利寶閣 (已結業)

今年團年飯揀左黎利寶閣，貪佢有粵菜放題，一個價錢可以有五十款唔同小菜飯麵甜品任食，就算香港未有真普選，起碼喺利寶閣，都可以唔睇荷包任點任食。放題平日夜晚$238/位，入單起計可以任食兩個鐘，雖然話限時，但時間都足夠，茶水每位連加一$17.6，新年期間賀年酸菜$13.2/位，不過留意返，每位另外仲耍收返原價加一$48.8，埋單人均大約三百蚊鬆啲，價錢雖然唔算特別平，但臨近新年都算合理。賀年酸菜係麻辣雲耳，雲耳爽脆，辣辣地幾惹味。其中一個回本位一定係任食北京片皮鴨同谷飼牛柳，兩樣都係喺出面自助區攞。北京片皮鴨皮下面唔會有太多肥膏，鴨皮燒得夠脆，連住少少鴨肉，用餅皮住食再加埋片皮鴨醬，味道拍得住出面茶樓散叫嘅片皮鴨。佛跳牆雖然唔係任食，但非常足料，入面有鮑魚、螺肉、瑤柱同瘦肉，唔會太油，好入味。椒鹽蝦鹹鹹辣辣，辣度只屬bb辣，不過就略嫌唔多夠鑊氣，但放題質素都唔能夠要求太多。黃金蝦味道比椒鹽蝦濃郁惹味。避風塘肉蟹加左幾多炸蒜粒一齊炒，所以好夠味。叉燒同燒腩仔唔會切得太薄，肥瘦適中。沙薑鳳爪沙薑味唔算太濃，味道普通。脆皮炸燒賣平時比較少見，係將平時嘅燒賣皮轉做炸皮，脆脆地幾特別。淨雲吞皮夠薄，

西式自助餐食得多，中式都係第一次。見到團購就試下啦，帶埋婆婆媽媽去，食到佢地讚。讚。讚。首先每人一盅佛跳牆，唔係味精水，真係有鮑魚炖既湯，好味再來大大隻虎虾上湯麵，虾好大隻好爽口。呢兩樣都係得一份，無得再加。之後就開始勁食大賽😂自助餐開始，為保持品質，所以都係寫紙即叫即整既，鍾意食海鮮既我地一定唔會放過肉蟹同虾啦，有幾款口味，我個人欣賞避風塘炒蟹，啲蟹好大隻架仲有膏添，超級正。之後新鮮片皮鴨出場，呢個都係任食唔使爭又唔使驚人少食唔晒，皮好脆口又唔會太肥，見到小朋友都食得好滋味。主餐食飽飽當然唔少得甜品啦，紅豆冰同杏仁茶要推介。仲有小朋友愛食既雪糕揀。呢次中式自助餐真係又抵又好食，好岩帶長輩👴🏼去食。

今日同舊同事黎到呢度聚舊, 同事話想食中菜, 就黎左呢度試下。一坐底對住維港海景, 雖然有少少建築物遮擋不過景觀都算好靚!先睇菜單, 炒小菜有分大同細份, 幾貼心, 唔怕眼闊肚窄! 餐廳推薦叉燒飯同佛跳牆set, 我地兩個人就叫左一位另外再叫左一隻片皮鴨同埋細份既炒蝦球, 店員有提醒片皮鴨份量較多, 不過我真係好想食所以照叫。前菜係涼伴豆豆同木耳, 無乜特別, 唔辣既。叉燒飯同佛跳牆先黎到, 有兩大舊叉燒配上一隻太陽蛋, 叉燒半肥瘦, 微微有點焦邊, 夠淋又入味。如果個飯可以跟少少洋蔥就會仲正! 值得一提係佢配的汁, 味道似醬油膏加蠔油, 有甜味唔會好咸, 點叉燒食真係絕配。而佛跳牆就非常足料, 有飽魚, 魚翅, 雞, 雞腳, 花菇, 瘦肉等等...我比較少食佛跳牆, 覺得入口好有鮮味, 同埋真係足料, 兩個人分都足夠既。片皮鴨非常大隻, 先原隻上, 等我地可以打個卡影下相之後師傅會再拎去切。包片皮鴨既皮同平時既唔一樣, 舊同事笑說好似一塊塊化妝綿, 又真係幾似! 上下各夾一塊皮, 配上青瓜京蔥, 再點少少汁, 外軟內脆, 又唔會太油bo。食到呢度已經有d飽飽地, 好彩個蝦球分量唔算好

