Video
Read full review
2019-02-17
3257 views
當你有一個情人節生日嘅男朋友但係周圍食飯真係好鬼貴然後俾我發現到呢間傳聞好好食嘅buffet午市嘅價錢竟然係同平時一樣但係晚市嘅價錢就貴到嚇死人所以係早一個月之前我已經確定左今日嘅午市入咗之後發現的確已經有九成嘅位置係坐滿左所以大家記得預早訂位食過咁多間buffet呢度嘅食物選擇都算做多冷盤方面除咗有沙律同埋生果之外當然唔少得有凍食嘅海鮮🦞小龍蝦，龍蝦鉗，長腳蟹，大蝦🍤，青口，蜆龍蝦鉗大大隻已經爆好晒食之前其實我已經有睇過食評的確真係好好好鹹鹹過海水🌊完全理解吾到點解甘鹹所以雖然肉質非常鮮嫩但係因為太鹹嘅關係扣左好多分長腳蟹雖然冇龍蝦鉗咁鹹但味道都係偏鹹咗啲不過仍然係可接受範圍蝦🦐大大隻都好食其餘就正常水平刺身方面都有幾款選擇試左三文魚🍣吞拿魚，八爪魚🐙食落都好新鮮好有味另外試咗呢度嘅海南雞飯同埋喇沙海南雞飯嘅雞味道唔錯只可惜油飯嗰度真係油左少少喇沙揀左油麵。味道都幾好，麵質夠彈牙另外仲有紅酒🍷燴牛尾，鹹豬手，豬助骨呢2樣我都推薦比大家芝士條，泰式爐魚，牛脷就一般啲不過都好好食Pizza外表都好吸引不過因為你太過飽嘅關係最後都冇試到咖哩方面亦都有好多款而我就試咗咖喱魚咖喱魚嘅魚並唔係普
但係周圍食飯真係好鬼貴
然後俾我發現到
呢間傳聞好好食嘅buffet
午市嘅價錢竟然係同平時一樣
但係晚市嘅價錢就貴到嚇死人
所以係早一個月之前
我已經確定左今日嘅午市
入咗之後發現
的確已經有九成嘅位置係坐滿左
所以大家記得預早訂位
食過咁多間buffet
呢度嘅食物選擇都算做多
冷盤方面除咗有沙律同埋生果之外
當然唔少得有凍食嘅海鮮🦞
小龍蝦，龍蝦鉗，長腳蟹，
大蝦🍤，青口，蜆
龍蝦鉗大大隻已經爆好晒
食之前其實我已經有睇過食評
的確真係好好好鹹
鹹過海水🌊完全理解吾到點解甘鹹
所以雖然肉質非常鮮嫩
但係因為太鹹嘅關係扣左好多分
長腳蟹雖然冇龍蝦鉗咁鹹
但味道都係偏鹹咗啲
不過仍然係可接受範圍
蝦🦐大大隻都好食
其餘就正常水平
刺身方面都有幾款選擇
試左三文魚🍣吞拿魚，八爪魚🐙
食落都好新鮮好有味
另外試咗呢度嘅海南雞飯同埋喇沙
海南雞飯嘅雞味道唔錯
只可惜油飯嗰度真係油左少少
喇沙揀左油麵。味道都幾好，麵質夠彈牙
另外仲有紅酒🍷燴牛尾，鹹豬手，豬助骨
呢2樣我都推薦比大家
芝士條，泰式爐魚，牛脷就一般啲
不過都好好食
Pizza外表都好吸引
不過因為你太過飽嘅關係
最後都冇試到
咖哩方面亦都有好多款
而我就試咗咖喱魚
咖喱魚嘅魚並唔係普通龍利樓
所以食落好新鮮
而且有好香濃嘅咖喱味
牛扒同羊架係即場燒
呢個一定吾可以錯過
燒得非常好食
另外仲試咗酥皮龍蝦湯
中湯就試左蓮藕豬脷雞湯
2款湯都做得非常出式
因為圖片上載數量有限嘅關係
所以比唔到大家睇哂所有食物
另外仲試咗海皇粥
粥🥣入面有好多吾同海鮮
而且煲得好入味
至於片皮鴨嘅味道我就覺得一般
最後找到我最愛嘅甜品🍮
鍾意食榴槤嘅人絕對絕對唔可以錯過
因為呢度榴槤甜品嘅款式非常多
炸榴槤波波，炸貓山王，榴槤芝士撻，榴槤芝士蛋糕🍰，榴槤班蘭蛋糕，榴槤糯米飯，榴槤奶凍，自家製榴槤雪糕🍦
每一款我都有試晒
真心每一款都好好食
但如果真係要我推介嘅話
自家製榴槤雪糕，榴槤芝士撻，榴槤芝士蛋糕，榴槤奶凍，炸貓山王係一定要食
首先自家製榴槤雪糕真係好好味
榴槤肉嘅份量非常多
每一啖都好似食緊冰凍左嘅榴槤肉一樣
雖然個榴槤吾係貓山皇
應該係金枕頭
但已經非常好味
至於榴槤芝士撻同芝士蛋糕
冇諗過榴槤同埋芝士既配搭係會咁好食
榴槤唔會蓋過左芝士味
芝士味亦都唔會開過咗榴槤味
芝士同榴槤嘅味道一樣咁香濃
好食到已經唔係用文字可以形容得到
至於炸貓山王就更加唔使講
外層鬆脆再加埋入面暖笠笠嘅榴槤肉
真係覺得淨係食榴槤都抵返晒
最後榴槤奶凍
奶凍入面有好多榴槤肉
奶凍甜甜嘅奶香中和左榴槤肉嘅味道
2者味道非常夾
榴槤以外嘅甜品其實都非常好味
但身為一個愛好榴槤嘅人
榴槤甜品已經好食過其他甜品好多
最後大家記得如果係生日去食嘅話
記得預早同職員講有人生日
會送你一件蛋糕切餅
而今次呢一件係朱古力慕絲蛋糕
香濃軟滑嘅朱古力非常好味
冇記錯嘅話lunch buffet三月開始會加價
大家記得爭取時間去食啦
Post
