飲茶 (已結業)

得知這間餐廳賣點是有多款得意造型包類，還有介紹主角包嘅有趣名及搞笑性格，咁得意當然要同黃兔去試下啦！於是今日放工後飲茶，來到酒店內的餐廳門口已經有人等緊位了，好彩我之前已經在openrice訂左位，所以不用等位便可入座不得不讚自己醒。基本收費。。茶位＄13, 另有加一收費！而餐廳標榜沒有加味精及是用天然菜汁調色，令人食得安心飲茶點少得有茶，有五款茶揀，我地揀左紅棗紅袍，茶壺裡有三粒大紅棗及用左－個大茶包沖泡，不會令到食客飲到滿咀茶葉，又有茶香，而紅棗味突出，感覺好養生我地點了:有色蝦餃＄55 - 彩色的蝦餃皮，面層還灑了金泊粉，賣相好吸引餡料豐富，蝦肉爽口彈牙！略嫌蝦餃皮厚。舉手雞花＄79 - 酸酸甜甜的糖醋味好開胃，雞肉嫩滑好味！還有2條菠蘿串多汁香甜，太子麻菜＄59 - 菜卷成細細粒易入口，面頭有蟹籽，點芝麻醬好惹味－籠八戒＄49 - 超可愛的豬仔包賣相100分！餡料是叉燒，沒有肥肉，面包鬆軟，好食鳳梨星米＄119 - 菠蘿飯食得多，今次係用菠蘿盛著星洲炒米夠特別賣相吸引，份量也多！蝦肉彈牙，星米咖哩味濃，微辣。不會太油膩，炒得爽口惹味略嫌沒有菠蘿粒！楊枝甘露＋棉花雲＄49 - 賣

.睇住流奶 ($49)咁鍾意流沙包嘅我 點可以唔黎試下飲茶嘅造型奶黃流沙包😋😋 (個樣真係好漏打😂)食落同平時流沙包冇咩分別 又未出色到有起沙不過夠熱所以篤開時真係有奶黃流出黎👍🏻.一籠八戒 ($49)呢三隻小豬其實係叉燒包黎相比新式八戒叉燒包 我都係鍾意傳統多啲首先個包相對鬆一啲 一個包可以放嘅餡料又多啲同埋平時嘅叉燒粒大啲所以如果唔係為造型唔係貪得意就食返平日嘅叉燒包啦😆.干媽蘿蔔 ($59)見到個名好似好惹味好辣咁 就嗌左望落個樣都唔錯 好似炒得好乾身咁但食落就覺得唔係想像中好食一黎啲蒜辣味唔入啲蘿蔔 二黎個皮太油又炒得唔乾唯一欣賞嘅係切蓮藕嘅功夫 都炸得幾香脆但整體。。唔係嗰回事

YUM CHA呢間中式點心真係久仰大名，聽過好多人都話每碟點心雖然貴但係又好精緻，所以今日忍唔住去試下。因為怕朗豪坊個間會太多人等所以黎左尖沙咀呢間，中午時段黎到等一陣就可以入去啦。一入到去感覺完全吾似系入左一間食點心的地方，好似去左一間西式cafe甘。店內主要以粉藍卡座形式為主，燈光佳，十分適合女生拍照。坐低之後，與傳統酒樓有分別的地方，就係侍應吾會主動問你飲邊款茶，因為餐牌紙上面已經列印左比客人選擇，選擇其實都頗多，分別有紅棗紅袍，玄米綠茶，普洱，茉莉花茶等等，每款茶都系行特別路線，今次就揀左比較清淡口味的茉莉花茶，茶香雖然唔夠濃郁，但真係有淡淡既茉莉花味，個人覺得還可以。入反正題，今次選擇了小食拼盤 （皮蛋豆腐，雞絲拉皮，沙姜蔥雞），一籠八戒，舉手雞花。小食拼盤-皮蛋豆腐點心的價格的確偏貴，所以見到呢個小食拼盤一個價錢包左三樣野食，相比起就抵食得多。先黎冷盤，皮蛋豆腐，佢既賣相真係值得抵贊既，豆腐薄切，考師傅刀功。豆腐食落系好滑既，面頭加入切成碎粒既皮蛋，兩樣加埋一齊食感覺好清新好夾，不過略嫌皮蛋粒唔夠，食到尾只剩下豆腐。小食拼盤-雞絲拉皮雞絲粉皮系我既最愛所以評分會較嚴謹。粉皮

