韓雅林 (已易手) 新餐厅

韓雅林這問餐廳，真係可以話係小弟"由細食到大"既餐廳。試過多間韓國餐廳，都覺得係韓雅琳最好。今日七一到銅鑼灣又再去食。可能今日係七一，特別小人，上菜速度亦都較快。今次就叫咗三樣嘢食：人蔘雞湯、刀削麵、傳統石頭飯。先來八點前菜，款式多，任君選擇。相片係有，但係食到一半先至影， Sorry !第一碟餸來了！就係石頭飯！牛肉非常多，好香好香呀！有侍應幫你撈埋自己唔使撈，唔會搞到成身油煙味，擺一陣先食，仲會有飯焦添！第二就係人蔘雞湯，我覺得呢個係入面最好食嘅，極力推薦！ ！ ！隻雞肉好滑， 仲有大大條人蔘。呢個人蔘雞湯跟一個飯，我鍾意將啲飯囉一個湯度食。第三個就係刀削麵，好韓國風味！刀削麵好QQ ,好大胡椒味！食完仲有一個甜品，可以選擇紅棗茶或雪糕。仲送幾快西瓜。侍應大部份都係韓國人，服務態度好好。一定會繼續去！

Happy Friday!!! 早2日收到之前用信用卡幫朋友預訂的SoftHard演唱會門票, 急不及待要出來進行交收...朋友為答謝我, 今餐佢請, 咁我唔客氣啦, 呵呵呵呵...搵咗韓國燒烤、日本燒烤、同上海菜比朋友揀, 佢樣樣都想食, 最後揀日本燒烤, 點知訂好晒位間日本餐廳先打返轉頭話得水吧位仲要限食1.5小時, 即係迫我地去韓國燒烤啦, 雖然大家同樣都係限食1.5小時...訂咗7:00pm, 我地6:45pm就去到... 門口已經企咗好多人, 不過似係排緊隔離間台式Cafe... 朋友一馬當先, 叫都叫唔住... 唏, 你入咗鏡啦, 哈哈...大家還記得2005年12月中, 香港主辦世界貿易組織第六次部長級會議，約2000名韓國農民來到香港示威的情況嗎?!! 當時雜誌訪問在維園扎營的韓農, 報導指韓雅林係全港最地道的韓國餐館, 連來港示威的韓國農民都係幫襯佢... 我睇完報導後都即時來一試, 印象中係幾好味&幾貴&真係太地道唔係好啱我口味... 當年仲未開Blog, 無記錄可以睇返...原來餐廳門口個招牌都係得韓文無中文... 好韓呀!!!我地被安排坐2人卡位, 都幾舒服,

今日突然興起想食韓國午餐，於是一家人又再次幫襯韓雅林。每個餐都唔平，要六十至七十蚊，不過包埋8碟前菜同甜品，都唔算唔抵食。前菜：(其實每次唔同)主菜1：炒豬肉飯用泡菜炒，唔算好辣，唔錯。不過豬肉片較少，若可多幾塊肉片就好了。主菜2：炆牛肋骨煲呢個最正。牛肋骨炆得又夠「林」又入味，蘿蔔「索」汁超正。以前叫牛肋骨炆栗子煲，依家無左栗子。主菜3：燒鯖魚雖然賣相唔太吸引，但係鯖魚燒得好Juicy好香！甜品：雪糕套餐包紅棗茶、薏米水或雪糕。唔好以為送既雪糕唔好味，呢球曲奇雪糕非常重牛奶味，好好味！以前仲試過有咖啡、芒果等味道，都係一流！

食韓國菜都很喜歡到依度，鐘意食佢既前菜有好多款而且次次都有唔同。鐵板牛仔骨套餐 - 個湯用牛骨同羅白煮，好鮮甜味道很好。牛仔骨如果無咁油會更好，配白飯感覺無咁油較易入口，不過依然很好味每次我一定會叫。石頭飯 - 個人認為有點辣，飯焦很香。紅豆雪糕 - 每次都一定會食。

繼德國之旅後，這晚轉戰傳統的韓國料理----韓雅林～大約六時半左右和女友到達，那時餐廳並不是太多人，我們被安排坐卡位。為了嚐試傳統的韓國料理，我們叫了傳統的石頭飯和栗子炆牛肋骨～首先來的是六碟前菜，分別是凍豆腐、泡菜、醃茄子、大荳芽、醃蘿蔔絲和青瓜。較為特別的是凍豆腐、醃茄子和泡菜，豆腐嫩滑，配上獨特的醬汁，好味～吃完前菜，已經有半點飽肚的感覺，這時石頭飯來了，服務員問我們要不要辣，然後細心為我們攪伴鍋中的飯。當飯和配料被攪拌在一起時，香氣和熱氣從鍋裡湧出來，令人食指大動～吃石頭飯，必定要吃它的飯焦～這裡的石頭飯，飯不是太濕、飯焦香脆而不燶，配上生雞蛋和獨特的酸辣醬，甜甜酸酸的，令人胃口大開～除咗石頭飯外，這裡的栗子炆牛肋骨也做得十分出色，牛肋骨嫩滑而沒有炆過火候、栗子和蘿蔔也炆得入味，牛肋骨滲滿栗子和蘿蔔的清甜味～正 飯後還有紅棗茶、雪糕和生果，紅棗茶夠真材實料，不錯～這晚的氣氛不錯，室內佈滿韓式佈置、侍應們穿上傳統的韓服，令人倍感親切～