Video
Read full review
2018-05-21
4211 views
又到左姊妹傾行程之夜，黎到朋友話食過唔錯既居酒屋，其餘五人都一致認出易手前係度食過西餐，部分陳設依舊。 對於經常轉手既鋪位我都唔太看好，點知第一啖就令我改觀。平日夜晚7半前都可以Happy Hour價叫幾款冷盤、刺身或清酒，或享有串燒八折優惠。 7:26入座，未齊人，所以有少少十萬火急地叫左個鹽燒牛舌自私食。鹽燒牛舌 ($58 -> $46)新鮮彈牙既牛舌燒至微微焦香，內裡嫩紅僅僅熟、肉汁豐盈，簡單灑上鹽同黑椒已經好香好好味。 要不是過左鐘，絕對可以狂叫串燒當飯食。晚市定食由$78至$148不等，包漬物、麵豉湯、飲品同甜品，價錢相宜。未點菜已經送上定食中既漬物，原來有味付八爪魚同海蜇，爽口又夠凍。蒲燒原條鰻魚飯 set dinner ($108)猶如放大版鰻魚壽司既外型滿分，原條燒得焦黃既鰻魚大塊厚身，迫不及待夾開軟燸既魚肉時，發現底下連住富彈性膠質既鰻魚皮。 入口除左感受到鰻魚既軟滑甘香同日式燒汁既香濃外，微脆既鰻魚皮帶點漿口，加埋沾上醬汁既珍珠米，完完全全就係日本鰻魚飯專門店既味道。同香港其他原條鰻魚飯相比，我鐘意呢度既鰻魚即叫即燒，幼骨唔多，魚肉厚度同油脂分佈亦屬市面少見
平日夜晚7半前都可以Happy Hour價叫幾款冷盤、刺身或清酒，或享有串燒八折優惠。 7:26入座，未齊人，所以有少少十萬火急地叫左個鹽燒牛舌自私食。
鹽燒牛舌
$46
37 views
0 likes
0 comments
鹽燒牛舌 ($58 -> $46)
新鮮彈牙既牛舌燒至微微焦香，內裡嫩紅僅僅熟、肉汁豐盈，簡單灑上鹽同黑椒已經好香好好味。 要不是過左鐘，絕對可以狂叫串燒當飯食。
晚市定食由$78至$148不等，包漬物、麵豉湯、飲品同甜品，價錢相宜。
未點菜已經送上定食中既漬物，原來有味付八爪魚同海蜇，爽口又夠凍。
漬物
55 views
0 likes
0 comments
蒲燒原條鰻魚飯
$108
33 views
0 likes
0 comments
蒲燒原條鰻魚飯 set dinner ($108)
猶如放大版鰻魚壽司既外型滿分，原條燒得焦黃既鰻魚大塊厚身，迫不及待夾開軟燸既魚肉時，發現底下連住富彈性膠質既鰻魚皮。 入口除左感受到鰻魚既軟滑甘香同日式燒汁既香濃外，微脆既鰻魚皮帶點漿口，加埋沾上醬汁既珍珠米，完完全全就係日本鰻魚飯專門店既味道。
蒲燒原條鰻魚飯
$108
30 views
0 likes
0 comments
蒲燒原條鰻魚飯
$108
118 views
0 likes
0 comments
同香港其他原條鰻魚飯相比，我鐘意呢度既鰻魚即叫即燒，幼骨唔多，魚肉厚度同油脂分佈亦屬市面少見，物超所值。
蒲燒原條鰻魚飯
$108
57 views
0 likes
0 comments
可惜獨欠醃蘿蔔伴食，魚油香醇但食到一半已經好膩，飯亦略嫌唔夠熱，最後食哂魚肉就算，如果兩個人分就岩岩好。
牛肉昆布湯烏冬
$78
44 views
0 likes
0 comments
牛肉昆布湯烏冬 ($78)
面盆咁大既份量再次令我地驚嘆連連。 湯底如想像中清淡鮮甜，最驚喜係牛肉嫩滑、牛味濃，份量多到懷疑佢倒左成盒落去。
鴨脾油炸薯條
$58
24 views
0 likes
0 comments
鴨脾油炸薯條 ($58)
所謂鴨油香味我就唔係好感覺到，但呢兜薯條神秘地有如包左層糖coating咁硬身，真正外脆內軟，熱辣辣點埋蛋黃醬好惹味，必叫。
鴨脾油炸薯條
$58
42 views
1 likes
0 comments
唐揚炸雞 ($48) 6件
熱氣騰騰既炸雞香氣四溢，炸漿薄得黎酥脆，雞球嫩滑，可惜比較咸，如果減少一半調味突出原味就更好。
唐揚炸雞
$48
43 views
0 likes
0 comments
唐揚炸雞
$48
37 views
0 likes
0 comments
麵豉湯同飲品都不過不失，麵豉湯好夠熱，但凍飲加$5貴左d。
25 views
0 likes
0 comments
30 views
0 likes
0 comments
定食餐牌中既甜品綠茶蕨餅伴雪糕原來已經冇左，換上紅豆大福伴綠茶雪糕。 大福煙煙韌韌、軟度岩岩好，綠茶雪糕亦好香濃，冇得彈。
36 views
0 likes
0 comments
由於海蜇太好味，落單時我無恥地r阿姐refill。 當時阿姐笑而不語，我亦自知理虧自動收皮，點知幾分鐘後佢默默地為我送上多一份海蜇，好感動！ 雖然踢爆左阿姐私底下益我可能令老細嬲豬，但好多時就係個少少人情味，令客人有想再黎既衝動。
場內有桌球、飛標等康樂設施，據朋友所講係上一手留低，不過見咁多台都冇人嘗試去玩下，純粹放係度靚靚地咁囉。
反而兩次到訪都令我留下深刻印象既係靠窗既位置，一排梳化卡位可以直接欣賞海濱既夜景。 舒舒服服坐係軟棉棉既座位上看海談心，相信係人生一大快事，可惜人太多唔坐得，搵次要兩、三個人黎享受下先得~
店址的確十分隔涉，要行到出觀塘海濱咁濟。 當晚入座率只有兩成左右，生意艱難，但食得出師傅個道火。 有時所謂熱店不過係一種宣傳技巧，寂寂無名亦可以帶來驚豔，搵日再黎用金錢滋養佢生命先。
Post
