豊勝手丼 (已搬遷) 新店位置

朋友推介這間丼，行完電腦展就來試試，店員推介我們試三國海膽飯同馥之丼，原來佢哋剛改了menu，呢兩個是新的，既然係咁，就order呢兩個每個丼都配上小食，有麵豉湯、沙律同芝士豆腐，最特別係個豆腐，輕輕燒過嘅芝士呈半溶狀態，超好味三國海膽飯 ($288)喜歡海膽嘅朋友一定要試，一次可以食三個國家嘅海膽，分別係韓國、日本同加拿大。呢個丼真係好震撼，成個碗都係海膽，韓國海膽原板上，日本同加拿大嘅就在碗上，顏色方面，加拿大嘅最深色，之後係日本，韓國嘅反而唔係金黃色，勝在非常大塊片片分明，紋理分明，又香甜又濃郁，日本嘅就入口即溶，不過無韓國咁濃，加拿大嘅就最柔軟，海水味濃，而我就最喜歡韓國的一向喜歡用紫菜加飯食海膽，本來個碗都已經有三大片，大到可以一開二，但係海膽實在太多，店員見我差不多無晒紫菜就即刻再加比我，真係好貼心馥之丼 ($238)朋友食咗呢個，有碎蔥吞拿魚腩同黑松露火炙帶子。吞拿魚腩蓉好幼細，好多油脂，入口即溶好肥美；一共有6粒帶子，沒有刺身般厚身，輕輕炙過後，周邊微焦，入口仍軟綿，上面仲加咗少少黑松露，增加味覺層次牡丹蝦 ($68)另外仲叫了兩隻牡丹蝦，真係好大隻，肉質肥美好又鮮甜，

每一次想食丼飯，都會諗起呢間小店，記得上次食完之後一直念念不忘...... 親切的店員介紹新menu上的食物，於是我哋揀咗兩款新嘅試吓！小食芝士豆腐，輕輕燒過嘅芝士呈半溶狀態，超好味三國海膽飯 ($288)何謂三國？即係韓國、日本及加拿大。韓國海膽原板上，非常大塊片片分明，雖然顏色唔係金黃色，海膽肉上嘅紋理唔算明顯，不過出奇地鮮味超級濃郁，又甜又甘香濃郁，質感實淨；日本海膽嘅色澤徘徊在似韓國又加拿大之間，紋理比韓國嘅清晰，入口即溶，甘甜但比韓國嘅清淡；加拿大海膽係最肥厚嘅，紋理最清晰，色澤亦都係最靚，口感柔軟，不過唔係好甜，海水味超重帶微微澀味。食完三種之後，我最愛嘅係韓國>日本>加拿大！飯好有嚼勁，煙韌充滿彈性，喺索索聲嘅紫菜上加啲飯，放一片海膽一齊食，WOW世界末日又如何？！海膽嘅數量多到就算啖啖飯都加一片上去，都仲有剩！$288超抵價食齊三國海膽，食到有初戀嘅感覺~馥之丼 ($238)有碎蔥吞拿魚腩及黑松露火炙帶子。吞拿魚腩蓉打得幼細，油脂豐腴，入口即溶；6粒帶子唔算好厚身，但輕輕炙過後，周邊微焦脆中間軟綿，加少少黑松露點綴吓，為成粒平凡嘅帶子添上獨特香味牡丹蝦

