The Market

Item: The Market
Rating: 4
Author: Roccalokka

935 Reviews

Taste

Decor

Service

Hygiene

Value

98396

Tsim Sha Tsui

$401-800

International Seafood Buffet Hotel Restaurant

Copied to Clipboard

589

155

Roccalokka

Level4

271

終於食到期待已久既the market lunch buffet, 總括黎講, 如果你鐘意食榴槤同東南亞美食既話, 你會覺得非常滿足, 至於佢既價錢就見人見智啦, 當日lunch buffet $488+10%, 有長腳蟹, 無生蠔, 有香檳果汁任飲, 而每樣食物都係細細粒細細兜, 呢一點我係非常欣賞, 所以我個人就覺得ok既基本上當日差唔多食晒所有野, buffet 範圍大概係用唔同地方既菜以作分區, 以下就大概講一講唔同區域。海鮮區:有長腳蟹, 蝦, 青口, 小龍蝦, 螺, 無生蠔, 長腳蟹海水味唔會太重, 食多幾隻都唔會覺得好滯, 都ok~日式區:刺身方面, 都係正常果幾款, 三文魚, 甜蝦, 吞拿魚等等, 三文魚腩新鮮, 而且仲會有細細碗刺身飯, 唔錯。中式區:有2個蒸籠裝住不同既點心, 蝦餃燒賣蒸餃等等, 點心做得不錯, 仲有超細碗海南雞飯, 雞就普通不過油飯做得好好, 當日燉湯係椰子雞, 好清甜足料而粉麵就有炒貴刁同喇沙湯面, 湯底幾香~buffet仲有片皮鴨, 1件都幾大份, 好味但略嫌唔夠汁~泰式/印度區:有d估唔到呢個buffet有咁多泰/印既熱食, 有青咖哩黃咖哩,

Read full review

終於食到期待已久既the market lunch buffet, 總括黎講, 如果你鐘意食榴槤同東南亞美食既話, 你會覺得非常滿足, 至於佢既價錢就見人見智啦, 當日lunch buffet $488+10%, 有長腳蟹, 無生蠔, 有香檳果汁任飲, 而每樣食物都係細細粒細細兜, 呢一點我係非常欣賞, 所以我個人就覺得ok既

基本上當日差唔多食晒所有野, buffet 範圍大概係用唔同地方既菜以作分區, 以下就大概講一講唔同區域。

海鮮區:
有長腳蟹, 蝦, 青口, 小龍蝦, 螺, 無生蠔, 長腳蟹海水味唔會太重, 食多幾隻都唔會覺得好滯, 都ok~

日式區:
刺身方面, 都係正常果幾款, 三文魚, 甜蝦, 吞拿魚等等, 三文魚腩新鮮, 而且仲會有細細碗刺身飯, 唔錯。

中式區:
有2個蒸籠裝住不同既點心, 蝦餃燒賣蒸餃等等, 點心做得不錯, 仲有超細碗海南雞飯, 雞就普通不過油飯做得好好, 當日燉湯係椰子雞, 好清甜足料

而粉麵就有炒貴刁同喇沙湯面, 湯底幾香~buffet仲有片皮鴨, 1件都幾大份, 好味但略嫌唔夠汁~

泰式/印度區:
有d估唔到呢個buffet有咁多泰/印既熱食, 有青咖哩黃咖哩,至少3款, 巴東牛肉, 泰式炒飯, 香茅豬排等等, 全部都好高質素, esp個青咖哩鴨, 非常不錯, 不過如果閣下唔太喜好泰菜, 變相就會少左好多熱食既選擇~

西式區:
羊架肉質超好, 淋身之餘仲好好味, 牛排亦都唔會話太un, 不過就唔係即刻切, 而係自己夾既, 仲有自家製pizza, 同埋egg benedict~~ 個水波蛋係完美!!

沙律區:
呢到既沙律選擇都非常多喎, 有撈好汁既caesar salad, 同埋salad bar, 任君選擇, 而泰式鳳爪都唔錯, 當日生果有西瓜哈蜜瓜同波羅, 都幾新鮮

甜品區:
其實我一坐低第一碟就食左甜品先啦~因為實在太期待佢既榴槤甜品, 所以1次過試晒, 有榴槤芝士蛋糕,榴槤撻, 榴槤卷, 炸榴槤, 榴槤班蘭卷,貓山王雪糕等等, 我本人最推介就係榴槤撻,貓山王雪糕同榴槤班蘭卷, 呢3樣既榴槤味係最香的!!!
全部甜品都係細細粒, 但如果唔食榴槤既話就無咩選擇, 都係平時d 朱古力蛋糕/芒果蛋糕咁, 同埋有4-5款奶凍, 綠色紅豆蛋糕都算幾好食既!