上次去左旺角分店, 由於係food court隔離所以隔唔到油煙, 環境一般。今次去尖沙咀分店, 環境好好多, 雖然因為空間較細, 枱與枱之間都幾迫, 唔算坐得好舒服, 但起碼唔會好似旺角聞住隔離嘅鐵板油煙食飯。由於朋友第一次去, 所以緊係循例要食得意嘅點心。以下幾樣都好味, 睇得又食得, 最鍾意睇住流奶有好香咸蛋黃味~除左呢D預料之內嘅可愛點心, 估唔到最大驚喜竟然係睇落唔特別嘅野菌泡飯!!上菜時侍應先會將炸過嘅飯粒倒入口湯入面, 食落口感同味道都不得了。卜卜脆嘅飯粒配上清甜嘅什菌湯底好夾, 好好食。最特別嘅一定係口感, 因為一般泡飯都係普通軟淋淋嘅白飯, 係呢度嘅會炸過所以先咁好食。見到好多人推介, 係幾好食嘅。不過價錢就唔多值, 百幾蚊一碟菜, 都係試一次咁大把算了。果然健康係要付出代價...呢個醉雞我都好鐘意, 唔似外面食到嘅咁重酒味, 滑嫩雞肉配上醬料好易入口。粉皮彈牙, 口感唔錯。豆腐滑嫩, 睇落都好靚, 但同上面其他有特色又好食嘅菜式比較下就略為遜色。下次再食嘅話, 都一定會再叫野菌泡飯!因為呢個真係估唔到咁好食。

地下係精品酒店入口，裝修型格，餐廳嘅地方幾大，佈置似西式Tea House，現場一播放爵士樂，變成西式環境中式飲茶，可能希望迎合後生仔女。5:00pm嚟到，人唔多，所以唔算太嘈，呢度最吸睛嘅點心莫過於與卡通造型嘅包點，我都叫咗一客一籠八戒嘅包包，其實係叉燒包。老實講呢度嘅點心價錢真係幾貴，如果當去中式茶樓飲茶咁計，就唔係幾化算，不過當係一個英式嘅下午茶咁樣，飲下食下傾吓計，咁比食一件西餅飲杯咖啡嚟得較為特別。

其實想試呢間好耐，因為見到啲點心個樣咁得意有咁多好評，不過一直都無機會，最近終於訂咗枱同媽咪食，現時總共有三間分店；分佈喺中環、尖沙咀、旺角。連英文名都係用返廣東話拼音「YUM CHA」裝修絕對唔係傳統嘅酒樓，新派之餘帶點華麗效果，俾人感覺都幾好。有小吃、小菜、點心等等，但我相信大部份人都應該集中叫點心，始終呢度係點心最出名，原本仲諗住做咩唔俾茶水，原來係餐牌度揀，最後揀咗白菊花茶。黎到好似話系一定叫戈個好卡通既奶黃包同埋豬仔叉燒包，最尾就緊系兩樣都叫左，媽呀我終於見識到嘔奶🤣入面有啲鹹蛋黃味，幾好食呀難怪系招牌菜。對眼前面仲整左個位比人影「流奶」，幾貼心呀。豬仔好得意！真系好岩影相，豬仔叉燒包皮比較厚，叉燒同汁味濃，但叉燒甜左啲，同埋入面叉燒份量多啲會更好，有種吾夠喉既感覺。仲有一款都有啲人氣既就系鴨仔鳳梨酥，最得意既系有個鳥籠裝住，好盞鬼，得意到吾捨得食，外皮好軟林林，入面既鳳梨好香呀，細細舊岩岩好，吾會太漏，不過呢味堅貴囉。媽咪話咁樣影好似鴨仔系度游水咁🤣質素一般，果然食野都系叫招牌菜會好啲，蟹籽都幾大粒，不過好快就灘涼左，食落去吾多新鮮咁。

和媽媽去完科學館的玩具展，飲茶去。此店雖以可愛點心聞名，但我和媽媽還是點了個海鮮蛋白炒飯 "近墨者黑"$109。用料豐富: 帶子、蝦、杞子，炒得香亦炒得爽！點心方面，一籠八戒$49：叉燒包皮薄餡靚，豬仔造型極為可愛。透明波波$49：黑松露餃也是皮薄餡靚，好香的黑松露味。鴿吞鳳梨$59：鳥籠內的鳳梨酥，更是上乘之作。比起平時吃到的鳳梨酥，這裡的更為皮薄。咬開香脆的外層，就是酸酸甜甜的菠蘿餡，真是隻完美的雀仔。總結: 雖然在這裡用饍相對昂貴，但食物造型可愛，而且質素有保證，睇得又食得!

