Video
Read full review
2020-11-19
2275 views
媽咪生日，去咗紅花會食川菜慶祝！紅花會裝潢摩登有格調，而且座位寬敞，坐得舒適，我哋四個人坐在靠窗嘅4人卡位亦毫不擠逼。餐廳另外仲有私人廂房，適合講求私隱度嘅客人。店員服務亦非常殷勤周到，一入座就立即斟茶，又主動同我哋講like 社交平台有免費涼茶送，令我地留下非常良好嘅印象！讚好 社交平台送自家製夏枯草x雞骨草自家製涼茶，食辣嘢有杯冰涼嘅涼茶解解熱氣下下火，真係好貼心！老壇酸菜桂花魚($428)桂花魚份量好多，食極都有，魚肉肉質嫩滑，結實而唔鬆散，難得係魚肉好入味，但油而不膩。湯底酸香鮮美，夠酸又夠辣，好惹味！底下仲有寬粉，寬粉吸收湯汁嘅香辣酸甜，又滑又入味！難怪係餐廳招牌菜之一！茶燻樟茶鴨($168/半隻）樟茶鴨係四川傳統菜式，不過因為工序繁複考究，所以出面唔多餐廳有得食，難得紅花會有得點，當然要試下！鴨肉色澤深紅，每啖都散發淡淡嘅煙熏香，肉味烤後更加濃郁，鹹香十足，味道好有層次。皮唔算脆，但肉好軟嫩，係我最鍾意嘅一道菜！百花炸釀菊花葉($88)秋天來臨，餐廳不時不食，亦推出一系列以菊花入饌的菜式。百花炸釀菊花葉有D似天婦羅，炸槳非常薄脆，入面包住釀上蝦膠嘅菊花葉，入口先係香脆，然
讚好 社交平台送自家製夏枯草x雞骨草自家製涼茶，食辣嘢有杯冰涼嘅涼茶解解熱氣下下火，真係好貼心！
老壇酸菜桂花魚($428)
桂花魚份量好多，食極都有，魚肉肉質嫩滑，結實而唔鬆散，難得係魚肉好入味，但油而不膩。湯底酸香鮮美，夠酸又夠辣，好惹味！底下仲有寬粉，寬粉吸收湯汁嘅香辣酸甜，又滑又入味！難怪係餐廳招牌菜之一！
茶燻樟茶鴨($168/半隻）
樟茶鴨係四川傳統菜式，不過因為工序繁複考究，所以出面唔多餐廳有得食，難得紅花會有得點，當然要試下！鴨肉色澤深紅，每啖都散發淡淡嘅煙熏香，肉味烤後更加濃郁，鹹香十足，味道好有層次。皮唔算脆，但肉好軟嫩，係我最鍾意嘅一道菜！
百花炸釀菊花葉($88)
秋天來臨，餐廳不時不食，亦推出一系列以菊花入饌的菜式。百花炸釀菊花葉有D似天婦羅，炸槳非常薄脆，入面包住釀上蝦膠嘅菊花葉，入口先係香脆，然後係彈牙，口感豐富。味道亦好特別，食到菊花葉香，值得一試！
椒汁鮑魚($128)
鮑魚滿口辛香，肉質軟腍，不過份量就比我想像中少，唔夠喉呢！
餐廳服務真係好好，原先我哋點咗蟹肉菊花凍，但店員告知已經賣晒，本來都好失望。點知店員後來同我哋講因為整唔到一份，所以將剩下嘅蟹肉菊花凍請我哋試下！
小店用心待客，加上味道高質，相信好快餐廳生意定必『紅』起來！
Post
