首爾家韓國料理

营业中

休息中

與朋友聚會，友人提議食韓國烤肉。首爾家在酒店一樓，環境企理。我們的座位有屏風阻隔，很有私隱度。醃燒牛肉份量頗多，而且牛肉已經調過味，燒完包生菜食一流！五花肉切得四四正正，厚薄適中。店員不時會幫忙烤肉，服務很周到！她把五花肉擺放得很整齊，哈哈。五花肉的皮烤得有點焦脆，惹味得很。再度 encore 牛肉，今次試了醃LA牛肋骨。牛肉味更濃，好美味。包牛肉的鮮生菜籃，有生菜和白菜兩種，蔬果條都頗新鮮爽甜。紫菜牛肉包飯相當足料，卷得漂亮。

正所謂物以類聚，人以群分，作為一個食肉獸，身邊梗有幾個friend都好鍾意食肉，今晚就約咗大食老友出黎食韓式燒肉。呢間韓式餐廳喺酒店入面，所以環境比較寧靜，而且非常之乾淨企理。一坐低，侍應就拎咗6小碟黎，小碟嘅款式唔算話好特別，但味道都唔錯，特別係左下角嘅薯仔，甜甜地，淋淋地！仲有呢個乳酪味嘅蓮藕都好特別，爽脆嘅蓮藕配酸酸地嘅乳酪味醬汁，出奇地夾喎我哋今晚叫咗3碟肉＋1個石頭鍋飯，都幾誇張架呢個五花肉上次來的時候都有點，份量好多而且好好食，不過今次有幾件就肥咗少少。將五花肉放落個爐，睇住佢哋慢慢變色、慢慢熟，睇到我口水都流晒由於五花肉唔係太厚身，其實燒一陣就已經熟咗可以食，不過老友話燒耐少少，等到表面香脆啲就更加好味肥膏嘅部份燒熟之後非常爽口，明知肥，都忍唔住大啖大啖咁食瘦肉嘅部份都唔會鞋口，肉質都好爽，老友鐘意重口味少少嘅，點啲韓式辣醬食就非常滋味了！呢度嘅特級牛肋骨係必食推介！佢係完整一條咁樣上台嘅，顏色鮮豔的牛肉脂肪紋理分布均勻厚薄適中，剪開一件件，唔使燒好耐就食得！我哋上次試咗已經調咗味嘅牛肋骨，今次就食純味。我覺得純味好食啲，食到牛肉濃郁嘅原汁原味不過老友比較中意濃味嘢，呢次

這晚約了友人共晉晚餐。我們兩人均是哈韓族，首選當然是韓國菜。友人想吃韓燒，而我除了韓燒外，還想吃其他的韓國菜式，最後我們選了首爾家，這裡有燒，有唔燒，任君選擇。我們約了六點半，時間尚早，人流不多，只有兩枱客人。看餐牌後，燒的食物我們選了純味特級牛肋骨和五花肉。熟食方面，友人點了海鮮刀削麵，而我選了韓式冷湯麵。點餐後，服務員送來吃韓餐必有的小菜，而這裡有我最喜歡的薯仔。薯仔醃得很入味，很好吃，友人和我都吃不停口。泡菜也不錯，不會很辣，而其他則普普通通。燒的食材很快就到了，看到食材，兩人都眼前一亮，食指大動。看起來非常吸引。牛肋骨色澤紅潤，非常新鮮。五花肉層層分明，真的可以數出五層。我們迫不及待打算拿起燒烤鉗，把它們挾到爐裡燒，但店員比我們更快一步，替我們挾了五花肉去燒。看着五花肉在爐裡燒得吱吱聲，我們除了猛擦口水等吃外，就是拿起手機，對著它們狂拍照，然後放上IG呃LIKE。店員一直在旁邊細心照料我們的食物，到他把五花肉反邊燒，果然燒得很好。五花肉表面燒至金黃微焦，看得很想立刻把它放進口裡，奈何另一面未熟，只好繼續等待。終於上碟了，果然不出所料，非常好吃。雖然有兩層肥肉，但入口一點肥膩感也