新年既某一日小熊同小豬心血來潮想食下點心就決定去呢間飲茶餐具好可愛，有條魚仔玄米味好香，茶味頗清淡新年有特別菜牌，我地order左如魚得水其實佢係蝦餃蝦都算彈牙既，不過皮好厚同埋冇乜味粉皮滑亦夠彈麻醬個味夠濃，份量亦足夠去拌均不過雞絲得好少，似係麻醬粉皮多啲 我地覺得又睇得又食得就係呢籠🐷其實佢係叉燒包😆餡唔算好多，但勝在包都唔係好厚同帶點煙韌食完都唔會覺得好飽手抓餅好脆，不過略嫌太油不過真係好食！至於其餘嗰3樣就真係好麻麻腸粉聞落好香好惹味既不過食落就真係完全冇味以上2樣就......算啦建議大家唔好叫

在這個年代飲茶不再是老土的事，因為飲茶也很也可以很可愛。傳統飲茶多為酒樓或連鎖集團酒家為多，最近五六年左右，新派茶館開始興起，專賣點心，不少也做得有聲有色，更勝傳統酒樓！Yum Cha 的點心，以可愛精緻賣相及創意，光顧是為了來飲個茶，吃吃點心，還是來影個相，呃呃like呢!青瓜蝦皮：很有創意的將做蒜泥白肉的concept融合成自創菜式，爽口新鮮的大蝦代替了肥膩的肥肉換，蝦肉本身爽滑，加上蒜蓉及紅椒粒的醋汁，味道酸甜清爽，感覺清新輕怡。鴿吞鳳梨：迷你鳥籠裡有三隻造型栩栩如生的小鴿子，鴿子內有菠蘿粒的鳳梨酥餅，賣相非常別緻，非常可愛。名字亦很特別，先聲奪人！胭脂玫瑰：一個玫瑰花造型的飽點，外皮撒了些玫瑰花瓣，所以帶有有微微的玫瑰香味，以花入饌，感覺很讚，非常girly的味道！睇住流奶：黃澄澄的突眼小包，是個流沙包。用筷子為她加了個嘴巴內裏的流沙餡料流出來，很是搞鬼！一籠八戒： 八戒，豬是也。一籠三件粉紅色耳朵豬仔造型的包。餡料也就是豬肉做的叉燒包，外型可愛趣緻，而且食落鬆軟好吃。另外，還有點青瓜花及素菜卷，同是健怡有益之選！餐廳亦有提供一系列本地手工啤酒，都是手工啤酒師釀製的特別啤酒口味

今日lunch去慶生🎂，㨂左間新派地方飲茶 —「飲茶」早兩日已經訂左位，所以一去到就立即入座。環境都唔錯，成大個open kitchen，見到好多師傅係入面埋頭苦幹💪🏿由於放飯時間只有一個鐘(但今日係早走遲返😂)，所以一坐低就拿拿淋點野食📝第一輪食物好快就到，先黎一份小吃併盤：寶石蘭度：其實係羽衣甘藍同埋紅石榴，羽衣甘藍切成薄薄一片本身無咩味道，點上少少醬汁，味道少少咸少少酸，幾好味😋青瓜皮蝦：薄薄既青瓜包住一隻脫左殼🦐，加上少少蒜蓉，味道ok啦，但無咩特別。雞絲拉皮：即係大家平時食既雞絲粉皮，由於我無特別興趣所以就無試到😅，不過賣相都唔錯。呢份龍鬚芥蘭除左外表特別之外，味道都唔錯，夠爽口，好多時出面食到的好多都會有苦澀味😖睇住流奶：流沙奶皇包是也。比好多地方食到既流沙包好味，又夠流心，係甜左少少，但都算係幾好味👍🏼吉川奶子：綠茶味流沙包，食落有陣陣綠茶味，一樣流心，無「睇住流奶」咁甜，好味😋胭脂玫瑰：有淡淡玫瑰花味道，餡料疑似豆沙蓉，不過玫瑰花味太淡了，感覺好一般😐一籠八戒：其實只係叉燒包，主要係比佢個樣吸引而叫，但可惜有位豬朋友個鼻整容失敗🙈近墨者黑：墨魚汁海鮮炒飯，飯粒分明，唔會

專誠為可愛的點心而來但想不到味道也不錯.這是尖沙咀酒店內的其中一間餐廳.店內新潮, 比較多外國食客.有3款茶揀, 比傳統酒樓特別.我們叫了花茶, 很清香碟都好靚我們是聖誕節期間來, 所以多了一款限定點心.雪人是紅豆包, 鹿是馬拉糕, 聖誕樹是雞批.這是叉燒包這是奶黃包, 奶黃真的會流心, 新鮮熱辣辣, 不錯!這其實是鳳梨酥櫻花蝦飯這個真的很出色, 飯不會太濕, 剛剛好, 櫻花蝦亦都很多很足料!所有點心都很不錯, 但價錢就相對貴些少, 店員要叫幾次才會有反應, 可能太多客人了.

