The Market

The market自助餐其實都食過幾次，每次都會有啲新款式嘅食物，佢嘅食物種類未必係自助餐界別入面最多，但勝在每樣嘢都幾好食，刺身同海鮮都好新鮮，刺身又三文魚、帶子、吞拿魚等等，仲有任食三文魚子令口感更有層次，海鮮有龍蝦、長腳蟹等等，甜品種類都非常豐富，尤其係榴槤味嘅甜品，自家製榴槤雪糕配埋榴槤蓉，簡直係絕配，每次嚟都要食返幾杯，熱食種類都好多，有牛扒同羊架呢啲自助餐必食嘅食物，另外仲有海南雞飯同鵝肝多士都好好味，唔食生嘢嘅朋友都唔怕冇嘢食啦！