119 大口銀針粉 (Moved) New Location

我認識0既旺角好食0既食店唔多， 今次竟然搵到間，位置都算方便， 由旺角站行去旺角東就一定經過。大口銀針粉味道偏清淡，魷魚大大條，仲有好多細魚仔乾係上面加添香氣，令我想起以前我老媽成日煮比我食的銀針粉。蝦膠&墨魚膠夠彈又夠滑，蝦膠蝦味濃郁，墨魚膠就會食到粒粒煙韌的墨魚粒。蠔仔粥就最有驚喜，粥水好有海鮮味， 最難得係蠔仔非常滑，我們之前係打冷檔食甘多蠔仔粥，從來未試過有咁滑的蠔仔。冬天黎食個熱辣辣0既宵夜確係唔錯，雖然小食黎計人均$70的消費實在貴， 但用料十足， 又絕對值回票價。 另外， 由於堂食只有戶外坐位， 夏天可能會食到出哂汗 估唔到店名叫大口銀針粉，但墨魚膠同蠔仔粥仲出色。