爸媽都係好中菜嘅人，有朋友推介利寶閣，於是帶左佢地去食呢間中菜試下，覺得還OK啦🙈1. 叉燒蛋飯（跟佛跳牆套餐＄188)🍖🍳🍚本身想只叫佛跳牆，但跟餐好似抵啲，就叫埋個叉燒蛋飯，點知幾驚喜，半肥瘦叉燒好軟腍，蜜汁味又重，為成個飯生色不少👏🏻彤樂評分：8/102. 佛跳牆（跟叉燒蛋飯套餐＄188)個湯都幾濃味，而個花膠鎖住晒啲味，係唔錯，不過其他配料就一般啲啦😅彤樂評分：7/103. 鮮忌廉香芒糕（＄30/4件）依款我都係好驚訝，芒果味未到濃，但好香😋包住嘅餡合埋好出色，推薦必食👍彤樂評分：8.5/104. 蛋黃醬脆皮石斑粒（＄58)🐟石斑魚肉夠嫩，但外皮唔夠脆，好彩有蛋黃醬點綴一下😅彤樂評分：6.5/105. 生磨杏仁蛋白（＄30)見佢係即煮，但真係煮得幾耐下，杏仁味好香，不過同我一樣怕杏仁味就真係食唔到，不過彤媽鍾意食，同埋佢比你自己加糖，可以自己決定甜品，係做得幾好😁彤樂評分：7/10

是日夜晚一家人去咗尖沙咀，一共四個大人去咗間中式酒樓食晚飯嘆茶。講開又講，晚飯食西餐外國菜就多，又真係幾耐無夜晚去酒樓食飯，的確係幾回味。位於The ONE樓上嘅利寶閣，升降機門一開傳來嘅係濃濃嘅茶香味，呢個都係我整晚特別深刻嘅體會。 平日不算十分人多，所以部長相當快捷地安排好坐位，睇過餐牌最後柯打咗6樣菜式，1個叉燒飯配佛跳牆套餐，再柯打多2個甜品。等待其間，可能雨季所以室溫都偏凍，此時飲一口香片，茶水夠熱沖泡時間剛好，完全揮發出香片嘅茶香，濃郁而且易入口。不稍一會，最先到達嘅係小菜、叉燒飯同佛跳牆，雖然係一客，但個人覺得份量夠兩人分享，叉燒少少肥岩岩好，口感適中易嚼，十分夠味送飯一流；而佛跳牆更係令我愛不釋手，除咗夠哂足料之餘且味道醇厚，飲得出老火煉成，熱辣辣燙嘴飲真係好滿足。其後接住有蒜片和牛粒、八味豆腐、脆皮香芒蝦球。其中八味豆腐雖看似簡單，但其實最容易烹調失敗，不過店家卻煮得出水準，皮脆帶薯仔香，內裡豆腐選材成功，滑而且帶豆香，連脆皮一口食，食得出調味，唔會無味。而蒜片和牛粒都唔錯，牛肉粒脂肪同肉嘅比例均勻，入口軟身帶牛肉香，夾住炸蒜片一齊食更添幾分野味。然後明太子賽螃蟹、啫

月頭聽阿蘇在電台節目大玩派訪問利寶閣話事人，原來利寶閣已經20年了。節目當中，阿蘇大讚特讚個經典叉燒煎蛋飯，適逢廿周年，酒樓更推出午市價廿蚊有得食。午市，我邊有時間走去食呀? 但係又真係好想去食，唯有晚市走去食。今晚趁 Honey 做完 facial，就上嚟The One 利寶閣，都頗多人，莫非和我一樣慕名而來? 嘩! 啲水晶燈好有氣派啊!仲有海景位添 (雖然我哋對唔正)。茶杯、碗、碟都好講究，好精美。普洱茶非常香淳。酸菜都幾好食，唔太酸，但非常開胃。睇菜牌見到一個例牌谷飼豚肉叉燒價錢係$128，而一個佛跳牆就係$148，之不過，一個優惠餐 “谷飼豚肉叉燒 + 佛跳醬” 只係$188，識食梗係食優惠餐啦。再叫多兩個小菜就夠食喇。【谷飼豚肉叉燒飯】這個絕對係經典。記得我細細個時，媽子間唔中會叫我去樓下街市買餐叉燒斬料加送，嗰陣時，有叉燒食係好幸福。依家人大咗，想食叉燒時，多數去太興或美心，總覺得比唔上細個嗰陣食嗰啲。今晚食到這個叉燒，感覺番咗嚟，好好食，又腍又香。另外，就係有隻太陽蛋跟埋個叉燒飯，係煎到燶邊嗰種，即係阿蘇成日在煮餸節目時提到一隻煎蛋必需要達到的水準。我就覺得，除咗個蛋邊