Video
Read full review
2017-10-14
7920 views
話說前幾日好友們whatsapp話好耐無見，係時候又要聚聚，難得好友約到,諗都唔諗就即刻應承啦!跟住其中一位食盡天下美食嘅朋友話帶我地去觀塘工業區一間日本餐廳到食。我諗下諗下觀塘區仲要喺工業區嘅日本餐廳,而我位咁識食嘅朋友竟然會帶我地去，心裡面都有少少期待加少少好奇。地點唔算難搵,因為就喺近華嫂冰室嘅鴻圖道附近一間叫--(響HIBIKI)嘅居酒屋，聽個名真係幾型!一入到門口,竟然有張美式桌球枱同兩部掟鏢機都幾過癮!餐廳環境亦好簡約寬敞，座位間有距離感,私隱度十足,啱哂我地,另外真係有好多(響)嘅whisky喺度,讚!原來朋友一早已經點好左食物,逐位計!佢話已經第三次嚟呢度,唔怪得每位職員都同佢打招呼啦!就憑佢呢句都知道肯定係好嘢。小食響特色炸薯條呢個薯條好幼身再加上紫菜碎,好香口,再加埋佢地自家制特色醬，酸酸地,好開胃!唔錯唔錯!前菜響魚子蛋沙律講真呢個沙律配搭我都係第一次食,原來係註場師傅嘅秘制沙律！原來咁樣配又真係好好味,好刺激到味蕾。讚! 串燒雞翼用海盬燒嘅雞翼，咸度適中，皮燒度好甘脆，非常香口金箔鵝肝大大件鵝肝配上蘋果,好味!鵝肝煎到啱啱好,入口即溶兼好香口,水準極高!日燒大蝦
原來朋友一早已經點好左食物,逐位計!佢話已經第三次嚟呢度,唔怪得每位職員都同佢打招呼啦!就憑佢呢句都知道肯定係好嘢。
小食
響特色炸薯條
呢個薯條好幼身再加上紫菜碎,好香口,再加埋佢地自家制特色醬，酸酸地,好開胃!唔錯唔錯!
前菜
響魚子蛋沙律
講真呢個沙律配搭我都係第一次食,原來係註場師傅嘅秘制沙律！原來咁樣配又真係好好味,好刺激到味蕾。讚!
串燒雞翼
用海盬燒嘅雞翼，咸度適中，皮燒度好甘脆，非常香口
金箔鵝肝
大大件鵝肝配上蘋果,好味!鵝肝煎到啱啱好,入口即溶兼好香口,水準極高!
日燒大蝦菠蘿
大大隻燒蝦啖啖肉，好新鮮好彈牙!另外嗰串燒菠蘿,嘩!仲好味,有若隱若現嘅蝦味，出色!
響特級魚生刺身
拖羅，三文魚腩，油甘魚腩，帶子，甜蝦五款
特別要提提拖羅同油甘魚腩,肥美得嚟又極鮮,食完成口都係油。勁!
主菜
響特色大蝦sobe配冷麵
又一度特色小菜,可以將大蝦用呢個整法再配冷麵，果然新穎又好味,一啖蝦,一啖冷麵,味道特別!
日本海鹽燒依比利亞頂級黑毛豬(兩食)
貴為頂級黑毛豬,竟然有機會係度食到,真係有啲意外,先食豬頸肉條,嘩,啲肉爽到呢,口感十足,正!
再食扒，又係另一番風味，肉汁鮮美,再加埋少少脂肪一齊食落口,超讚!
日燒斧頭扒
件頭十足嘅斧頭扒,一落台都流哂口水，我地幾個都第一時間食番件先,果然視覺同味覺都成正比，肉汁加肉質喺口裡面咀嚼咀嚼,差啲汁都漏出嚟,再讚!
總結:朋友果然無介紹錯,觀塘竟然有間咁高水準嘅日本餐廳,價錢非常合理,有別一般日本餐廳,真心推薦。尤其係海鹽燒依比利亞頂級黑毛豬，真心驚喜!當日餐廳嘅大大隻老闆在場同我地講,真係咁啱得咁橋先有得食,話我地都幾lucky.之後同老闆吹左陣水,原來先知道佢對食係好有硏究，尤其係日本嘢,佢仲會定時過日本了解下一啲新款食材同菜式,咁有誠意,唔怪得菜式咁特別又有水準啦！之後我地幾個吹下水,又過去打下美式桌球同掟下鏢,過左一個好滿足嘅晚上。睇真啲原來仲有間VIP房,可以坐到20-25人,我地幾個一致通過開今年嘅Christmas party就嚟呢度啦!
Post
