Hokahoka

营业中

休息中

位於好時中心的Hokahoka是居酒屋來的，已有多年歷史，位置有一點點吊腳，很多人說現在的質素大不如前，午市實測又覺得還好啊，免加一服務費，可說是超性價比之選。環境：餐廳分兩邊，分別是西式/和式格局，也有一排bar枱讓你親親壽司師傅的呢我們坐的是和式，要脫鞋上去tatami，埋位可以伸腳落地的那種，是有一點舊但還是很乾淨清潔的。服務：沒什麼亮點吧，就是上菜速度很快。食物：一個三色丼（雲丹、吞拿魚蓉、三文魚籽），吞拿魚蓉的份量特別多，非常厚實；漬三文魚籽一貫的好吃啊。雲丹亦即海膽，頗為鮮甜的，海水味也很濃郁啊

講起好時中心大家都係諗起沙嗲, 其實入面仲有呢間和式裝修嘅居酒屋, 入面更加有tatami房間, 有返咗家鄉嘅感覺, 聽講日本人都經常嚟食坐低就有前菜, 豆卜加支豆同蘿蔔蓉, 清新開胃鮟鱇魚肝鍋 - 係手寫限定menu入面, 鮟鱇鍋對日本關東地區係冬季嘅代名詞, 魚肉鮮嫩肥美, 魚肝同其他內臟冇奇怪腥味, 魚湯加埋皇帝菜同蘿蔔係超級鮮甜, 必食推薦金目鯛刺身 - 計返60蚊1塊都幾貴, 不過勝在厚切同用火槍輕輕炙過. 魚皮多一層焦香而且冇咁油膩, 魚味都夠濃串燒拼盤 - 中規中矩, 有青椒仔、雞軟骨、雞肉、豬腩、牛脷雞肉棒 - 可能就係冇寫月見所以冇咗隻蛋, 都係中規中矩本格焼き芋焼酎 やきいも屋 - 佢地酒menu應該超過100款選擇, 花多眼亂就睇酒標揀呢支"庶民の味", 可以要求加冰, 相對清爽

꧁𝗛𝗼𝗸𝗮𝗵𝗼𝗸𝗮💛꧂ #黃店推介高度推薦的居酒屋！日本人主理 將日本情懷帶到香港裝修好有地道舊式居酒屋feel 尤其是tatami的位置 超和式！訂枱時可以注明要求以便安排 (可是我沒有🥲後知後覺表表姐)幸運的話還可以欣賞店長自彈自唱呢(但店長已經番日本了🥺)食物種類非常多 樣樣都想試 今次只試了幾味 但全部都好有水準所以已有回訪的打算！☽ 前菜 ♥︎♥︎♥︎♥︎♥︎一坐低就有一小束涼拌素麵作前菜醋汁帶淡淡紫蘇葉味 仲有秋葵薄片作伴秋葵切得非常薄 所以潺液存在感不高 平時好怕秋葵的我都勉強接受到☽ 生蠔酢物 $𝟡𝟠 ♥︎♥︎♥︎♥︎♥︎三隻肥美鮮甜的生蠔😋😋😋好抵！醋汁有畫龍點睛之效!! 提鮮又僻腥!!下面嘅海帶都好食哈哈☽ 芝士魷魚酒盜 $𝟠𝟘 ♥︎♥︎♥︎♥︎♥︎ 好似係第一次食酒盜呢哈哈 試過就知為何叫酒盜 酒盜一般是鹽漬魚內臟 鹹鮮味非常重 𝗛𝗼𝗸𝗮𝗵𝗼𝗸𝗮的酒盜仲加入了仲粒粒魷魚 再加上味濃的芝士真的超下酒可惜當日腸胃不太舒服就沒有點酒☽ 燒開邊花魚 $𝟠𝟝 ♥︎♥︎♥︎♥︎♥︎香港的日式餐廳較常見的燒魚一般是鯖魚、銀雪魚、三文魚但在𝗵𝗼𝗸𝗮𝗵𝗼𝗸𝗮你會找到其他較特別的魚料理被menu上的圖片吸引到了 所以就點了

睇menu其實本身係諗住叫壽司同刺身, 但係因為太多小食想食最後係無叫魚生ge。但係所有小食都好好味!!!前菜沙甸魚苗乾: le個雖然薄薄一塊, 但係好香好脆好好味!!!! 清酒煮硯我反而覺得一般, 我嫌佢清酒味唔夠😂le個芝士立魚海盜好好味送酒一流!!! 必嗌!!!其他個d都好味～其實仲叫咗佢3杯燒酎飲, 檸檬味, 乳酸味同梅味, 3杯都好好飲 不過已經無特別影相lu~價錢同份量都ok,, 環境氣氛都好好推~~~

