大榮華酒樓

营业中

休息中

被自助豬油撈飯吸引左黎原來係米芝蓮推薦（燒味點心）夜晚就淨係做小菜，小菜選擇好多，好多款都係傳統必食好有圍村特色✅甜酸酥炸大腸✅韭菜花煎魚腸✅五味雞✅芝士焗龍蝦伊麵✅茄子牛仔骨煲

第一次嚟元朗總店幫襯，下午茶時間，下午一點九去等位，排第四個，等左十分鐘就入坐。點左八樣食物，米粉賣晒，生菜唔肯定係家人畫漏左定酒樓漏單。見無菜到，我地無追。所以嚟左六碟嘢。六款食物都係好味呀。鴨腳紮：好多酒樓都無賣，時時都恨食，逢响酒樓見到有都必點蝦餃：四粒大大粒有兩粒爆開左，賣相衰D，但味道依然咁好味。沙薑雞腳：沙薑汁和雞腳超正，食唔晒回家再蒸翻熱食，更加好味五味雞：以為係有五個味道，食到豉油味，唔錯呀。薑汁雞飽仔：熱辣辣，係中間嘅包嘅位置濕左D味道OK。奶皇馬拉糕：夠熱甜道可以，香濃幾好味。美食滿意呀，期待好快又再嚟晚飯或嘆吓其他點心

蠔餅好食，重口味個餅好煙韌，唔係脆口嗰啲。小炒王都好食，有咬口，料多，重點係菜脯令成個菜好味咗一個層次，缺點係老人家誒牙齒唔好就食唔到，夏天配埋冰凍嘅啤酒，超夾。五味雞，唔係話唔好食中等偏上，相比起以前兩個較為普通。成餐飯五如果5分滿分，我畀4.5。服務都好到位，食左一個鐘多D換咗三次碟，埋單363蚊

光陰似箭…朋友聚首一堂…話說當年情…率先聯想起這間歷史悠久的圍村菜酒樓…酒樓面世的時候…我還未出世呢…長長的樓梯依舊健在…門前還有老舊的招牌…除了假日…點心價錢變得均一價…縱使時代變遷…內裡裝修已不像當年…但傳統的龍與鳳依然屹立不倒…餐牌只是廖廖可數的幾張紙…但亦是該店精華所在…人未到齊…我們三人先點選當歸雞腳作小食…一上枱已聞到陣陣當歸味…相信未必人人可以接受…雞腳不是太腍…還可吃到爽爽的雞腳根…但想不到雞腳不但沒有當歸的苦澀味…沾上沙薑還感覺有點甜…趁未人齊…一人兩隻腳毀屍滅蹟好吧…例湯是瓦煲上…大概只有9碗…湯渣除了瘦肉還留有肉味外…青紅蘿蔔的味道已溶入湯中…的確真材實料…清甜而無味精…想添飲都要爭崩頭呢…如果荷包有這些"金銀"般多就太好了…菜很新鮮…味道比較清淡…五味雞據聞是由5種配料加頭抽製成…雖然吃不出是什麼五味...只知道雞很嫰滑…看似很肥膩...但一點肥膏都沒有…而且咸中帶甜…不沾蔥油也很美味…鯪魚條是將整條鯪魚去骨起肉刴碎打膠…再釀回一條魚形的…炸得很香脆…還見到有魚皮呢...味道偏淡…芋頭煲椰汁味重...油鴨咸味適中...少骨好咬口...大家都按捺不住要點幾碗白飯來

一早打去BOOK 位, 大顆兒7人想早點食, 咁就BOOK 6:30啦..點知接線生話只有5:30 人數夠才比入,嘩 洗唔洗咁巴閉呀!一去到, 遲左10MINS, 但入面已經差不多滿坐,原來元朗D人咁早食晚餐架!!!!!!!!!!我們參考OPENRICE上的食評, 叫左焗魚腸, 馬拉糕,五味雞,好快就已經上菜啦!!我諗因為會有太才人叫這些招牌菜, 所以一早煮好了..但三樣都OK GOOD WOW五味雞有雞味也滑!!個魚腸一點兒煋味也沒有, 也沒有濃濃的胡椒粉味, 好美味!難怪是招牌...正!!!!!!!!馬拉糕 要點完, 再要叫店員上, 先上架, 好!豬油好像放左好耐,有D益味, $10一個飯也OK 這個就略遜一籌了, 炸得不透, 可能沒有太多人叫, 媽媽自家製的還比這個好食.9肚魚炸到骨也可以食. 正乳豬好脆也肥美, 熱騰騰 不錯仲布一個芋頭雞, 一個菜味道也一般 最後還有糖水送,有麥米粥或紅豆沙,我選了紅豆沙, 但太太...甜了.結帳時才發現, 原來所以餸菜一律是$70,好抵食, 怪不得每次經過都好多人等位啦!!!