心情奇差，差到唔食魚生丼真係會噴火，二話不說即刻嚟呢間好紅嘅魚生丼店食個晏先。下午1:30嚟到，估唔到舖頭係咁細，得幾張檯，好在都唔算多人，食得輕鬆啲。呢度樓底超高，四圍嘅裝飾好有style，幾有feel！前菜蘿蔔牛腩超入味，肉質軟綿，蘿蔔勁香甜！沢豐雲丹丼 ($298)玉子燒 (+$18)：唔係好甜，不過口感滑嫩，如果外層係金黃色咁就更加完美啦！中吞拿魚腩 (+$88)：雖然唔係入口即溶，但都非常新鮮出色，油份冇大拖羅咁多，但魚味香濃而且夠厚，好滿足！明太子 (+$28)：微辣，就咁食會有啲鹹，但只要撈埋啲日本飯食，我飽咋，否則添兩次飯都得呀！原板海膽：$298可以試晒兩款海膽，真係不得了，仲要係原板咁上，開心到爆！超新鮮軟滑，份量多到可以用紫菜包住食、就咁食、撈飯食，都夠食！平時總係要就住就住咁食，難得可以咁狂食，真係非常興奮！加拿大海膽：佢嘅海膽味比原板海膽濃郁好多，口感比較creamy赤蝦：鮮甜極彈身，蝦頭入面嘅膏正到爆！蔥碎吞拿魚腩：香口滑溜油脂香盛，食幾多都唔會覺得膩！整餐lunch都非常滿足，幾不快都會變到好開心。食食吓見到店員件制服寫住 '鳥居、漁獲、豚燻'... 原來

去SOGO買了不少調酒的材料後, 又要在銅鑼灣這個地段昂貴的地方找晚飯吃. 始終自己不太喜歡人多的地方, 走著走著又去了這裡以這2家店為目標. 刺身丼與拉麵, 想了一會後還是想吃豐盛一點. 店子小小, 裝修上看得出花的是心思而不是金錢, 換句話說可減省成本回饋食客. 這個餐牌裡的食材全部均用上日文及漢字, 在等待餐點的途中正好讓自己溫習一下. 點菜的方式有兩種: 從這裡的刺身裡選擇喜愛的三種或以上配成刺身丼. 或是可選店子的固定9種配搭, 另外店子還有天天不同的廚師推介, 這次我點最多刺身種類的Omakase丼. 這個Omakase丼是套餐形式上桌, 有湯, 沙律, 前菜及主食. 相當豐盛.日式紅蘿蔔炆牛腩, 較少有食店的日式丼會提供這類的前菜, 一般只是有漬物或沙律, 但這裡2樣都有. 其實光是這碗牛腩已是半份菜式了. 沒有三文魚籽而是飛魚籽, 自然是成本問題, 畢竟飯裡已有幾款貴價的刺身. 但飛魚籽配醋飯吃起來每粒卜卜脆, 光是這堆飛魚籽已足夠送大半碗飯了. 看表面的樣子, 還以為是2種不同的海膽. 實質是海膽的不同部位. 較面層的海膽吃起來有些許的苦味, 底層的海膽則是徹底的鮮甜

還記得早年觀塘APM地庫一田超市開張的時候，各式各樣新駐美食之中主打車仔麵式自選刺身飯的「勝手丼」相當矚目。近來在銅鑼灣，這間刺身飯生力軍「豊勝手丼」甫開張大吉便吸引萬千傳媒報導介紹，不少食客麵紛紛相繼潮聖。「豊勝手丼」不但保留了自由度高的刺身飯配搭，更提供了一個更加舒服的地方讓食客坐下享受美食。店面小小，所能容納的桌子亦只有四張四人桌，平日中午十二時多已經幾乎爆滿，搭桌實在是在所難免。除了有逾三十款刺身配料選擇之外，更有指定組合的魚生丼，最特別的是想不到一碗魚生丼竟然也有Omakase（廚師發辦），選擇困難症的食客想要吃到最為時令的刺身定必不容錯過；除了刺身飯外，看到旁邊食客點的二重特長鰻魚丼同樣相當吸引！當天我就選擇了大吞拿魚腩($88)、加拿大海膽($58)、秋刀魚($58)、赤貝($58)、三文魚腩($36)、魚仔($28)，總共$326，價值的確不算便宜，但是實在是度身訂造、最為貼合自己口味的魚生丼！最為吸睛的定必是正中的兩瓣加拿大海膽，濃鮮Creamy。大吞拿魚腩是吞拿魚中脂肪分佈最多的部位，入口即融，充斥魚油油香。原隻赤貝亦相當爽脆鮮甜。兩切三文魚腩肥美之餘更是非一般長！