餐廳位於酒店下，以為一定會好貴，但價錢可以接受，所以可以一戰！餐廳有分燒烤區同非燒烤區，我地今次選擇左燒烤。 點完野食就送上呢6碟既前菜，分別有泡菜、芽菜、魚仔乾、甜番薯、翠玉瓜、蓮藕。最中意食甜番薯，甜甜地，幾特別。純味特級牛肋骨($138) 牛肋骨原條送上，燒肉時，有韓國店員幫我地燒肉，佢好nice，想用韓文同佢講唔該，不過一時諗唔起「唔該」既韓文係咩店員整整齊齊地將牛肉鋪係爐上，完全不用我們動手！ 燒到七七八八時，幫我地將牛肉剪開 牛肉好juicy呢，肉質鬆化嫩口，牛味香濃濃郁。五花肉($128) 燒完牛肉就到五花肉，油脂分佈平均，層層分明。 豬味濃，油脂豐富，燒到逼出黎既油脂令燒肉邊變得脆口，建議不要點任何醬汁，咁就可以食到五花肉既原汁原味。 如果用生菜包住黎食，一定可以減低罪惡感！紫菜牛肉包飯($68) 米飯調足味，麻油味重，軟硬度適中，不會散開。配料有咬口同好足料牛排骨湯($108) 牛肉煮到好淋，唔會「鞋恰恰」，排骨湯比較清淡，有一種家既感覺。另有鹽胡椒粉樽供調味，朋友中意濃味D，所以佢加左D鹽作調味。底下有粉絲，亦有一碗飯附上。海鮮蔥油餅($88) 呢個海鮮餅我唔

喺酒店嘅位置雖然比較隱蔽但係熟悉銅鑼灣嘅人應該會好方便。店內座位擺設舒適，有韓國家庭式小店嘅風格。傳統嘅格局令到人感覺舒服。我哋係落單之後店員就拎左前菜，其中一啲不得不讚就係佢嘅薯仔，呢個薯仔真係非常非常非常好食，我瘋狂咁將佢放入口，除咗係因為我鍾意食薯仔呢我就佢嘅調味真係好好。好鍾意佢五花腩既擺盆，影相夠靚。五花腩嘅顏色非常粉嫩亦都有足夠嘅份量，經過烤一烤五花腩既肉變得有點兒金黃色，之後就可以食。有少少脆口口嘅五花腩真係送飯一流。肥肉嘅部份亦都爽脆，黎到首爾家必點。另外叫左牛肋骨肉，佢地醬汁有點微甜，另外亦都肉質鬆軟。不過燒嘅時候需要留意火候，我哋好唔小心咁小燶左幾舊。因為醬汁已滲入肉層內面，所以除咗香氣另外都多汁嫩滑。另外同朋友每人點了一個拌飯同水冷麵。朋友嘅飯味道十足而且有好多配菜， 一點也不吝嗇。而家諗返起都好想整返碗黎食。水冷麵令到胃口大增，而且凍既野可以中和下頭先食嘅燒烤，感覺好似冇咁熱氣。所以每一次食韓燒，我都鍾意點一客水冷麵。