屋企人在網上看到這裡的點心很精緻可愛，便book枱相約與小朋友們來試試，我們打電話book了下午一點（原本餐廳説只有12:30及14:00時段，但後來說13:00也可以）我們準時一點鐘到達，到達時門口已擠滿了等位的客人，因為没有清楚的位置等候及取枱位，後來有位職員拿著一份名單四處走找客人，有walk-in也有book了枱的，感覺十分混亂，雖然我們book了枱，但可能人太多的關係，大約也等了半小時，後來職員說有枱帶了我們到樓上餐廳，說是借了別家餐廳的位置而且需要三點還枱。我們到了樓上的一家餐廳坐下，環境也很舒服，見一位職員正在忙碌地收搭，知道他需要走上走落的準備，所以等了15分鐘後才可以叫食物，當家人在凊潔杯子的時候，發現杯子一抹紙巾上全是茶漬（見附圖），異常恐佈，於是立即告訴職員，但職員竟然不以為然.........由於太肚餓關係，我們唯有自己續一清潔乾淨。因可選擇之款式不多，我們前後點了7款點心，全部賣相精緻，但味道一般，最好味是椒鹽鬍鬚，埋單要$730，以這樣的價錢提供的質素，絕對不值，以後也不會再試

香港人個個都鍾意飲茶，我都唔例外，經常少即二人，多即三五成群，也會一起去嘆茶！不過食來食去都係一般傳統的點心。當然，發現有新經營、新菜式、新味道的，我們都唔會放過啦！ 早前就係發現這間餐廳名叫”飲茶”，當然名符其實真係”飲茶”，這間餐廳原來係剛剛開張不久。未入到餐廳已有驚喜，無啦啦有輛貨車在門口，只細看看原來只有車頭，而以開放式的廚房作車身，呢一點已很吸引客人的好奇心，有趣有趣！Logo設計都很有特色！這間餐廳裝潢似乎是非一般中式的酒樓，餐廳場內非常之大，有很多坐位，但又唔會有迫狹的感覺，很舒適！它們選用好得意嘅碗，碗裡有條立體金魚，湯匙是流線形的設計，連包紙巾都咁扺死，唔知道仲以為佢係”安全”之物……真搞鬼！先來一碟晶瑩通透的橙棍冬瓜，將冬瓜切成長條狀，配搭橙味的汁，更與橙皮為伴，很特別，入口清新，食落有清爽的質感，配上香甜的橙香，真係好醒胃，絕對充滿驚喜。看見造型可愛趣緻的豬仔頭，我都引唔住點了呢個點心，豬仔頭即是叉燒包，真可愛到極點。雖然我都係豬，但都要食你落肚，對不起了！哈哈！皮好軟、叉燒好香、味道很鮮！唔怪得好多客人都是必食之選！用龍井茶葉，配松子仁、杞子去炒新鮮的魚，加埋焦

當晚卜了7點半開始，因為實在有太多菜式想試，但兩個人實在有點困難，但實在太吸引喇，都引唔住點了不少個菜。味道同造型都很好，下一次還會再來，而且會叫多兩個朋友，試更多款！

相信近期 like 爆社交網站的多半是這班豬八戒又或是這個睇住流奶 look造型確實人見人愛，那個女生不想親親佢哋呢？一家名叫 "Yum Cha" 的中菜店靜靜地在尖沙咀啟業了，剎那間已經吸引了我們一眾 blogger 的注目，相機先吃是我們的嗜好，難得有好題材，我當然不甘後人，找到兩三個志同道合的，下班後到訪。原來餐廳位於一家尚未啟業的 Boutique Hotel "Altitude" 內，未到步已見型格，彩色lego積木狀的入口，進入如逛畫廊，但所謂畫廊只是錯覺，它們只是手繪圖畫及照片而已！酒店內置兩家餐廳，中式的Yum Cha 及 西式的 Urban Park，目標清晰，我們不多心，先試前者。電梯抵達三樓，即見開放式廚房，馬上可見偶像們的真身，趣緻點心準備就緒。餐廳食品完全中式，並不 fusion，只在是在玩嘢，利用造型及刀功，把本來大家熟悉但外表見慣不怪的菜式重新包裝，以美侖美奐的姿態演繹，果然煥然一新！據說點心師傅非常年青，八十後果然熱衷創新。餐單上選擇不少，除了點心外，有小吃、湯、小菜及麵飯，是套完整的餐單；菜式取名有心思，文雅得很，貼切，亦別有用心，詳情下文有述；而且強