古今二 (荃灣千色匯I)

营业中

休息中

是日和朋友來到荃灣千色匯附近行街，遇見古今二居酒屋。食了沙律、卷物、小食樣樣都好味，下次要帶媽媽來食一轉先。日本温室南瓜沙律 $58採用日本温室南瓜，瓜肉連皮食依亦安心，食落好有口感不會只有瓜蓉，沙律面再佈上杏仁片及蟹籽，伴有小蕃茄，好食。蜘蛛 $88卷物包住炸軟殼蟹身、青瓜絲、牛油果、蟹柳及蟹籽等餡料，爽脆中帶點柔軟，好味好味。火焰金龍卷 $98擺盤吸晴有威勢， 三文魚腩經輕微火炙過，帶來陣陣煙燻香味，餡料仲有芝士及炸蝦，口感層次豐富。雜錦天婦羅 $88三款天婦羅包括炸蝦、紫薯及秋葵蝦肉，炸粉薄薄，炸蝦大大條唔油膩，紫薯肥嘟嘟夠晒甜，秋葵蝦肉好搶分，食落無黏黏的感覺而且同蝦肉好夾。三文魚頭湯鍋 $88食住沙律同壽司凍凍地，呢個暖鍋來得合時，香濃胡椒味，湯底呈奶白色，有手掌般大的三文魚頭，仲有不少豆腐、菇菌同娃娃菜，食完暖胃又飽飽。

壽司卷又稱為卷物，係其中一種基本嘅壽司款式，不過依家佢不斷進化😆😆越來越多花款同埋配搭，無論視覺定係味覺都好吸引😍古今二真係 🈶️好多款卷物，而且佢哋個名都好特別。我哋今次就一次過試咗5⃣️款咁多😙前菜沙律🥗龍捲風沙律份量真係好大，喺沙律菜上放左一座蟹柳山😱網燒牛舌厚度啱啱好，所以燒完唔會過熟，爽口🈶️口感。卷物盛一份就已經🈶️4⃣️款卷物，最啱有選擇困難症嘅我，唔使左揀又揀🤣鰻魚牛油果卷加上鰻魚燒汁好惹‼️加州卷包裹住好大舊蟹柳‼️費城卷三文魚加上芝士口感好滑‼️金龍卷包住嘅炸蝦仲係好脆。忘不了你就咁睇個名真係估唔到佢係乜嘢，其實佢係芝士、炸牛肉加芒果🥭卷。壽司飯包裹住炸牛肉同芝士，再喺上個舖上芒果同wasabi沙律醬，令賣相非常吸引。三文魚頭湯鍋 份量又係好大，奶白色嘅魚湯入邊有好大件嘅三文魚頭、雜菜同埋豆腐。三文魚嘅肉仲係好嫩滑，湯頭亦都有好香濃嘅魚味。

夜晚冇堂食嘅日子已經食過古今二外賣覺得唔錯，於是星期日特登嚟dinner，人氣程度係全層得呢間餐廳要等位🤫 好彩唔係等好耐一心想食卷物，先嗌東京爆脆($88) 同忘不了你 ($88)🤪 東京爆脆(圖右)係蟹柳吞拿魚配搭芝士，餡料crunchy 幾有驚喜，而忘不了你 (圖左) 係芒果炸牛肉嘅組合，芒果夠甜食多幾舊都唔滯😚網燒牛舌($58) 送上枱已經好香，點埋個汁好！好！食！夏天唔想食太多飯就加咗龍卷風沙律($72)，份量好大勁多蟹柳😍 如果想食輕盈啲建議可以叫少沙律醬三文魚頭湯鍋($88)又係好巨型加足料😳 可能因為有落胡椒，勁怕腥嘅我都覺得很ok😚 最後要讚每位staff 都好有禮貌，食得好開心😎

