616牛肉火鍋專門店 (三陂坊) (Moved) New Location

616係一間專食牛肉原味嘅餐廳，唔識食邊樣，或者冇心水，冇意見，可以大膽問d員工，佢地唔係個個百分百了解，但係大致上都可以解答到，果晚食客唔多，所以基本上係1人顧1枱，由始至終都係同一個姐姐為我地服務，我地2人揀左幾款之後，佢根據我地所揀嘅提供意見，有耐性又細心，我地揀左牛骨湯，因為間餐廳聲稱係鮮牛，唔係急凍牛，清湯先可以享受食物原味我地差唔多試曬，但係唔每一樣點評，因為有d味道口感好似，只介紹幾款有印象嘅，但係要講左先嘅係，佢款款牛肉味都好足好濃郁封門柳，咁多個之中自己覺得最重肉味，而且唔韌，encore 3碟滑蛋牛，應該係最淡味果款，因為有蛋漿，但係非常美味，味道好夾，食果下成樣野好日式feel，encore 2碟安格斯橫隔肌，應該最唔中意係佢，較韌，可能係自己煮得唔岩，因為幾多人encore，但係我地只叫左1碟蝦滑，墨魚滑，非常多蝦肉魚肉，粒丸好有口感洛神花茶好飲過酸梅湯，2樣都酸咪咪，但係酸梅湯飲飲下有咸味，有d奇怪

呢間專食牛嘅火鍋專門店🐂，岩晒牛魔王嘅朋友，真係咩 ‘撩Lung’ 部位都食到，逐碟叫逐碟收錢，嚟到揀湯底先，揀左鴛鴦麻辣牛骨湯，一邊麻辣一邊牛骨湯，麻辣湯底辣到十足🌶，但就試唔到牛肉個鮮味🥸🤣❣️牛上肋❣️滑尾龍❣️胸口膀❣️黃喉❣️封門柳👅好味度：8.5（10分滿分）第一次食咁多牛嘅新奇部位🤣，首推真係滑尾龍，撈左雞蛋再煮真係超級滑，其次就係牛上肋，牛肉味濃，胸口膀爽口，少少油脂感👍🏻👍🏻，加上點埋佢個秘製牛肉汁，真係可以再encore，會再幫襯💛

牛牛嘅愛好者當然要周圍試出色嘅牛肉打邊爐，依家食牛肉越來越講究，打邊爐唔單單再剩係食牛頸脊同肥牛，呢度有大量唔同牛牛嘅部位畀你試！「橫隔肌」「雪花胸肋」「匙柄」「牛朴肉」「牛杭爪」你地又食過未？食靚牛肉最好揀返佢地嘅清湯底，飲落非常清甜，飲得出用咗好多牛骨烹煮，用黎烚牛肉又唔會畀湯底蓋過晒啲味！我自己始終鐘意食脂肪比例多，入口充滿牛油香嘅牛肉，所以「雪花胸肋」同「牛朴肉」係我心目中排名最高。另外，我亦喜歡「牛杭爪」，雖然佢係比較有咬口，但佢類似屬於半肥瘦嘅牛肉，既有肉味又有脂肪香。

616牛肉火鍋專門店 - Tsuen Wan 又係一個打邊爐嘅好選擇，一年都唔知食幾多次打邊爐，唔會覺得厭，介紹翻616依間火鍋店先，一聽個名就知道一定要叫牛肉啦， 所以我哋都重點叫咗牛肉，一睇Menu嘅時候，有啲牛肉嘅部位呢其他火鍋店呢都唔會有提供嘅，咁所以依度選擇都比較多，如果鍾意食牛嘅朋友可以試去依度食。火鍋嘅靈魂在於湯底，餐廳裏面呢都有好多湯底可以選擇嘅，今次就揀咗熔岩沙嗲湯底，湯第一嚟到嘅時候呢已經聞到好濃烈花生醬味，配搭上火鍋配料嘅時候，因為配料吸收晒濃湯，令到餸菜更加美味。咁介紹返我哋嗌左嘅餸先啦，首先係牛肉分別係有牛舌、西班牙雪花胸肋、牛朴肉、吊龍伴同雙層肉，另外呢有清湯牛筋腩、黑豚濃湯餃、手打蝦滑同埋唔少得打邊爐必備嘅生菜。每一碟牛肉都好新鮮，食落去嘅口感真係同其他火鍋店係唔同。熔岩沙嗲湯底 $78牛舌 $48西班牙雪花胸肋 $68牛朴肉 $48吊龍伴 $68雙層肉 $68清湯牛筋腩 $48黑豚濃湯餃 $55手打蝦滑 $48唐生菜 $28616牛肉火鍋專門店 (三陂坊) (荃灣)荃灣三陂坊14-18號安安樓地下B號舖分店：尖沙咀/紅磡/西環/元朗/大圍/大埔/銅鑼灣

