥花、辣蘿蔔蓉，仲有特制醋汁，食落開胃仲突顯到魚肉鮮甜。🦀香箱蟹望落高貴就好似一個首飾盒咁，擺盤靚又打卡-able之餘口感層次都好豐富，由有蟹籽、蟹膏、蟹肉組成既鮮味蟹盒子，簡直就將所有精華都集於一個盒子中，食完真係留下左一個難忘既體驗咁！😋💡小知識: 香箱蟹其實係雌性松葉蟹，身型比較嬌小，最吸引既地方係甘香味濃既蟹籽蟹膏及蟹肉，由於每年捕獲時間有限，所以只有11月-1月到先有機會一嚐香箱蟹既滋味啦!🤫由於小編忍唔住食既關係，水八爪魚既樣就冇影低啦，唯有比張師傅拎住既相比大家睇下先啦! 🤭🐙北海道水八爪魚吸盤配以自家制醬汁漬山葵一
為左懷念下日本美食，就帶大家去呢一間位於銅鑼灣，比較隱世既日本餐廳啦！地方唔算好大，不過勝在師傅悉心解釋每一樣食材既產地及配搭，發揮出食材本身既鮮味仲可以乘機係師傅身上學到好多「日本小知識」添!
🍽寿々乃 Suzuno 🇯🇵
🎌廚師發辦Omakase ($1800/person)
🍽明太子鯛魚，糖漬粟子及鰻魚牛蒡卷
頭盤配搭上各樣都做得唔錯，各有特色。
🎏以真羽太(七带石斑鱼)白身魚打頭陣作開首，配料有醋橘、蔥花、辣蘿蔔蓉，仲有特制醋汁，食落開胃仲突顯到魚肉鮮甜。
🦀香箱蟹
望落高貴就好似一個首飾盒咁，擺盤靚又打卡-able之餘口感層次都好豐富，由有蟹籽、蟹膏、蟹肉組成既鮮味蟹盒子，簡直就將所有精華都集於一個盒子中，食完真係留下左一個難忘既體驗咁！😋
💡小知識: 香箱蟹其實係雌性松葉蟹，身型比較嬌小，最吸引既地方係甘香味濃既蟹籽蟹膏及蟹肉，由於每年捕獲時間有限，所以只有11月-1月到先有機會一嚐香箱蟹既滋味啦!
🤫由於小編忍唔住食既關係，水八爪魚既樣就冇影低啦，唯有比張師傅拎住既相比大家睇下先啦! 🤭
🐙北海道水八爪魚吸盤
配以自家制醬汁漬山葵一齊放入口，會先嘗到山葵既辛辣，再食到爽口既口感，會推反左一直以為「八爪魚」口感好似橡皮膠既感覺，呢樣都一定係推介之選啦！
🍣白子
細嫩且像奶油般既口感，夠哂creamy而且配埋醋汁一齊放入口，醋汁可以中和埋白子既肥膩感，味道上無得輸啦! 鍾意食既朋友都知食完會上癮嫁!!
🔥黎返個炸物當零食咁緩衝下先！💥
🍤炸白蝦
富山灣既食材，隻隻白蝦都炸到金黃色，咬落夠哂爽脆而且幔蝦味夠濃，拎黎佐酒就岩哂啦!
🍣九州關鯖鯖魚
特點肉質夠厚實，魚肉夠彈牙，味道濃郁而且餘韻都留在口中。
🍣熊本赤貝
外表橙紅色，食落夠厚身爽脆，先沾山葵再配上檸檬片放人口，鮮味十足。
🍢海老蝦丸
先將白蝦肉加蛋白再混合埋蛋黃而成，由於白蝦體型細少，要制成一粒白蝦丸都一定係一件花時間既事，味道當然有保證啦!外脆內軟既口感之餘，咬落唔會似一般蝦餅彈牙口感，反而帶出好似口腐般細嫩感覺，味道上帶清甜！
🦪岩手縣米崎蠔
蠔身夠肥美，口感滑嫩鮮甜而帶濃厚蠔味，就算食完蠔味都留下餘韻，鍾意食濃味蠔既粉絲別錯過啦！
🍣日本長崎赤矢柄
外型好似一支箭柄咁，聽師傅講外皮好硬，爽口既白身魚而且食落魚味油脂非常香！
🍣金目鯛
用左熱水稍為燙左魚皮，造出湯霜效果，活化魚的皮下油脂，令到食味及魚既香氣都大大提升左。
🍣佐賀魷魚
肉質帶點爽脆，而且中間加左細塊紫蘇葉，令到層次上令人齒頰留香，幾特別既。
🍣日本北海道甘海老
大大隻既甘海老雖然沒有牡丹蝦既甘香蝦膏，但勝在肉質夠細綿爽口彈牙，味道較甘甜。
🍣中拖羅
以特調制醬汁調味，油脂分佈上比起大拖羅及天身較為平衡，冇咁重油膩感但都入口即溶。
🍣大拖羅
輕輕用左海鹽作調味，肉質肥美脂肪分佈好像雪花且帶粉紅，入口即溶，油脂既甘香味道濃郁感十足！
🍣赤身
今次選用既部位為「天身」，屬於赤身入面高級的部份，以醬油漬方法，呢個部位冇筋位，滑嫩且肉質柔軟夠腍味道濃郁！鍾意食赤身既粉絲試過天身就會返唔到轉頭嫁啦！
🍱北海道根室馬糞海膽
味道濃郁甘甜，而且齒頰留香入口即溶！
🍰芒果芝士餅及日本北海道雷電蜜瓜
酸甜既芒果芝士餅作收尾唔錯唔錯!仲有果肉軟滑既赤肉蜜瓜，鮮甜多汁味道夠濃！🍈
真係大滿足阿😍
🍽 寿々乃 @suzunojp
🏠 銅鑼灣軒尼詩道525號澳門逸園中心7樓
推介指數：👫🏼👫🏼👫🏼👫🏼
餵食指數： 🤤🤤🤤🤤🤤
Encore指數：⭐️⭐️⭐️⭐️⭐️
#feed_your_friend #調教朋友 #調教你朋友個胃 #foodie #hkfoodie #foodiehk #foodporn #foodstagram #foodgasm #foodblogger #hkfoodblogger #相機食先 #良心小店 #omakase
Post