同朋友去完錦田摘士多啤梨, 見咁近元朗, 就慕名來到大榮華. 我地見到order紙上既餸就樣樣都想試. 最後4個人竟然叫左 6樣餸. 金沙蟹粉扒西蘭花: “金沙”即係鹹蛋黃. 用鹹蛋黃同蟹粉煮西蘭花, 食落有鹹蛋”鞋鞋地”既感覺, 個汁又多蟹肉, 個人鍾意食個汁多過d西蘭花.鮮腐竹蟹肉菜羹: 味道鹹鹹地, 都ok, 但裡面竟然有好多碎蟹殼. 食既時候要好小心, 如果唔係真係連牙都咬崩. 燒腩仔: 有好多肉汁, 層皮仲好脆好香.五味雞: 隻雞都幾多肥美, 而且仲好入味. 唔駛點豉油同薑蓉都夠味.炒長遠: 見個名咁特別又出名, 就叫來試下. 但原來只係炒粉絲. 馬拉糕: 見到每一枱都有叫, 心諗唔通真係咁好食? 雖然已經好飽, 但都叫來試下. 佢係即叫即蒸的, 上枱時真係熱乎乎, 聞到好香. 咬落去好軟綿綿. 成餐最好食就係佢! 因為我地實在太眼闊肚窄. 搞到好多野都食唔晒, 成半碟雞要打包! 下次要同多d人來食先好.

今天下午入白泥郊遊. 元朗 咁出名, 今次終於可以試下. 2 人點了 3 個$55 圍頭小菜:1. 圍頭五味雞.2. 雞蛋焗魚腸.3. 蜆介炸鯪魚球.+ 砵仔飯$9. 可自制豬油撈飯.1. 圍頭五味雞~ 每一枱都order. 無他, $55 成隻雞比晒你. 當然一定系冰鮮雞, 但味道幾好, 似豉油雞, 但甜甜地同有香味.2. 雞蛋焗魚腸~ 我覺腥. 一試無訪.3. 蜆介炸鯪魚球~ 它是我至愛, 彈牙, + 上蜆介! '好意思' 好好食. 3 樣都好大碟, 望下隔離枱, 人地D 野又系好大碟 Wor~但, 砵仔飯就好少, 飯剛剛到砵底.....好似好珍貴咁, 飯真系好少, 要再叫. 豬油撈飯. 對未到40 嵗, or 富貴人家來講, 確系好新奇,新鮮既野黎既. 重有, 裝豬油果個樽. 我就有點意見. 咁樣求奇用果汁樽裝裝豬, 個賣相都倒胃, 難引起食慾...............希望會改善下啦. 抵食, 有機會 會再來. 不過要早!假期, 若要大枱 4:00pm 要來攞位登記, 好誇張 ga.未到 7 pm 的人, 幾拾人巳企滿樓梯.我地 2 人 ,

來元朗咁多次都係食壽司~今晚約埋幾個朋友仔一齊嚟大榮華食DINNER一向都愛食奶皇馬拉糕既我~今晚終於可以一嘗它了五個人叫吴以下食品' 大部份食物係 $55-60元一個餸~五味雞 ~ 真係幾好味喎, 雞肉嫩滑 幾有雞味呀~蟹肉長遠~ 超揾笨呀~ 得少少蟹肉炒粉絲, 一點也不覺好味, 仲話係出名菜之一.....金銀蛋莧菜~ 煮得太耐, 變咗色~ 味道一般啦, 沒有特別呢~梅子一字骨~ 呢個即係= 义燒骨上面淋上梅子汁, 都幾好既~ 豬油撈飯~ 我無落油, 因為怕肥呀, 只係淋上豉油, 佢吔既豉油都幾好味架~ HEHE因為好似不太飽, 所以叫咗 义燒手工飽~ (阿姐話好味喎,不是一般酒樓既义燒包皮, 係北方人既饅頭皮喎)既然阿姐推介比我吔, 我吔就信佢啦~ 試咗一籠有八隻, 果然好好味, 饀料不是濕淋淋的果種, 但我不知怎形容出來~一句講晒, 好味道~ 我食咗差不多二隻呀..... (沒有肥肉... GOOD AR)奶皇馬拉糕~ 終於出場既馬拉糕, 點解由高至低既~ 即係有些大件有些細件.... (又揾人笨???)真係好香蛋味同柔熟呀~ 第一啖食落口,好似以前細路女時食媽媽蒸既雞

身為半個元朗人既我居然未去過大榮華食飯，每次同人講起都俾D FRIEND笑，於是今次一於去大榮華食餐勁既﹗六點幾去到，嘩，個門口多人到.... 拎左飛之後就同FRIEND企左係度等... 又熱又焗....好彩個半鐘後終於等到啦﹗ 一坐得大家就急不及待咁點餸.... 叫左豬油撈飯，五味雞，炒斑塊，牛肉煲同一個湯，當然仲有馬拉糕﹗所有野都好有水準，好好食呢﹗ 四個人埋單都唔洗400蚊，真係好抵食﹗而且食完仲有紅豆沙送，抵﹗