呢間成日排長龍嘅日式餐廳，響餐廳外睇倒餐牌已經覺得吸引，啲卷物相片全部都好澎湃今次經過見少人排隊決定等位試一試～睇完餐牌真係樣樣都想叫😂😂😂龍捲風沙律 $68超好味嘅沙律 沙律菜好新鮮爽口，加上蟹柳絲、海藻、脆片，特式嘅沙律醬，口感好豐富 份量好大份好抵食，推薦網燒牛舌 $48平時蕃薯妹係極唔鐘意食牛舌！今次朋友想食，諗住串燒唔會好大份，點知有咁多😂 試一試，又估唔倒好好味 牛舌燒得好淋好juicy，沾埋醬汁，完全唔會有騷味。冬菇串燒 $25大大隻冬菇！沾上醬汁燒完入面依然好Juicy！ 好味😋三文魚頭湯鍋 $88點解呢度樣樣嘢都咁大份😂 三文魚頭勁多肉，而同仲好鮮味同唔會煲到鞋曬，有好多滑豆腐同埋野菜，兩個人每人可以飲到4碗 蜘蛛 $85 & 煙花 $95蜘蛛：炸軟殼蟹、青瓜、牛油果、蟹柳 卷物煙花：辣味三文魚、辣味吞拿魚、脆片最後嚟到嘅係主角～ 卷物 果然名不虛傳，好豐富口感好特別嘅卷物，份量一樣係比較大份，好好味好驚喜。食到兩個人攬住個肚走，都只係每人$225，抵食🥰

約咗老朋友飯聚 選址在朋友推薦的店Fusion日菜「古今二」 主打創意料理木系清新風裝修配上電燈泡 感覺唔錯牆上有明星合照媒體報導 似乎幾出名食物選擇多價錢合理又好味 擺盤幾靚卷物有創意配搭有層次 應該會再翻兜 -🐾龍捲風沙律🐾 $68超大一盆三至四人食都夠食 超級抵玩生菜上面 係滿滿嘅蟹籽蟹柳中華沙律撈勻後啖啖有餡 食落清新爽脆有口感-🐾茄子燒🐾 $35茄子以日式醬汁燒 再灑上脆身櫻花蝦軟滑又香口真心勁好味 燒茄子控必試-🐾網燒牛舌🐾 $48厚身牛舌燒得啱啱好 軟嫩唔韌有咬口點埋醬汁更惹味 份量都抵食有成六塊-🐾卷物｜富士山🐾 $88餐廳名物之一 係牛油果蟹柳鰻魚卷物蟹柳成座山咁高好澎湃 餡料啲味好夾再灑上脆片口感味道都好正 值得一試-🐾卷物｜東京爆脆🐾 $88以米飯捲著吞拿魚 再捲著香脆炸蟹柳面頭加上沙律醬灸燒 脆卜卜帶點焦香-🐾三文魚頭湯鍋🐾 $88奶白色鮮魚湯底裏 有大大個三文魚頭仲有豆腐同娃娃菜等 魚肉多仲幾嫩滑頗濃郁偏咸少少 份量好足夠幾個人食-

千色滙3樓嘅開揚店鋪，因為見到樓面姐姐笑容好好而吸引我入去。因為太餓啦，好快就發板叫左👇金龍卷：其實即係三文魚炸蝦反卷🤭炸蝦是脆脆的，食到最後一件都無淋，雖然唔再熱，但仍是脆的👍👍東京爆脆：呢個賣相唔吸睛，但非常推介，外面有紫菜包住，又有咁多醬汁，究竟點解可以仲脆過個金龍卷嘅呢，我好好奇咁拆開黎睇，發現個結構堅係用心，真心難做，抵佢咁好食😋😋😋龍卷風沙律：同一般嘅蟹籽沙律好唔同。除了蟹柳絲，蟹籽，仲有中華沙律，同埋生菜無切絲，係一片片的，我覺得口感更好。最特別嘅係，唔係單用沙律醬，食落去有少少微辣，味道更豐富😋😋😋茄子燒：一般茄子都會勁油，同埋大量蒜茸，多到都唔知食茄定食蒜。古今二用左櫻花蝦皮做toppings ，除了補充鈣質，更能提鮮😋😋😋三文魚頭湯鍋：正常味，唔腥😎但cp 值勁高，大大個魚頭，紹菜也是滿滿的，食唔完🤣🤣⋯⋯如果中意飲湯嘅值得試試。

