澳門新龍記

Open Now

Now Closed

叫咗個蟹黃撈面($23)，都算OK再加咗個清湯腩($15)，麻麻哋但係後尾埋單要$65掌櫃話：「如果叫蟹黃撈面加清湯腩，就係$23 + $15 = 38，但係我就叫咗一個蟹黃撈面，一個清湯腩，所以就收$23 + $42 = $65！」即場呆咗‧‧‧同埋MENU好似無清湯腩$42‧‧‧只係有「清湯腩$15」不過點都好，小弟只係講下自己經歷，免得大家犯同樣錯誤!!!

呢間野我都係睇左openrice先去試ge...一行入去到當然要食蟹黃撈麵...都ok ge...d蟹黃唔係太濃, 但係都算幾香, 如果當造個陣一定會好好味!個日我地仲叫左雞翼菜...有好多隻雞翼好似有8隻...佢係鹵水雞翼黎ge...好幾入味架...

又跟旅遊書行到這裡,不過書上的位置有點出入,結果搵左好耐行到好累先找到。我同男友都唔係好肚餓,那是正值晚飯時間,應是街坊生意。旅遊書話蟹皇撈麵係招牌菜,當然要試下啦。本來諗住叫一樣算,不過夥計係咁推介蠔仔,我地就叫多碗麵同油菜。蟹皇撈麵($23)真係好好味!!好香的蟹粉味,有點蟹黃油,好香。加少少湯,濕濕地。麵也不差,好滑,好爽口。又一樣要食到乾乾淨淨既美食。只係$23 蚊就有咁正既美食,真係好過食美之連。蒜香蠔仔湯麵($14)好多既蠔仔,蠔仔煮到好淋,不新鮮的蠔仔令碗麵失色了。油菜($13)揀左通菜,由於這天都係食肉多,所以就食番d菜平衡下。

發現有些定理是不變的.正如一間餐館把一個SIGN DISH 做得好就不會有太大的問題了. 這間新龍記,今次食過她的牛尾粗,焗意粉...最後還是這個又香又濃的蟹粉撈才是合意.黃澄澄的好不吸引,加在麵上也合拍. 不用多費文字好就是好.

apr 23, 10,5人嚟到澳門即刻食個午餐,叫咗 :1) 蟹皇撈麵+蟹皇 x 2 (@mop23+12)-咁叫即喺1份麵配2份蟹皇-呢個咁雕鑽嘅叫法,當然喺食友教我啦,hahaha-蟹皇幾有蟹鮮味,以咁嘅價$$$$,已交足功課了-底下其實浸有蟹黃油,所以個麵都可以帶有蟹鮮味-麵質唔算好彈,但都ok的,反正呢碟嘅主角喺蟹皇-碗湯飲到有魚味,亦混有輕微嘅胡椒味,也是可以喎-好好味,所以最後都encore叫多1個2) 香煎墨魚餅 (mop34)-不是結實爽彈版,喺腍嘅version,間中食到有細細的墨魚粒-調味不錯,但有點懷疑是否全出自墨魚膠,定喺有其他材料3) 蝦干魚蓉粥 (mop19)-試咗2啖,喺無米花嘅做法-但味道因為有蝦干,所以都會有點鮮味-亦見到細絲細絲的魚蓉-也食得過4) 蠔仔濕炒麵 (mop28)-呢個個麵炸得帶脆,又唔油膩,個麵就讚-不過蠔仔不夠肥美同鮮味,而且淡口咗d,大大拖低其整體質素5) 大枝可樂x 3 (@mop7)-友人就覺得味道同香港的不同,呢枝差好多,帶點藥水味咁6) 罐裝汽水 (mop6)* 全餐評價最高當然喺個蟹皇撈麵啦,其次就喺個魚蓉粥

是次澳門之旅最後一站,不是去吃葡國菜,而是吃麵食.聽聞有個地方可用廿幾銀,吃到一個蟹粉撈麵.這就是"新龍記".地點在紅街市附近,格局是典型街坊店,電視播著香港的晚間新聞,天涯若比鄰.突然間又想起無聊問題,為何澳門看到香港電視,而我們又看不到澳門電視?為何在澳門可用港幣,反過來葡幣在香港又不能流通?哈哈,還是吃東西,先來個蟹粉撈麵,再加蠔仔.既然只值廿幾銀的蟹粉,不會寄望是"國色天香"之級別,蟹黃的份量不多,吃落也有甘香的感覺,味道不腥不臭.麵條煙齦也彈牙,亦索到蟹黃的香味.另外的蠔仔有點瘦,不夠飽滿,但也有點鮮味.以這個價錢,算有水準.不可以再說三道四了.戰到最後,仍有餘力,再來一碟蠔仔濕炒麵,個人喜愛香脆的麵底,但亦怕吃著又硬又難咬的麵底,龍記的脆麵底,乾身又香脆,面頭的蛋白,莧茜茨汁略嫌過稀,味道亦較淡.不過蠔仔份量頗多,與之前蟹粉撈麵內的蠔仔一樣瘦,幸好份量多而搭救.一記炒麵之後,終於到頂了,以龍記的蠔仔麵,來結束是次澳門行.這兩日一夜,肚皮得到絕對地豐盛,馬交美食可其多,在上船回程之前,腦海已開始盤算著,下一次澳門行的飲食路線圖.總之,所有地點,不再重複.寫到最尾,不如四月再來

