錦華牛雜

Open Now

Now Closed

去澳門，我從來都會找地方，安安心心地享受每一個早、午、晚、下午茶，甚至途中的 second breakfast, second lunch, second tea 等等。若不是這一次，從美國回來的太太兄長說要拮魚蛋，食牛雜，我也不會用心去看同研究澳門的街頭小食。當日玩到夜了，在回去葡京等巴士回港珠澳大橋時，我們來到《錦華牛雜》，吃一碗乜都有的雜錦。這，也許是澳門最具人氣的牛雜店之一。晚上近7時來到，為了求購一碗美味的咖喱牛雜，就是排大隊了。而在這小巷裡，也擠滿了立食的人群，好不容易才找到一個算是比較衛生的地方坐下來。(中間的一列凳唔夠人爭)。我手上的，只是中碗的份量，當中有魚蛋，土魷，同幾乎乜都有的牛雜。不計那要有汁才有味道的土魷，其他的東西都十分之香口。牛雜入味，入口亦十分次腍，冇乜牙力的人都可以輕鬆咀嚼，魚蛋爽口。當然，那又香又辣的咖喱汁，直接令整份牛雜的味道升華。本身的牛雜同魚蛋已經香口，加了咖喱，那辣勁，那醬香味，令人覺得，這一個咖喱醬才是這一碗牛雜的主角。很出色的牛雜，很出色凡街頭小食。難怪可以吸引到已經日日拮魚蛋，拮牛雜的香港遊客，來到澳門都要排隊食《錦華》既牛雜啦。

路過看見整條街幾乎都喺賣咖哩牛雜，午餐未食嘅情況下，跟住排了最多人嘅一間試試佢D咖哩啦！配料區無標價錢出黎，諗住反正幾年都唔黎一次澳門無咩所謂啦。夾了大魚蛋、牛丸、芋絲同豆腐串，加小牛雜（$30），賣單盛惠$77做法好似麻辣燙同台式滷味咁，先剪好牛雜，滾熱D配菜，再淋湯同咖哩汁。見到姐姐落咁多湯已經有d不妙⋯賣相睇落唔錯，牛雜都無咩怪味。配料唔洗講，清湯淥都唔會有咩味架啦。魚蛋同牛丸都唔係咩靚貨。咖哩汁味道就⋯⋯普普通通啦，唔見得特別濃香，再俾d湯溝一溝，成碗野淨係得個鹹字！食完好口乾。完全唔明點解咁多人排隊⋯

呢間錦華牛雜喺同一條有幾間分店，街頭嗰間仲要長期好多人排隊，所以立刻排隊先！就咁望只會見到一條隊，但其實係需要俾咗錢先排隊攞嘢食，我地都排咗幾分鐘先發現到。現場只係有個好細嘅牌寫住點餐區，所以大家去嘅時候記得俾錢先。前前後後大概花咗十五分鐘，終於拎到嘢食，我就叫咗一個細牛雜試下，朋友有叫配菜類，主要都係啲打邊爐經常食到嘅食材。其實叫咩都好，處理手法都係大同小異。佢都係煮熟啲食材，之後淋返咖哩汁再加辣醬。牛雜種類大約五至六種，食落唔腥。等嘢食嘅時候，老闆話佢地係用中藥煮過啲牛雜，所以先唔腥。牛雜尚算有味道，但必須要加返咖哩汁先有比較多層次嘅味道。朋友就叫左雜菇，菜，芝士腸等等，但煮得太淋，食材嘅原味已經無咗，所以食落只係食到咖哩汁嘅味道。總括而言，呢間舖頭嘅牛雜比一般配菜類好食，但回頭率唔高，名過於實。

去完大三巴，行返落黎，見呢間店咁多人排隊，又有啲口痕，猶豫左一陣就同朋友去左排隊。排左起碼半個鐘，條街蟑螂又多又大隻，走黎走去其實排我前面既都係十個人到，唔知點解咁慢，跟住忍唔住走上前望下發生咩事。行到去前面，見到未煮既響聆上面痴住幾隻蟲，衛生好差，又有烏蠅，入面有3-4個店員，但手腳非常之慢，係到攪下牛雜個煲，到啲人落order既時候要係個煲搵返個岩既內臟出黎，問題係一樣野要搵起碼兩次，唔怪得咁慢！本來都唔想食，但見排左咁耐又差唔多到我地就照排啦，佢有大、中、細，最後叫左細既過下癮算。正當我俾錢既時候先發現要係隔離買飛俾錢再排隊買....心諗大獲，唔係掛。好彩個店員都肯俾我照order。細既就有牛筋、牛肚、牛蒡、牛肺，蘿蔔，都多既，但煮得太淋喇，咩口感都冇，同埋個辣一啲都唔香，辣到苦果隻，食唔到其他味。一定冇下次！都唔明點解一條街開到三間

