富山麵家

营业中

休息中

富山麵家這間麵家眾所周知，是最多與卡通形象聯乘推出產品及活動的香港拉麵品牌，一有聯乘活動，自然超多客人排隊光顧，特别是女顧客，原因是除了推出期間限定的拉麵、小食及甜品外，亦會有精美限量的記念物品可以換購及售賣。但作為志在食拉麵的肥佬，自然不會對少女精品有任何興趣。撇開卡通，富山縣是日本一個有特色的地方，拉麵亦有獨特的黑醬油拉麵，而富山麵家亦貼有海報宣傳，日本本家總鋪的黑醬油拉麵在日本東京拉麵秀曾奪得5年的冠軍，分別為2009至2012連續四年，以及2014年，所以他們將這款拉麵改名為「冠軍黑醬油拉麵」。我在平日晚上大約七時到達富山麵家，雖然沒有任何聯乘活動，但由於銅鑼灣是旺區，內裡已有五枱客人在進餐，對於一般的麵家，要到大約七時半才會有客。這裡要先結帳才享用食物及飲品，除了多人選擇黑醬油拉麵之外，牛奶拉麵及蘋果沙律我眼見都較多人選擇。在此我聲明以現金以正價結帳，沒有收受任何店方任何優惠或福利，單據可參考相片。收據可參考照片。我選了黑醬油拉麵及芥末章魚，芥末章魚是我喜歡的開胃小食，我可以一邊看球場一邊吃完一大碗。至於黑醬油拉麵，我比較喜歡他們選用粗的極太麵，叉燒三塊，又大又厚而且入味，不

放左工係屋企附近覓食，黎到呢間拉麵店幫襯🥰這裡係小店格局，座位唔多，裝潢好似日本拉麵小店嘅風格。餐牌主打拉麵，另有沾麵同小食供應。特製雙拼蟹糕沾麵 $98有3款沾麵嘅湯頭可以選擇 (熟牛乳湯/味噌湯/辣味噌湯)，我揀左味噌湯😄拉麵面頭放左一撮蟹膏，撈勻蟹膏再將拉麵沾濃郁嘅味噌湯食，好滋味。店家選用左沖繩豬軟骨同埋日式叉燒，豬軟骨同叉燒好軟腍同入味🤩而其他配料有蟹柳、青瓜、粟米同溏心蛋，好豐富。冠軍黑醬油拉麵 $85呢碗麵大有來頭，拎到東京拉麵show 5年冠軍，所以我必叫呢碗拉麵🤗黑醬油湯底以醬油為基底，再加入雞骨、豬骨、鮮魚等熬製而成，黑黝黝的湯汁味道鹹鮮，這湯味道很有層次感。另外，有2片叉燒肉和半隻溏心蛋漂浮在湯面上，叉燒食起黎嫰口，味道好入味；仲有放左啲蔥花和一片海苔。粗麵條好掛湯，麵條食起來彈牙帶有點嚼勁。富山雞翼 $48雞翼肉質嫰滑，仲好juicy，而面頭灑左一啲芝麻，配搭特製醬油，食落香口惹味。熟芥末章魚 $38章魚和清脆爽口的山蟄菜配以芥末汁調製而成，味道清新刺激，口感黏韌，微甜香辣！日本波子汽水炭酸飲料 $18日本橙炭酸飲料 $18日本直送罐裝飲品，解暑解膩👍

仲未去到日本, 我先去富山麵家食個日式拉麵當去了旅行，真係有驚喜！首先講下環境，佢地嘅裝修好簡潔，但都乾淨企理，令人感覺好舒服。座位嘅間隔都有D距離，唔會太擠迫。服務方面，員工好有禮貌，好快就幫我哋點餐同上菜。食物就有少少失望！我點咗冠軍黑醬油拉麵同埋富山灣白鹽蝦拉麵，冠軍黑醬油拉麵湯汁夠濃郁，但富山灣白鹽蝦拉麵可以用只有鹹味黎形容，而且麵條無得揀粗/幼或硬身/淋身，我個人口味覺得麵條稍嫌有點硬。但一個around HK$100餐仲有埋一款小食同飲品都確係好抵~~~小食反而好好食--熟芥末章魚同章魚燒燒得啱啱好，唔會太硬，好香口又夠味。最後，叫咗杯用士多啤梨樽裝著的蜂蜜綠茶，好清新唔會太甜，好爽好fresh！總括而言，富山麵家嘅性價比非常高，中意硬拉麵朋友可以一試。

