El Cerdo (大壩街) (已結業)

早前去灣仔店食過lunch set, 覺得幾高質一開返晚市堂食就約朋友去荃灣店，回味一下當年一齊窮遊西班牙嘅好時光我地3人行揀左Set A $888 2人套餐🎀沙律/餐湯 我地揀左餐湯，侍應好好人幫我地分好3碗南瓜忌廉湯味道濃郁，有少量南瓜蓉，好creamy 🎀60個月風乾火腿平時多數太咸唔好食呢個係我食過咁多唯一覺得好食嘅風乾火腿夠乾身 食落香口 咸度岩岩好🎀脆皮豬腩肉/青口/帶子/蝦 （4選2）我地揀左脆皮豬腩肉，塊皮十分香脆，腩肉肥瘦均勻，蘸埋蜂蜜蛋黃醬相當有驚喜！另外揀左燒帶子，原本只有兩隻，加錢要多左隻，侍應專業地提我地要配脆皮豬腩肉一齊食，兩樣一齊食果然好夾，口感、鮮味都一流🎀12安士肉眼扒影得唔係好吸引，但食落真係冇得彈3成熟煎得恰到好處，肉質味道都唔錯🎀特色西班牙海鮮炒飯（細份）足料海鮮，比例多過飯，味道亦非常似我地當年係Barcelona食嘅paella🎀香脆玉桂條配榛子朱古力醬美味的西班牙餐絕對需要呢個甜品作結尾玉桂條炸得脆卜卜，朱古力醬唔係Nutella，香濃幼滑，好感動食返當年係西班牙的味道飲品方面，另外order左傳統西班牙水果酒 Sangria $158/j

<El Cerdo>是荃灣少數的西班牙餐廳，推開黑漆漆的玻璃門，內裡別有洞天。高樓底的室內環境，空間感十足，酒架上放滿排列有致的酒瓶，格調浪漫，坐在近玻璃窗的位置，能看到熙來攘往的街景。傳統洋蔥薯仔西班牙奄列 $64西班牙奄列十分厚實，賣相像巨型蛋餅，切開奄列，內餡飽滿、軟糯，填滿薯塊、洋蔥，表面加上蛋黃醬，啖啖惹味、窩心。如果加入煙肉做肉餡，感覺更吸引。El Cerdo招牌西班牙炒飯 $198西班牙炒飯香氣迫人，除了滿滿的海鮮配料，米飯還夾合西班牙肉腸，啖啖滋味。青口鮮味肉厚，大蝦彈牙，吱上檸檬汁，更加鮮味吸引，米飯粒粒分明，每啖連同肉腸及紅椒絲享用，口感豐富和滿足。

想試下新啲嘅餐廳，又冇食過西班牙菜，睇openrice見到啲嘢食相又好吸引，於是就決定試下呢間，佢做緊happy hour買一送一，都係一個吸引之處帶子燒得好香，一啲都唔韌，腩肉好脆口，粟米蓉甜甜地，有淡淡嘅粟米味，唯一缺點係份量少，略貴整個奄列都係由薯仔同洋蔥做成，唔似出面啲奄列會有蛋，切開會有一粒粒薯仔，味道其實係食緊煎過嘅薯仔咁，所以冇乜太大驚喜，普普通通第一次食西班牙炒飯，配料都好足，有蝦，青口，魷魚等……其實檸檬唔知點用，所以用嚟唧左落啲飯到，感覺又幾fresh，中間有條小串燒，兩舊肉應該係羊肉嚟，一啲都唔羶叫左兩杯啤酒，一杯送嘅忘記呢杯叫咩名，有芒果，橙，青檸，梳打！味道酸酸甜甜，溝出嚟好好飲

今次嚟到El Cerdo搵食！ 自從上次食土耳其菜～食咗當去咗後～今次嘅目的地係西班牙！店內樓底頗高的～位置不多的30人左右吧牆上隱若可看到有豬的圖案～墊枱紙介紹豬的部位～平時見牛的比較多～豬真的第一次見～餐牌只有一大塊～但清𥇦地表示of the sea/of the land/of the garden～ 有趣！晚上8點前飲品仲有半價～抵！Virgin  Sangria  （$68）食西班牙菜當然要飲Sangria ～正宗的Sangria 是以紅酒、白蘭地、梳打、糖漿混合～加入水果和冰塊～血紅如寶石的色澤我點的是無酒精版～水果有葡萄、蘋果和橙～味道偏酸～都幾開胃～鮮蕃茄蓉焗法包 （$15）非常抵食的前菜～餐廳將焗好的法包片放上鮮蕃茄蓉～再配上橄欖油～非常香脆濃郁！鐵板燒蒜蓉辣椒炒大蝦 ($88)上枱時鐵板內的油還在滋滋作響～而且蒜香四溢～連隔離2枱都看過來～蝦肉彈牙～是新鮮貨色～亦可加上蒜片一起吃～增添另一風味～還有莞茜或辣椒～各有特色！脆皮豬腩肉配蜂蜜蛋黃醬 ($48)食西班牙菜當然要叫豬～豬皮燒得非常脆口～腩肉不會有油膩感～口感有點像中式燒肉～自家制醬汁有一點甜～和肉類味道很夾傳

荃灣廣場對面有間El Cerdo，門面睇落唔平，不過細心睇過餐牌後價錢其實唔太貴，呢晚就去試試。其中一面牆上係一幅用反光物料砌成嘅巨型畫作，細心咁睇原來係隻黑毛豬圖案。連餐墊紙都印咗黑毛豬圖案，同埋列出唔同部位嘅西班牙文，似乎黑毛豬係佢哋嘅招牌菜之一。試咗Mojito，餐牌寫採用冧酒、鮮青檸汁、薄荷葉、糖同蘇打水調出嚟，酒味唔濃，對女仔或少飲酒嘅人嚟講比較易入口，薄荷葉同鮮青檸嘅配搭又夠清新。然後係份量的骰嘅tapas，先嚟嘅係炸黑毛豬火腿球。吉列皮炸得金黃香脆唔油膩，內層就係5J級黑毛豬火腿碎同軟白汁，口感creamy，似晌度食緊極之軟身嘅忌廉薯蓉咁，又有啲似中式嘅炸鮮奶，味道唔錯。脆皮豬腩肉配蜂蜜蛋黃醬，豬腩肉嘅豬皮、脂肪同豬肉層次分明，豬皮脆卜卜，豬肉鬆化唔癡牙。蜂蜜蛋黃醬就加咗蒜蓉，酸酸甜甜咁可以減去膩感。最後仲試埋傳統洋蔥薯仔西班牙奄列，用咗洋蔥、馬鈴薯同雞蛋等煎成厚身嘅圓形。煎得外層焦脆，切片馬鈴薯同洋蔥絲軟腍，最內層仍然濕潤唔乾身。感覺上食物質素幾好，以同類型餐廳嚟講定價唔貴，如果晌九龍或港島區應該要多三分一至雙倍價錢，CP值都幾高。