今次去澳門逛街，就去新馬路度行下，行行下睇到，有條街好多小食賣嘅，見到呢一間賣牛雜嘅鋪頭，除咗賣牛雜，仲有D車仔麵嘅餸，一串串咁任你揀！門口企左好多人，響度等佢剪牛雜吉好一串串，比較少人買，個個都係揀牛雜牛雜好入味，面頭嗰幾舊係骨，最底有蘿蔔都好入味，本人都叫做食得辣，佢嗰啲都唔知係乜嘢辣椒醬辣到噴火因為之前嚟澳門，都食過牛雜，諗到爛仲有毛添，相比之下呢檔嘅牛雜，都算係OK架啦！下次有機會試吓，陶陶居轉彎位要排隊嗰檔！

咖哩牛雜一條街唔知大家知道無，年少時做兼職做到去澳門，同事介紹食說係呢一個咖哩牛雜，除左牛雜外仲可以加不同的丸類，面類或是菜類的食物，之後就淋上咖哩汁，便成一碗美食。之後自己過澳門揾過幾次都唔知係邊，只知道拒叫咖哩菜，真係問人都問唔到。到依家經常要過澳門做嘢嘅時候終於重遇番，而且已經做到成條街都係，有好多唔同名的，究竟當初第一日係食邊間，真係一d記憶都無。一條街5.6間左右我食過兩三問，你問我味道是有什麼分別，我真係答唔出。但呢間嘅味道係幾好嘅，濃烈的咖哩味，牛味重，炆到好淋，入哂味。牛嘅部位有4.5款，常見的肺，肝，肚都有。特別少少有牛根同牛脷，一碗細嘅分量都幾多，有20舊左右，仲有蘿蔔喺底。今次加了皇帝菜，金菇菜。個人覺得加蔬菜或面類最好食，最能食出拒個汁。呢間我覺得最唔同係拒除左個咖哩汁之外，仲會有個辣汁係上面，比起平時的咖哩更辣更惹味。唯一的唔好處，我覺得係偏貴，一碗細牛雜加兩款菜要53蚊，平時如果我肚餓真係要撈埋個面就成7.80蚊，絕對唔係平。

同朋友行街行到肚餓，掃街食小食啦！甘岩見到有牛雜就口痕去左買碗細的，見到門面光鮮，又上晒電視有介紹。誰不知一放入口，啲汁咸到爆炸，但全無咖哩味，仲話咩第一咖哩啲牛肚又擦又勒，啲蘿蔔又係咸到爆，個師傅味覺係咪有問題，難食成甘樣，我肚餓都唔想食，辛苦我朋友唔想嘥野啃左成碗唔掉。簡直失望到爆，都唔明點解佢可以開甘多分店，但真係難食到爆，喺香港搵間20蚊牛雜面都好食過佢。真心唔好試呢間 。。35蚊一小碗，千祈唔好嘥錢，留返啲錢去隔離街食 Gelato 雪糕開心好多。

呢間係好似我地香港啲車仔麵咁，亦係我第二間食嘅，真係多人排隊唔代表佢好食，佢雖為未致於難食，但係……唔可以叫好食囉今次點咗魚腐、魚蛋、豬皮，最錯就係點豬皮，因為佢個汁唔係特別好味，要咖哩唔係咖哩，要沙嗲又唔係沙嗲，要佢辣又一啲都唔辣，而且個汁重好鬼杰

前幾日去左澳門，一心諗住去大堂巷食檸檬車露~~點知見到呢條街好多賣牛雜既店 而錦華就排晒隊咁，於是就同朋友試一試啦。我地叫左碗細牛雜~有吾同辣度簡，咁小妹我就吾太食得辣，所以簡左小辣。但系呢，佢地既小辣都吾講得笑...🔥🔥🔥🔥 加上天氣又熱熱地，真系食到成身出晒汗~ 但系個汁系正既，好惹味食過隔離有間系冇蘿蔔既，但呢間既牛雜系有嫁 呢個系值得加分既地方~~蘿蔔同個汁一齊煮，好淋好入味！中意食蘿蔔既你一定要單叫多份加落去

近兩、三次來澳門, 晚飯時候青蛙都選擇放棄嚐試各種不同特色的餐廳。它的經營模式與港式車仔麵近似,多間類似的食店如:''恆友'', 甚至街邊車仔檔,都在澳門的手信街附近隨處可見。不過青蛙當年就是見''錦華牛雜''的門外,沒有''恆友''般多食客等候而一試,結果之後的幾年間, 青蛙都只光顧''錦華牛雜'',而沒有再試其他的了~說它近似車仔麵, 原因是它們是把一串串未熟的食物先陳列門前任君選擇,之後續串計價錢, 再替客人烚熟, 另外可以配上生麵、粉絲或烏冬~湯底則可選清湯底牛雜湯。當然不得不提就是它家的辣汁了,貪心的青蛙不聽店員的勸告多要了,結果真的如店員所說越吃越辣, 舌頭有麻痺的感覺出現呢~連本身算是辣妹子的青蛙都覺得辣勁超強,奉勸不能吃辣的食友, 還是要超少量好了。食物方面, 食材因為可以挑選才烚, 所以保証新鮮~ 其他丸子類的正正常常沒甚麼特別。不得不叫的就是蘿蔔, 它本身與牛雜一同煮的,所以超入味, 但又不失鮮甜, 正呀!!另外粉絲也是青蛙推介, 它家選用的炒絲較為粗身,亦與一般的相比不容易腍及折斷~而且店家給的粉絲, 份量有夠多,青蛙今次就因為眼闊肚窄叫到滿滿的一碗而吃不完,建議

