Video
Read full review
2012-12-21
248 views
今日公司提早慶祝冬至，成班同事去左帝玉庭食lunch~~入到去侍應俾左個menu我地睇，menu夾住左最新既promotion，老細一見到有燉湯，就好好咁幫我地叫左每樣一款，有淮山杞子燉水魚、土伏苓燉水魚、巴戟杜仲燉水魚。淮山杞子燉水魚湯好清甜，入面除左有淮山杞子外，我最覺得正既係有好肥同好多肉既雞腳，老細仲話食多d雞腳可以補腳骨力，岩哂我地做前線既sales。咁我平時都鍾意食雞腳，可能佢煲林左，所以d肉好軟，真係要煲老火湯先有咁既效果。另外我都試左少少巴戟杜仲燉水魚湯，我只係知巴戟杜仲係藥材既一種，所以都係抱住試下既心態，點知佢既味道好濃好香，侍應話有活血通經之效，好岩女仔飲，咁又真係幾唔錯既。今日天氣凍左，我地仲叫左2個煲，先有燒汁桶蠔煲。呢個煲上菜時有蓋蓋住，但都已經覺得好惹味。可能佢係有d香蔥爆香左，而d蠔隻隻都好肥美，好厚身，加埋d燒汁用黎送飯真係冇得頂! 之後仲叫左雙冬蝴蝶羊腩煲，呢個煲即叫即煮，但我地等左好耐，等左成個鐘先黎。我地呢個時間就順便叫左少少點心食，有咸水角，呢個普普通通，同出面酒樓差唔多。帶子鳳眼餃好特別，因為呢個係我第一次食。下面係蝦餃咁，上面鋪住左帶子，都
入到去侍應俾左個menu我地睇，menu夾住左最新既promotion，老細一見到有燉湯，就好好咁幫我地叫左每樣一款，有淮山杞子燉水魚、土伏苓燉水魚、巴戟杜仲燉水魚。
淮山杞子燉水魚湯好清甜，入面除左有淮山杞子外，我最覺得正既係有好肥同好多肉既雞腳，老細仲話食多d雞腳可以補腳骨力，岩哂我地做前線既sales。咁我平時都鍾意食雞腳，可能佢煲林左，所以d肉好軟，真係要煲老火湯先有咁既效果。另外我都試左少少巴戟杜仲燉水魚湯，我只係知巴戟杜仲係藥材既一種，所以都係抱住試下既心態，點知佢既味道好濃好香，侍應話有活血通經之效，好岩女仔飲，咁又真係幾唔錯既。今日天氣凍左，我地仲叫左2個煲，先有燒汁桶蠔煲。呢個煲上菜時有蓋蓋住，但都已經覺得好惹味。可能佢係有d香蔥爆香左，而d蠔隻隻都好肥美，好厚身，加埋d燒汁用黎送飯真係冇得頂!
之後仲叫左雙冬蝴蝶羊腩煲，呢個煲即叫即煮，但我地等左好耐，等左成個鐘先黎。我地呢個時間就順便叫左少少點心食，有咸水角，呢個普普通通，同出面酒樓差唔多。
帶子鳳眼餃好特別，因為呢個係我第一次食。下面係蝦餃咁，上面鋪住左帶子，都幾大件，食落好爽甜。而d皮就好薄，very nice~
之後食埋燕窩蛋撻，諗住燕窩養顏，蛋撻唔算太甜，感覺唔會好"漏"。
最後雙冬蝴蝶羊腩煲終於到喇。佢連埋個爐一齊上，好似打邊爐咁一路熱住一路食，火辣辣好正。入面有好多材料，有馬蹄、冬菇、腐竹、筍、羊腩等。首先羊腩真係超"林"超好味，夾上黎既時候散哂，要用匙羹先得。我初時以為羊腩會"蘇"，但反而一d"蘇"味都冇，我平時少食既今次都食左好多。另外值得一讚既係冬菇，佢係薄薄咁一片片既，比起原隻冬菇更加入味。呢個菜式真係要等好耐，但我地都覺得好值。
下次我可以同我屋企人黎試下呢度既其他菜式，我相信都唔錯，因為我見到門口有寫呢間餐廳都拎唔少獎既，梗係要試下啦。
Post
