Video
Read full review
2023-03-07
148 views
今日去左個巨型藍鯨吞拿解體宴，呢啲吞拿魚解體show唔係成日有㗎，今日可以同好友一齊欣賞到師傅精湛嘅劏魚技術，超興奮😆師傅一路解體吞拿魚，一路講解每一個吞拿魚嘅部份，學到唔少嘢🥰師傅真心勁，不消一會就食到新鮮劏嘅本鮪藍鯨呑拿魚😋小食會有枝豆，炸物吞拿魚壽司三味刺身 大拖羅，中拖羅，赤身當然最愛就係大拖羅，入口即化，鮮甜滿足，赤身相對上中質較實，魚味較重，中拖羅口感介乎兩者之間，整體都好食。Sukiyaki汁燒A4和牛佐涼拌茄子牛肉燒得剛好，切開粉嫩，肉質軟腍，好有牛味，芝麻醬茄子都好食！特別部位塩燒魚眼、腦天、眼球肉、面頰，呢啲稀有部位要抽籤先至有得品嘗到。如果想食火炙背鰭分身，吞拿魚腩蓉手卷，就自己岀去排隊攞，顧客仲可以親自去刮吞拿魚骨之間「中落」即赤身嘅部份，蘸上香蔥豉油，鮮味滿滿💕蕪茸雜菌湯食咗刺身壽司最啱就飲返碗熱辣辣嘅湯，清甜暖胃，正！響亦擁有全港最大嘅清酒機，有30多款清酒俾你揀，今次解體宴包左二十枚代幣，揀啱酒後只需要掃一掃手機上面嘅QR code，系統就會扣減嗰款清酒所需嘅代幣，仲有國際酒匠教埋你Food pairing，選擇最適合嘅清酒去配搭美食！三月做promoti
師傅一路解體吞拿魚，一路講解每一個吞拿魚嘅部份，學到唔少嘢🥰
師傅真心勁，不消一會就食到新鮮劏嘅本鮪藍鯨呑拿魚😋
小食會有枝豆，炸物
吞拿魚壽司三味
刺身
大拖羅，中拖羅，赤身
當然最愛就係大拖羅，入口即化，鮮甜滿足，赤身相對上中質較實，魚味較重，中拖羅口感介乎兩者之間，整體都好食。
Sukiyaki汁燒A4和牛佐涼拌茄子
牛肉燒得剛好，切開粉嫩，肉質軟腍，好有牛味，芝麻醬茄子都好食！
特別部位
塩燒魚眼、腦天、眼球肉、面頰，呢啲稀有部位要抽籤先至有得品嘗到。
如果想食火炙背鰭分身，吞拿魚腩蓉手卷，就自己岀去排隊攞，顧客仲可以親自去刮吞拿魚骨之間「中落」即赤身嘅部份，蘸上香蔥豉油，鮮味滿滿💕
蕪茸雜菌湯
食咗刺身壽司最啱就飲返碗熱辣辣嘅湯，清甜暖胃，正！
響亦擁有全港最大嘅清酒機，有30多款清酒俾你揀，今次解體宴包左二十枚代幣，揀啱酒後只需要掃一掃手機上面嘅QR code，系統就會扣減嗰款清酒所需嘅代幣，仲有國際酒匠教埋你Food pairing，選擇最適合嘅清酒去配搭美食！三月做promotion, top up $500送$500, 即$500可以飲到50杯酒@30ml, 鐘意清酒嘅話超抵😆
可以近距離欣賞刺身師傅解體吞拿魚精湛嘅技術，又可以品嘗到咁多款嘅清酒，真係一次好特別嘅體驗！
Post
