羲和小館 (Renamed) View

今晚喺東薈城行完街之後，想食中菜，就嚟咗呢間裝修高雅嘅餐廳見佢個餐牌有好多特色嘢食，叫咗：張氏炒肉絲、濃湯水餃、羲和小肉餅、鮑魚雞粒炆飯、黑松露蠔仔煎蛋羲和小肉餅好出色，上面有支細細地嘅飲管，唧啲醋入去個肉卷入面，小肉卷食落好似鍋貼咁，濃厚嘅肉味，造型同食法以及味道都好出色至於黑松露蠔仔煎蛋，煎得好香脆可口，蠔仔份量非常之慷慨，令人食得津津有味鮑魚雞粒炆飯入面有大量嘅鮑魚同嫩滑嘅雞腿肉，而且炒飯炒得粒粒分明，夾雜着香脆嘅飯焦，令唔係經常食飯嘅我都食咗好多，欲罷不能呢間餐廳除咗裝修有特色之外，食物味道同份量都好高質，而且價錢相宜，性價比十足，值得推薦#羲和雅苑