和牛燒肉‧純

想食燒肉，網上搵到呢間，的確有驚喜。入口難搵少少，要問人先知。叫左個二人套餐，有前菜如下，蟹肉沙律，中間果個係茶碗蒸，和牛海膽卷。全部好好食。仲有刺身同湯，但唔記影。二人餐有好多款肉，各有千秋，全部都好好食。前面果碟係厚切牛舌，好正😍 二人餐已經好夠食，我哋食完飽到不得了😂唯一覺得要改善係佢上得太快，前菜未食完就上晒啲菜式，食唔切吖😆最後送左粒維記雪粒磁，隨機味道，我抽中左我最喜歡的芒果味。多謝😂

呢間「和牛燒肉純」真係忍唔住要一食再食！ 上個月岩岩食過，今個月有朋友生日，再過黎燒下，旺下佢！今次都係黎食午餐，因為燒肉既午餐真係抵好多嫁！特選五色和牛定食 $350有5款肉，每款兩塊。分別有：特選三角牛排肉，特選牛排肉，肩眼肉，上牛排肉，牛排肉。 由油脂重啲到瘦啲既都有！但係都係油脂分布好平均！超高質嫁！記得每塊燒到半熟就好，中間少少粉紅色就最好食！三色和牛定食$250朋友就叫左呢個三色定食， 就有三款牛，同樣係每款2塊。有上牛排肉，肩眼肉，牛排肉。同五色一樣，只係少左兩款，岩晒細食既朋友！

終於有個理由可以去食豪少少，今日中午揀左呢間食靚牛，相比夜晚，中午比較抵食。入面地方大，分左好多房仔同卡位，好有私人空間，座位相當寬敞，滿滿日式風格，環境好舒適，慢慢坐慢慢燒。食物質素好好，新鮮美味，真係豪一餐係值得。不過以咁既級數餐廳黎講，服務就一般般，可能剛開舖又已經幾多人黎，由入門口到比錢幾個侍應都目無表情。今次兩個午餐，每人大約$240。前菜 味噌湯 飲品沙律好新鮮配上醋汁，夠哂開胃。仲有兩塊牛舌，好淋好入味。味噌湯好足料，味道有別於一般。三色和牛定食 $250有上牛排肉，肩眼肉同牛排肉，每款有三塊，色澤紅潤，雪花分布平均，濃濃嘅牛肉味，入口溶溶地嘅感覺，同係日本食燒肉時差唔多，配埋跟餐嘅日本飯食會無膩。自選燒肉午餐 $170呢個就揀左日本產豬五花肉和牛紅肉，五花肉比想像中出色，醬汁好入味。迷你牛腩烏冬辣辣地好惹味，牛腩好淋身好香口，仲有啲蛋花係到。

終於到左周末，必備既節目就梗係周圍搵好野食啦。諗起好耐都無食燒肉，一於就同朋友中午黎依度食返餐靚靚燒肉先。 依排天氣轉涼，食燒肉真係岩哂。中午黎到都有唔少人已經燒緊，打開份menu，中午既lunch set 都好抵食，由100蚊左右到200元左右的套餐都有，就算唔燒肉都有壽喜燒，款式幾多而且價錢都好吸引。睇完之後，我朋友點了三色和牛定食，我就點了自選燒肉午餐。 點完餐之後過左無幾耐，服務員就拿了前菜來，有沙律及熟牛舌片，再加一碗面豉湯。 跟住主菜終於到啦，依set係我既自選燒肉午餐，上面個四片係牛舌，左下角係牛紅肉，隔離係牛胸外腹。牛紅肉同牛胸外腹係有醬肉調過味。 至於我朋友既三色和牛定食，左至右就係上牛排肉、肩眼肉及牛排肉。和牛色澤鮮美，油脂分佈平均，望到都流口水。 整反張團體照先。 跟住就開始燒啦，燒完一邊到第二邊，爐面唔易痴住塊牛，唔錯。首先燒和牛先，牛香而且肥美，但因為無咩調味的關係，可以適量加一些鹽或黑椒調味。跟住就燒我既自選燒肉餐既牛紅肉，因為調過味的關係，燒完唔使再點醬就夠味。 套餐仲包埋兩杯餐飲，加一之後每位都係250元左右，中午抵食之選！

今日要出街街買野！難得老公返晏！所以中午去食好野！一直都好想試呢間燒肉好耐！今次終於有機會試到！去到！地點都容易搵到！我地2點去到！待應已講明去到3點！2:30最後落單！過左午飯時段！所以都無咩人！我地叫左兩個set午餐燒肉!老公叫左$350 特選五色和牛定食有沙律，前菜，湯，飯真係好好食！好有牛味！再點上醬汁！真係一流！好食到停唔到口！我就叫左 $130 和牛牛排肉定食一樣有沙律，前菜，湯，飯一樣都好好食！好好味！正

仲有幾日就出發日本喇!未出發先興奮，即慶去食左餐和牛燒肉盛宴，結果非常滿意去左間評價唔錯既<<純>>店員推介我地試下一個特價套餐，有前菜有沙律有飯加埋一碟和牛拼盤，只係$880/2人 ，我地都覺得好豐富好抵食，就揀左呢個餐先來二款前菜清新開胃既沙律菜和牛特別套餐 $880一上枱已經流口水喇店員為我地介紹，由前至後左至右，分別係和牛肉眼，牛舌，牛胸外腹，豚腩肉，和牛上牛排肉。先燒無醃料既三款，最後先燒中間有醃料既兩款。然後店員送上兩碗熱烘烘既日本珍珠米飯，每顆都飽滿又軟糯， 其實好想多添一碗，只是怕肥...首先燒牛舌，薄切牛舌牛味濃，甘香爽脆！和牛肉眼牛味沒有很濃，可是口感超棒！入口即溶，油脂豐腴！是拼盤中我最愛的一款！和牛上牛排肉脂肪分佈平均，肉質鮮嫩，口感比肉眼有嚼勁~胸外腹是口感最有嚼勁的一款，這款接近內臟，所以必需燒至全熟的，牛味濃郁亦多汁！豚腩肉，這是拼盤中惟一一款豬肉，放上爐上幾秒就變得晶瑩剔透，超級引...因為非常薄，好快就燒熟，肉味濃又香口，這是拼盤中我既第二最愛呢！飲品方面點左蘋果汁 $40 同 蘋果醋荔枝梳打 $58兩杯都好清甜好好飲呀