今次應該係小編寫食評以嚟介紹咁多間之中最貴嘅，但Hokahoka由外至內都非常日本，真係好似去咗轉旅行咁😝 埋單大約每人400蚊，但食物質素絕對ok，連個前菜都好正！如果覺得貴，將400蚊轉返做yen嚟諗可能會舒服啲🙊 😋 刺身併盤 - 松 $480 刺身拼盤分咗3個level，我哋叫呢個係中間嗰級，見其他人post最貴嗰個就有埋海膽，不過中級有埋鮑魚都唔錯😆 真係勁新鮮，鮑魚燒完都唔韌，其他魚生都好厚切，完全值返個價錢！  😋 天婦羅併盤 $120 天婦羅最緊要係層炸粉唔好厚，呢度係唔錯嘅。而呢個拼盤有好多唔同天婦羅，除咗有蝦都仲有茄子呀南瓜呀等等嘅嘢，幾好！ 😋 海鰻青瓜卷 $58 呢個無乜特別，都係普普通通卷物咁，啲紫菜係腍嘅，不過都唔知正宗壽司啲紫菜係咪咁樣🤨 😋 燒牛脷 $68 燒得好香口，唔會太韌，淡淡鹽香味，送酒一流！ 總結嚟講，質素勁高，服務勁好，如果想食平啲啲，叫定食嘅話都係百幾蚊就得，不過一分錢一分貨，食貴啲嘅體驗緊係唔同。抵食方面畀3粒星星，因為400蚊位真係唔係人人畀得起，小編都係最多可以耐唔耐一次😨 大家自己衡量啦無呃你哋㗎🤪

死佬飯局因多重原因，都停咗成年幾、兩年，暫未知幾時會搞番，不過，就有同個別死佬食吓飯、聚一聚。今晚，就多幾個死佬一齊，一行8人，就搞咗個小飯局。時間、選址都喺由佢哋負責，小弟就跟大隊按時出席，而所揀嘅餐廳喺尖東嘅「Hokahoka」居酒屋。個場好多柱位，又有少少轉嚟轉去嘅感覺，但整體其實地方都幾大，周圍都擺滿充滿和風嘅裝飾。其中一個大房更設置成「榻榻米」形式，更具日本風情。唔單止門口嘅飾櫃放滿大大細細嘅日本清酒、吟釀，更連牆身、枱墊紙都印上唔同嘅日本酒，可見店主對日本酒幾咁專注。前菜 $20咪以為只有酒樓收你前菜費，其實唔少日式居酒屋都一樣收，而且，比酒樓仲搶錢，斷人頭計。不外乎都喺啲甘筍絲、牛蒡絲，味道OK咁啦。本主餐牌又大又厚，又做成膠底，反反哋光，盡量影啦。翻一轉，就知佢哋賣嘅菜式甚多種類，刺身、壽司、卷物、串燒、炸物、一品料理、燒物、天婦羅、茶漬飯、雜炊、食事……等等一應俱全。此外，仲有一張類似推介嘅餐牌，製作簡單，有啲手寫嘅感覺。鮮茄沙律 $55雖然叫話鮮茄沙律，但裡面放咗好多青瓜，以及面面放咗啲雞肉。拌以黑醋汁，食落好清爽，但啲蕃茄就唔算話好甜、好濃蕃茄味嗰種。凍豆腐 $5

Hokahoka對我來說有特別意義, 他見証了我近幾年在職場上的歲月, 每次來吃都跟工作有點關連, 第一次隨當時的公司來是忘年會的二次會,。然後轉工作後因公司就在附近, 所以可經常到這吃午餐。到這次是跟要離職的同事晚餐, 每次來都有不同滋味。記得首次來光顧覺得像在日本的居酒屋, 不知是因為有日本人在的關係,來招呼的店員都會說日語, 很利害。這次因沒有訂座, 只可坐到吧枱位置, 正中我下懷, 喜歡剛處理好的料理立刻可放到面前的感覺, 好像特別新鮮。坐下來後店員先給每人一個前菜, 有蟹肉, 蟹子跟菠菜的冷盤, 很開胃。 同事愛喝酒, 生啤當然要配上串燒才爽。可惜這雞肉串($28/1串)並不出色, 在日本吃到的都是小小一串, 會把雞肉跟軟骨刴碎再混合, 但這裡的很大一串, 又沒吃到軟骨, 反而吃到應雞胸肉的筋, 咬不斷只好吐出來。還有是沒有付上生的鵪鶉蛋, 我們猜是因為怕多細菌吧。還好味道跟醬汁也不錯, 只是燒得皮不夠脆, 整體只屬一般。今天跟雞有仇, 再來點了炸雞, 雞肉又是超大的一塊, 是平時吃的2倍大少, 這樣做是為迎合香港愛抵食夾大件的心態嗎? 還好這樣大的一塊雞炸得剛好, 不會過熟

