Video
Read full review
2012-05-05
70 views
酒店好新, 餐廳設計好特別, 好有特色, 尤其係 buffet 檯的設計和擺位, 美觀之餘亦好 practical, 有助分流, 唔會排晒長龍. 雖然人多, 檯與檯之間有D迫, 但天花的木條設計令聲音唔會反彈, 所以唔會好嘈. 食物種類超多, 全部都好合心水, 有好多特色食品, 又有大量貴價食物, 冷熱盤甜品賣相都好靚, 令人好興奮, 好吸引. 自選沙律配料多, 有好多進口貴價蔬菜, Mixed Salad種類都幾特別, 意式番茄伴水牛芝士D番茄紅紅大大, 用料好靚又新鮮, 唔係一般普通貨色. 芝士款式多, presentation好靚. Parma Ham 大大塊, 好味. 刺身有七款咁多, 帶子好大隻, 厚肉又鮮甜, 甜蝦同魷魚都好掂, 唔會一堆堆放晒出黎, 整左七小碟 display, 由廚師係另一個雪櫃拎出黎切, 衛生之餘又企理. 生蠔係 US Rock, 即叫即開, 分左右兩條隊, 唔洗排長龍, D蠔好鮮甜. 龍蝦好大隻, 好多膏. 冷盤海鮮有蟹腳, 青口, 大蝦, 翡翠螺等等, 全部都好高質素. 熱盤海鮮都有唔少, 中式炒蝦碌好夠鑊氣. 熱盤陣容非常強勁. 大部份都好好味
食物種類超多, 全部都好合心水, 有好多特色食品, 又有大量貴價食物, 冷熱盤甜品賣相都好靚, 令人好興奮, 好吸引.
自選沙律配料多, 有好多進口貴價蔬菜, Mixed Salad種類都幾特別, 意式番茄伴水牛芝士D番茄紅紅大大, 用料好靚又新鮮, 唔係一般普通貨色. 芝士款式多, presentation好靚. Parma Ham 大大塊, 好味. 刺身有七款咁多, 帶子好大隻, 厚肉又鮮甜, 甜蝦同魷魚都好掂, 唔會一堆堆放晒出黎, 整左七小碟 display, 由廚師係另一個雪櫃拎出黎切, 衛生之餘又企理.
生蠔係 US Rock, 即叫即開, 分左右兩條隊, 唔洗排長龍, D蠔好鮮甜. 龍蝦好大隻, 好多膏. 冷盤海鮮有蟹腳, 青口, 大蝦, 翡翠螺等等, 全部都好高質素. 熱盤海鮮都有唔少, 中式炒蝦碌好夠鑊氣.
熱盤陣容非常強勁. 大部份都好好味, 最令人振奮係新加坡叻沙 (湯底好濃, 好足料, 夠正宗), 蟹粥 (好鮮甜, 粥底棉, 有蟹膏), 椰子燉雞湯 (唔會稀流流, 細細盅, 好飲), 海南雞飯 (雞滑飯香), 仲有buffet好少會有的黑松露野菌湯. 東南亞美食亦出色, 燒豬頸肉, 魚餅, 蝦餅, 咖喱, 炸蝦片, 韓式燒牛仔骨, 德國鹹豬手, Pizza睇住係新鮮出爐, 全部都好好食. 連好難做得好味的燒烤魷魚都一樣好掂.
甜品 counter display 好靚, 後面放滿一籃籃麵包, 擺設好特別, 好有氣勢, 質素不俗, 蘋果卷好出色, 綠茶朱古力蛋糕食得出師傅用心做, 用料靚, 製作認真. 芒果芝士蛋糕有好清香的芒果味, so refreshing. 蝴蝶酥鬆化脆酥.
Post