<古今二>真係唔惹少👍🏻主打係卷物，喺其他餐廳都未必食到咁多款卷物！🌪超級龍卷風賣相非常吸引🤩表面有一層脆脆，究竟係乜東東？原來係薯片嚟㗎🤩加埋卷物入面嘅脆蝦，雙脆口感，的確帶有殺傷力，脆！脆！脆！亦夠哂香口😋芝士喺口腔入面散發香味，配合青瓜清新味，食完個口都有淡淡餘香😚🕷蜘蛛個名好有魔性，好有攻擊性🤣我心諗軟殼蟹加牛油果係咪會好油膩？錯啦！入口好清爽，又無油膩嘅感覺！味道亦好夾😍口感方面，外面柔軟，裏面帶少少鬆脆！估唔到呢份蜘蛛係咁溫柔☺️🥗日式麻醬豆腐沙律大大碗嘅沙律，沙律菜夠新鮮，芝麻醬夠香，豆腐每件都切得大大件，口感十足！加上我至愛三文魚子粒，三文魚子嘅油香加埋芝麻醬味，將沙律菜味道提升不少，食落一啲都唔寡😋夠哂開胃🐟三文魚頭湯鍋凍冰冰嘅天氣最啱飲呢個暖笠笠嘅湯😌大大個三文魚魚頭，加上豆腐同蔬菜，飲落味道夠哂濃👍🏻魚頭食落又唔腥，湯夠哂鮮甜😋

凍凍地要個三文魚頭湯簡直係唔錯嘅選擇🥰🥰兩個人都可以飲到三至四碗仲有個魚頭可以慢慢食（冬天冇得食三文魚刺身唯有用着Wasabi同豉油點下魚肉）呢個係我嘅食法可以推介俾你哋🤫龍捲風沙律🥗-非常令我有驚喜,但有甜甜酸酸嘅感覺仲有少少辣雜錦天婦羅🤫🤫最鍾意係天婦羅番薯細細粒容易食👍😘最後午夜同辣妹都係名不虛傳除咗我以上推介嘅食物好味之外估唔到手卷都係好好食以上都好足料，不過我成日都冇食嘢呢個兩人份量我可以食得晒。但正常要四人左右先食到

荃灣發現新店，行過路過當然不能錯過現在新張期有9折優惠此店有很多特別卷物壽司，串燒，刺身，鍋物都應有盡有。我和同事選了日式麻醬豆腐沙律壽司： 火山和彩虹卷三文魚頭湯鍋自家製香菇雞肉串日式豬頸肉串最快上菜的是彩虹卷外面有三文魚，吞拿魚，牛油果，油甘魚 賣相漂亮，刺身新鮮好味，中間是牛油果和蟹柳！火山真的物如其名，超高！吃到上面帶子粒，蟹柳絲，火灸過特別香，味道個人感覺甜甜地好味下面8件卷物，內裡是青瓜和蟹柳做中心。三文魚頭湯鍋味道清清地沒有味精，有菜有豆腐，半邊超大個魚頭，喝了很多湯。串燒方便2款好特別，就是特別大件，比普通串燒大件，啖啖肉很不錯 日式豬頸肉，咬下爆汁很香很爽口，正有一點比較離奇，我們點沙律居然最後才到，我們完全忘記，最後沒吃完因為已飽

