響葫蘆 燒物 . 居酒屋 (已結業)

團購，係，又係團購出事。我未食過咁細嚿嘅鰻魚，切到咁細（爭在未切絲），咪鬼比客食丫嘛，又要做放題又要咁小家。款呢絕對唔多囉！我第一次食放題係可以試哂啲款！刺身又唔新鮮！熟食只有多春魚同炸雞皮好少少。總括嚟講未食過咁差嘅放題！完！

前幾日已經book左星期日黎試這一個放題慶祝我朋友生日我們是用團購價的..雖然都會知道不會和團購相中一模一樣但我也想不到差別會這麼大,而且我見openrice上的食評也不錯不過真的很誇張首先.刺身盤都可以接受既這個就是蒲燒鰻魚 我真係o了我咁大個人都未試過食過咁小既但我朋友也說會唔會你叫得太小,所以先咁細份?然後叫多左數量..其實都只有手指頭咁大!!!!沒有最恐佈,只有更恐佈黎食放題見到有海膽一定會叫黎食..但想不到只令我們失望我無言了,你不如淨俾壽司飯我食吧中伏既放題我地都試過但這間暫時係我既伏中之王只能說,就算我地係用團購價黎幫襯.但都不要這樣欺騙消費者吧

已经好耐无来过这间放题食啦！就和几个好朋友一齐再来…去到竟然是四周年大酬宾每位顾客💰228超抵食呀！好一坐低紧系叫个超大刺身啦！还有什锦寿司…还有其他熟食水准一样没有变还有很多个款饮料……唔知道四周年大酬宾做到几时呢！超抵食下次一定再来

同媽咪在尖沙咀亞士厘道做完facial，發現呢條街的餐廳真是很多，晚上我地揀左響葫蘆呢間樓上的日式放題試下。餐廳有室內和室外選擇，室外的都有冷氣，所以夏天都不會怕熱，亦幾適合吸煙的人士添。menu的食物選擇比較少，但見到有些食物款式幾特別的。我們就order左幾款刺身，有帶子、北寄貝和希靈魚。帶子片稍薄，但鮮甜。北寄貝都好新鮮，肉質爽口。希靈魚切得夠厚身，咬落去很彈牙。雞肉串，軟滑的口感配上日式燒醬汁，幾惹味，後來有再加單。芝麻雞翼，表面金黃香脆，好香芝麻味，而且吃落去，個肉好滑嫩。燒小辣椒，辣椒不辣的，但又會有辣椒的香味。燒多春魚，媽咪必叫的，幾香口，肉質飽滿。燒牛舌，軟腍得來帶有牛油的香味。雖然menu的食品選擇較少，但論食物質素，不錯的，食得出師傳是用心去做的，相信小編會再encall的。

放假前夕又係狂歡食野既好日子，是日跟朋友黎到尖沙咀食日式放題。刺身刺身可以講係食日式放題既最大主角，十個有十個人去食都係狂點刺身食到七八成飽先食其他野食，所以刺身係對一間放題餐廳好壞既一個定位。呢間餐廳既三文魚十分肥美，一入口已感覺到好濃郁既魚香。油甘魚也十分出色，肥美好味。帶子刺身十分厚，肉質十分軟滑，還加有三文魚子在上面，可以點聚一下味道，還有不可不提既牡丹蝦，十分大隻而且蝦肉鮮甜肉質彈牙。海膽手卷好少餐廳可以食到好味既海膽手卷，呢到用既海膽十分高質素，因為落ORDER既數量有限，一入到餐廳已經叫左黎試下，果然沒有失望，海膽味道都幾濃下，而且份量十分多，真係要點既就要快手唔係想試都無得試。炸蠔/雞翼蠔炸得皮夠脆，蠔身仍保持左一定既水份，肉質仍然嫩滑，有香口又有軟滑，雞翼也不錯，首先是沒有雪味，其次是雞肉也幾嫩，而雞皮都是脆脆的，此兩款料理都做得不錯。蒸日本甜薯一般都是食燒蕃薯的，估唔到係呢到食蒜既都幾特別，好似點心一樣用籠蒸完上枱，感覺都不錯，蕃薯也十分甜。

