Video
Read full review
2022-03-20
269 views
初訪Suzuno. 話說入咗谷一段時間, 大開眼界. 唔少谷友推介Suzuno. 價錢正常, 唔難訂位, 決定一戰.餐廳設有一張L型吧枱. 師傅枱同吧枱中間有嘢擋住, 其實睇唔到師傅整緊乜. 師傅一打十. 中午有12貫壽司餐, $680+10%. 另外有刺身壽司餐, $980+10%.今日初訪, 用餐體驗一流. 正如其他食評所講, 鄧師傅講解好多食材知識, 亦會將食材例如八爪魚攞出嚟俾大家睇. 氣氛十足. 呢次食評都會將師傅講嘅嘢記錄低.前菜: (1) 水菜沙律. 炸蓮藕. 水菜好新鮮, 味道啱啱好. 炸蓮藕又簿又脆, 出色. (2) 千切大根. 蘿蔔好入味. (3) 蒸蛋. 夠熱, 味道略淡. 老實講, 前菜已經好掂!第一貫: 赤矢柄. 師傅一開始將成條尖嘴赤矢柄攞出嚟, 帶起咗氣氛! 講番食物, 味淡, 微微橘子酸. 魚肉唔特別結實. 以第一貫嚟講, 合格. 留意下, 壽司係放喺葉蘭上面.第二貫: 四國真鯛 (天然𩶘魚). 放咗蘿蔔和蔥提升魚味. 好食. 味道比第一貫跳咗幾級.第三貫: 縞鯵. 不得了. 口感豐富. 肥美. 讚! 今餐至愛之一.第四貫: 金目鯛. 用熱水淥熟咗魚皮,
餐廳設有一張L型吧枱. 師傅枱同吧枱中間有嘢擋住, 其實睇唔到師傅整緊乜. 師傅一打十. 中午有12貫壽司餐, $680+10%. 另外有刺身壽司餐, $980+10%.
今日初訪, 用餐體驗一流. 正如其他食評所講, 鄧師傅講解好多食材知識, 亦會將食材例如八爪魚攞出嚟俾大家睇. 氣氛十足. 呢次食評都會將師傅講嘅嘢記錄低.
前菜: (1) 水菜沙律. 炸蓮藕. 水菜好新鮮, 味道啱啱好. 炸蓮藕又簿又脆, 出色. (2) 千切大根. 蘿蔔好入味. (3) 蒸蛋. 夠熱, 味道略淡. 老實講, 前菜已經好掂!
第一貫: 赤矢柄. 師傅一開始將成條尖嘴赤矢柄攞出嚟, 帶起咗氣氛! 講番食物, 味淡, 微微橘子酸. 魚肉唔特別結實. 以第一貫嚟講, 合格. 留意下, 壽司係放喺葉蘭上面.
第二貫: 四國真鯛 (天然𩶘魚). 放咗蘿蔔和蔥提升魚味. 好食. 味道比第一貫跳咗幾級.
第三貫: 縞鯵. 不得了. 口感豐富. 肥美. 讚! 今餐至愛之一.
第四貫: 金目鯛. 用熱水淥熟咗魚皮, 一齊食. 膠口. Ok 嘅. 但我都係鍾意燒咗嘅金目鯛.
第五貫: 關鯖, 九州. 肉質紥實, 有彈性, 魚味濃郁.
炸白蝦, 富山縣. 香脆. 雖然細細隻, 食落仍然有口感.
第六貫: 白蝦. 少少膠口. 師傅話白蝦係呢個時候當做. 今日有三款白蝦食物.
第七貫: 甘海老, 北海道. 據聞放三隻係傳統做法. 一啖食晒, 澎湃, 新鮮, 彈牙.
第八貫: 水八爪魚, 北海道. 另外切番個吸盤俾你. 紫蘇葉味道太重, 我麻麻哋. 八爪魚質地細滑, 少似魷魚.
白蝦真丈, 即係白蝦蝦丸. 新鮮. 口感有少少似魚腐. 超級好食.
第九貫: 平貝, 師傅話當佢係大帶子. 鮮甜.
第十貫: 吞拿魚醬油漬. 醬油味濃郁. 魚身肥美. 因為用咗皮下肉, 所以好嫩滑. 今餐至愛之一.
第十一貫: 大吞拿魚腩. 落咗鹽, 冇加醬油. 肥美, 正!
第十二貫: 海膽手卷. 好多海膽. 鮮甜, 抵讚.
追加一: 吞拿魚茸手卷.
追加二: 太卷.
最後仲有烏冬同熱咖啡. 完美一餐.
總結一下: 食材用料優質, 用餐體驗一流. 一邊食, 一邊長知識. 大路食材例如係吞拿魚同海膽相對略欠驚喜; 少見嘅食材例如關鯖和縞鯵真係嘩一聲. 整體調味較簡單, 亦冇炙燒. 如果想同朋友傾下計, 坐吧枱比較煩忙. 如果想專心享受Omakase, 值得推介. 午市只做一轉, 唔使趕頭趕命, 不過要預時間, 今餐食咗2.5+ 小時. 一定再訪!
Post
