The Market

作為一個專業榴槤控，之前已經試過佢哋嘅榴槤下午茶，其實有啲失望。因為主打榴槤甜品，但基本上最好食嘅得個雪糕。今次畀多次機會佢，試埋其他主食。《午市buffet $428加一》選擇非常多，同都算有誠意。即包片皮鴨、泰國船麵、冬陰功、牛羊扒、椰子燉雞湯、海鮮粥。。。仲有大量熱食選擇：印式、泰式、西式、中式。個人認為咁多樣嘢，最值得推介得個椰子燉雞湯，其他嘢都唔算話太驚為天人。甜品方面，榴槤選擇非常之多，但其實同下午茶差唔多，好食既都係得個雪糕，同啲榴槤蓉。老實講，味道方面其實同姨媽傢俬出品唔係差好遠😶 最好食應該係個班蘭榴槤菠蘿包。但要新鮮出爐，個皮仲脆同熱先最好食。飲品方面，比較特別嘅係有石斛竹蔗水。呢個價， 除咗食下個名、環境同選擇多之外， 榴槤控係會失望嘅。