🫴🏻位於希雲街既日系拉麵館🇯🇵環境日系雅致，座位舒適🪑拉麵可以撰唔同份量，湯底又可以撰原味或清淡🤤而且有辣有唔辣🌶️任君選擇🤣價錢唔貴 食到又飽又滿足🌟👍🏻🍜特製雙拼蟹糕沾麵 （味噌湯）$98配料選用沖繩豬軟骨及日式叉燒，豬軟骨夠腍 有彈性，叉燒少少肥，蟹糕可口，味噌湯都好濃郁香口，仲有溏心蛋都好食🍜冠軍黑醬油拉麵 （標準/清淡）$85標準拉麵有130g, 另外仲有大滿足版本，但個人覺得標準再加小食已經好飽，份量都唔細，湯底撰左清淡 但唔會太淡，反而覺得咸度剛剛好，非常好入口，叉燒入味得黎肥瘦適中又香口，仲配埋溏心蛋🥟肉汁滿滿餃子 $42都係有5大隻餃，外皮煎至微焦，隻隻都肉汁滿滿，肉質軟嫰，配埋醬汁更加好味🐥富山雞翼 $48大大隻 有5隻，隻隻都舖滿芝麻同沾有特製醬汁，食落甜甜地咁，有d似食蜜糖雞翼，都幾好味❣️飲品：🍯凍鮮泡蜂蜜綠茶 $15🥤波子汽水 $25

<富山麵家> 銅鑼灣🔸彈性煙韌粗拉麵 🍜 🔸 辣味沾麵幾過癮 🌶️🌶️🌶️朋友講起肉桂狗 🐶 就諗起逢星期六、日都排晒長龍既<富山麵家>。我地醒目星期一過去就唔洗排隊 🤭 Kekekeke … 一入去就見到大大張poster 寫住東京拉麵五年冠軍，就睇下你有幾巴閉！👀特製雙拼蟹糕沾麵 ($98) ─ 沾麵醬揀左辣味噌湯(小辣)，佢個沾麵醬OK喎! 🌶️ 驚喜地無咸到腎衰竭，小辣其實都幾辣夠過癮。麵質有彈性得黎都幾煙UN係我鐘意既口感，配料都算多，最鐘意佢舊豬軟骨炆得好透徹，好似食緊啫喱咁 (動L!!! 動L!!!)冠軍黑醬油拉麵 ($85) — 朋友仔揀左個冠軍醬油拉麵，但好慘地比我拎左黎影相，凍左 😂😂😂 不過凍左都OK，變左做黑醬油冷麵都好食。而佢碗麵塊叉燒都幾厚，目測有0.5cm，我朋友(AKA黑洞小天后)食完無投訴，所以得到《夠飽認證》。我地仲叫左兩款小食，肉汁滿滿餃子趁熱食幾可口，串燒雞軟骨炸得幾脆、幾香口 😋 我見隔離枱個富山雞翼都好吸引 🤩 下次試下雞翼先！

今晚約咗朋友一齊試下位於銅鑼灣，喺日本攞過五年東京拉麵秀冠軍嘅「富山拉麵」店舖門面設計簡約，好有日本小店風格。店內可以選擇坐 bar 枱。全店只有24個位。牆上有張海報寫了邊5年攞了冠軍，確係勁麵類同小食都有好多選擇先黎一張全家福先1. 特製雙拼蟹膏沾麵配熱牛乳湯 ($98)。沾麵有日式叉燒、豬軟骨、蟹膏、蟹柳、溏心蛋、青瓜同粟米。牛乳湯好濃郁及香，誠意推介2. 冠軍黑醬油拉麵($85 / 標準)。湯底濃郁，拉麵煙靭彈牙，叉燒大大塊，仲有兩塊，好抵食3. 肉質滿滿餃子($42 / 5隻)，餃子皮薄，餡料多汁，餃子底微微脆，配拉麵確一流4. 富山雞翼($48 / 5隻) 。雞翼熱辣辣，配上蜜糖芝麻醬，整體來講，富山拉麵確係無得輸，下次仲可以試下二人餐，都係$268 ，真係好抵食又好味

