響 居酒屋 (Moved) New Location

-🔸火炙魚生飯 $98🔸日式咖喱飯配漢堡扒 $68🔸蟹肉忌廉餅 +$20-依間餐廳地方闊落，可以坐得好舒服，仲有窗邊卡位，食午飯都食輕鬆啲。午市做緊家庭式嘅日式丼飯，有熱食或者刺身等，都好多選擇。男朋友揀咗火炙魚生飯，裡面有三文魚、油甘魚、鰈魚邊、蟹籽同玉子，好豐富啊～刺身食落都幾新鮮，手機落單可以揀多飯/少飯。我揀咗咖哩漢堡扒飯，日式咖哩較甜唔辣，我幾鍾意佢個漢堡扒好味，仲有兩塊好厚，夠送晒成碟飯。午市套餐可以加錢加配小食，叫咗一份蟹肉忌廉餅，外脆內軟都唔錯。