24-10-2009睇了 Openrice 的「澳門隱秘消夜店」article, 對呢度的蟹粉撈麵好有興趣, 今次就搵路嚟試試.由於有「下場」, 只飲了杯熱菜蜜, 再食一碟蟹黃撈麵 ($22)... 面頭的蟹黃份量唔多, 碟底就出晒「黃油」, 賣相都幾吸引, 但食落夠油唔夠香; 麵條爽口彈牙, 不過將蟹黃拌勻, 仍然帶點鹼水味. 個湯就超級鹹, 可以不試. $22 一碟幾抵食, 質素亦算係咁, 雖然整體其實係有點失望的.朋友本身唔太好蟹, 只食果占多 + 飲凍檸蜜, 山長水遠要佢陪我行到嚟, 真有點不好意思...每人放低約 $30, 叫做試過, 不過試過就夠了.

啱啱個禮拜五過咗澳門, 去之前見到今期『新假期』推介「新龍記美食」, 講到好鬼正咁, 於是特登貢入去筷子基、沙梨頭嗰邊, 試試佢推介之三大『名菜』, 結果.......又比『新假期』老點咗!!!! 由於太難食, 完全無興趣影相......蟹黃撈麵($22)一上桌, D蟹黃連『新假期』張相嘅一半都無, 算! 只要好食就得------但-------蟹黃一D都唔香, 好彩唔腥, 而D麵又太「淋」......一句講晒-----唔好食!! 煎墨魚餅($32)一碟八小件, 真的是「小」件, 因每件只有個泥碼咁上吓大 , 很彈牙, 但一D墨魚味都無! 但這已是三大『名菜』中最好食嗰樣.......清湯腩生菜底($60)最惡頂呢樣, 得十一、二件左右, 都算, 但無牛味, 十分十分之靭! D湯=味精水, 重係難飲嗰隻! 真的超超超難食! 我食咗一半決定放棄.......『新假期』夠膽死話佢係「蟹黃撈麵之老大哥」!? 『新假期』又一經典老點之作~~!!

五月初一‧下大雨 是地膽食友的強力推介，見下塌的地方離這裡不近。其實搭經紅街市的公車也會經過這裡，幾方便的。來的時候是周日的下午，飯市已過，人客卻不少。坐進了卡位，但也毫不舒適，一來因為空調疲弱，二來更是吸煙者眾，但在澳門剩吃東西就是如此，只好專心吃東西。 要了蟹粉撈麵，及蠔仔濕炒麵。 先來蠔仔濕炒麵，蠔仔大粒鮮美，滑及有蛋白香，加上脆脆的炒麵，美味；蟹粉撈其貌不揚，但蟹黃味道撲鼻而至，人間美味。只收22蚊一碟，便宜得令人發笑。 下次來，要兩碟蟹粉撈麵，將兩份蟹粉加落一份麵內，必更盡興。 埋單69蚊，經濟抵食，單是這個蟹粉撈麵，就已經要再來一次。 想看足本食評及食物相片，請參考下列網誌：http://gourmetkc.blogspot.com/2009/08/blog-post_25.html

山長水遠的來到新橋, 當然係為了KC兄推介的蟹粉撈麵, 新龍記就係紅街市過小小, 也容易找到. 店子的環境就幾差, 也係四面都係食煙的人, 衛生也係非常一般. 當然, 要吃就不用管甚麼, 就要個蟹粉撈麵. 見花雕雞撈麵也係另一招牌, 又要一個試試.蟹粉撈麵: 8分, 蟹粉的份量比想像中小, 當然, 只係收$22一客, 也係相當經濟抵食的蟹粉撈麵. 蟹粉香濃, 也係真材實料, 係色澤麻麻地. 但麵條就係麻麻地, 比較乾身, 不太彈牙, 只係大配角. 加上三日來已經係第四餐麵了, 比較下自然覺得這裡係有所不及. 當然沒有了麵條來撈蟹粉, 事情又怎會完美呢?花雕雞撈麵: 6分, 已經講過這裡的麵係一般(又或者係這幾日吃了太多好吃的麵), 吃這個花雕雞撈麵, 目光自然係放係花雕雞上. 花雕味不太強烈, 反而覺得有種怪怪的味道. 雞肉還算嫩滑的, 但最大問題係花雕雞跟撈麵好像搭臺的, 不能溶合在一起. 加上實在都好飽, 吃不完了.這裡的蟹粉撈麵係好抵食的, 但就不要碰花雕雞撈麵了. 如果行程係鬆動的話, 來新橋走一趟也未嘗不可.蟹粉撈麵 $22 + 花雕雞撈麵 $22 + 汽水 $17 = $6