拉麵位置吾顯眼，去開銅鑼灣入去試吓。富山雞翼雞翼面加左芝麻，炸至香脆，仍保持雞翼肉汁。肉汁滿滿餃子餃子皮薄，肉餡料份量多，加埋少少喼汁增添風味。冠軍黑醬油拉麵呢碗麵大有來頭，拎到東京拉麵秀5年冠軍，黑醬油湯底以醬油為基底，再加入雞骨、魚貝等一起熬煮，湯底入口有鮮味，不會太咸，麵質粗身煙靭，叉燒軟腍，高水準之作。特製雙拼蟹糕沾麵 （可選熱牛乳湯/味噌湯/辣味噌湯）配料有沖繩豬軟骨、日式叉燒同埋蟹膏，豬軟骨軟嫩富含膠原蛋白，日式叉燒不油不膩，沾麵汁我地揀咗清清地既熱牛乳湯，加配埋蟹膏，嚐起來鮮香，口感柔和。柑桔梳打日本直送罐裝飲品，有氣之餘甜甜地，解渴之選。

前排見到富山麵家有玉桂狗主題已經好想嚟打卡 不過比較忙依家先得閒嚟 雖然冇咗期間限定玉桂狗 但晚市依然好多人😈🍜特製雙拼蟹糕沾麵 💰98湯底可以選擇牛乳湯/味噌湯/辣味噌湯 我就叫咗平時好少可以試到嘅牛乳湯☺️果然好香牛奶味 而且好足料 沖繩豬軟骨 日式叉燒 蟹膏 蟹柳 半熟蛋 粟米 青瓜😌 蟹膏味道濃郁超吸引😍😍😍🍜冠軍黑醬油拉麵 💰85黑醬油湯味道濃淡適宜 唔會好鹹 而且麵質彈牙 叉燒肥瘦適中 仲有隻溏心蛋👍🏻🥟肉汁滿滿餃子 💰42餃子有五隻 餃子皮炸得香脆 入面肉汁果然juicy又有咬口🫶🏻🍗富山雞翼 💰48雞翼同樣有五隻 表面有除咗甜甜嘅蜜汁 仲有大量芝麻 食落更香口👍🏻🍹日本波子汽水碳酸飲品 💰18🍹日本柑橘碳酸飲品 💰18

《富山麵家– 銅鑼灣》拉麵一直以黎都係我既comfort food，特別係去日本旅行既時候幾乎每日都會試一間拉麵店😌今次去左試食一間都幾多人評價過既港島區拉麵，因為同My Melody 聯乘既關係，好多人都有去呢度打卡🤓而我就因為比佢個牛奶湯引到過去的😂雞白湯、醬油湯就食得多啦🤔牛奶湯唔知係咩玩法呢😆當日去到大約晚上七點，人流都幾多，可能啲人收工食飯時間，遲多少少黎都真係要等位😅，我同朋友兩個人都各叫左一個麵同一款小食share，仲叫埋飲品添💁🏻‍♀️冠軍黑醬油拉麵 $85朋友點咗呢個拉麵因為見到佢黑蚊蚊以為係黑蒜油，但食落原來甜甜地有少少似馬來西亞嗰種黑醬油既湯底，拉麵係粗麵所以都幾掛湯，個叉燒睇落都算厚身，不過我只係試咗一啖湯同面，費事食左佢啲叉燒比人打😂💁🏻‍♀️黃金蟹糕牛奶沾麵 $95我就慕名而來食牛奶湯嘅，但由於本人對沾麵有情意結，所以見到有沾麵都偏向會揀咗先，個牛奶湯比較稀身，但飲得出牛奶果種獨特嘅味道，不過唔算十分掛到湯，所以我會𢳂一羹湯再夾一住麵同少少蟹膏一齊食💁🏻‍♀️富山雞翼 $48雞翼個汁用咗少少蜜糖，個皮又脆卜卜又甜甜地，零舍開胃，我發覺我都幾鍾意食甜口嘅雞翼🤓💁🏻‍

