616牛肉火鍋專門店 (三陂坊) (Moved) New Location

牛牛嘅愛好者當然要周圍試出色嘅牛肉打邊爐，依家食牛肉越來越講究，打邊爐唔單單再剩係食牛頸脊同肥牛，呢度有大量唔同牛牛嘅部位畀你試！「橫隔肌」「雪花胸肋」「匙柄」「牛朴肉」「牛杭爪」你地又食過未？食靚牛肉最好揀返佢地嘅清湯底，飲落非常清甜，飲得出用咗好多牛骨烹煮，用黎烚牛肉又唔會畀湯底蓋過晒啲味！我自己始終鐘意食脂肪比例多，入口充滿牛油香嘅牛肉，所以「雪花胸肋」同「牛朴肉」係我心目中排名最高。另外，我亦喜歡「牛杭爪」，雖然佢係比較有咬口，但佢類似屬於半肥瘦嘅牛肉，既有肉味又有脂肪香。