每次從議事廳前地往大三巴方向走途中的一條小巷一定擠滿很多人那幾間店都是在賣牛雜咖哩的這次我決定要試試看研究了一會 決定要試這間店前放滿了很多不同的食材客人可以按自己的喜愛把所要的食材放在盆子上交給店員我這次要了 魚旦 芝士丸 香腸炸腐皮魚片 芋絲 娃娃菜 蘿蔔 等店員先幫我用湯煮熟食材剪細後就加入特製的咖哩汁和辣汁這整整一大碗只要38元 算ok啦咖哩汁很香 辣汁很香 但愈吃愈辣愛吃辣的我們 當然愈吃愈過癮很讚!! 下次一定再吃

在朋友介紹下，特意前來尋找牛雜。憑著敏銳的嗅覺，終於找到這小店。「憑嗅覺找尋」，真的沒有誇張，因為真的香氣四溢。當然二話不說去排隊買來品嚐啦~~不消數分鐘，滿滿的一碗牛雜已在我手，香味十足!!!肚、肺、膀、腸，真的樣樣齊，正!!!急不及待把牛雜送入口，那些汁真的很香濃，相信湯膽真的有悠久歷史~~可是...把牛雜細嚼，就會發現不夠入味，可能是生意太好，牛雜未能入味已經要賣，所以只可以食到「面個浸」~~如果可以把牛雜煮得入味一點就好了，真的不要浪費那美味的牛雜汁!!!

嘆完雞米，繼續在澳門大街小巷四處逛。到達噴水池再內進的小街，忽然想起早幾年前嚐過那味道不錯的雪糕，印象中的雪糕店應該就在這些小街內。未見雪糕店，先見一條長龍從錦華牛雜的店舖伸延出來，原本不想再吃什麼，因晚上肚子還要應付自助餐，但若萬一錯過美食，又是後悔莫及，心魔告訴我來一點點也未嘗不可，於是兩隻為食鬼還是排隊去了。"錦華" 的招牌主打是牛雜，但在店前可找到一串串的不同的食材，如鮮菇、香腸、牛丸、魚蛋、海帶、豆腐乾、麵根、牛柏葉、水魷魚等，一時間令人眼花暸亂。牛雜則放在靠近姐姐手下的小格內，細牛雜售 $15元、大牛雜售 $25元，頗為實惠的收費。舖面面積峽窄，只能容納一人工作，姐姐手快眼利，灼食材、剪牛雜、下醬汁、包裝、收錢，全是一手一腳包辦，非常厲害。姐姐忙得滿面通紅，生意好再忙也是值得的。我們要了細的牛雜，並加了白蘿蔔及要了小量辣汁。 錦華牛雜的牛雜質量也算不俗，但不是特別的美味，獨到的一面相信是其特別調製的辣汁。入口一陣惹人的香氣、兼帶點開胃的甜、感覺到一絲辣味輕輕的由舌頭溜至喉嚨，起初不以為意的辣經味蕾消化後，頓變身像火焰般的火辣，對我而言那種辣勁確實醒神刺激，有的食客吃得滿頭是

7月13日,同幾個朋友1起去macau,諗住去大三巴的途中,先俾雪糕吸引,食完雪糕!再俾牛雜吸引!!真係好正,d curry汁同辣汁混牛雜簡直是完美組合!!!$15 抵到爛!!!之後14日我地都忍唔住再去多次啊!!!!100%推介!!!

在大堂巷吃完檸檬車露雪榚, 又想食一些咸野, 女友聞到有牛雜香味傳來, 我便到處尋找, 但發覺大堂巷共有三間賣牛雜的小店, 最後發現一間有兩部抽氣扇抽出香氣的小店, 所以肯定香氣是由這裏傳來, 名叫錦華牛什, 佢地有$15細碗及$20大碗,我就叫了大碗的, 等了片刻阿姐做好了, 我便同女友坐在路中的石櫈上享用, 它的汁有點咖喱的啡色, 應該是咖喱汁, 但阿姐說這是香汁, 食落都幾淋, 很易入口, 味一是很濃烈, 不能說是很好食, 比起香港的實有點遜色, 但都ok, 不消一會便吃完了, ok掂的!