🎌銅鑼灣平民日式拉麵店🍜卸下了卡通主題，店舖變回了比較日式平民拉麵小店，店員查詢都有禮親切，會細心介紹店內食物💕🥇冠軍黑醬油拉麵醬油味帶有層次，不會死鹹，果然店舖的招牌。义燒瘦肉之中，夾雜了少許脂肪。荀都唔錯，無左平時荀的臭味。🦀黃金蟹糕牛奶沾麵牛奶沾麵有種忌廉的味道，突然間有種西餐的感覺😆，但無忌廉湯那份油膩感👍🏻。強烈建議不要將蟹糕撈在整個麵，反而要每次將少量的蟹糕放落匙羹加上湯，就可以食到蟹糕的鮮味☺️！肉汁滿滿餃子🥟餃子保留到肉汁💦，皮亦厚薄適中！富山雞翼🐥雞翼表面有甜甜的醬汁和芝麻，外皮香脆，雞翼仍然嫩滑！凍鮮泡蜂蜜綠茶用了一個士多啤梨杯，好可愛！茶葉幾香，加上甜甜的蜂蜜味！店內還保留了不少隱藏Melody💗

呢排都好想食拉麵，唔知係咪因為covid之前（3年前）嘅呢段時間我係喺日本食緊拉麵…思鄉了🥹🥹所以喺等食某出名甜品之前，就去食附近嘅拉麵～🖤冠軍黑醬油拉麵 $90佢個湯底真係滿滿黑醬油味，最讚嘅係佢無乜味精味或者唔會過分油膩～同埋佢唔會太鹹！🤩拉麵條屬於粗身嘅麵質，比較彈牙同埋都有嚼勁，而且都無鹼水味～所以麵條都沾滿黑醬油湯底味嘅～而叉燒就係屬於薄切叉燒，肥瘦都均勻，又唔會太柴～💛黃金蟹糕牛奶沾麵 $95好重牛奶味同埋牛油味😳佢個牛奶味同牛油味加埋個湯底其實有少少似重牛油味嘅忌廉湯底～ 味道係夠味同埋夠香濃嘅～蟹膏其實都夠多，都好鮮甜～ 但係如果湯底係杰身少少會更好，因為咁樣啲麵會掛湯啲同埋建議可能用煲仔裝住啲湯會保溫少少，唔知點解有啲快凍🥲不過店員都好好人，肯幫我翻熱返🥰🧡串燒雞軟骨 $38串燒雞軟骨就正常發揮，都夠椒鹽味同埋炸得好乾爽香脆～🐔富山雞翼 $48個雞翼係最有驚喜🤩外皮唔係好油但係又唔係好乾～用咗日式醬油去燒真係香勁多，都幾濃味～肉質都夠嫩滑🥰💚凍鮮泡蜂蜜綠茶 $15用左個士多啤梨樽裝住，係幾cute😍 而綠茶係屬於帶有甜味嗰種，啱哂鍾意飲甜嘢嘅你地😆啲碟都用左my me

銅鑼灣希雲街出名多隱世好野食，朋友唔講都唔知，原來有間五年冠軍嘅拉麵小店🤩 前排就同男朋友特意去咗試試佢😌傳說中嘅冠軍拉麵就係佢啦！佢每個麵都分咗標準同大滿足size，等客人可以根據返自己胃口去決定😬 我揀咗標準size，呢度用咗粗身嘅拉麵，口感好彈牙同有嚼勁，幾鍾意🤩 叉燒食落幾軟腍，再入味啲就更好啦，而個黑醬油湯底都真係幾唔錯，夠濃味但又唔會太油膩！而男朋友揀咗個大滿足size嘅沾麵😆 大大pat嘅蟹膏食落非常濃郁，再加埋個非常creamy嘅牛奶湯底，出奇地夾！如果湯底再杰身啲就好，再掛麵啲😌 另外值得一讚嘅係，佢嘅溏心蛋整得非常唔錯，鍾意到想追加🤣見呢個小食有佢個店名喺入面，應該都係signature嘢嚟😜 原來佢係日式醬油雞翼，食落好有日式家庭料理嘅感覺，雞翼夠味，而且肉質幾嫩滑，唔錯！喺拉麵店有得食薯條都係第一次見🤣 好奇心驅使我哋嗌咗份，點知好有驚喜🤩 薯條新鮮炸起熱辣辣，食落好脆，加上簡單嘅芝士同海鹽調味，已經勁好食，男朋友對佢讚不絕口😆見到枱枱都有呢個士多啤梨樽🍓，仲以為係咩特色飲品，原來係蜂蜜綠茶😆 飲落好清甜，可以解膩，比起平時飲冰水更好😛總括而言，呢間五年冠軍嘅拉