天氣突然轉涼，又想打邊爐。睇返啲相突然好掛住呢間616。算係近年我覺得質素非常好嘅火鍋店！尤其是鍾意食牛，佢真係有好多特別部位俾你揀，不過我係幾個月之前食(因為之前冇晚市，成日都要係屋企打），好多款牛都好好味，但係唔係太記得邊樣打邊樣。不過我好記得個「青花椒湯底」🍲，食咗兩次都係食佢，因為真係比較特別，同出邊麻辣唔同，好香但又帶辣味，又唔會遮蓋左牛肉嘅鮮味🤤牛肉方面滑尾龍好特別，佢會有一隻生雞蛋喺上邊，撈埋牛肉再淥黎食，超級滑，咁當然因為加咗蛋，質感10分，但牛肉味就冇其他咁濃。另外牛朴肉同牛駝峰係必食！試咗好多款，水準都好平均好好，同埋每樣都係幾十蚊，可以試好多款！佢哋嘅服務都好好，員工好有禮貌👍🏻

要打邊爐我經常都會選擇616🫕 主打牛肉火鍋有各種唔同牛既部位😋 仲要價錢唔貴💰 裝修一如以往都係走懷舊風格💈好似回到公屋樓下既士多咁🤣別有一番風味 以相宜既價錢食到高質既牛肉絕對值得一試❤️⭐️ 鴛鴦青花椒牛骨湯 🫑牛骨湯味濃但唔會口渴🍲 啱曬突出牛肉既鮮味 青花椒既麻辣好有勁度同層次🌶同一般麻辣湯底唔同 帶一點醒晨既風味💥 啱曬鍾意刺激既你⭐️ 滑尾龍 🐉加左一隻生蛋既牛肉係我既最愛💕 淥完口感超級滑😋⭐️ 五花址 🦶🏻脂肪比例比較多😅 但係非常爽口 食落唔會膩👍🏻⭐️ 匙柄 🥄相對地呢款就比較適合鍾意口感柔軟D既朋友😚好香濃既肉味⭐️ 花雕醉牛 🍶花雕既味道融入肉中🥂但係唔會太嗆太濃 稍為蓋過左肉味

屋企人生日 又想試下啲新既邊爐店於是就揀左呢間bookmark左好耐但都一直未試到既牛肉火鍋專門店✅616牛肉火鍋專門店聽個名就知係到最出名食既係牛肉！作為牛魔王既我 黎之前做左啲research 要試幾款特別既牛肉呢到啲牛肉每日都係新鮮係肉檔到拎 有啲特別既部位食所以手快有手慢無啦想食好食既肉要早啲去了~🔆鴛鴦沙嗲牛骨湯🦴 $78食牛唔係唔食沙嗲湯底掛🤪呢個沙嗲湯好濃郁 好重花生醬味飲落帶少少甜既味道至於另一邊就揀左用牛骨熬既湯底好清甜 完全冇味精既感覺！仲有幾舊蘿蔔同牛腩係個湯到 好足料！個人比較鍾意食清牛骨湯 始終可以食到牛既原汁原味多啲😆最後同屋企人叫左兩個烏冬食 連湯都飲哂😍😋講完湯底！入正題！講牛啦🥰啲牛既選擇真係花多眼亂每樣都好吸引 每款牛都有詳細介紹係咩部位所以唔使擔心食左啲奇怪既部位介乎 $48-68不等🔆牛駝峰佢有超多肥肉 好酥好有牛味但食落完全唔漏 而且唔覺肥我encore左兩次就知真係好好食啦🥰🔆滑尾龍呢個我覺得好特別 因為係啲滑牛上面有隻生雞蛋 撈勻左之後再淥 會發現真係好好好好滑 完全唔覺得食緊牛肉🤣🔆牛頸脊呢個部位完全唔韌 有酥酥地既感覺 充滿牛味 我俾1

