金公館 (Moved) New Location

我好鍾意呢度嘅設計，亦都好鍾意呢度嘅菜式名稱。餐廳設計嘅非常之古色古香，連小菜嘅名都非常之特別例如三顧草廬，空城之計，白雪藏龍。金縷浴衣聽個名會唔會估到佢係啲乜嘢呢？原來係就係蒜泥白肉，好香嘅蒜蓉味加埋辣辣地嘅辣椒油，令到一片片好似浴衣咁嘅豬腩肉變成金縷。招牌口水雞，滑滑嘅雞肉，就算係雪凍左肉質仲係好滑，唔會韌。上面啲辣汁有少少辣，但係又唔會搶咗雞嘅鮮味，恰到好處。空城之計，係南瓜入邊掏空咗個心，加埋啲排骨入去蒸，享受自然的南瓜清甜，係食川菜嘅刺激過程中會有一啲緩和嘅感覺。再整返個五代同堂炒，用五種唔同嘅蝦製品來炒個飯，有鮮蝦仁，有櫻花蝦乾底，凸顯出唔同嘅蝦嘅味道。往往我都好鍾意揀啲名特別啲嘅嚟叫，就知唔知道佢係啲乜嘢嚟都想叫，就係想期待拒嘅出現。