鳳城酒家 (已結業)

有幾個外國的親戚到港，約埋一班香港的親戚一起見個面食個飯。其實最麻就係要招呼香港班長輩，又要平，又要好食，地方又要就腳...一大堆要求。所以今次黎鳳城試一試。因為近母親節，只提早3日都訂到位都有啲意外，訂完位再上Openrice 睇下食評，發現有些餸菜要提前預單，唸一唸，打電話去準備定先，反正去到都係我點菜。訂咗7點，6點幾去到坐住等。7點左右1樓坐到滿，有客人冇訂位要等到8點半後才有枱。先上個燒味拼盤食住先，到7點零齊人再叫伙記起菜，邊傾邊食，唔到9點就埋單走人，門口仲有好多人等緊位。以下就是今晚菜單：1 鳳城一品拼盤 （中）$360 有乳豬，义燒，生腸，海蜇。除了生腸，其他一般啦，個生腸好爽口彈牙，一定要試。2 鳳肝金錢雞（預訂） $280 由冰肉，义燒，雞肝串在一起炸，加塊簿餅夾在一起食，好香口。冰肉做得好好，爽口唔會油膩，有個表妹話食完都唔知係肥豬肉。3 家鄉釀鯪魚（預訂）2百幾 呢個餸真係食刀功，聽就聽得多，食就第一次。鯪魚肉好彈口，魚皮炸得夠香4 大良炒鮮奶 $985 生菜包 $1286 上湯炸粉果 $98其實有浸湯冇浸湯都好食，我就覺得浸一浸冇咁油。不過

提早同家父食生日飯，老人家還是愛老廣東口味，尤其是傳統的順德菜，最後還是選擇去太子的鳳城酒家。鳳城雖有數間分店，但真正有老師傅監場的只有太子及北角店，其他的不吃也罷。雖然有些朋友說這兩店水準已不及往昔，但我只覺爛船總有三分釘的。由於家父早睡，一家人只能選吃午飯，菜式自然不及晚市那麼多。預訂了八寶鴨，這亦是太子鳳城最得我心的食物。八寶鴨是名符其實的手工菜，賣相實而不華，但內有乾坤。完整的鴨身內藏著蓮子、粟子、鹹蛋黃及綠豆等東西，那些內餡已吸滿鴨汁，加上肉亦酥軟，無牙的老人家也啱食，全家人均滿意也。上湯炸粉果也是我每次都鳳城必叫的。炸得香口的粉果放入上湯浸幾秒後，口感即起了變化，外皮變得Q軟，令人一吃難忘。再吃蝦多士（呢度叫鍋貼大明蝦），是傳統的味道，也是大人與細路同樣喜歡。叫多半隻招牌菜炸子雞，雞皮真的又薄又脆，是老廣東的傳統手藝。要了個例牌的彩豬，味道OK，但價錢較貴，性價比唔高。至於生魚就炒片及放湯兩吃，不過不失啦。雖然幾飽，但來到鳳城，還是要吃一些傳統點心，叫了個大飽，重溫兒時的味道。整體而言，太子鳳城還是沒令我失望，將來肯定會繼續幫襯也。

本身book左位，所以唔駛等。不過入坐冇幾耐就見全院滿坐，真係好期待。朋友大力推介既粟米魚肚羹，果然真係唔錯，唔會太稀似湯，又唔會太濃似芡汁。魚肚十分爽口，而且份量夠多，啖啖都有。跟手到蝦多士，真係好香脆，食落唔油膩，蝦味都算幾夠。鍾意食香口野既朋友仔就岩哂口味，連汁都唔駛點呀。再黎就係乳豬拼生腸。睇左好幾篇食評都見大獲好評，諗都唔諗一定要試下啦。第一口係有點乳豬醬食既，其後都唔駛點，因為其實都幾夠味，有朋友可能會覺得鹹tim。上湯炸粉果係另一個好多食評推介既，所以都有叫黎試下。第一次咁樣食粉果，其實真係幾好食，不過食一兩隻都幾飽肚。而叉燒就有點偏瘦，肥番小小會好食d，不過都算軟身，唔會似擦膠。幾有驚喜既鳳城炒飯，蝦仁夠哂爽口彈牙，蕃茄味好香，又解膩。

之前又有台灣朋友一行約十人來港數天其中一餐就來到了上次感到十分滿意的鳳城讓他們試一些充滿特色, 工序繁複的廣東菜平常點心常見的粉果, 改為油炸, 吃之前再浸泡一下上湯粉果炸的乾爽, 浸過後更加一點都不覺油膩浸過後又脆又軟, 口感獨特簡單的蒜蓉唐生菜, 味道香濃我也是去年才知道, 台灣的朋友們都覺得香港的菜種類多又很好吃名字雖說是雞, 但是沒有雞肉鳳城的出品比較簡單, 只是一層雞肝, 一層叉燒, 兩層冰肉串起烤成而且有點偏乾, 個人還是偏好蜜汁豐腴一點的用的叉燒也偏瘦, 冰肉很薄, 所以也不會太膩這次的大良炒鮮奶, 有一點過熟, 也沒有上次的香讓台灣朋友們驚歎其功夫和難度的釀鯪魚香港普遍到不得了的鯪魚, 原來他們大多沒吃過金華玉樹雞漂亮的名字當然是為了一道漂亮的菜式而起鮮雞蒸熟後起骨切件, 與一片片金華火腿排好, 搭配菜心同上難得在香港吃到連台灣人都讚好的高質雞肉要知道在香港, '食雞有雞味" 並不是必然的事.......雞味香濃, 而且蒸煮的時間掌握得極好, 完全就是皮脆肉嫩玉簪田雞腿, 再一次讓大家驚歎田雞可以這樣做菜西焗千層蝦, 出色炸功盡現, 不油不膩上次未有吃到的乳豬拼生腸跟上

星期六來，好彩訂左位，見到好多人等位。坐低，從裝修同侍應你就會感受到舊酒樓嘅味道！menu都好舊式，仲有係手寫。 叫左個二人世界同幾個點心。雞茸魚肚羹好大碗，可以分成七小碗，想像到兩個人食完都飽哂！ 羹夠哂味，仲有不少嘅冬瓜蓉同啖啖魚肚。鍋貼大明虾幾好味，個吓幾爽，點少少醋，酸酸地，更好味！ 招牌乳豬拼生腸真係正！ 乳豬皮脆，只有薄薄一層肥膏，d肉好嫩，正！個生腸都好爽口，果然係每枱必點之選！西蘭花帶子一送上枱就知做得不錯，帶子好大粒，亦夠鮮味，西蘭花加左薑絲炒，火喉啱啱好！ 燒賣好大粒，但略嫌豬肉多吓肉少。馬拉糕熱辣辣香噴噴，好軟綿綿，而且唔會過甜，係我嘅至愛！ 豉汁蒸魚雲係令人驚喜嘅，無腥味，好多薑葱加埋個汁食無得彈，而且魚肉夠哂滑！ 四寶滑雞札有兩大件，豬皮索哂汁，雞件夠新鮮，芋頭好粉。最後即炸嘅上湯炸粉果，熱辣辣，浸一浸湯，立刻咬一啖，食到嘅係懷舊味道！定必係每次都叫嘅點心！最後嚟一碗糖水，個綠豆海帶糖水係二人餐包埋，估唔到我地四個人，就俾左四碗我地，真係太好啦！糖水煮到好綿，但仍可咬到粒粒綠豆，又唔會過甜，為今餐畫上完美句號呀！