湯味濃 湯底用好好味的牛肉煲出來。食完可以飲埋個湯，食埋件肉最可惜係咁啱沒有手工啤未返貨但係有大枝裝藍妹，都唔算貴蔬菜好新鮮環境一流有懷舊feel不過舖面唔夠大一枱兩三個人就好ok

荃灣📍一試番尋味 超高質火鍋💛💛💛比起單品 我更加想介紹佢哋個湯底因為真係 好 好 味！😍😍😍本身就超鐘意食火鍋行完山之後諗唔到食乜🤣驚星期日周嚟都要排好耐隊見到openrice 有得book依間 ♨️即刻狗衝左🐶！大大大推大家試佢哋個特濃沙嗲湯底真係真材實料 有濃濃嘅沙嗲香味總食到陣陣嘅花生味～係最地道嘅港式風味會忍唔住想落番個出前一丁同牛肉整番個沙嗲牛肉麵🤤另外果個係牛骨湯底 如果覺得沙嗲太濃 鐘意清淡啲都可以試吓 或者兩樣都食中和下 佢個湯頭入面本身總有牛腩 好嫩身又入味🐮🐮至於火鍋材料大致都幾好～不過我覺得火鍋要好食 最主要要有一個好嘅湯底🍲所以好推薦大家去試吓🤤🤤價錢方面要食得飽可能就會貴少少環境就好舊香港風味🇭🇰好有特色！人均消費大概200左右 好耐同放題差唔多價錢不過與其食放題 不如叫自己鐘意嘅嘢食咪總開心🥳🐮616牛肉火鍋專門店 (三陂坊) (荃灣)地址：荃灣三陂坊14-18號安安樓地下B號舖

平時打邊爐都係食開肥牛，依間主打食牛既唔同部位，超多唔同既牛肉俾你揀，牛魔王必去！味道有驚喜，而且仲係黃店黎💛裝修都唔錯，好有舊香港味。鴛鴦青花椒牛骨湯 $78麻辣湯底就食得多，青花椒湯你又食過未🤔同樣有麻味有辣味，但係就冇傳統麻辣湯底既油膩，食落比較清爽冇負擔👍🏻牛骨湯有浸藥材味，感覺養生滋補✨滑尾龍 $48撈埋蛋黃一齊淥，比起平時食既滑牛更加滑身🏄🏻‍♀️牛駝峰 $48脂肪位比較多，油脂感重，口感軟嫩🥩三花腱 $48肉味濃有𡁻口👄牛朴肉 $48油脂分佈比較多，爽口彈牙🦷安格斯橫隔肌 $48哩款牛味出較出眾，口感爽脆結實💪🏼澳洲和牛內裙肉 $48有咬口得黎，油香肉味比較平均⚖️每款牛既質素都好高好新鮮，食得出真係有分別，而且冇一款係唔好食😳一碟份量唔多可以試多幾款唔同部位。另外仲嗌左黑豚濃湯餃、麻辣牛肉餃、烏冬、豆腐等等，質素都正正路路，牛肉以外既話推介蝦滑墨魚滑。五條友食左超多野飽到上心口，嗌埋啤酒都係$950，食火鍋放題都唔止依個價，質素仲要冇咁好🤔俾埋張單你地參考，總括而言係高質既🤤

無左晚市堂食真係好煩,遲左小小出門口就食唔到dinner.只能外賣番屋企食. 但有個好處就係可以舒服D.然後發現openrice訂仲平D!!! 再發現我仲有滿40-20既優惠未用.變相平上加上. 2點幾約左4點幾係分店拎. 好不幸.....番到屋企.....先發現!!!!!!!!!! 佢無比湯底呀!!!!最重要個樣呀~~~~~~~~~~~之後打電話番去, 佢地好好好有責任心...搵人拎番比我...重點係..我家住八鄉......其實大家都有責任,下次希望大家都可以做多一步,查清楚就更加完美了呢到咁多野先係400蚊. 好抵食呀. 牛肉係一如以往咁好食.麻辣湯底真係好正. 唔會太辣搶晒牛味. 又夠麻..好正..

