天外天

同久未見面嘅P哥食飯梗係食好啲. 見呢間上網幾多人讚,一於訂檯.第一次嚟,以為平時紅隧口嗰邊係入口,原來反方向至係. 搭𨋢上頂樓,門口知客問過訂位資料就量體溫,之後一入內見到自助餐格局,即時嚇倒並詢問一下,原本有部份位置係比客房住客的西餐區. 由於訂位時無特別要求要窗口位,所以被安排靠牆座位. 女侍應好好耳,雖然她不是長期企喺我哋旁邊,原來喺我哋討論點咩菜時已記入腦,當點菜時P哥有時忘記了,她幫口補充.五香安格斯脆腩片 - 當大家都以為係燒腩仔(豬肉)時,突然醒起呢個係安格斯(牛肉) 腩片唔漏, 兩個人食晒全碟都仲食到其他菜.港式片皮鴨 – 賣相無特別,味道亦普普通通,麼麼皮偏厚. 不過細心嘅P哥發現麼麼皮同鴨嘅1:1比例,讚廚師有數過至出菜.宮保爆雞球 – 又係普普通通.欖菜鮮淮山四季豆 – 咸…奇在只有鮮淮山唔咸. 楊枝甘露 – 似花奶糖水. 加送平時宴會的美點雙輝:合桃酥+桂花糕. 整體:環境: 景靚(坐到窗口位,個景會更正)! 當晚可能有宴會,比較嘈!食物: 味道不似預期，可以更好!服務: 良好!