喺澳門一般的麵食店的大路配料多數是：牛腩，牛筋，冬菇，魷魚，墨魚丸，水餃雲吞皮，乜乜乜ｅｔｃ．．．再特別點是：蝦籽，疆，墨魚翼，羊肉，花雕乜乜，手打乜乜ｅｔｃ．．．所以我很少思考良久才下單，實行想食乜就去邊間～．．．除非到我唔知想食乜．．．有一日發生咗類似的情況，駕車四周都毫無頭緒．．．最後經過新龍記；就試試吧！坐上來後，基本上都不用睇餐牌，大大隻字的介紹牌在牆上：蟹皇撈麵，花雕雞麵，清湯牛腩．．．蟹皇撈麵？好少有得食的配搭，當然選它啦！不久，蟹黃撈麵來喇～蟹黃的份量倘可接受，麵的熱力令蟹黃慢慢溶開與醬油和麵條拌勻，蟹黃油豐腴，只是香味略遜，麵質不夠彈牙而且不要放涼，此道麵越熱才越好食！花雕雞撈米粉：雞肉選用烏雞，烹煮適宜肉質不老，可惜味道調得過火蓋了花雕大部份的香味！扣分．牛腩菜：點錯的菜，本來原意想要清湯牛腩菜的，是自己點錯了不怪別人，但．．．．．．味道好濃好咸，肉質好瘦，食二三口便想投降的感覺，還是盡快把菜食光吧！～

無意間,o係報紙發呢間店,估唔到成為左,朋友們認為係此trip最滿意之食店!濕炒蠔仔麵：兩面黃煎得o岩o岩好,又爽身。蠔仔也不細少,而且有鮮味,連其中一唔食蠔既朋友,都會食番幾咀!蛋汁滑嘟嘟!正!雲吞蟹皇撈麵：雲吞無乜特別,至於蟹皇,蟹膏雖多,但蟹油貧乏,撈好麵,也不夠蟹皇味。花彫雞撈麵：用烏雞無咁肥膩,肉質更滑。少許藥材+酒香的花彫汁,真係令整個平平無奇既麵,生色不少~~手打墨魚餅：彈牙!十足墨魚香!蝦乾魚茸粥：仍食到少許米粒的綿綿粥底,以鯇魚拆肉,鮮魚味平均佈滿粥中,唔確喉,一點味精也沒有。我諗蝦乾是後下,因為與粥沒有混為一體之感。清湯牛腩：都幾肥吓,試左少少,無乜味,無什特別。見店員咁好相與,老公問佢可唔可以俾少少,黑板上寫的「勁辣咖哩汁」試試,佢又俾喎!點左丁丁,好辣,食唔到。不過朋友說,好好食,勁欣賞。

到 Robuchon 吃得十個飽, 蕩來蕩去又到賭場玩一下老虎機, 趁時間尚早胃納又滕出了空間, 要吃一下蟹皇撈麵才滿足.新龍記, 位於紅街市附近, 要快捷近便的當然乘的士是最佳選擇, 不過大多的巴士也經過附近的, 所以來到是十分之方便.今次只能淺嘗蟹皇撈麵, 蠔仔炒麵要留待下次再吃了.新龍記是一般茶記, 所以地方也如茶記, 簡簡單單, 餐牌跟廣告卻是有點祖國的味道.由於澳門仍處於室內自由吸煙的條例, 所以要吃好東西還是要忍耐一下.蟹皇撈麵跟食友說的價錢已上調 $3, 不過點都要食左先; $22 ,蟹皇足料, 碟底出油, 滿口蟹油香, 麵也尚算爽滑, 始終香港應該沒有這樣的蟹皇撈麵, 所以也吃得過哩! 繼續到氹仔吃吃吃~~!

我啱啱搬咗嚟紅街市附近，諗住去come buy買d嘢飲，經過發現e間嘢，內咗去，我問d士應有咩好食，佢話:「，花雕雞，蟹黃撈面，乾免冶牛肉飯.......」果個蟹黃撈面d蟹黃好新鮮，d面都幾彈，連快子都cut唔到。之後，我叫咗濕炒蠔仔面，冇咩特別。