嚟到呢間位於荃灣千色薈嘅古今二，臨近聖誕，嚟到呢間鋪嘅時候門口裝飾增添左一份聖誕氣氛。鋪頭嘅裝修都係以白色同淺色為主，呢度食嘅日本菜主要都係一啲日式嘅創意料理。前菜首先叫咗一客龍捲風沙律，嚟到嘅時候都幾有驚喜，因為沙律疊得比想像中高，賣相就真係好似一個龍捲風咁樣，亦都似一隻巨大嘅八爪魚沙律咁，用料方面就係用咗蟹柳、蟹籽同沙律菜加醬汁混合而成嘅沙律，份量都相當多。然後點左一客網燒牛舌，呢度嘅牛舌好在夠晒肉地，上碟時燒得夠熱，食落時候咬口都唔錯，唔會咬唔開。唯獨係個人比較偏向食一啲燒得較乾爽嘅牛舌，而呢度嘅牛舌就相對油膩一點。今晚最鍾意嘅一個菜式就係個三文魚頭湯鍋，雖然佢係魚頭，但係都算幾多肉食，而且肉質非常嫩滑，成個湯又充滿魚鮮味，配埋鍋裏面嘅蔬菜同埋豆腐咁食，感覺都幾滿足。至於壽司方面，叫左個金龍卷，即係炸蝦卷再加三文魚混合嘅一款壽司，感覺食起嚟就好似平時嘅炸蝦卷再加埋花之戀嘅味道，味道都算搭配；而最後就叫咗一客火山，顧名思義，就係將一啲蟹柳蟹肉，再加埋蟹籽同唔同醬汁混合而成，係一啲蟹柳壽司卷上邊堆成嘅一個火山嘅模樣。食落淡淡蟹肉都幾和味。

荃灣千色匯新開了(古今二)  這店一直想吃，但因為在觀塘所以沒去。餐廳以白色為主，像西餐廳裝潢，吃新派日式菜，有多款自創卷物很吸引。傳統刺身，鍋物，串燒亦有提供 。以劃紙方式點菜，很簡單日式豬頸肉串燒因為燒過口感不肥膩，反而很爽口，外表有點像五花腩同平時很薄款式不同，更愛這款厚厚感覺，肉質帶汁食肉人仕必定喜歡! 自家制香菇雞肉丸 比想像中大粒，而且咬開沒有散開，彈牙的像貢丸口感，菇香撲鼻味道不錯! 火山是古今二招牌菜有大量蟹柳絲，帶子，蟹子加上火灸，鋪在卷物上面，扮成一個火山樣子。除了樣子漂亮味道又香又滑，帶子和蟹柳肉實在很多，啖啖肉口感，配上青瓜蟹柳卷，不失其清新爽口。 三文魚頭鍋有半邊煎過三文魚頭，豆腐，娃娃菜，蔥味道鮮甜，魚湯白白不咸，而且足4人份量超大鍋。

古今在本港已有幾年歷史初初專售特式卷物的，後來開始轉型為餐廳改名成古今二食物的種類愈來愈多，不知不覺分店已有數間店內使用熱麥茶，味道頗濃香，侍應不斷幫助斟酌，基本上不用額外點飲品金龍卷 - $88招牌卷物之一新鮮醋飯卷著炸蝦和忌廉芝士，表面則有一片三文魚，排列成一條龍的形狀日式炸蝦的麵衣就是有種口感輕盈酥脆，又沒有油膩感覺，蝦肉還很爽滑彈牙三文魚入口結實飽滿，魚油豐盈入口即化忌廉芝士偏軟身味道較淡，不會奪去刺身的鮮味煙花 - $95招牌卷物之一以適量的辣醬調味的角切三文魚和吞拿魚粒，味道非常惹味，僅微微辣，不影響刺身鮮味再周遭灑上香脆的薯片和蟹籽，以及自家調製的沙律醬作點綴，圖案就似煙花一樣散開三文魚頭湯鍋 - $88半片三文魚頭的頸部及面部還有很多肉且滑嫩三文魚的鮮味更融進入湯，味道極鮮甜網燒牛舌 - $48六片厚切牛舌燒得軟嫩鮮脆且多汁，牛味很出眾，口感略帶嚼勁龍卷風沙律 - $68很多的新鮮翠綠的沙律蔬菜組成，份量頗為多有一層海藻比海帶更鮮甜，口感更脆嫩頂部有大量清甜的蟹柳絲及爽脆的脆片，形成豐富口感，再以芝麻醬調味