放題食得太多，有時覺得間間都好似大同小異同時領略到，放題不可能全部款式試齊，但求某幾款出色中Hit左自己的口味。貴精不貴多。今次在響葫蘆食到幾款我覺得值得推介、令人印象深刻的食物。7:30pm來到亞士厘道的響葫蘆地方不大，有室外座位店裡四周以至點菜紙都大大隻字寫著不準浪費食物作為「環保戰士」(自稱)的小妹，忍不住俾個like！浪費食物可恥！作為放題，講真，響葫蘆的食物選擇不算多，不過有好幾款值得一講首先是這裡的手卷類食物值得推介這晚試了3款，3款都不錯海膽手卷用的雖然不是甚麼貴價海膽，但也沒有廉價海膽的腥臭味。質素和份量還是相當不錯。香葱吞拿魚手卷個人非常喜愛這個手卷，葱花絲和芝麻非常的香，加上吞拿魚油花粼粼，很是肥美。入口融化的滋味，一試難忘。這個我又連啪了兩個。中間是吞拿魚的油脂三文魚籽手卷三文魚籽手卷的三文魚籽份量頗多，粒粒圓潤飽滿，吃下也覺新鮮，很好！再來就講講放題的重中之重：刺身！這裡刺身的選擇頗多個人推薦的是魷魚及八爪魚類例如圖中右下方的芥末八爪魚和黃金魷魚彈牙又惹味，還有就是帶子和油甘魚，厚切又肥美至於蝦刺身，新鮮肥美，的確有部分的腸沒有除去，我就沒有點太多壽司也似模似樣

一年一度母親節，當然要請媽媽食好野，孝順下佢。聽朋友講尖沙咀依間放題好高質，於是就帶屋企人黎試試。餐廳既座位好闊落，唔似其他放題屋咁，枱細座位窄。舒舒服坐底之後，就急不及待開動！響葫蘆既食物選擇都算多，有刺身、壽司、壽司飯、手卷、炸物、沙律、串燒、燒物...刺身篇：三文魚 - 係超級肥美既腩位! 自問自己對三文魚都有要求。平時去酒店食自助餐，望到d三文魚係無光澤、無紋理既，我會寧願選擇唔食，費事浪費quota。但依間既三文魚，係俾最爽滑既腩位你!! 好少放題餐廳咁dump本!大讚!帶子 - 鮮甜大隻! 除左三文魚，我對帶子都好有要求。平時食放題見到話有「帶子」食，其實都預左係細粒個d柱貝。但依間係俾真．帶子你！仲要有甜味，唔係75x既無味帶子刺身。牡丹蝦 - 新鮮彈牙。牡丹蝦刺身我平時少食，因為係貴價材料，平時餐廳單點好貴，好難得見到放題有得任食牡丹蝦。響葫蘆既牡丹蝦連蝦頭蝦尾上，中間碌殻，比起平成二十二原隻唔碌殻上有誠意得多。蝦肉彈牙夠新鮮，不過稍嫌甜味不足，大概牡丹蝦係咁既味？刺身既話，本人都係prefer帶子多d。壽司：火炙帶子 - 又有我最愛既帶子~ 火燒過既帶子會比較甜，所以

開心要吃好的，不開心也要吃好的。放題，除了甜品外成為治癒系的，另一治癒系的熱門選擇是放題。能夠在一餐內吃到很多令人滿足的食品，大快朵頤真的是一件賞心樂事。今晚到了亞士厘道的日本料理吃放題，一起把心中的壓力揮去吧！小店位於商業大廈4樓，白色的大堂感覺清潔明亮，像是裝修不久。環境走出電梯，就看見一個新晰的燈箱，很小的接待區和各種牌照。店內裝修簡約而明亮。坐椅舒適度也不錯。餐廳設有戶外區。放題分2時段，分別是18:00 - 20:30 及 20:45 - 23:15，時間方面比較欠缺彈性。我們在近七時入座後，店員表示放題任食時間為兩小時，到八時就說還有最後半小時要最後下單，資料有點混亂。響葫蘆是DUUD 的獎賞餐廳，桌上設有DUUD餐牌，用已安裝DUUD可以賺取積分(打咭10分、影Snapspot 10分、關注餐廳5分、登入5分=30分)。獎分可以用來換禮物。星期四的晚上客人不多，感覺寧靜。正如其他日本料理壽司吧，採用開放式設計。我個人是比較喜歡惠顧連鎖餐廳，因為不少小店的衛生程度未如理想。驟眼看來，壽司吧整潔程度令人十分滿意。刺身刺身共有16款，最基本選擇是有的，但就沒有如象拔蚌那些比較高