走在邊寧頓街，依稀記得隆堡柏寧頓酒店的位置。坐電梯上餐廳嘅入口比較隱蔽，稍一不留神就會錯過咗。餐廳喺酒店一樓嘅位置，電梯門打開，見到小小嘅擺設同埋餐牌；睇一下餐牌，價錢合理，選擇良多，決定試一下作為食肉獸，最關心梗係睇下有咩肉可以燒！心大心細睇咗一輪，決定要醃嘅牛肋骨，五花肉，牛尾湯同埋炒粉絲。落左單之後，侍應就拎左六小碟前菜同埋醬汁黎，牛肋骨同五花肉亦好快上枱，一瞬間成枱就擺滿左嘢食啦講番啲前菜，韓式甜薯仔（好似叫 감자 조림）真係好好味，薯仔粉粉的，而甜味滲透整粒薯仔，味道偏甜但十分開胃；而涼拌芽菜同埋紫菜都好清新醒胃！睇吓今晚嘅主角：醃牛肋骨顏色比較深，脂肪紋理分佈平均，牛肋骨沒有切件，長長的一大塊。五花肉層次分明，顏色粉嫩，厚度適中，而且份量非常慷慨我哋自己燒左一陣，就有侍應過嚟幫我地剪同埋燒牛肋骨。侍應手勢純熟，而且掌握嘅生熟程度啱啱好。牛肋骨味道濃郁，略帶甜味（唔知係咪用咗梨汁去醃呢），肉質鬆軟，入口充滿肉汁，食到我地舔舔脷老公話送飯一流！五花肉脂肪豐富，一放落個爐度燒已經滋滋響，不過件五花肉有返咁上下厚度，都要燒一陣先食得。五花肉真係有5層，豬皮口感QQ，肥肉嘅部份燒得爽

「首爾家」，位於銅鑼灣隆堡柏寧頓酒店1樓，這間首爾家除了有韓式燒烤之外，還有一些韓式料理如炆牛肋骨、牛尾湯、韓式炒年糕和各式各樣韓式小食，而且質量高味道出色。八式泡菜 - 八式泡菜各有特色，我最愛海帶，酸酸地非常開胃而泡菜也做得出色，非常爽脆不太辣味道適中醃LA牛肋肉 - 醃LA牛肋肉，肉質嫩滑脂肪與肉的比例相當好，不會太肥也不會太瘦厚度適中容易燒烤而且牛味很重，質量好！五花肉 - 五花肉真的一絕👍🏻皮脂肪肉一層一層的，看見已經食指大動，燒烤之後皮爽脆，脂肪因為燒的時候把油份迫了出來，只剩下一層好像筋膜的東西十分煙韌，豬味香濃😋傳統石頭拌飯(豬肉) -材料豐富十足，加上太陽蛋汁攪拌和飯一起吃，真的好食到停唔到口牛尾湯 -熱辣辣牛味超濃，加上少許胡椒粉將牛湯更加提升，牛尾份量十足，牛尾又嫰又有咬口很多膠質。還配上白飯，真的非常飽飽青檸檬汽水 - 味道清新而且十分大杯，真的非常抵飲十分滿足👍🏻

近日朋友從外地回來，前幾天和他行經銅鑼灣一帶，想找地方落腳飯聚，在網上找了一遍，屬意一間座落於酒店大廈入面的韓國餐廳，遂起行去尋覓一下。這餐廳藏身於酒店裡面，據店員透露已開業近數年，但連在這區長大的筆者也完全未聞其名，實在有點神秘，而原來這一棟大廈裡還有好幾間餐廳，着實令筆者意想不到。餐廳環境乾淨舒服，座位之間距離適中，裝潢和周遭環境很有傳統韓國小店風味，加上當中亦不乏韓籍客人，感覺地道。一入座店員已自動放下6小碟前菜，而有些是外面少見的，好像炆薯仔、蓮藕粉做成的糕條等，連泡菜也是自家醃製的，味道不會太酸甜，較外面的多了一份鹹香。打開餐牌，韓食款式都算幾齊全，BBQ、石窩飯、韓式麵食、炸雞、人参雞湯和海鮮煎餅一應俱全。筆者二人點了鮮肉眼牛扒、五花肉、韓式醃牛大腸及傳統石頭牛肉拌飯。上菜前店員先將一個裝有水的鐵壺放低，裡面放有剪刀和鉗，供客人夾肉及剪開肉塊，跟韓國地道餐廳的傳統做法一模一樣。鮮肉眼牛扒，原塊肉眼扒放落BBQ爐燒烤，燒至外面微焦脆，內裡肉嫩Juicy，肉汁滿滿，肉味香濃，燒溶牛脂的油香慢慢滲出，不用配上醬油也甘香滋味。五花肉，裁得厚度剛好，脂肪一層肥一層瘦相間有序分佈平均，