疫情之後第二次外賣616番屋企食因為想晏晝食而外賣自取時間係1400-2200惟有前一晚拎完雪係雪櫃第二日需要多少少時間解凍開頭都擔心肉質會唔會差好多但解凍之後再淥口感當然差過現場即食但牛味依然濃郁唔鐘意食肥牛既朋友可以叫橫隔肌鐘意肥少少就可以食牛駝鋒同肩鉀翼板想食滑牛就可以叫滑尾龍仲會附送蛋比你沾蛋漿整體黎講都係個豐富既火鍋而且外賣自取仲會有八折湯底同其他配料亦可以自備令成個邊爐更經濟實惠一定會再encore👍🏻👍🏻

💛 616牛肉火鍋專門店 (荃灣) 💛..............................呢間未分黃藍之前已經係聚會必去♨️嘢食高質 服務態度又好 真係無得頂🤩另外佢地有得外賣架 我試過都一樣高質！推薦大家聖誕節聚可以試試呢間(⁎⁍̴̛ᴗ⁍̴̛⁎).🔅想知黃店原因請Dm💛..............................🍽 鴛鴦沙牛湯底 $78（👏🏻9/10）.616嘅沙嗲湯底真係無得輸 湯底比較稠身 沙嗲味好香濃唔會搶咗牛肉嘅味 唔使點豉油反而仲正🤩我哋後悔嗌咗鴛鴦鍋 因為我朋友未試過沙嗲湯我地驚佢唔鍾意先叫鴛鴦 點知大家都淨係食沙嗲🤣搞到勁逼 我地講好下次要All in沙嗲湯底😈😈😈.🍽 澳洲和牛 - 牛頸脊 $68（👏🏻8/10）.脂肪比較少 唔係係入口即溶但肉質好緊實同埋好濃肉味😆.🍽 牛朴肉 $48（👏🏻8/10）.油脂同肉嘅比例好平均食落會比較肥瘦適中嘅牛肉😋.🍽 其他牛牛牛牛s🐮 $48-68（👏🏻7/10）.基本上事但嗌都唔會中伏 無一種唔好食👦🏻👧🏻已經好努力咁記住啲牛肉名可惜到最後都係放棄咗😂.🍽 稻庭烏冬 $28（👏🏻9.5/10）.稻庭烏冬咁掛湯咁耐煮配

食過幾次 食到相都唔記得影真係好好食！沙爹湯底好高質 加埋公仔麵好正牛肉好新鮮同埋好多部位都好特別 全部都好好味 求其揀一款都100分！仲有好少有既封門柳（不過有時會冇貨）🥂🥂🤤🤤環境方面一定唔係坐得好舒服 有dd大排檔既感覺 坐圓凳 做到有啲痛😂😂檯面都比較細 不過打邊爐好食就得啦～衛生方面都好好 碗碗碟碟呢啲都好乾淨 醬料都有嘢蓋住👍🏻限時100分鐘都夠食 次次都唔會食過時間 牛肉都上得好快 5分鐘內就有總結係 打住食評又想食啦～

係時候打下邊爐隊隊啤啦，想試咗呢間616好耐，終於搵到個同我一樣鍾意食牛嘅朋友，呢間餐廳主打牛，提供好多牛唔同嘅部位及內臟，出面比較少食到，值得一讚係menu寫得好清楚係邊一個部位同埋佢嘅口感同味道，雖然唔係每個部位都咁突出，勝在每碟份量唔多，可以盡情地試下唔同嘅部位，價錢亦唔算貴，比較深刻嘅係牛舌、牛頸脊、滑尾龍，鍾意食牛嘅朋友不妨一試！