119 大口銀針粉 (Moved) New Location

近排銀針粉大熱，見到唔少雜誌都有介紹，仲講到話有專門店，當然益有晒我哋呢班大食家，講緊嘅係喺旺角嘅 119 大口銀針粉，煙韌嘅口感，有D童年回憶，好想去試吓。今日，星期日，咁啱喺旺角行完街，順便去幫襯吓，其實，行街路線係悉心經營出離㗎，應該話專登要去幫襯先至真。離遠已經見到好多人等緊位，但係座位好少，唯有買外賣返屋企食。就叫咗一碗銀針粉，同埋一碗墨魚膠蝦膠，銀針粉勁多料，仲係大大片個隻，有魚片、冬菇，仲有魷魚，精華所在絕對係D蔥花，有佢地成碗變得生色好多，又香又惹味，銀針粉仲好彈牙，唔會因為外賣焗到淋晒，好好味。墨魚膠蝦膠，大大粒，咬落口都好彈牙，粒粒都有墨魚肉同蝦肉喺裡面，清清地，都幾好食，不過自己都係鍾意銀針粉多D。