話說我有荀盤介紹我朋友認識，三人同行約左係呢間響葫蘆食飯，雖然男方樣子不算是很出眾，但人品很好，而且為人老實孝順，重點是有一米八，有厚實的肩膊，如果我不是有男朋友而且我自問身高有點嬌小，我定會考慮考慮。但我的女方朋友比較害羞，若果不是我千拉萬扯她過來，她定必不出現，其實一早有意認識，就早該勇敢踏前一步！看見餐廳掛著這幅畫，實在似足我女方朋友用餐的狀況！哈！今天特別地見她坐得非常直，好像背部揹了塊板一樣。其實忍笑是很辛苦的！叫了個「極上二人餐」，即三人同行二人價錢，哈，因朋友太緊張，連肚子也不餓，才叫二人餐的。三文魚有點似是三文魚腩，口感非常地好！而且很新鮮。不知是否因萬聖節的關係，軟瞉蟹卷的打扮也有點似萬聖節造型，但看看Openrice食評又好像此為大廚個人風格！軟瞉蟹卷炸得很脆，而且熱度也足夠，加上那藝術風格般(?)擠上的沙拉醬味道配合得當，不會掩蓋了另一方的味道。而現在的我卻像燈膽般的生存。那兩雙眼對望，尷尬而喜悅的笑容，實在令人興奮又打冷震。我就先不客氣吃了個大蝦天婦羅，外層的粉炸得剛剛好，不會很油膩，只是現場環境很油膩。他們緊張的小動作都給我看在眼內。最後吃了個炒飯，味道也不錯

食完這頓飯，心中不期然泛起一個念頭，想不到這其貌不揚的小館子內，也有個有點功力的㕑師喎！老實說，在來此店之前，原是沒舍期望的，不過是周圍都太多人，想找個地方食餐飯而已。看到晚飯時間也不是坐滿人客深感不妙，再坐下看了看餐單，價錢恐怕是冷清的因素吧，既然已經坐低了，也不好意思走吧，就點了個兩人刺身套餐，隨意吃點吧！二人餐來了個四塊的刺身，有兩片是三文魚，另有兩片是白身，也不知是什麼品種，可是白色的魚一向不是我杯茶，因為通常腥味較濃，甜味欠奉，而且肉質較爽甚或有渣；可是這不知名的白身卻也肥美可口，而且不單無腥還帶少許甜，加上肉質軟滑無比又變成我杯茶了。三文魚是香港人最喜歡的腩位，自然亦無失手啦！麵豉湯是我喜愛的湯之一，來食日式料理店時總要喝上一碗，這碗少蔥多海帶甚得我心，而且內裡有幾棵嫩如豆腐花般的豆腐就最是正點！再來有個紫菜沙律，配搭幾新穎，紫菜加蕃茄加翠玉瓜加沙律菜，醬汁是日式醋比黑醋甜一點，再灑上芝麻令整個沙律更香。居酒屋嘛，炸物也是必食之選吧！推介這個啖啖肉超級大隻的蝦天婦羅，店家非常大方的採用了估計是特大型甜蝦來炸，炸得外皮相當脆，有點像薯片的口感，大口大口蝦肉食緊是享受到說不到話

係筆者眼中尖沙咀亞士厘道一向係異國食街西餐中餐快餐 日式韓式意式無論fine dining定酒吧抑或普通一餐飯全部都可以係呢度搵到隱藏於亞士厘道17-19號的一間樓上居酒屋晚上正價85折 令人不由自主想一試究竟所以筆者一行三人就到了這上樓的居酒屋一試第一要讚是這裡的服務態度在日本找到的manner behavior 響葫蘆這居酒屋有過之而無不及稍踏進已有不絕的歡迎光臨店員熱情招待下單亦不斷的點頭說是服務態度絕對滿分！這裡環境擺設都跟日本居酒屋很像就彷彿到了日本吃頓地道晚餐般一見到極上二人餐有銀雪魚 朋友就指住尖叫大嚷要食先來的二色刺身是吞拿魚和三文魚厚切的魚生令人看起來已覺興奮厚厚脂層的三文魚 食出每口即溶的感覺白裡透紅的吞拿魚同樣是啖啖肉肥美的魚生最叫人滿足呢再來的熱食 - 炸天婦羅沾上的炸醬稀薄 食落唔會有粉粉的口感加上什錦天婦羅能滿足不同口味的朋友所以很快就被我們一掃而空女性朋友最愛還是蒜香牛柳粒因為一口一粒 口感剛好加上經蒜粒炒過的牛柳粒有很香的牛油味牛味重而蒜香入味絕對要試啊!響葫蘆香橙焗銀鱈魚這個真的太好吃了!!銀鱈魚入口滑嫩魚皮略帶焦香而富口感以芝士配香橙焗後 魚件食落酸