Video
Read full review
2024-05-15
34 views
羲和小館 （8/5/2024）今日同朋友去咗東涌東薈城行街買嘢，到食晚飯嘅時候，見到東薈城入邊都有好多食市，就去睇吓有乜好食，見到有一間食中菜，仲係有片皮鴨食，我同朋友都好鍾意食片皮鴨，當然入去食。這間餐廳叫羲和小館，位於東涌達東路20號東薈城名店倉4樓417號舖，港鐵東涌站B出口，行1分鐘就到，十分方便。餐廳門口招牌都十分光猛，一眼就見到，入到去餐廳個佈置好靚好整潔，而且地方都寬敞，座位好闊落尤其是卡位梳化，坐得令人好舒服，同埋有好多畫像喺牆上面，可以用來打卡，店員服務態度都好，來這裏食都唔錯。這間餐廳嘅餐牌啲食物相好靚，真係見到樣樣都想叫你食，尤其是烤鴨，以食物個選擇都好多，有羲和三寶、前菜、主菜、主食、京式熱點心、湯羮、開胃涼菜、甜品、飲品，尤其是羲和三寶都好吸引，三寶是羲和馳名烤鴨、黃扒魚肚同張氏獅子頭。仲有個春季自選套餐，都抵食嘅套餐，有招牌菜、前菜、主菜、湯羮、主食、甜品、飲品，真係下次搵多啲朋友再嚟食。當然叫三寶嘅羲和馳名烤鴨、主菜嘅張氏炒肉絲、京式熱點心嘅小籠包、甜品嘅薑茶芝麻湯圓同薑汁紅棗小桃膠。羲和馳名烤鴨最少有半只，片皮鴨係即叫即整，熱辣辣上枱，即烤即切的烤鴨就有
今日同朋友去咗東涌東薈城行街買嘢，到食晚飯嘅時候，見到東薈城入邊都有好多食市，就去睇吓有乜好食，見到有一間食中菜，仲係有片皮鴨食，我同朋友都好鍾意食片皮鴨，當然入去食。這間餐廳叫羲和小館，位於東涌達東路20號東薈城名店倉4樓417號舖，港鐵東涌站B出口，行1分鐘就到，十分方便。餐廳門口招牌都十分光猛，一眼就見到，入到去餐廳個佈置好靚好整潔，而且地方都寬敞，座位好闊落尤其是卡位梳化，坐得令人好舒服，同埋有好多畫像喺牆上面，可以用來打卡，店員服務態度都好，來這裏食都唔錯。
這間餐廳嘅餐牌啲食物相好靚，真係見到樣樣都想叫你食，尤其是烤鴨，以食物個選擇都好多，有羲和三寶、前菜、主菜、主食、京式熱點心、湯羮、開胃涼菜、甜品、飲品，尤其是羲和三寶都好吸引，三寶是羲和馳名烤鴨、黃扒魚肚同張氏獅子頭。仲有個春季自選套餐，都抵食嘅套餐，有招牌菜、前菜、主菜、湯羮、主食、甜品、飲品，真係下次搵多啲朋友再嚟食。當然叫三寶嘅羲和馳名烤鴨、主菜嘅張氏炒肉絲、京式熱點心嘅小籠包、甜品嘅薑茶芝麻湯圓同薑汁紅棗小桃膠。
羲和馳名烤鴨最少有半只，片皮鴨係即叫即整，熱辣辣上枱，即烤即切的烤鴨就有三個部分，分別係鴨胸皮、鴨胸肉和鴨腿肉，仲有配搭一個八寶盒，盒入面有熱薄餅、青瓜條、京蔥絲、紫洋蔥、甜麵醬、藍莓醬、芥末醬、山楂條、爆炸糖，店員會比一份食評告訴你最好食嘅食法，鴨胸皮就建議不用包薄餅，用藍莓醬同爆炸糖，放入口中兩三秒，爆炸糖在口中跳動，就會食到會跳舞嘅烤鴨，而鴨胸肉皮脆肉嫩，亦建議不用包薄餅，用芥末醬點來食，就會入口酸中帶甜，委婉解膩，鴨腿肉建議有兩個食法，是傳統吃法同新式食法，傳統吃法包薄餅，加青瓜條、京蔥絲及點甜麵醬，而新式食法亦包薄餅，加山楂條、紫洋蔥及點藍莓醬，我哋都立刻跟住佢嘅做法嚟食，真係食得令人有不錯嘅口感，亦可以食到好多種不同嘅味道，好食好正。
張氏炒肉絲是京蔥炒肉絲配荷葉包，份量都唔少，亦非常足料啖啖肉，炒嘅肉絲係用咗黑醋嚟炒，炒得很爽滑，食落味道好特別，真係好啱我哋嘅口味，這個餸菜喺個餐牌入面幅相嘅荷葉包係炸的，店員話改咗做蒸，更軟滑好食，真係講得不錯，啲荷葉包真係好軟滑好夠熱度，來配合肉絲食真係一流。京式熱點心嘅小籠包皮薄肉鮮，肉汁亦多，肉餡保持到咬口之餘唔會太肥，配上醋一齊食，味道好有層次。甜品嘅姜汁紅棗桃膠煮得剛好，唔會太軟太硬，口感適中，薑汁夠重味，而薑茶芝麻湯圓更好味，薑茶不甜不辣，芝麻味夠重又不太甜，湯圓亦好軟滑，真係好好食。
羲和小館好值得推薦俾大家，食得好滋味，價錢唔貴，我哋叫羲和馳名烤鴨，這個餐菜今日有八折，真係好抵食，我哋下次一定叫多啲朋友再嚟食，尤其是食春季自選套餐。
Post