平時食韓國野多數都喺燒肉 嗌餸食二選一 今次嚟首爾家點諗到可以一次過滿足到我兩個願望👅-先叫咗韓式拌飯 ($78)都喺個句見到隻太陽蛋就已經好開心～ 可惜今次無燶邊 小小失望～今次揀咗豬肉 其他配料都足 加埋辣醬 撈埋蛋汁 真喺每次食每次都好令我回味 不過個飯略嫌淋咗啲同濕咗小小-炆牛肋骨 ($128)呢個又喺每次必食😂 呢到嘅牛肋骨炆到幾軟糯 唔會好韌 佢個汁幾清甜 蘿蔔幾淋 而且好入味👅 送飯一流💓-五花肉 ($128)呢個脂肪分佈好靚～ 無咩調味 就咁燒夠哂原汁原味 唔夠味可點一點佢個辣豆瓣醬 正啊～👍🏼-醃豬皮 ($88)燒咗之後膠質好重😍 女士必食啊 補充骨膠原💓 而且佢醃個醬汁幾好食 唔錯唔錯～-重點喺 燒肉佢仲會送個蒸水蛋俾你👅 放喺爐燒 個底燒到有小小焦香味 而且入面又有啲蔬菜粒 店員又會幫你睇火 得就幫你拎起食得 個蛋整得幾滑💓另外佢啲小菜都好多碟 全部都好食又開胃👅-估唔到一次過可以滿足哂兩個願望 仲要味道唔錯👍🏼 如果好似我成日三心兩意 不妨可以嚟呢到試下👅

新式的韓燒店巳食厭了、始終傳統的比較好、装潢古舊有氣氛、食物款式不花巧、就是我想要的韓店。前菜四小碟、 味道不錯醒胃。蒸疍、疍味香濃、夾雜了葱花、洋葱粒、紅蘿蔔粒、有嚼口。醃ＬＡ牛肋骨（＄138）醃製的牛肋骨、醬汁深深地滲入肉內、多汁的肉質、鬆軟卻又有嚼勁、香甜的肉味一湧而出。五花肉（＄128）油份迫出、外表酥香、絕不油膩。鮮生菜籃（＄40）蔬菜鮮嫩、包裹烤肉可減油膩、淨吃當沙律菜同樣美味。韓式純豆腐湯（＄88）湯底濃稠、豆腐嫩滑、如辣度加多一點點更惹味。韓式泡菜餅（＄88）泡菜辣味欠奉、只感覺滿口粉漿、有待改善。 

年三十晚團年飯在沒有預訂下跟家人選擇到了首爾家食韓燒。這家店完全不起眼, 因為韓語老師介紹才知道這家地道小店。小店在酒店上面, 門面没有任何裝飾, 只有一片簡單門廉、一張摺椅及燈。店內佈置一樣簡單, 跟酒店環境相距甚遠。天花完全没有修飾。 只有這幾戔燈做裝飾。被安排坐於6人枱, 但只有一個燒烤爐, 不太足夠。送上來的前菜有5小碟(無味西蘭花併腸仔、辣味泡菜、甜味薯仔、無味芽菜及木耳倂甘旬絲)。雖然可以免費追加, 但是這些前菜非常簡單完全没有個人特色。小妹覺得韓國的前菜十分重要, 可反映餐廳特色及質素。下單後, 侍應開鑪時放了一碗蛋漿, 過了幾分鐘便變成蒸蛋。蒸蛋口感軟綿綿, 裏面有不得蔬菜粒, 這個頗有特色而且味道不錯。人参雞湯$158可以分到4小碗。味道不錯, 雞內包著的糯米軟綿綿, 食完過身好温暖。石頭伴飯 $88份量細。店方話這裡菜只是一人份量, 而且只有這份量供應。以這份量要$88真係貴。賣相都非常麻麻, 味道都非常一般。可以唔叫。韓式炒粉絲 $88味道一般, 不太突出特色牛肋骨 $228望落去都對辨, 肉鮮紅又有紋理。食落口感不錯, 多肉汁而且嫩滑。每碟肉類都有洋蔥及本菇做伴