銅鑼灣較為無咁旺嘅位置，坐落左一間拉麵小店❤️有種日本嘅感覺，止下番鄉下嘅渴先😆呢間富山麵家仲係得獎麵店，值得一試，當然麻甩專員都唔會執輸去食下啦！😍。凍鮮泡蜂蜜綠茶 $15賣相好吸引😍😍😍裏面有個茶包係鮮製茶 所以茶味好出都好清新不過就略略甜左少少。冠軍黑醬油拉麵 $85 👑經典醬油口味‼️醬油湯底濃得黎唔會好咸有種喺日本食拉面嘅feel🥺🥺溏心蛋做到半熟效果唔太咸拉麵煮得岩岩好，好適中唔硬唔淋👍。黃金蟹糕牛奶沾麵 $95沾麵湯濃郁 牛奶味好香好濃🧈 配埋蟹糕味道都唔漏 好鮮味🤤 蟹柳好濃蟹味 唔係假野😆驚喜位之一叉燒其實偏乾無乜味道無乜油脂。串燒雞軟骨 $38有四串雞軟骨燒得剛好，加埋椒鹽惹味無得輸。富山手羽 $48雞翼有五隻雞翼皮脆脆地，有少少醬汁喺面，醬汁唔係太鹹，個人覺得醬汁可以淋得均勻啲會再好食啲總結小建議：*沾麵湯略嫌稀左少少，唔係沾面汁果種濃郁杰身，唔夠掛汁🍜*店家選用嘅拉麵比較粗身，好岩鐘意食口感嘅朋友食👍*坐嘅位置比較迫，但都唔會唔舒服*整體係好食嘅有返左日本嘅感覺🥰🤣麻甩專員評分區📊👨🏻店內環境: 8/10食物外觀: 8/10食物味道: 8/10整體分數: 8/10翻

富山麵家 🏔黃金蟹糕牛奶沾麵 ($95 標準）牛奶沾麵醬汁味道甜咸而唔膩，味道幾香滑，但唔算好濃郁，比起沾麵更加合適做拉麵湯底，同埋如果湯底再熱啲就perfect🤏麵上面有一舊蟹膏，撈埋去麵到食都幾鮮濃，又唔會太搶口或者唔夾👍🏻而叉燒有兩塊，都幾滑嫩而且肥瘦合適🥓冠軍黑醬油拉麵($85 標準)黑醬油拉麵味道偏溫和，唔會好咸或者好重口，幾易入口👅湯嘅溫度俾沾麵熱，餐廳麵質偏粗，口感適中略有咬口，都係配兩塊叉燒同糖心蛋🍳富山雞翼($48)Total 有五隻雞翼，雞翼都幾鮮嫩多汁，醬汁偏多，味道偏咸，都幾重口濃郁，基本上每一忽都可以沾到醬🍗肉汁滿滿餃子($42)叫得肉汁滿滿又真係幾肉汁滿滿，食落係偏多汁嘅白菜豬肉， 就咁食會有少少油，好彩有得配埋醋食冇咁膩😋另外叫咗凍鮮泡蜂蜜綠茶 同 日本巨峰炭酸飲料🥤 蜂蜜綠茶用士多啤梨杯裝住，都幾可愛🍓飲落都清甜，正常發揮✅Extra Comment 🖍•如果係男士會建議食大滿足嘅麵量，大約都係俾多十蚊左右，如果唔太大食就標準都夠

富山麵家(22/6) 星期三 中午12:30左右特式：見網上好多人讚呢間拉麵舖，佢亦唔係唔好食，但只係覺得好普通，性價比亦屬正常，唔係太出色。食物：札幌味噌拉麵 - 90蚊，呢個價錢食一個拉麵唔算貴，但如果好食既就會覺得抵食，但呢個我只係覺得正常味道，所以只係合格，味噌味唔濃郁，麵質正常一般。冠軍黑醬油拉麵 - 78蚊，都係無特別及黑醬油味唔太出。飲品 - 跟配的蜂蜜綠茶，無特別，同道地差唔多，係個杯幾特別。環境：餐廳環境偏細同迫，當日平日午市係爆場既，好多學生，所以又嘈條路又窄，環境唔係咁理想。服務：服務態度麻麻，樓面及收銀係得同一個職員，所以都無乜時間理你。價錢：人均大約100左右。總結：拉麵嚟講佢唔算貴，但以佢呢個價錢，亦仍有唔少選擇，我未必會再試。