Video
Read full review
2019-03-29
984 views
朋友話聽講呢間唔錯, 忽然諗唔到食乜就一齊上左去食晚飯。 因為時間比較夜, 9點鐘 一到已經可以入座, 依照Openrice 資料本身話23:00 先收工, 仲諗住可以慢慢食吹下水, 飲2杯 點知一入門口已經有職員告知21:30 Last Order, 22:30 前要離場, 咁都算啦, 因為真係好肚餓, 食左先再講 見到佢卡位吉晒, 我地一行4個人本身就想行過去坐, 已經有經理裝束既男職員唔係太有禮貌地叫我地坐大廳既位。 咁我地都明白餐廳安排座位都好合理, 所以都接受左座位安排, 不過坐都未坐穩就已經再提多一次要21:30 Last Order, 叮囑我地盡快叫餐。瞬息之後有位女職員上左個茶壺及Menu 俾我地, 不厭其煩再一次提醒我地需要21:30前落Order。 因明白事態緊急, 我地係2分鐘內已經決定好食乜同埋落左Order, 之後問職員拎個 Drink Menu, 打算小酌一番。 同行友人亦開始將茶壺內的茶水注入各人的茶杯中, 可惜保溫茶壺內的水溫只比室溫水高出一點點, 所以最後大家都放棄飲茶。 先來的是跟餐的味噌湯, 味道似係一般開粉的, 冇乜野特別好講。 之後黎的是2
因為時間比較夜, 9點鐘 一到已經可以入座, 依照Openrice 資料本身話23:00 先收工, 仲諗住可以慢慢食吹下水, 飲2杯
點知一入門口已經有職員告知21:30 Last Order, 22:30 前要離場, 咁都算啦, 因為真係好肚餓, 食左先再講
見到佢卡位吉晒, 我地一行4個人本身就想行過去坐, 已經有經理裝束既男職員唔係太有禮貌地叫我地坐大廳既位。
咁我地都明白餐廳安排座位都好合理, 所以都接受左座位安排, 不過坐都未坐穩就已經再提多一次要21:30 Last Order, 叮囑我地盡快叫餐。
瞬息之後有位女職員上左個茶壺及Menu 俾我地, 不厭其煩再一次提醒我地需要21:30前落Order。
因明白事態緊急, 我地係2分鐘內已經決定好食乜同埋落左Order, 之後問職員拎個 Drink Menu, 打算小酌一番。
同行友人亦開始將茶壺內的茶水注入各人的茶杯中, 可惜保溫茶壺內的水溫只比室溫水高出一點點, 所以最後大家都放棄飲茶。
先來的是跟餐的味噌湯, 味道似係一般開粉的, 冇乜野特別好講。
之後黎的是2份 蒲燒原條鰻魚飯, 鰻魚 Size 份量幾夠大, 可惜味道只是行貨, 而且唔知係咪因為就收工既關係, 成份飯都只是溫熱, 令人食慾不振。更加令人覺得驚訝既係桌上沒有提供山椒粉以供鰻魚飯食客使用。 飯量屬正常水平, 可惜可能因成本問題, 並非使用一般日式餐廳吃到的圓潤飽滿的珍珠米, 令整體差上加差。
隨後5分鐘後同行友人點的魚生飯都上菜了。此時因為仲未有 Drink Menu, 所以再向職員要求, 經理裝束男職員立即拎左一個牌黎, 並說明牌上價錢是Happy Hour 的價錢, 如果要叫的話需要另外報價。隨便一看覺得Happy Hour 都去到呢個價錢, 正價真係難以接受, 所以都係冇叫到飲品。
講返個魚生飯, 有海膽, 帶子及魚生, 因為是朋友點的飯, 我只有試過一小片海膽, 真係講唔上係新鮮, 朋友的評價亦都係負評如潮, 食到成餐都媽媽聲。
再5分鐘後, 後加的雞脾油炸薯條亦都送到。經過2個飯既教訓, 本身對此薯條毫無期望, 不過最後反而覺得薯條係全餐最好食。但要提一提薯條都只係一般水平, 因為都係唔夠熱, 而且比較乾, 隨附送上美乃滋值得一讚, 令薯條加色不少。
經過20分鐘左右的用餐後, 職員再送上定食甜品綠茶蕨餅, 蕨餅經雪藏解凍不足, 口感不合格。
最後成功於21:30 前完成用餐, 埋單離開都仲未過21:30 Last Order 時間!
整體用餐體驗只覺得慘絕人寰, 特意登入留字, 希望渡化世人。
Other Info. :
冇下次。
(The above review is the personal opinion of a user which does not represent OpenRice's point of view.)
Post