人生有個日本通嘅好朋友真係真不錯！話說工作狂嘅我其實真係唔係好知出面有咩係好食嘅。只係隨意撞入去，好彩就搵到好食嘅嘢，唔好彩咪上緊鬧兩句囉。但我呢位女性朋友呢，的確係日本通，對食物非常有要求，所以佢先知道邊度有好日本嘢食嘅。今日佢又帶我呢個鄉下仔出城。你到呢間尖沙咀有他他me嘅日本菜嗰度食下野。由於我哋五點幾未夠六點就去到，所以就那那林搵咗個靚位嚟坐啦。隔離左右呢都未有人。其實你話坐地下，我真係嚇到鼻哥窿都冇肉！因為我已經係三張幾嘅「老人家」嚟架啦嗎。腰骨已經硬硬地。已經好容易又腰骨痛，仲係坐地下幾個鐘頭。不過呢個他me原來係有leg room嘅,當堂安樂晒服務生都唔係幾理我地叫D乜嘢呢，waiter已經放低晒啲前菜同埋餐具。前菜係啲豆腐加一啲日本嘅豆呀咁樣整成。其實已經好開胃，好好味。我個朋友仔絕對係有主見，又好知道要食乜嘢嘅人，所以我就交比佢發板啦。先來一個南瓜沙律非常之清新又creamy.再來一個前菜日式葉蘿蔔。酸微微好開胃又爽口好鬼正！再來一個豆瓣醬青瓜。都係開胃清新夏日好啱食嘅前菜。跟住重口味嘅嘢就嚟啦。呢個燒牛舌是串燒係好惹味、香濃、肉質爽口。一不離二：就係「燒雞翼、我鍾意

尖咀大商場食到厭，行去尖東醒起呢間，二話不說就入左去。自從尖咀發展由尖東改為尖咀大商場一帶，尖東變得好靜，但有幾間成立多年又默默耕耘既日本餐廳，其中呢間係筆者特別喜歡的。可能係復活節長假關係，無幾多枱人食咋喎。首先係前菜(好似要收費), 辣芽菜青瓜絲，正正常常咁啦！筆者最愛既雜錦魚生飯黎喇 早兩年黎親都必叫的，水準保持到呀！ 吞拿最正，有toro入口即溶既感覺，三文，油甘好香， 飯夠黏但保持粒粒實淨既咬感， 撈左醋味酸甜恰好，必食推介！串燒拼盆好靚呀 牛舌最正，香口彈牙，令人想食多幾串添！鳥皮好脆 納豆卷呢，筆者不喜但也不厭惡，納豆沒有異味，算不錯吧！牛油露筍，香而不膩餃子看似簡單，但要做得好都唔易架！呢道味道不俗但皮邊有稍稍硬，有改善空間薯仔煮牛肉，甜甜既醬油味，完全係預期中既住家味道！有時去居酒屋就係想食呢種感覺，一大班朋友梗係要啤酒串燒炸物啦，但靜靜地就會想食d舒服既食物。。。 老實說味道唔算好特別，但食得舒適開心就得啦！唯一意見同香港大部分餐廳一樣，都係服務啦 香港地食野，好多時衰係服務一環，早年黎食已經覺得服務普普通通，今次食好似换左一批員工，比以前更木口木面 唔係唔禮貌

今次係第三次黎呢度, 前兩次都係公司既日本人帶黎, 感覺好似好地道, 咁arm朋友又想食似樣既平靚正"日本野", 就再黎啦~之前黎都 "滿員" (full house), 所以今次book 定枱先至黎食, 點知七點半黎到, 現場入座率只係一半, 真係今非昔比.打開menu, 好多小吃, 賣相吸引, 日本酒更有兩版介紹......Anyway, 我地一行三人, 都叫左頗多野食, 有: -串燒牛舌一客(四支): 十分厚切, 唔會乾爭爭或過於油膩,大家都讚掂串燒豬腩肉三串: 都juicy,唔錯串燒鷄軟骨: ok 啵(註: 牆上既手寫menu 話d串燒係用備長炭黎燒架!!)芝士年糕: 以為好咸,食落原來唔係, 外面似我地既咸水角入but面釀芝士,煙煙韌韌芝麻鷄翼: 熱騰騰上枱,好香口立魚酒盜疑似)日籍既店長介紹,佢話chef 自創, menu無寫, 不過個個都話好食,香脆外層有紫菜包魚肉,入面夾住發左酵既立魚魚腸, 可能口味不同, 我地覺得咸咸香香, 佐酒唔錯,未至於佢講得咁超級好食壽司"松" set ($200) : 一盤八件,有海膽sushi, 三文魚子軍艦, 不過小妹覺得未夠肥美, 只係